Սամվել Բաբայանի մարտական ընկերոջ ինքնությունը հայտնի է. նա ՌԴ-ում բիզնեսներ ունի

«Օհանյան-Րաֆֆի-Օսկանյան» դաշինքի փաստացի ղեկավար եւ ԼՂՀ պաշտպանության բանակի նախկին հրամանատար Սամվել Բաբայանի հետ «Իգլայի» աղմկոտ գործով կալանավորվածներից մեկի ինքնությունը հայտնի է: «ՀԺ»-ին հաջողվեց պարզել, որ գործով կալանավորված մյուս անձը ՀՀ քաղաքացի, 56-ամյա Սանասար Գաբրիելյանն է: Այս տեղեկությունը մեր զրույցում հաստատեց նրա պաշտպան Կարապետ Աղաջանյանը: Նա պատասխանել է սույն գործի վերաբերյալ մեր մի քանի հարցերին:

- Պարոն Աղաջանյան, սույն քրեական գործի շրջանակներում ձեր պաշտպանյալին ի՞նչ հոդվածներով է մեղադրանք առաջադրվել:

- ՀՀ Քրեական օրենսգրքի 235 հոդվածի երկրորդ մասի եւ 235.1 հոդվածի երկրորդ մասի առաջին կետի հատկանիշներով: Հիմնականում գործով այս մեղադրանքն է, ուրիշ բան չկա:

- Առաջադրված մեղադրանքում ձեր պաշտպանյալն ի՞նչ դիրքորոշում է հայտնել, ընդունո՞ւմ է այն:

- Իհարկե, իրեն մեղավոր չի ճանաչել: Անկեղծ ասած, ես որոշ հակափաստարկներ մեծ հաճույքով կներկայացնեի, բայց ես կաշկանդված եմ նախաքննական տվյալներ չհրապարակելու պարտավորությամբ, հակառակ դեպքում անպայման կներկայացնեի, որովհետեւ դրանք հաստատ կան: Իրականում ակնհայտ անհիմն, չպատճառաբանված մեղադրանք է ներկայացվել, որոշ առումներով անգամ հորինված մեղադրանք է: Ես ուղղակի կասեմ, որ թերթերում ինչ-որ վարկածներ են հրապարակվում, դրանք ընդհանրապես որեւիցե ձեւով չեն առնչվում քրեական գործին, զարմանում եմ, թե որտեղից են նման տեղեկություններ վերցված եւ ով է տարածում:

- Այսինքն՝ նկատի ունեք այն վարկածը՝ համաձայն որի Իգլայով պետք է Սերժ Սարգսյանի ինքնաթիռը խոցվեր: Այդ վարկածը քրեական գործով չկա՞:

- Այո, այո: Նման տվյալ ընդհանրապես գոյություն չունի:

- Ձեր պաշտպանյալին կալանավորելու միջնորդություն ներկայացնելիս նախաքննական մարմինն ի՞նչ հիմքեր է ներկայացրել:

- Իբր հիմնավոր կասկած կա, իբրեւ թե իմ պաշտպանյալն անօրինական ազդեցություն կգործի ինչ-որ անձի, կամ անձանց վրա, բայց ապացույց չի բերվել: Հիմնավոր կասկածի բացակայություն կա, նրա խուսափելն ու խոչընդոտելու առումով որեւէ ապացույց չկա, ու այս հիմքերով արդեն դատարանի որոշումը բողոքարկել եմ Վերաքննիչ դատարան:

- Պարոն Աղաջանյան, Սանասար Գաբրիելյանը ճանաչո՞ւմ է Սամվել Բաբայանին, ի՞նչ առնչություն ունի նրա հետ:

- Ես գիտեմ, որ ծանոթներ են: Իմ պաշտպանյալը բավական ավանդ ունի Արցախյան պատերազմում, այսինքն՝ մասնակցել է Արցախյան պատերազմին, մեծ հեղինակություն է վայելում: Ես ձեզ կասեմ մի հանգամանք, ինքն ընդհանրապես քաղաքականացված անձ չի, եւ երբեւէ՝ անգամ որեւէ մտադրություն կամ դիտավորություն չի ունեցել հայ քաղաքացու դեմ ինչ-որ գործողություններ անելու: Ինքն իսկական մարտիկ է:

- Սամվել Բաբայանի մարտական ընկերը հենց ձեր պաշտպանյա՞լն է:

- Հնարավոր է:

- Ասացիք, որ Սանասար Գաբրիելյանը քաղաքականացված անձ չէ: Այսինքն՝ դուք նույնպես համարո՞ւմ եք, որ ձեր պաշտպանյալի նկատմամբ քաղաքական հետապնդում չի իրականացվում:

- Ինքը քաղաքականության հետ ընդհանրապես կապ չունի, չկա այդ բնագավառում անգամ:

- Նա առողջական խնդիրներ ո՞ւնի, ինչպես է իրեն զգում:

- Ոչ, չունի նման խնդիրներ:

- Պարոն Աղաջանյան, ձեր պաշտպանյալի դեմ ցուցմունք տված անձինք կա՞ն: Առհասարակ ի՞նչ ապացույցներ ունի նախաքննական մարմինը՝ ձայնագրություն, գաղտնալսում:

- Ամբողջ հարցը կայանում է նրանում, որ ես այդ տվյալները չեմ կարող հրապարակել:  Իրականում բազմաթիվ հակափաստարկներ կան՝ հենց ապացույցների հորինված լինելու հետ կապված, ուղղակի չեմ կարող ներկայացնել:

- Իր բնակարանում խուզարկություններ կատարվե՞լ են:

- Ես տեղյակ չեմ, ճիշտն ասած, ինձ տեղյակ չեն պահել:

- Սանասար Գաբրիելյանը Երեւա՞նի բնակիչ է:

- Ոչ, ինքը հիմնականում գործունեություն է ծավալել Ռուսաստանում:

- Այսինքն՝ նաեւ ՌԴ քաղաքացի՞ է:

- Ոչ, ՀՀ քաղաքացի է, բայց բիզնեսներ ունի ՌԴ-ում: Անցած տարի եկել էր Հայաստան` մասնակցելու ապրիլյան պատերազմին, իր պարտքը համարել, եկել էր: Մերթ ընդ մերթ գալիս է Հայաստան:

- Փաստորեն, մի քանի ամի՞ս է, ինչ Հայաստանում է:

- Այո:

- Ի վերջո, նա Իգլայի հետ ի՞նչ առնչություն ունի: Կարո՞ղ եք որոշ փակագծեր բացել:

- Ես ուղղակի կասեմ, որ կոնկրետ մեղադրանքը անհիմն է ու չհիմնավորված, ու իմ պաշտպանյալը դրա հետ կապված իր հակափաստարկներն է ներկայացրել, ավելին այս պահին ասել չեմ կարող:

- Ձեր հետագա քայլերը որո՞նք են լինելու:

- Բնականաբար, մենք պետք է ապացուցենք, չնայած մեզ վրա դրված չի ապացուցման խնդիրը, բայց մենք անպայման կներկայացնենք հակափաստարկներ:

- Նա «Երեւան-Կենտրոն» ՔԿՀ-ո՞ւմ է պահվում:

- Որքան գիտեմ` այո:

- Պարոն Աղաջանյան, երեկ Վրաստանի Ներքին գործերի նախարարության Կենտրոնական քրեական ոստիկանական վարչության կազմակերպված հանցագործությունների դեմ պայքարի գլխավոր վարչության աշխատակիցները Հայաստանի իրավապահ մարմինների դիմումի հիման վրա Թբիլիսիում ձերբակալել են ՀՀ քաղաքացի Ռոբերտ Ա.-ին։ Դուք այս մասով որեւէ տեղեկություններ ունե՞ք, ձեր պաշտպանյալը ճանաչո՞ւմ է նրան:

- Այս պահին դեռ պաշտոնապես նման տեղեկություն չունեմ:

- Ձեր պաշտպանյալը գործով ձերբակալված երրորդ անձին ճանաչո՞ւմ է:

- Անկեղծ ասած, չգիտեմ` նա ով է: Փաստորեն իրենք էլ (նկատի ունի նախաքննական մարմնին,-հեղ.) են հրապարակում, որ կան բազմաթիվ անձինք ու պատճառաբանում էին, որ հենց այդ անձանց վրա կարող է անօրինական ազդեցություն գործել իմ պաշտպանյալը:

- Ովքե՞ր են այդ անձինք:

- Հենց դա է, մենք էլ չգիտենք ու մեր բողոքարկման հիմքերից մեկն էլ դա է:

- Վկանե՞ր են, թե՝ գործով մեղադրյալ, գիտե՞ք:

- Չգիտենք` ովքեր են: Իրենք են վկայակոչում` առանց որեւէ ապացույց ներկայացնելու:

Հիշեցնենք, որ այս աղմկոտ գործով Սամվել Բաբայանը, Սանասար Գաբրիելյանը եւ եւս մեկ անձ կալանավորվել են մարտի 24-ին: Տեղեկացանք, որ գործով ձերբակալված երրորդ անձին նույնպես նույն մեղադրանքներն են առաջադրվել: Մեր տեղեկություններով, նա երեկվա դրությամբ փաստաբան չուներ: Երեկ էլ հայտնի դարձավ, որ սույն քրեական գործի շրջանակներում Թբիլիսիում «Իգլա» մատակարարելու կասկածանքով ձերբակալվել է 1977թ.-ին ծնված Ռոբերտ Ա.-ն։ Այս մասով դեռեւս ՀՀ ԱԱԾ-ն որեւէ պաշտոնական հաղորդագրությամբ հանդես չի եկել:

Այսպիսով Սամվել Բաբայանին, Սանասար Գաբրիելյանին եւ գործով կալանավորված երրորդ անձին մեղադրանք է առաջադրվել ՀՀ Քրեական օրենսգրքի 235 հոդվածի երկրորդ մասի (Ապօրինի կերպով հրազեն, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որը կատարվել է մի խումբ անձանց կողմից նախնական համաձայանությամբ՝ պատժվում է ազատազրկմամբ՝ երկուսից վեց տարի ժամկետով) եւ 235.1 հոդվածի երկրորդ մասի առաջին կետի հատկանիշներով (ռազմամթերքի մաքսանենգություն՝ պատժվում է ազատազրկմամբ՝ երեքից յոթ տարի ժամկետով): Մեղադրանքը հաստատվելու դեպքում նրանց սպառնում է առավելագույնը 13 տարվա ազատազրկում:

Տպել
14031 դիտում

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել