Երևան
14 °C
Երևանի ընդհանուր իրավասության դատարանում՝ նախագահությամբ Աննա Դանիբեկյանի, այսօր շարունակվում է Ռոբերտ Քոչարյանի և մյուսների գործով դատական նիստը։
Նիստ սկսվելուն պես Աննա Դանիբեկյանն անդրադարձավ մարտի 23-ի դատական նիստի ընթացքում Քոչարյանի պաշտպաններ Հայկ Ալումյանի, Հովհաննես Խուդոյանի և Արամ Վարդևանյանի վարքագծին, ովքեր առանց դատարանի թույլտվության լքել էին նիստերի դահլիճը, ինչպես նաև մեղադրող դատախազներ Գևորգ Բաղդասարյանի և Պետրոս Պետրոսյանի՝ սույն թվականի մարտի 30-ին նշանակված դատական նիստին չներկայանալուն, ինչը հանգեցրել էր դատական նիստը շարունակելու անհնարինության: «Դատարանն առաջարկում է դատավարության մասնակիցներին հայտնել իրենց դիրքորոշումը դրսևորած վարքագծի կապակցությամբ»,- նշեց դատավորը:
Արամ Վարդևանյանի խոսքով՝ մարտի 23-ին դատավորի դրսևորած վարքագիծը Քրեական օրենսգրքի ոչ մի նորմի տրամաբանության մեջ չէր մտնում. «Դատարանի կողմից չհրապարակվեց մեր կողմից ներկայացված միջնորդությունը: Դատարանն անհասկանալի, որոշակի ձևով էլ հասկանալի, ամեն բան անտեսելով՝ փորձում էր դատաքննության սկիզբը ազդարարել»:
Վարդևանյանի պնդմամբ՝ ինքը մի քանի անգամ փորձել է դիմել այդ օրը դատավորին, սակայն վերջինս նրան թույլ չի տվել. «Փաստաբանական պրակտիկան և միջազգային փորձը հուշում են՝ եթե փաստաբանը իր բոլոր հնարավորություններով փորձում է իրականացնել իր պաշտպանությունը, իսկ դատարանը դա անտեսում է, պետք է դիմել օրենքի չարգելված միջոցի»:
Պաշտպանը նշում է՝ ինքն այլ միջոցի չէր կարող դիմել. «Եթե դատարանը թողներ հանդես գալ հայտարարությամբ, ներկայացնել առարկություն դատարանի կողմից արված գործողությունների վերաբերյալ, ես նման միջոցի չէի դիմի»:
Հայկ Ալումյանն էլ, դատավորին դիմելով, ասաց, որ դատարանն էլ պետք է բացատրեր դատավարական կարգի խախտումները. «Դատարանը, երբ դատական նիստերի դահլիճ է գալիս, պետք է հայտարարի, թե որ գործն է քննում այդ օրը, իսկ դուք չեք հայտարարում, թե որ գործն եք քննում: Դուք պարտավոր եք հայտարարել, որ դատարանը քննում է գործը Ռոբերտ Քոչարյանի Քրեական օրենսգրքի այս հոդվածով, Յուրի Խաչատուրովինը՝ Քրեական օրենսգրքի այդ հոդվածով, Սեյրան Օհանյանինը՝ Քրեական օրենսգրքի այդ հոդվածով և Արմեն Գևորգյանինը՝ Քրեական օրենսգրքի այդ հոդվածով: Բայց դուք դա չեք անում, քանի որ չեք կարող հայտարարել, որ այստեղ մեկնումեկը մեղադրվում է Քր. օրենսգրքի 300.1 հոդվածով, քանի որ ձեր վրա կծիծաղեն, դատարանը դրել եք ծիծաղելի սուբյեկտի տեղ»,- սակայն դատավոր Աննա Դանիբեկյանը Ալումյանի այս խոսքերից հետո այլևս թույլ չտվեց պաշտպանին շարունակել իր խոսքը. «Դուք դուրս եք գալիս կոռեկտության սահմաններից»,- ասաց Դանիբեկյանը: Այնուհետեւ պաշտպանից հետաքրքրվեց՝ անցած մեկ տարվա ու յոթ ամսվա ընթացքում դատարանը հայտարարե՞լ է, թե ինչ գործ է քննվում։ Ալումյանն արձագանքեց՝ հիմա են ուշադրություն հրավիրում դրան։
«Հիմա ես խնդրում եմ ու պահանջում հայտարարել՝ ի՞նչ քրեական գործ է այստեղ քննվում ի՞նչ մեղադրանքով, դրանից հետո միայն անցնենք մասնակիցների վարքագծին»,- հայտարարեց Ալումյանը։
Պաշտպաններից Հովհաննես Խուդոյանն էլ նշեց, որ իր վարքագիծը պարզաբանելու համար պետք է գնահատական տա դատարանի գործողություններին և ընդգծեց, որ դատարանն անտեսել է իրենց կողմի կարծիքները և հայտարարել դատաքննության փուլի սկիզբ. «Քանի որ այդ պրոցեսը դատավարության հետ որևէ առնչություն չուներ, մենք այդ դատական պրոցեսում այլևս անելիք չունեինք»,- ասաց պաշտպանը:
Մեղադրող դատախազ Պետրոս Պետրոսյանն էլ իր խոսքում նշեց, որ իրենք դատարանին հայտնել էին չներկայանալու պատճառները:
Հիշեցնենք, որ նախորդ դատական նիստին դատախազները չէին ներկայացել նիստին, փոխարենը գրություն էին հասցեագրել դատարանին: Մասնավորապես դատախազ Գևորգ Բաղդասարյանը խնդրել էր հետաձգել դատական նիստը, քանի որ նախապատրաստվում է ծավալուն միջնորդություն ներկայացնել Սահմանադրական դատարան՝ մարտի 26-ի ՀՀ քրեական օրենսգրքի 300.1-րդ հոդվածը հակասահմանադրական ճանաչելու որոշման վերաբերյալ:
Պետրոսյանն անդրադարձավ Քոչարյանի պաշտպան Վարդևանյանի այն հայտարարությանը, որ իրենց գործողությունները օրենքով արգելված չեն. «Հիմք ընդունելով Քրեական դատավարության օրենսգրքի 73-րդ հոդվածի 4-րդ մասի 3-րդ կետը, այն որ փաստաբանը պարտավոր է դատական նիստերի դահլիճը չլքել առանց նախագահողի թույլտվությամբ, իմ գնահատմամբ, փաստաբանի վարքագիծը չի համապատասխանում փաստաբանի վարքագծի կանոններին և ենթակա է կարգապահական պատասխանատվության»:
Գևորգ Բաղդասարյանն էլ իր պարզաբանման մեջ նշեց, որ նիստին չներկայանալը պայմանավորված էր իր միջնորդության մեջ արդեն նշված պատճառներով:
Դիրքորոշումները լսելուց հետո Դանիբեկյանը նշեց, որ դատավարության ցանկացած մասնակից պարտավոր է գտնվել դատարանի դահլիճում մինչ դատական նիստի ավարտը կամ ընդմիջումը. «Պաշտպանների անհամաձայնությունը չի կարող հիմք հանդիսանալ նման վարքագծի համար: Ինչ վերաբերում է մեղադրողների չներկայանալուն, դատավարության ցանկացած մասնակից պարտավոր է պատշաճ ներկայանալ դատական նիստերին, և միջնորդություն ներկայացնելու անհրաժեշտությունը չի կարող ազատել պարտականությունը կրելուց: Թեև դատարանը ողջամիտ է համարում, որ ՍԴ-ի որոշումից հետո մեղադրող կողմին ժամանակ էր պետք, բայց դա հիմք չի հանդիսանում դատական նիստին չներկայանալու»:
Ինչից հետո Դանիբեկյանը հայտարարեց, որ դատարանը ոչ իրավաչափ է համարում պաշտպանների՝ սույն թվականի մարտի 23-ի դատական նիստին դրսևորած վարքագիծը, ինչպես նաև մեղադրողների սույն թվականի մարտի 30-ի դրսևորած վարքագիծը և հավելեց, որ դատարանը որոշել է Ռոբերտ Քոչարյանի պաշտպաններ Արամ Վարդևանյանի, Հայկ Ալումյանի և Հովհաննես Խուդոյանի նկատմամբ կիրառել դատական սանկցիա՝ նկատողություն, նույն հոդվածով կիրառել սանկցիա նաև դատախազներ Պետրոս Պետրոսյանի և Գևորգ Բաղդասարյանի նկատմամբ:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ