Երևան
12 °C
Աշխարհահռչակ ռոք երաժիշտ Սերժ Թանկյանն Արսինե Խանջյանի եւ Ատոմ Էգոյանի հետ միասին աննախադեպ գործ է սկսել: Նա փորձում է կազմակերպել սփյուռքահայերին՝ դիտորդական առաքելություն իրականացնելու 2017 թվականի խորհրդարանական ընտրություններում:
Արսինե Խանջյանը, Ատոմ Էգոյանն ու Սերժ Թանկյանը նախկինում էլ բազմիցս ապացուցել են, որ անտարբեր չեն Հայաստանի ու հայաստանցու խնդիրների նկատմամբ: Նրանց մոտեցումն այս առումով տարբերվում է սփյուռքում տարածված մոտեցումից, որ պետք է հայրենիքին ամեն ինչով օգնել, բայց խնդիրների մասին բարձրաձայն չխոսել՝ թշնամու ջրաղացին ջուր չլցնելու համար: Իսկ Խորենացի փողոցում Արսինե Խանջյանի բերման ենթարկվելը, կարծես, վերջին կաթիլն է եղել, որ հայտնի եռյակը գործի անցնի:
Որպես առաջին քայլ նախաձեռնվեց «Արդարություն Հայաստանին» խորագրով հայտնի ստորագրահավաքը: Այն, սակայն, շատ ավելի դանդաղ է առաջ գնում, քան կարելի էր ակնկալել: 10 միլիոնանոց հայկական սփյուռքից, Հայաստանից եւ Արցախից ընդամենը 2500 հոգի է միացել այս նախաձեռնությանը: Այնինչ change.org-ում հարյուր հազարներով են ստորագրություններ հավաքում (ամեն օր 161 միլիոն մարդ առնչվում է այդ կայքին): Ո՞րն է խնդիրը: Հնարավոր չէ, որ համայն հայությունը Հայաստանին արդարություն չցանկանա: Կամ չցանկանա, որ ՀՀ-ում «մարդկանց հավասարություն, մարդու իրավունքների պաշտպանություն, օրենքի գերակայություն» տիրի, ինչպես նշված է ստորագրման դրված տեքստում:
Խնդիրն այն է, որ նշված պահանջների հասցեատեր գոյություն չունի: Առանց կոնկրետ հասցեատիրոջ այս ամենը դեկլարատիվ բնույթ է ստանում, ինչը մեծապես նվազեցնում է պոտենցիալ միացողների մոտիվացիան: Իրենց նախաձեռնությունը մեկնաբանելով՝ Թանկյանն ասում է, որ դա արվում է «ի աջակցություն Հայաստանի ժողովրդի»: Հնարավոր միակ հասցեատերն էլ նշվում են «Հայաստանի քաղաքական առաջնորդները», որոնցից ակնկալվում է «սկզբունքայնություն, հաշվետվություն, իմաստություն, խելամտություն, դիվանագիտություն, կարեկցանք, արդյունավետություն եւ տեսլական մտածողություն...»:
Նման գործերում, թերեւս, հաջողության առաջին թշնամիները ընդհանրական ձեւակերպումներն ու ընդհանրական հասցեատերերն են: Հասկանալի է, որ նախաձեռնության հեղինակները խուսափում են ներգրավվել ներհայաստանյան քաղաքական անցուդարձին: Շեշտում են, որ նախաձեռնությունը քաղաքական չէ, իրենք կուսակցությունների ներկայացուցիչներ չեն եւ ոչ էլ փորձում են Հայաստանում հեղափոխություն անել: Սակայն change.org-ում սկսված ստորագրահավաքի հայտարարության դեկլարատիվ բնույթը նման հեռանկարից խուսափելու լավագույն տարբերակը չէ: Միեւնույն է, այստեղ կգտնվեն մարդիկ, ովքեր իշխանահաճո հայտարարություններ կանեն, թե սույնով սփյուռքի ներկայացուցիչները իրենց քիթը մտցնում են ՀՀ ներքաղաքական կյանքի մեջ: Երեկ արդեն Լեւոն Իգիթյանը բացել էր այս թեման:Եվ հակառակը. նման ընդգրկուն, դեկլարատիվ բնույթի եւ անհասցե պահանջներով կարելի է էապես փոքրացնել նախաձեռնության վերջնական նպատակի հնարավոր հաջողությունը:
Իրականում պետք է ընդամենը ամեն ինչ այսքան չբարդացնել. նպատակը ձեւակերպել պարզ, կոնկրետ եւ առանց բարդույթների: Մոտավորապես` Սերժ Թանկյանի, Արսինե Խանջյանի եւ սփյուռքում բնակվող մի քանի հազար հայերի համար կարեւոր է, որ 2017 թվականի ընտրություններն անցնեն ազատ, արդար եւ թափանցիկ: Դրա համար նրանք անձամբ որպես դիտորդ կլինեն ընտրատեղամասերում: Իրավունք ունեն, չէ՞ նրանք ազատ եւ արդար ընտրություններ «ցանկանալ» իրենց հայրենիքին: Իհարկե, ունեն: Իրավունք ունեն, չէ՞ այդ նպատակին անձամբ ծառայել: Իհարկե, ունեն:
Բայց որպեսզի օգգ-ի մեծ պոտենցիալ ունեցող այս նախաձեռնությունը չփոշիացվի, անհրաժեշտ է, որ Սերժ Թանկյանը, Արսինե Խանջյանը եւ մյուս բոլոր սփյուռքահայ դիտորդները հատուկ պատրաստվածություն անցնեն: Ամեն ինչ կփչանա, եթե նրանք, ապավինելով իրենց հեղինակությանը, ընտրության օրը պարզապես շրջեն ընտրատեղամասերով: Նախ` թաղային ընտրակեղծարարները նրանց չեն ճանաչի, ինչպես Խորենացի փողոցում Արսինե Խանջյանին չճանաչեցին նրան բերման ենթարկող շարքային ոստիկանները:
Եվ բացի այդ, քաղաքական այլ մշակույթ կրող մեր հայրենակիցների երեւակայությունը պարզապես չի բավարարի ընտրատեղամասերում հնարավոր ընտրակեղծարարությունները նկատելու համար: Այսինքն, իսկապես արդյունք ստանալու համար բոլոր հայտնի եւ ոչ հայտնի սփյուռքահայերը պետք է ՀՀ օրենքներով սահմանված կարգով դիտորդի կարգավիճակ ստանան եւ համապատասխան գիտելիքներ ունենան: Հակառակ դեպքում մեծ է վտանգը, որ ամեն ինչ կավարտվի բռնություններն ու ընտրակեղծիքները դատապարտող հերթական հայտարարությամբ, ինչի պակաս հայաստանյան ընտրություններում երբեք չի չի զգացվել:
«Հայկական Ժամանակ»-ը Telegram-ումՀՀ պետական բարձր պարգև «Սինոփսիս Արմենիա»-ի նախագահին. Խաչատուրյանն ընդունել է Երվանդ Զորյանին. տեսանյութ
Բացառել հանձնարարականի կատարման ժամկետի ուշացումը, լինել զգոն. խորհրդակցություն Էկոպարեկային ծառայությունում
Գյադեք ձախ, գյադեք աջ. ուզում են, որ իրենց որակած էշերը գործողություն անեն, հանձնարարություն կատարեն
«Վեոլիա Ջուր» ընկերության գլխավոր տնօրենը նախագահին է ներկայացրել ծրագրերը, խնդիրներն ու ձեռնարկված քայլերը
Պուտին-Էրդողան հեռախոսազրույց է տեղի ունեցել
Կառավարությունն ու «Ամբեր Կապիտալ»-ը վերահաստատել են համագործակցությունը շարունակելու պատրաստակամությունը
Հանդիպել են ՌԴ-ում Հայաստանի և Իրանի դեսպանները. ինչ են քննարկել
Ռուբիկ Հակոբյանը ձերբակալվել է
2025-ի հունվարից հուլիս ԽՍՀՄ խնայբանկի ավանդատու 2500 քաղաքացու տրամադրվել է շուրջ 490 մլն դրամի փոխհատուցում
Էջմիածնում կաթնամթերքի արտադրամասի գործունեություն է կասեցվել. ինչ խախտումներ են հայտնաբերվել
Արաբկիր վարչական շրջանի նախկին ղեկավար Արամ Ազատյանի խափանման միջոցը փոխվել է
Հայաստան կժամանի 500 մարզիկ, կանցկացվի 60 հանդիպում․ վոլեյբոլի մինչև 16 տարեկան տղաների Եվրոպայի առաջնություն
Օդի ջերմաստիճանը կհասնի +38․․․+40 աստիճանի. բարձր ջերմային ֆոն և հրդեհավտանգ իրավիճակ են սպասվում
Apple Pay-ով օնլայն վճարումների ընդունումը հասանելի է Ամերիաբանկի vPOS հաճախորդների համար
Amio Era․ մասնագիտական խորհուրդներ փորձագետներից
Զինված միջադեպ Բաթումիի ռեստորաններից մեկում. Թուրքիայի քաղաքացի է զոհվել
Համագործակցություն ԵՊՏՀ Գյումրու մասնաճյուղի հետ
Astronomer-ի ամուսնացած ղեկավարը՝ ուրիշի գրկում Coldplay-ի համերգին. սկանդալից հետո նա ներողություն է խնդրել
Դոլարն էժանացել է. ինչ փոփոխություններ է արձանագրել տարադրամի շուկան հուլիսի 18-ին
Ռոմանոս Պետրոսյանը նշանակվել է ՀԷՑ-ի ժամանակավոր կառավարիչ
Ինչ կապ ունի Խորխոռունու սպանության կազմակերպիչը Սամվել Բաբայանի հետ
Մհեր Գրիգորյանը և Իրանի դեսպանը քննարկել են տարածաշրջանային վերջին զարգացումները
Մարդ, որի արվեստը ճանաչում են առանց թարգմանության և բացատրությունների. Երևանի սրտում բացվեց Ազնավուրի արձանը
Խուլիգանություն Վերին Դվին համայնքում. կան մի շարք ձերբակալված անձինք
Համագյուղացու տնից գողացել է ոսկյա զարդեր և մեծ գումար. երիտասարդը ձերբակալվել է
Նոր համագործակցություն ՏՏ ոլորտում. Սոֆիայում անցկացվել է հայ-բուլղարական միջկառավարական հանձնաժողովի նիստը
Եվրամիությունը սկսել է աշխատել Ռուսաստանի դեմ պատժամիջոցների հաջորդ փաթեթի վրա
ԱՄՆ հետախուզությունը հաստատել է՝ Փեզեշքիանը վիրավորում է ստացել իսրայելական հարձակումների ժամանակ
Անհետ կորած 13-ամյա աղջիկը հայտնաբերվել է
Արարատյան դաշտում, Սյունիքի հովտային գոտում և Երևանում սպասվում է բարձր ջերմային ֆոն. եղանակը՝ առաջիկա օրերին
Կարապի լճում 53-ամյա տղամարդը 14-ամյա աղջկան ցույց է տվել սեռական բնույթի լուսանկարներ
ՏԿԵ նախարարությունում քննարկել են ընթացիկ ծրագրերը, անելիքներն ու աշխատանքային բնույթի այլ հարցեր
Երևանում բացվել է Շառլ Ազնավուրի արձանը. տեսանյութ
Ավտոբուսի վարորդը հարվածներ է ստացել, սակայն իջեցրել է նրանց. «Երևանի ավտոբուս» ընկերությունը՝ միջադեպի մասին
Էն «թագավորն ապրած կենա» տերտերը դեռ մի բան էլ որոշել է գլուխ գովալ իր «քաջագործություններով». Ալեքսանյան
Պոմպակայանում հոսանքի լարման անկում է եղել. սպասվում են ջրանջատումներ Երևանի ու Կոտայքի որոշ հասցեներում
Ստրկացնելու դասական ժանրից է. Զախարովան՝ Հայաստանի ֆինանսավորումն ավելացնելու ԵՄ խոստման մասին
1 օրում ՀՀ է մտել հեղուկ գազով բեռնված 77 մեքենա, ժամանակն է՝ ՄՊՀ-ն զբաղվի այս շուկայի հարցով. Պապոյան
Մեկին՝ 10 հազար, մյուսին՝ 15 հազար դոլար և 5 կրակոց, 3-ը՝ գլխին. բացահայտվել է Վահրամ Խորխոռունու սպանությունը
Պետբյուջեի միջոցներով հիմնանորոգվում է Մ-1-Վարդաղբյուր-Տաշիր-Մ-3 ճանապարհի մի հատվածը
© 2025 Հայկական ժամանակ
Website by MATEMAT