«Ոչ մի բախում». ըստ քաղաքագետի, «եթե ոմանք ընտրություններից հետո իրենց տեղը հանգիստ չնստեն, ուրիշ տեղ կնստեցնեն»

Հունիսի 20-ին Հայաստանում տեղի ունենալիք արտահերթ խորհրդարանական ընտրություններին մասնակից 2 հակադիր հայացքներ ունեցող քաղաքական ուժեր՝ իշխող «Քաղաքացիական պայմանագիր» կուսակցությունն ու ընդդիմադիր «Հայաստան» դաշինքը ցանկանում են նույն օրը գրեթե նույն ժամին հանրահավաք անցկացնել նույն վայրում:

«Հայաստան» դաշինքը իրազեկում է ներկայացրել Երեւանի քաղաքապետարան՝ հունիսի 18-ին ժամը 19:00-ից Հանրապետության հրապարակում հանրահավաք անցկացնելու վերաբերյալ:

Դաշինքի իրազեկման մեջ նշված է եղել, որ հավաքը պետք է ավարտվի 21:00-ին: Քաղաքապետարանն իրազեկումն ի գիտություն է ընդունել՝ միայն այն սահմանափակմամբ, որ հավաքը պետք է ավարտվի 20:00-ին:

Պատճառը հավանաբար այն է, որ նույն օրը 20:00-ից սկսած Հանրապետության հրապարակում հավաք անցկացնելու իրազեկում է ներկայացրել նաեւ «Քաղաքացիական պայմանագիրը»: Քաղաքապետարանի այս որոշումը, սակայն, «Հայաստան» դաշինքը բողոքարկել է Վարչական դատարանում:

Երեկ մեր զրույցում «Հայաստան» դաշինքի ներկայացուցիչ Արամ Վարդեւանյանն ասաց, որ դատարանը բավարարել է իրենց դիմումը՝ որոշելով, որ «Հայաստան» դաշինքի հավաքը պետք է ավարտվի 21։00-ին։

Ըստ Վարդեւանյանի, դատարանն առաջնայնությունը տվել է իրենց իրազեկմանը, քանի որ այն ավելի վաղ է ներկայացվել, քան «Քաղաքացիական պայմանագիր» կուսակցության ներկայացուցչինը:

«Հավաքների ազատության մասին օրենքը հետեւյալ տրամաբանությունն ունի՝ ով առաջինն է ներկայացնում հավաքի վերաբերյալ դիմումը, նա էլ ծանրաբեռնում է համապատասխան վայրը։ Տեղեկություն ունեի, որ հունիսի 17-ին Հանրապետության հրապարակում հավաք անցկացնելու վերաբերյալ իրազեկում է ներկայացրել ներկայիս իշխանության ներկայացուցիչը։ Այդ իսկ պատճառով հունիսի 17-ը բացառվել էր մեր դաշինքի կողմից, որովհետեւ բոլորս էլ գիտենք՝ ինչպիսի ատելության խոսք է գեներացվում նշված ուժի կողմից եւ նույն վայրում հավաք անցկացնելն իրենից մի շարք ռիսկեր էր ենթադրելու»,- նշեց Արամ Վարդեւանյանը՝ հավելելով, որ ոստիկանությունը քաղաքապետարանին զգուշացրել է, որ կարող է բախման վտանգ լինել երկու հակադիր ուժերի նույն վայրում հավաքվելու դեպքում, եթե նույնիսկ այդ հավաքները մեկ ժամ տարբերությամբ են:

Խոսելով իրենց հավաքի մասին՝ Վարդեւանյանն ասաց, որ պատրաստվում են իրենց հավաքի մի մասը Ազատության հրապարակում անել, մյուս մասը՝ Հանրապետության: Թե ինչով է դա պայմանավորված՝ Վարդեւանյանը դժվարացավ ասել. «Հետաքրքիր հավաք ենք անցկացնելու, այդպիսի ֆորմատ է որոշվել: Երկու տեղերում էլ տեխնիկա կտեղադրվի:  Կազմակերպչական դետալների հասցեատերը ես չեմ, բայց դա է իրականությունը»:

«Հայաստան» դաշինքի ներկայացուցիչը տեղեկացրեց, որ հրավիրված հանրահավաքի նպատակը քարոզարշավի ամփոփումն է:  

«Քաղաքացիական պայմանագիր» կուսակցության անունից քաղաքապետարան իրազեկում ներկայացրած ԱԺ պատգամավոր Վահագն Հովակիմյանից հետաքրքրվեցինք՝ թե ի՞նչ է լինելու հիմա.

«Իրավական առումով հակասական իրավիճակ է. մենք իրազեկել ենք 20:00-ից սկսած հավաք անցկացնելու վերաբերյալ, քաղաքապետարանը դա ի գիտություն է ընդունել, այդ որոշումը չի բողոքարկվել»,- ասաց Հովակիմյանը՝ հավելելով, որ մյուս կողմից էլ կա Վարչական դատարանի որոշում, որ «Հայաստան» դաշինքի հավաքն ավարտվելու է 21:00-ին:

Ըստ Հովակիմյանի՝ առաջիկա օրերին պարզ կլինի, թե ինչպես է լուծվում այս իրավական վեճը:

Մեր հարցին, թե ի՞նչ նպատակով է ՔՊ-ն հավաք հրավիրել ե՛ւ հունիսի 17-ին ե՛ւ հունիսի 18-ին, Հովակիմյանը պատասխանեց. «Մենք երկու օրվա համար էլ տվել ենք իրազեկում, կորոշենք ոնց կանենք»:

Հետընտրական հավաքներ

Քաղաքական ուժերն արդեն նաեւ հետընտրական հավաքներ են ծրագրել: Համենայնդեպս Երեւանի քաղաքապետարանում այդ մասին եւս իրազեկումներ են ներկայացվել:

«Քաղաքացիական պայամանագիր» կուսակցության վարչության անդամ Վահագն Հովակիմյանը Երեւանի քաղաքապետարանին իրազեկել է հունիսի 21-ին, 22-ին, 23-ին եւ 24-ին Հանրապետության հրապարակում 200 հազար մարդու մասնակցությամբ հավաք անցկացնելու վերաբերյալ: Ընդ որում, նշված օրերին ՔՊ-ն որոշել է հավաքները սկսել առավոտյան ժամը 10:00-ից եւ ավարտել 22:00-ին:

Գրեթե նույն օրերին Երեւանի Ազատության հրապարակում հանրահավաք անցկացնելու մասին քաղաքապետարանին իրազեկել էր նաեւ Ռոբերտ Քոչարյանի ղեկավարած «Հայաստան» դաշինքի անդամ Արամ Վարդեւանյանը:

Նրանց հավաքները, ի տարբերություն ՔՊ-ի, պետք է ունենային 25 հազար մասնակից, սկսվեին հենց հունիսի 20-ի կեսգիշերից եւ ավարտվեին հաջորդ օրը 23:00-ին, այդպես մինչեւ ամսի 23-ը:

Արամ Վարդեւանյանը մեր զրույցում երեկ ասաց, որ հետընտրական հավաքներ այլեւս չեն ուզում անել: «Իրազեկումը ուղարկվել է, քաղապետարանը մեզ տեղեկացրել է, որ այդ օրերին տարածքը ծանրաբեռնված է Արմեն Լուսինյանի կողմից: Մենք դրանից հետո էլ որեւէ միջոց չենք էլ ձեռնարկել, ոչ էլ առաջնահերթություն ենք դիտարկել»,- ասաց Վարդեւանյանը եւ մեր հարցին ի պատասխան հստակեցնելով, որ այս պահին որեւէ հետընտրական հավաք չեն պլանավորում:

Նշենք, որ Արմեն Լուսինյանը Շուշիի գումարտակի ազատամարտիկ է, եւ հավանաբար ընտրություններին մասնակցող Ազգային ժողովրդական բեւեռի ներկայացուցիչ:

Հետընտրական հավաքներն անհանգստացրել են, օրինակ, «Լուսավոր Հայաստան» կուսակցության ղեկավար Էդմոն Մարուքյանին: Վերջինս երեկ Գավառում հրավիրված հավաքին հայտարարել է. «Մենք ասում ենք՝ ոչ թե հունիսի 21-ին մարդկանց հրավիրեք Հանրապետության հրապարակ, Ազատության հրապարակ, այլ եկեք մտածենք հունիսի 21-ից համախմբման մասին, իրար ոչնչացնելու այս մոլուցքը մի կողմ դնենք: Եթե ժողովուրդն աջակցում է համերաշխության, համախմբման օրակարգին, ուրեմն հունիսի 21-ի տվյաներով ԼՀԿ-ն կստանա այդ մանդատը, կլիազորվի ձեր կողմից համախմբել բոլորին, և մենք բոլորին կհամախմբենք, կնստեցնենք մի սեղանի շուրջ: Լիազորեք մեզ, համախմբենք բոլորին, լիազորեք մեզ՝ ստեղծենք ազգային համաձայնության միասնական կառավարություն»:

«Քաղաքացիական պայմանագիր» կուսակցության պատգամավորի թեկնածու, քաղաքագետ Վիգեն Խաչատրյանին խնդրեցինք պարզաբանել, թե ի՞նչ պատճառով են հետընտրական հավաքներ հրավիրում, չկա՞ արդյոք բախումների վտանգ.

- Պարոն Խաչատրյան, արդյոք հետընտրական զարգացումների կանխատեսումներ կա՞ն, ինչո՞վ է պայմանավորված ձեր ներկայացրած ուժի կողմից հետընտրական հանրահավաքի իրազեկման ներկայացումը:

- Իհարկե պետք է ամեն ինչ արվի, որ հետընտրական զարգացումներն անցնեն օրենքի դաշտում եւ խաղաղ պայմաններում՝ առանց ավելորդ լարվածության: Ակնհայտ է, որ «Քաղաքացիական պայմանագիրը» բացահայտ առավելությամբ է ընտրարշավը տանում եւ երաշխավորված հաղթանակ ունի, եւ քանի որ ռեւանշիստները խուճապի մեջ են, ամեն ինչ անում են իրավիճակը լարելու համար: Վստահ եմ՝ դա իրենց մոտ չի ստացվի եւ ինչպես չունեին, այնպես էլ չեն ունենա հասարակական աջակցություն:

- «Քաղաքացիական պայմանագիրը» հանրահավաքներ հրավիրելով ավելի չի՞ լարում իրավիճակը, բախման վտանգ չե՞ք տեսնում:

- Ոչ, չի լինի, ոչ մի բախում չի լինի, ընտրությունները ցույց կտան, որ նրանք ոչ մի աջակցություն չունեն եւ կհանգտանան: ՔՊ-ն հանրահավաք է հրավիրում, որպեսզի վերջնականապես բոլորը համոզվեն, որ վայելում է լայն հասարակական համակրանք ու աջակցություն:

- Ընտրություններով դա կպարզվի, իսկ հետընտրական հանրահավաքի իմաստը ո՞րն է:

- Դա կրկնակի կհիմնավորի ընտրությունների լեգիտիմությունը:

- «Քաղաքացիական պատերազմի» վտանգի մասին են խոսում այլ քաղաքական ուժեր, միջնորդ են ուզում դառնալ: Կա՞ նման վտանգ:

- Ի՞նչ պատերազմ, ո՞վ ո՞ւմ դեմ պիտի պատերազմի, հայ ժողովուրդն իր կամքը կարտահայտի, կընտրի ՔՊ-ին ճնշող մեծամասնությամբ եւ իր վերաբերմունքը ցույց կտա դեպի ռեւանշիստները: Ոչ մի լարվածություն էլ չի լինի, հանգիստ կգնան իրենց տեղը կնստեն: Եթե իրենց տեղը հանգիստ չնստեն՝ նստելու ուրիշ տեղ կա, կնստեցնեն:

- Որպես քաղաքագետ ընտրությունների 2-րդ փուլի հնարավորություն տեսնո՞ւմ եք:

- Բացառված է,  ընթացքը ցույց է տալիս, որ երկրորդ փուլի կարիք չի առաջանա:

- Ամբողջ համացանցը լցված է ընտրակաշառքի հետ կապված ահազանգերով: Ի՞նչ եք կարծում՝ դա որեւէ ազդեցություն կունենա՞ ընտրությունների արդյունքների վրա:

- Կարծում եմ չի ունենա, բայց իրավապահ մարմինները պիտի ամեն ինչ անեն այդ այլանդակ երեւույթը արմատախիլ անելու համար:

- Ստացե՞լ եք դուք նման ահազանգեր:

- Կան, այո, կոնկրետ կապ ունեն այն տարածքների հետ, որտեղ ազդեցություն ունեն մոսկվայաբնակ հարուստները: Եվ, իհարկե, Երեւանում այն հեղինակությունները, որոնք հիմնականում հենվում են կրիմինալ աշխարհի վրա: երեկ արդեն երրորդ սպանությունը տեղի ունեցավ կրիմինալ աշխարհի ներկայացուցչի: Քոչարյանը հենց հայտնվում է, սպանությունները զուգորդում են միշտ իրար: Կապ ունի, թե չունի՝ դժվար է ասել, բայց երեւույթը...առանց կրակի ծուխ չի լինում, ինչպես ասում են:

- Ո՞ւմ նկատի ունեք՝ մոսկվայաբնակ ասելով:

- Ըստ մարզերի եւ ըստ անունների՝ հայտնի է բոլորին, թե որ մոսկվայաբնակ փողատերը որ տարածքում է մշտապես օգնություն  տալիս, հեղինակություն փորձում ստանալ եւ ընտրակաշառքը կիրառել՝ որպես վերատրադրման միջոց:

- Իսկ ի՞նչ կապ ունի քրեական հեղինակության սպանությունը ընտրությունների հետ:

- Կապ ունի այնքանով, որ երբ որ դու կրիմինալ աշխարհին  ներքաշում ես պայքարի մեջ, նրանք ակտիվանում եւ լկտիանում են:

- Կարծում եք ներքաշվա՞ծ են:

- Իհարկե ներքաշված են, բացահայտ արդեն դաշինքի առաջնորդների հետեւից քայլում են, եթե ուշադիր նկարները նայեք:

- Կան մեղադրանքներ՝ ուղղված ՔՊ-ին, այն բանի համար, որ այդ մարդիկ ոչ միայն ազատության մեջ են, այլեւ քաղաքականությամբ զբաղվելու հնարավորություն են ստացել:

- Ճիշտ մեղադրանքներ են, շատ-շատերը, որոնք այսօր քվե են հայցում հասարակությունից, պետք է լինեին ճաղավանդակների ետեում: Մեղավորություն ունեն իրավապահ մարմինները, որ իրենց բարձրության վրա չեն գտնվել: Նոր քվեն թույլ կտա ՔՊ-ին՝ այդ համակարգը կարգի բերել: Սա նման է նրան, որ Քոչարյանը Արամ Սարգսյանին նշանակելուց առաջ հարցրել է՝ ձերբակալելո՞ւ ես Վանոյին: Ինքն էլ ասել է, որ իրավապահներն են ձերբակալում, ինքը չի ձերբակալում: Հիմա իշխանսւթյունը ձերբակալող ու դատող չի, պետք է իրավապահ համակարգը դա անի, ինչպես ասում էր Հանրապետության դատախազը, թեթեւ ձեռքով հանցագործութնուններ չկոծկի: Բայց դա ժամանակի հարց է, բոլորը կրելու են պատասխանատվություն:

Տպել
2632 դիտում

Վիրավոր զինծառայողներից մեկի վիճակը ծայրահեղ ծանր է․ Սահակ Օհանյան (տեսանյութ)

«Հայաստան» և «Պատիվ ունեմ» դաշինքները լիակատար աջակցություն են հայտնում Զինված ուժերին

ԱՊՀ երկրներում գրանցված կազմակերպություններին վճարված եկամուտների վերաբերյալ պետք տեղեկություններ ներկայացնեն․ ՊԵԿ

Կորյունը շատ քաջ էր. այս գիշեր հակառակորդի կրակոցից զոհված 18-ամյա զինվորը 6 ամսվա ծառայող էր

Գյումրիում 2 շենք է կառուցվում սոցիալապես անապահով 36 ընտանիքի համար. տեսադաշտում են նաև 44-օրյա պատերազմի մասնակիցները

ՀՀ տարածքային ամբողջականությունը խախտելուն և զավթելուն ուղղված Ադրբեջանի գործողությունների առթիվ հարուցվել է քրգործ

Տոկիո-2020. Վարսենիկ Մանուչարյանը հանդես եկավ 100 մ ազատ ոճ մրցաձևում (տեսանյութ)

Պատվիրել է իրագործել 6 անձանց սպանություններ․ ԱԱԾ-ն ավարտել է հարուցված քրեական գործի նախաքննությունը

Հայաստանը ստանձնելու է ՀԱՊԿ նախագահությունը․ Ռուբեն Ռուբինյան

Երևան-Գյումրի-Վրաստանի սահման միջպետական ավտոճանապարհի՝ Շիրակի մարզով անցնող 4,1 կմ հատվածը հիմնանորոգվում է

Պոլիէթիլենային տոպրակները փոխարինվելու են վերամշակված, հատուկ շտրիխ կոդով բազմակի օգտագործման Հավատարմության տոպրակներով

Սեպտեմբերի 15-ից եռամսյա վարժական հավաքներ կհայտարարվեն. կներգրավվի 869 քաղաքացի

Լայնամասշտաբ գործողությունները չեմ բացառում, բայց տարվա այս եղանակին դա քիչ հավանական է. ռազմագետ

Արցախյան 44-օրյա պատերազմից հետո մեկնարկել է հոգեբանական անվճար ծրագիր. մինչ օրս օգտվել են 700-ից ավելի անձինք

Ռուսաստանը վերախմբավորել է զորքերը Աֆղանստանի հետ սահմանին

Պայթյուններ են նախատեսվում Արցախի բոլոր շրջաններում

31-ամյա կինը ոսկյա մատանի և փող է հափշտակել (տեսանյութ)

Ժամը 13։00-ի դրությամբ իրադրությունը հայ-ադրբեջանական սահմանի Գեղարքունիքի հատվածում կայուն է, ունենք 4 վիրավոր. ՊՆ

Աճյունների որոնողական աշխատանքներն այսօր իրականացվում են Վարանդայի շրջանում

Հարձակում Էջմիածնի «Համակցված կերերի» աշխատակցուհու վրա. հարվածել են գլխին, հափշտակել գումար (տեսանյութ, լուսանկարներ)

Արգիշտի Քյարամյանը Սերգեյ Կոպիրկինի հետ երկկողմ համագործակցության հարցեր է քննարկել

ՀՀ-ում հավատարմագրված օտարերկրյա դեսպանությունների ռազմական կցորդները տեղեկացվել են Ադրբեջանի գործողությունների մասին

Ադրբեջանը պատասխանատվություն է կրում ՀՀ 3 զոհված զինծառայողի սպանության, նրանց կյանքի իրավունքը խախտելու համար. ՄԻՊ

Այսօր զոհված Դավիթը 44-օրյա պատերազմի մասնակից էր, Չինչին գյուղի 2020 թվականի միակ շրջանավարտը

ՀՀ նախագահն իր աջակցությունն է հայտնում մեր բանակին. Արմեն Սարգսյանի հայտարարությունը

Ֆրանսիան կդիտարկի Հայաստանի կողմից պաշտպանության ոլորտում աջակցության վերաբերյալ դիմումները. Ժոնաթան Լաքոտ

Նախագահ Սարգսյանը Տոկիոյից վերադառնում է Հայաստան

Ձեռնարկվել է հակագրոհ, մեր դիրքը հետ է վերցվել. Արծրուն Հովհաննիսյան (տեսանյութ)

ՊՆ-ն հայտնել է զոհված 3 զինծառայողների անունները

Կրակոցների պատճառով Սոթքի ոսկու հանքավայրից հրատապ տարհանվել է 150 աշխատակից. ՄԻՊ

Ձեռք է բերվել պայմանավորվածություն հայ-ադրբեջանական զորքերի շփման գծում հրադադարի ռեժիմը վերականգնելու վերաբերյալ. ՊՆ

Ադրբեջանի ՊՆ-ն հայտնում է սահմանին կրակը դադարեցնելու վերաբերյալ ռուսական կողմի առաջարկն ընդունելու մասին. «Արմենպրես»

Կնոջ ծխելու պատճառով առաջացած վիճաբանությունն ավարտվել է սպանությամբ

Հաստատվել է կորոնավիրուսային հիվանդության 280 նոր դեպք. մահ չի արձանագրվել

Կրակոցների անմիջական թիրախում են Կութ, Վերին Շորժա գյուղերը. ահազանգեր ՄԻՊ-ին Ժամը 10:30-ի դրությամբ

1 օրում բացահայտվել է հանցագործության 84 դեպք

Պայթյուն Լուսաձորի գազալցակայանում. կա տուժած

Ոսկե մեդալակիր շրջանավարտների թվով Շիրակի մարզն առաջատար է Հայաստանի Հանրապետությունում

Խիստ անհրաժեշտ է նախ փոփոխել պետական համակարգի, այդ թվում՝ քաղաքապետարանի հաստիքացուցակը. Մեսրոպ Առաքելյան

Ժամը 09։20-ի դրությամբ ադրբեջանական ստորաբաժանումները ետ են շպրտվել իրենց ելման դիրքեր. ՊՆ