Հյուրանոց եւ հիվանդանոց կառուցելու մասին որեւէ փաստաթուղթ չի եղել, էմոցիաները գնահատել չեմ ուզում. Հակոբ Կարապետյան

Գագիկ Ծառուկյանի միջնորդությամբ Երեւանի քաղաքապետ Հայկ Մարությանի հետ հանդիպած մեծահարուստները ներդրումային որեւէ առաջարկ փաստաթղթային տարբերակով չեն ներկայացրել:

Այս մասին մեզ հետ զրույցում ասաց քաղաքապետի մամուլի քարտուղար Հակոբ Կարապետյանը՝ պարզաբանելով «Բարգավաճ Հայաստան» կուսակցության առաջնորդի այսօրվա հայտարարությունը, ըստ որի՝ Աբու Դաբիի թագաժառանգը եւ Արաբական Միացյալ Էմիրությունների «Ռոտանա» հյուրանոցային ցանցի սեփականատերը ցանկություն են հայտնել ներդրումներ անել Հայաստանում, նրանք անձամբ հանդիպել են Երեւանի քաղաքապետ Հայկ Մարությանի եւ գլխավոր ճարտարապետ Արթուր Մեսչյանի հետ: Նպատակ են ունեցել Երեւանում կարիքավոր անձանց անվճար սպասարկող հիվանդանոց կառուցել, ինչպես նաեւ՝ երկու հյուրանոց:

«Հանդիպումը տեւել է ընդամենը կես ժամ, եւ մարդիկ հիասթափված դուրս են եկել ու իրենց ներդրումների մասին մոռացել են, ժամանակավոր սառեցրել են»,- նշել է Ծառուկյանը:

Քաղաքապետի խոսնակն ասաց, որ նշված կոնկրետ նպատակների մասին տեղյակ չէ, բայց դրանք իրագործելու համար որեւէ նախագիծ չի ներկայացվել:

- Ես գիտեմ, որ պարոն Գագիկ Ծառուկյանի առաջարկով քաղաքապետի աշխատասենյակում ամիսներ առաջ տեղի է ունեցել հանդիպում: Նման կարգի հանդիպումներ տարբեր պոտենցիալ ներդրողների կամ հետաքրքրված անձանց հետ տեղի են ունենում, եւ անկախ նրանից, թե ով է հանդիպման մասնակիցը (ամենայն հարգանքով) եւ անկախ նրանից, թե ինչպիսի տիտղոս է կրում կամ ինչպիսի ծագումնաբանություն ունի, քաղաքապետարանը ու մասնավորապես քաղաքապետը վերաբերվում են Հայաստանի Հանրապետության օրենսդրությանը եւ Երեւան քաղաքի զարգացման պատկերացումներին համապատասխան:

- Այսինքն՝ այն, ինչ-որ իրենք ակնկալել-սպասել են, կա՛մ օրենքին է հակասել, կա՛մ քաղաքի զարգացման մասին պատկերացումների՞ն:

- Նախ ֆիքսենք, որ որեւէ կոնկրետ, գործնական, փաստաթղթավորված առաջարկ, նախագիծ քաղաքապետարանը չի ստացել: Անկախ նրանից, որ հանդիպման ընթացքում կողմերը փոխանակվում են մտադրություններով, դրան հաջորդում է նախագծերի ներկայացումը: Խոսվում է ինչ-որ հիասթափությունների մասին: Ես չեմ ուզում մտնել որեւէ մեկի էմոցիոնալ աշխարհի մեջ եւ գնահատել նրա զգացմունքները, համենայն դեպս, եթե մարդիկ լուրջ են տրամադրված եւ իսկապես մտադիր են ներդրումներ անել ու կառուցապատում իրականացնել Երեւան քաղաքում, նրանք որեւէ խոչընդոտ չեն կարող ունենալ: Նրանց գործողությունները կարող են սահմանափակվել միայն եւ բացառապես Հայաստանի Հանրապետության օրենսդրությամբ: Այնպես որ, ես էմոցիոնալ զեղումներն այստեղ տեղին չեմ համարում: Տասնյակ եւ հարյուրավոր կառուցապատողներ, հյուրանոց կառուցողներ, բնակելի, ֆունկցիոնալ շինարարություն կատարող մարդիկ շատ նորմալ, գործնական հարաբերությունների մեջ են Երեւանի քաղաքապետարանի հետ: Եվ նրանց կարող է միանալ ցանկացած ոք՝ լինի դա Արաբական Միացյալ Էմիրություններից, Հայաստանի Հանրապետությունից, ցանկացած ծագման, կրոնի, աշխարհընկալման տեր մարդ:

- Գուցե առաջին հանդիպման ժամանակ նրանց ասվել է՝ նախագիծ մի ներկայացրեք, հաջորդ քայլերը մի արեք, դրանց կարիքը չկա, որովհետեւ մերժվելու եք:

- Դա առհասարակ բացառվում է, եւ կոնկրետ այս դեպքում էլ բացառվում է:

Տպել
3609 դիտում

Վերջին 1 ժամում Նորքի հիվանդանոցում կորոնավիրուսից 2 մահվան դեպք է արձանագրվել. նախարար

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)