Երևան
23 °C
Ինքս չեմ հետևել Քոչարյանի մամուլի ասուլիսին, սակայն հրապարակումներից և արձագանքներից հասկացա, որ նա կողմ է արտահայտվել Լուկաշենկոյի հայտարարությանը, ըստ որի՝ իբր թե ՀՀ-ն պետք է մտնի Միութենական պետության կազմի մեջ: «Հայկական ժամանակ»-ի հետ զրույցում այս մասին ասում է «Լուսավոր Հայաստան» կուսակցության ղեկավար, ԱԺ նախկին պատգամավոր Էդմոն Մարուքյանը:
Նշենք, որ երեկ Ռոբերտ Քոչարյանը, մամուլի ասուլիսի ժամանակ պատասխանելով ՀՀ-ի՝ Միութենական պետության կազմում հայտնվելու մասին խոսակցություններին, ասել էր՝ Լուկաշենկոն ասել է այն, ինչ ուրիշները մտածում են մեր մասին։ «Ես տեսնում եմ մեկ բան, որ Ռուսաստանի հետ պետք է ունենանք շատ ավելի խորացված հարաբերություններ։ Չկա այլ երկիր, որը շահագրգռված կլինի մեզ նորից գործոն սարքել այս տարածաշրջանում»,- մասնավորապես նշել էր Քոչարյանը:
Մարուքյանի կարծիքով՝ այսպիսի տեսլականների պատճառով ՀՀ-ն տարբեր ժամանակաշրջաններում արհավիրքների է հանգել:
«Մենք միշտ սպասել ենք, որ որևէ մեկը մեզ գործոն սարքի: Սպասել ենք, որ մեկը կգա ու մեր խնդիրները կլուծի: Պատերազմից հետո մի շարք ուժեր ասում էին՝ եկեք ռուսներին թողնենք, թող Ֆրանսիայից կամ ամերիկացիք գան: Մարդկանց մտածողությունը չի փոխվում, չեն հասկանում, որ՝ եղբա՛յր, քո խնդիրները դու պետք է լուծես, ոչ թե այլ պետություններ: Հիմա էլ Ռոբերտ Քոչարյանը նույն բանն է ասում, թե մի երկիր, որը մեզ գործոն կսարքի, պետք է մտնել Միութենական պետության կազմի մեջ»,- նշում է Մարուքյանը:
ԼՀԿ ղեկավարի խոսքով՝ ստացվում է՝ մենք չունենք սեփական տեսլական, որ ինչ-որ բանի ունակ ենք: «Մարդիկ առանց վախենալու պետք է ասեն՝ իրենք ինչի կողմնակից են: Պետք է ասեն՝ ուզո՞ւմ են Հայաստանի Հանրապետություն լինի, թե՞ ոչ»,- հարցադրում Է անում քաղաքական գործիչը:
Անդրադառնալով Լուկաշենկոյի բուն հայտարարությանը՝ Մարուքյանը նկատում է՝ Բելառուսի նախագահն այդպիսով իր ներքին լսարանին էր սպասարկում:
Խոսելով Քոչարյանի այն հայտարարության մասին, որ պետք է մնալ ՀԱՊԿ-ի կազմում, սակայն անվտանգության տեսանկյունից այդ կառույցի հետ հույսեր չպետք է կապել, պատասխանելով հարցին՝ ինքն ի՞նչ դիրքորոշում ունի դրա վերաբերյալ՝ ԼՀԿ ղեկավարն շեշտում է՝ պետք է մնալ ՀԱՊԿ կազմում:
«Մնալը հնարավոր է մեզ ոչինչ էլ չտա, բայց դուրս գալը վնաս կլինի: Պետք է մնալով շահեկան դիրքեր ձեռք բերել, լինել ավելի ակտիվ կառույցի մեջ, մեխանիզմներ մշակել, փորձել դրանք կիրառել: Մենք չպետք է փորձենք մեր բարեկամների հետ խնդիրներ ստեղծել: Հնարավոր բոլոր տեղերում պետք է հարթենք մեր կոնֆլիկտները, որ կարողանանք երկիրը շենացնել: Հայաստանին պետք չէ ոչ մի տեղ մտնել ու դուրս գալ, ցնցումներ մեզ պետք չեն: Պետք է մեր երկիրը ոտքի կանգնեցնենք, ուժեղացնենք մեր բանակը»,- կարծում է Մարուքյանը:
Պատասխանելով հարցին՝ 44-օրյա պատերազմից հետո բանակը սպառազինելու, ուժեղացնելու, թերությունները վերլուծելուն միտված քայլեր տեսնո՞ւմ է՝ Մարուքյանն ընդգծում է՝ չի տիրապետում գաղտնի տեղեկությունների:
«Հույս ունեմ, որ անում են: Ամենակարևորը, ինչը պետք է ընտրություններից հետո անի իշխանությունը, բևեռացված հասարակության համախմբումն է: Մենք չենք կարող այս պառակտված, հայհոյախառն քարոզարշավների մեջ մեր տնտեսությունը զարգացնել կամ բանակը վերականգնել»,- ասում է նա:
Էդմոն Մարուքյանը նկատում է՝ այս ամենն իշխանության ձեռքերում է. «Իշխանությունն է, որ պետք է լայնախոհ ու ներառական լինի: Պետք է բոլորին լսի, անգամ՝ սուր քննադատողներին: Իշխանության մոտ է գնդակը»:
Ճշտող հարցին՝ իշխանություններն ունե՞ն թվարկված հատկանիշները, Մարուքյանը նշում է՝ լսելու հարթակներ իշխանությունները ձևավորում են. «Բայց գիտեք՝ լսելը մի բան է, լսածն իրագործելը՝ մեկ բան: Դրա համար ես չեմ տեսնում լուրջ համախմբման, համերաշխություն բերող որևէ օրակարգ թե՛ իշխանության, թե՛ ընդդիմության կողմից»:
Անդրադառնալով ընդդիմության ընդհանուր քայլերին և Քոչարյանի՝ դեռ ժամանակը չէ փողոցային պայքար սկսելու հայտարարությանը՝ Մարուքյանը նկատում է՝ ընտրությունները նոր են եղել, ստեղծվել է խորհրդարան, հաղթահարվել է ճգնաժամը:
«Մեր տեսանկյունից մենք համաձայնել ենք գնալ արտահերթ ընտրություններին մեկ պայմանով՝ քաղաքական ճգնաժամի լուծման համար: Այդպես էլ եղել է, ճգնաժամ այլևս չկա»,- կարծում է նա:
Դիտարկմանը՝ ընդդիմությունը շատ ժամանակ բոյկոտում է ԱԺ նիստերը, ԱԺ-Կառավարություն հարցուպատասխանին չի բարձրաձայնում օրակարգային հարցեր, հրաժարվել էր միջազգային հարթակներում ՀՀ-ն ներկայացնելուց: Պատասխանելով հարցին՝ որպես ընդդիմադիր նախկին պատգամավոր ինչպե՞ս է գնահատում խորհրդարանական այժմյան ընդդիմության վարքագիծը՝ ԼՀԿ ղեկավարը նշում է. «Նրանք ընտրվել են, պատասխանատվություն են ստանձնել և պետք է աշխատեն: Դատավորը ժողովուրդն է, իրենք են ընտրել այդ ուժերին: Եթե ընդդիմության ընտրողները համաձայն են, որ նրանք բոյկոտեն նիստերը, ուրեմն ամեն բան նորմալ է: Մանդատ են տվել այդ մարդկանց, որպեսզի հեռացնեն իշխանությանը: Դա չի հաջողվել: Թե էլ ի՞նչ են կարողանում անել, ես կոնկրետ աշխատանք չեմ տեսնում: Նրանց մանդատը աշխատանքի մանդատ չէ, նրանց մանդատը մարգինալ մանդատ է, որ գնան ու իշխանություններին «կախաղան հանեն»»:
Նկատառմանը, որ լավ ընդդիմություն է համարվում այն ընդդիմությունը, որն ուղղություն է ցույց տալիս իշխանությանը, Մարուքյանն ասում է՝ կառուցողական ընդդիմությունն է այդպիսին, իսկ այս ընդդիմությունն այդպիսին չէ: «Այս ընդդիմությունն ամեն բան անում է, որ իշխանությունն ավելի շատ սխալվի, իրենք էլ ասեն՝ տեսա՞ք, թե ինչ վատն են սրանք: Չեն մտածում, որ կարող է պետությունը տուժել կամ այլ պետական արժեքներ»:
Անդրադառնալով նաև ՀՀ նախագահի ընտրությանը և Քոչարյանի երեկվա հայտարարությանը, թե նախագահի թեկնածու կարող է լինել եկեղեցու սրբազաններից մեկը, Մարուքյանը հարցադրում է անում՝ ինչո՞ւ նրանք թեկնածու չառաջադրեցին: «Ունեին թեկնածու առաջադրելու իրավունք, սակայն դա չարեցին: Թե ինչո՞ւ չարեցին, իրենք կիմանան»,- ասում է նա:
Դիտարկմանը, որ մինչ Վահագն Խաչատուրյանի անունը հրապարակելը, մամուլում շրջանառվում էր նաև իր անունը՝ ԼՀԿ ղեկավարը պարզաբանում է՝ իրեն առաջարկ չի եղել, դա եղել է մարդկանց ցանկությունը: «Վահագն Խաչատուրյանին վաղուց եմ ճանաչում, իր տեսլականը չեմ լսել: Երբ կներկայացնի, այդ ժամանակ կարծիք կհայտնեմ»,- եզրափակեց քաղաքական գործիչը:
Անյուտա Աթանեսյան
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
© 2024 Հայկական ժամանակ