«Վերջին զանգին» ծառեր կտնկենք ու կգնանք Եռաբլուր. ինչպես են աշակերտները որոշել նշել «Վերջին զանգը»

23/04/2021 schedule10:20

Ամեն տարի՝ դեռ ապրիլից սկսած, դպրոցն ավարտող աշակերտները նախապատրաստվում են ավանդական տոնին՝ «Վերջին դաս» («Վերջին զանգ») միջոցառմանը:

Անցյալ տարի այդ միջոցառումը տեղի չունեցավ՝ պայմանավորված կորոնավիրուսի համավարակի պատճառով գոյություն ունեցող սահմանափակումներով: Եվ եթե անցած տարվա միջոցառումների անցկացմանը խանգարեց միայն համավարակը, ապա այս տարի համավարակին ավելացան նաեւ պատերազմի ցավն ու դառը հիշողությունները: Բացի դրանից՝ վարակի տարածման վտանգ կա, իսկ Կրթության նախարարությունն էլ դեռեւս ոչ մի հստակ հրահանգ չի տվել՝ կլինե՞ն վերջին զանգի միջոցառումներ, թե՞ ոչ:

ԿԳՄՍ նախարարության լրատվականից, ի պատասխան մեր հարցմանը, նկատեցին, որ անցյալ տարի սահմանափակումները առողջապահության նախարարության կողմից են եղել: Ոչ թե եղել է առանձին որոշում՝ դպրոցների հետ կապված, այլ եղել է ընդհանուր սահմանափակում հանրային բոլոր տեսակի միջոցառումների վերաբերյալ: Իսկ թե այս տարի ինչ է սպասվում, մինչեւ հունիս ամիսը համաճարակային իրավիճակը ինչպես կզարգանա, կամ ի՞նչ սահմանափակումներ կլինեն, չեն կարող ասել:

Երեւանի «Մուշեղ Իշխանի» անվան N5 հիմնական դպրոցի փոխտնօրեն Նելլի Բրուտյանը մեզ հետ զրույցում նշեց՝ քանի դեռ համապատասխան գերատեսչությունների կողմից դեռ չկա կոնկրետ հրահանգ «Վերջին դասի» կապակցությամբ կազմակերպվելիք միջոցառումների վերաբերյալ, իրենց դպրոցում դեռ ոչինչ չեն նախաձեռնում: 

«Հենց կունենանք հստակ հրահանգ, նոր կորոշենք, թե ինչ ձեւով կկազմակերպենք այդ բոլորը: Մի բան միայն հստակ է. ինչ էլ անենք, ոնց էլ փորձենք անել, էլ առաջվա նման չի լինի ոչինչ: Տրամադրություն էլ չկա, ոչ էլ՝ առանձնապես մեծ շուքով նշելու ցանկություն: Իհարկե, երեխաները ցանկանում են գոնե ինչ-որ ձեւով նշել այդ օրը. իրենք լիահույս են ու հավատով, որ ամեն ինչ լավ է լինելու»,- ասաց փոխտնօրենը:

Նույն դպրոցի 9-րդ դասարանի աշակերտ Լեւոնը, որ Արցախից է Հայաստան տեղափոխվել, հուզված փոքր-ինչ խոսեց պատերազմի մասին, ապա նշեց, որ ինքն ու ընկերները ցանկանում են «Վերջին զանգն» անպայման նշել, քանի որ նաեւ ապրելով պետք է արժանի լինենք մեր հերոսներին եւ պահենք նրանց վառ հիշատակը:

«Չնայած վերջին իրադարձություններին՝ կյանքը շարունակվում է, եւ եթե միշտ հետ վերադառնանք անցյալին, ապա պարզապես կկորցնենք ապագան, իսկ այդ ապագան հենց մեր սերնդի ձեռքում է: Դեռ ամբողջապես չենք պլանավորել, թե ինչ պետք է անենք, սցենար էլ չենք գրել, բայց խոսքերը կլինեն հրաժեշտի ու շնորհակալության՝ հասցեագրված ե՛ւ մեր զոհված տղաներին, ե՛ւ մեր ծնողներին, ե՛ւ ուսուցիչներին»,- ասաց Լեւոնը, որն այս տարի հիմնական դպրոցն է ավարտելու:

Երեւանի թիվ 2 ավագ դպրոցի 12-րդ դասարանի աշակերտուհիներից մեկն էլ նշեց, որ դասարանի աղջիկներով թռուցիկ պլանավորել են որոշ կազմակերպչական հարցեր, սակայն դեռ չգիտեն՝ ինչ ձեւով պիտի անցկացնեն այդ օրը: Նրա խոսքով՝ կյանքը շարունակվում է, իսկ օրը պետք է անպայման տոնել:

«Ցավը՝ ցավ, ճիշտ է, շատ թարմ է ու խոր, բայց կյանքը շարունակվում է: Ուժ է պետք գտնել ու ոտքի կանգնել: Թե չէ թշնամուն էլ հենց էս է պետք է. տեսնի մեզ տխուր ու հուսահատված: Այնպես որ ես կարծում եմ, որ «Վերջին զանգ»-ն էլ պիտի անենք, բուհ ընդունվելու տոնն էլ, հարսանիքներ էլ»,- արձանագրեց նա:

Մանուկ Աբեղյանի անվան հենակետային թիվ 3 ավագ դպրոցի 12-րդ տնտեսագիտական հոսքի աշակերտները նշեցին, որ հիմա պարապմունքների վրա են առավել կենտրոնացել, տրամադրություն չունեն «Վերջին զանգ» նշելու, սակայն այդ օրն անպայման ցանկանում են Եռաբլուր այցելել. առանց հարգանքի անհնար է:

Գեւորգ Էմինի անվան N 182 ավագ դպրոցի տնօրեն Ռուզաննա Ալավերդյանը նշեց, որ oրերս աշակերտների հետ քննարկել են եւ եկել ընդհանուր որոշման, որ վերջին դասի օրը դպրոցի 6 նահատակների հիշատակին նվիրված ծառատունկ կկազմակերպեն դպրոցի բակում, եղեւնիներ կտնկեն, դպրոցի միջանցքում երեխաների համար թեթեւակի միջոցառում կանցկացնեն, այնուհետեւ կգնան Եռաբլուր, Էջմիածնի եկեղեցի՝ օրհնություն ստանալու:

Նույն դպրոցի ավարտական դասարանում սովորող աշակերտներին հանդիպելով՝ փորձեցինք իմանալ նրանց տրամադրվածությունը եւ անելիքները: Աշակերտներից Լիլիթը նշեց, որ պատերազմի ցավն այնքան խորն է, որ դեռ ուշքի չեն գալիս եւ ուրախ միջոցառումների մասին մտածելու ցանկություն չունեն:

«Ես կարծում եմ, որ ավելի լավ է՝ այդ օրը ինչ-որ ավելի կարեւոր եւ օգտակար գործ անենք, քան թե խնջույք կազմակերպենք: Այդ օրը պարզապես մենք սիմվոլիկ դաս կանենք»,- ասաց նա:

«Ինչքան որ խորն է ցավը, այնքան էլ պարտավորեցնող պիտի լինի ապրելու համար պայքարը,- հավելեց Գայանեն:- Պայքարելու համար միայն զոհվածների հիշատակը հարգելը քիչ է, պետք է ապացուցենք, որ մեր գոյությամբ եւ ապրելու տրամադրվածությամբ ենք հիշում մեր տղաների հերոսությունը»,- ասաց նա: 

«Ես կարծում եմ, որ վերջին դասին մենք, բացի ուսուցիչներին շնորհակալություն հայտնելուց, պիտի խոսք տանք, որ չենք մոռանա ոչ մի հերոսի եւ վաղվա ապագան էլ կկառուցենք՝ նրանց կիսատ թողած գործը շարունակելով»,- ասաց դպրոցի մեկ այլ աշակերտ»:

Մարիամ Գեւորգյան

Տպել
1998 դիտում

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից