Երևան
24 °C
«Քաղաքացու որոշում» կուսակցությունը երեկ հայտարարեց, որ «տրամադրված է» մասնակցել ընտրություններին «բոլոր ուժերի գերլարումով, քանի դեռ Հայաստանում կառավարման հարցը վճռվում է քաղաքացու կամքով»։
Արձանագրելով, որ ներքաղաքական ճգնաժամում ներգրավված սուբյեկտները նստել են բանակցությունների սեղանի շուրջ, եւ ձեռք է բերվել պայմանավորվածություն՝ հունիսի 20-ին ընտրություններ անցկացնելու վերաբերյալ՝ կուսակցության գործադիր մարմինը նշել է՝ սա ճգնաժամը լուծելու փորձ է, որը, սակայն, չի բերելու ճգնաժամի խորքային հաղթահարման եւ հղի է նոր վտանգներով։ «Հայկական ժամանակը» զրուցել է «Քաղաքացու որոշում» կուսակցության գործադիր մարմնի քարտուղար Սուրեն Սահակյանի հետ:
- Պարոն Սահակյան, ի՞նչ ակնկալիքներ ունեք ընտրություններից:
- Իմ դիրքորոշումն այն է, որ պետք է մասնակցենք ընտրություններին ու դժվարություններից չընկրկենք, նույնիսկ էական չէ, թե որ օրենսգրքով, բայց, իհարկե, ռեյտինգային համակարգը հանելը արդարության էլեմենտներ կմտցնի: Ընտրություններին մասնակցելն ինքնանպատակ չէ, այն ենթադրում է որոշակի ծախսեր, ոչ ոք այնքան հիմար չէ, որ աննպատակ ծախսեր անի: Մարդը եթե մտնում է այդ գործընթացի մեջ, ակնկալում է, որ նվազագույնը կանցնի, առավելագույնը, որ կստանա բոլորից շատ ձայներ: Եթե մի փոքր իրատես լինենք, մենք, իհարկե, նպատակ դնելու ենք, բայց հավանականությունը քիչ է, որ կհաղթենք. ամեն բան մեր աշխատանքից է կախված:
- 2018-ի ընտրությունները ՔՈ-ի համար առաջինն էին, եւ հասարակությունն այդքան էլ ծանոթ չէր կուսակցության պատմությանը, գաղափարախոսության եւ անդամների հետ: Ավելի քան 2 տարիների ընթացքում ի՞նչ քայլեր են ձեռնարկվել՝ ՔՈ-ն ավելի հանրային, քաղաքացիների համար ճանաչելի եւ ընդունելի դարձնելու համար:
- Օրեր առաջ մենք հաշվել ենք, որ միայն ես 173 հարցազրույց եմ տվել այս ընթացքում: Ցավոք, պանդեմիան եւ պատերազմը հնարավորություն չտվեցին մեզ ընդլայնվել մարզերում: Ասել, որ մենք արել ենք ամեն բան, ինչ եղել է մեր հնարավորությունների սահմանում, որ կուսակցությունը լայն ընդգրկում ստանա, այդպես չէ: Կարելի էր ավելի լավ արդյունքի հասնել: Բայց արել ենք այն, ինչը հնարավոր է եղել:
- Մարզերում ունե՞ք գրասենյակներ՝ բնակիչների հետ կապն ավելի սերտ պահելու համար:
- Գրասենյակներ ունենալու ենք ընտրություններին, ամեն մարզում մեկ գրասենյակ կլինի, Երեւանում էլ՝ հավանաբար մի քանի: Իսկ ընդհանրապես դարը փոխվել է, եւ գրասենյակների առկայությունը այդքան էլ ակտուալ չէ: Հիմա կան էլեկտրոնային կապի միջոցներ, իսկ կուսակցությունների գրասենյակները, որոնք ես գիտեմ մարզերում, նարդու եւ բլոտի առաջնությունների գրասենյակների են վերածվում:
- 2018-ի ընտրությունների ժամանակ շատերը ձեզ հիշեցին մանդարինային արշավի միջոցով, այս տարի ինչ-որ հիշվող տակտիկական քայլ արդեն մտածե՞լ եք քարոզարշավի համար:
- Դա շտաբի աշխատանքն է, որը դեռեւս ձեւավորված չէ: Պետք է նստել, մասնագիտական քննարկում ունենալ, թե ինչ ուղղությամբ է գնալու քարոզարշավը: Բնականաբար, հունիսին մանդարինը պակասություն կանի, եւ մանդարիններ չենք բաժանի (ժպտում է -հեղ.):
- Համամասնական ընտրակարգով ընտրությունների անցկացումն ի՞նչ նոր որակներ կբերի ընտրությունների պատմության մեջ:
- Ընտրական օրենսգիրքը լավ կամ վատ ընտրությունների մի բաղադրիչն է: Օրինակ՝ մյուս բաղադրիչն այն է, թե որքանով է հանրությունը պատրաստ, ինչքանով է միջավայրը տրամադրող, հանգիստ, կայուն: Այս իրավիճակում չեմ կարծում, թե արտառոց նորություններ են լինելու: Հակառակը, կարծում եմ, այս միջավայրում ձեւավորվող ԱԺ-ն լինելու է ամենավատը մեր պատմության ընթացքում: Որովհետեւ ընտրությունը եւ հանրության տրամադրությունը առավելապես հերոս-դավաճան ընտրության մեջ են՝ ընտրում են հերոսներին, մերժում՝ դավաճաններին: Այսպիսով՝ ծրագրերը մղվում են տասներորդական պլան:
- Նոր Ընտրական օրենսգրքով ընտրությունների անցկացումը քաղաքացիներին կբերի՞ այն եզրահանգմանը, որ պետք է ընտրել քաղաքական ուժի գաղափարները, ոչ թե անձերի, թե՞ կարծում եք՝ դա ոչ մի կերպ չի ազդելու հանրության վրա:
- Դա կփոքրացնի հնարավորությունները: Քանի որ առաջին անգամն է լինելու, հնարավոր է՝ իներցիայով շարժվեն այդ անձնային ընտրության գաղափարով: Բայց ժամանակի ընթացքում գալու է դրա հակառակը՝ արժևորվելու են կուսակցությունները: Դա միայն Ընտրական օրենսգրքով չենք փոխի: Մեր հիմնական քննադատությունն այն էր, որ Ընտրական, Քրեական օրենսգրքով, ԱԺ կանոնակարգ օրենսգրքով ու փոփոխություններով պետք է հասնեին նրան, որ կուսակցությունները դառնան գաղափարական: Դրա շուրջ մենք շատ քայլեր ենք առաջարկել, ցավոք, շատ քիչն է ընդունվել:
- Ընդդիմադիրները մտավախություն ունեն, որ իշխանություններն արդար ընտրություններ չեն կազմակերպի, դուք էլ ունե՞ք այդ մտավախությունը, թե՞ հավատում եք արդար եւ ազատ ընտրություններ կազմակերպելու իշխանությունների պնդումներին:
- Եթե խոսքը կեղծիքների մասին է, որոնք տեսել ենք նախկինում, այդպիսիք, բնականաբար, չեն լինի: Եթե հումորով ասենք, այս 2,5 տարվա մեջ ոչ մի գործ չի հաջողվել, դա էլ չի հաջողվի: Իսկ եթե լուրջ, չկա այդ բազան, որի վրա նրանք կհիմնվեն ու կեղծիքներ կանեն: Իրավապահ համակարգի առաջին տեղեկությունը «մի ոտք առաջ» գնում է ընդդիմությանը, հետո նոր Նիկոլ Փաշինյանին:
- Պարոն Սահակյան, հնարավո՞ր է՝ որեւէ կուսակցության հետ միանաք եւ դաշինք կազմեք, եթե՝ այո, ո՞ր կուսակցության, եթե՝ ոչ, ինչո՞ւ եք բացառում:
- Քննարկում եղել է՝ դաշինքով հանդես գալ, թե միայնակ, բայց մենք այս պահին որոշել ենք դեռեւս միայնակ մասնակցել: Դաշինք կազմելու մեջ գաղափարականն ամենակարեւոր բաղադրիչն է, որ գաղափարները նույնական լինեն: Պատկերը, թե մենք ինչ պետություն ենք գնում ստեղծելու, պետք է նույնը լինի այդ ուժի հետ: Կան հուսալիության ու վստահության չափորոշիչներ: Դաշինքներ կազմելու խոսակցությունները Հայաստանում այնքան զզվելի են՝ այս մի ձայնը ինձ տուր, այս մի տեղն ինձ տուր, նույնիսկ մենք այդ հավակնություններն էլ չունենք տեղի: Մանավանդ պատերազմից հետո դրանց բնույթը այնքան զզվելի է, որ ես չեմ էլ ուզում մտնել դրա մեջ: Կան գաղափարներ, ովքեր այդ գաղափարները կիսում են, եկեք միանանք, ոչ թե դաշինք կազմենք ու տեղեր կիսենք: Իսկ եթե նույնական չենք, ինչու միանանք ու ժողովրդին խաբենք:
- Նշեցիք, որ դեռ վերջնական չեք որոշել՝ կմասնակցեք արտահերթ ընտրություններին, թե ոչ: Ե՞րբ ձեր ընտրողներն արդեն հստակ կարող են իմանալ, որ ՔՈ-ն մասնակցում է արտահերթ խորհրդարանական ընտրություններին:
- Չեմ կարծում՝ երկար կտեւի, շատ շուտ կիմանան: Ցանկանում եմ կոչ անել քաղաքացիներին գնալ ընտրություններին, անցած անգամ մեծ թվով քաղաքացիներ գնացին եւ ընտրեցին, իրենց ձայնը պատվիրակեցին մեկ հոգու, եւ ստացանք վատ կառավարման համակարգ: Այս դեպքում էլ հնարավոր է չգնալով՝ պատվիրակել մեկ հոգու եւ ստանալ վատ կառավարման համակարգ: Իսկ գնալով եւ ձայները բաշխելով տարբեր ուժերի մեջ՝ կստանանք վերահսկելի ու ավելի լավ կառավարություն:
Անյուտա Աթանեսյան
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
ՀՀ-ն ԱՄՆ-ին է հանձնել հետախուզման մեջ գտնվող ամերիկացուն
ԵԽ գրասենյակի ղեկավարն ու Պապիկյանը քննարկել են համատեղ իրականացվող ծրագրի մանրամասները
Ուժերը մեզ վրա է պատո՞ւմ, թե չեն ընկալում ՀՀ-ն որպես անկախ պետություն. Սիմոնյան
Բերման է ենթարկվել բողոքի ակցիաների 29 մասնակից
Գառնիկ Դանիելյանին տեղափոխել են հիվանդանոց
Ռուսաստանում մեկնաբանել են Հայաստանի և Ադրբեջանի միջև առաջին սահմանային սյան տեղադրումը
Բերման են ենթարկվել Էդգար Ղազարյանը, Նաիրա Զոհրաբյանն ու Երևանում կազմակերպված ակցիայի այլ անդամներ
Տավուշում ԵԿՄ մեքենան վնասելու, խուլիգանության գործով ձերբակալված «Մարտական եղբայրության» հիմնադիրը կալանավորվել է
Ապրիլի 17-22-ին գրանցված առավելագույն ջերմաստիճանները գերազանցել են բոլոր պատմական արժեքները. անոմալ տաքը կպահպանվի
Քանի դեռ ժողովրդին ոչ մի բան չունեն առաջարկելու, 20, 30, 40 հոգով հավաքվելու են գոռգռան և գնան տներով. Սիմոնյան
Վազգենը որ գար, կասեր՝ «արա, ամբողջ կյանքում «наша раша»-ի տակ տնքալով պարողը իրավունք չունի սահմանից խոսել. Խաչատրյան
ԱԺ Հայաստան-Ֆրանսիա բարեկամական խումբը ֆրանսիացի գործընկերների հետ քննարկել է երկուստեք հետաքրքրության հարցեր
Դրսից թելադրված բան է․ Սիմոնյանը մանրամասնեց, թե ովքեր են ՀՀ-ում ընդդիմախոսները
Հայաստանը դիմացել է, նա գրում է իր և իր ժողովրդի ապագան. Ֆրանսիայի վարչապետ
12 կմ արդեն սահմանազատված է, թե Ալիևը ՌԴ-ի ու Թուրքիայի հետ սակարկելու համար ինչ կասի, չի հետաքրքրում․ Սիմոնյան
Ադրբեջանցին զարթնելու է, տենա՝ եռագույնը ծածանվում է Կզըլ Հաջիլիի բարձունքի վրա, դրա մասին ինչո՞ւ չեք խոսում. Սիմոնյան
Տեղեկատվական հոսքերով փորձ է արվում հրամցնել, թե բազմաթիվ, այդ թվում՝ միջպետական ճանապարհներ են փակ. Չախոյան
ՌԴ ԱԳՆ-ն ափսոսանք է հայտնել, որ Հայաստանում շարունակում են «ՀԱՊԿ-ի հասցեին հրապարակային քննադատություն թույլ տալ»
© 2024 Հայկական ժամանակ