ՀՀ վարչապետը եւ նրան աջակցող ՀՀ քաղաքացիները Վիտալի Բալասանյանի գործունեությունը համարում են քայքայիչ. Վ. Կարապետյան

Երեկ հաղորդագրություն տարածվեց, որ ՀՀ վարչապետ Նիկոլ Փաշինյանը Արցախի նախագահ Բակո Սահակյանի հետ հանդիպում է ունեցել Արցախի նախագահական ընտրություններին իրենց թեկնածությունն առաջադրել պատրաստվող գործիչների` «Արցախի ժողովրդավարական կուսակցության» ղեկավար, ԱՀ Ազգային ժողովի գործող նախագահ Աշոտ Ղուլյանի, ԱՀ արտաքին գործերի գործող նախարար Մասիս Մայիլյանի, «Ազատ Հայրենիք» կուսակցության նախագահ Արայիկ Հարությունյանի հետ:

Հանդիպմանը մասնակցել է նաեւ ՀՅԴ Արցախի ԿԿ-ի ներկայացուցիչ, ԱՀ Ազգային ժողովի «Դաշնակցություն» խմբակցության անդամ Դավիթ Իշխանյանը։

Արցախում եկող տարվա մարտին սպասվող նախագահական ընտրություններին մասնակցելու մասին շաբաթ օրը հայտարարեց նաեւ Արցախի անվտանգության խորհրդի նախկին քարտուղար Վիտալի Բալասանյանը: ՀՀ վարչապետի մամուլի խոսնակ Վլադիմիր Կարապետյանից հետաքրքրվեցինք, թե արդյոք Վիտալի Բալասանյանը եւս հրավիրվել էր հանդիպմանը:

Ի պատասխան Կարապետյանն ասաց. «Ոչ, Վ. Բալասանյանը չի հրավիրվել նշված հանդիպմանը: Նման մոտեցման պատճառն այն է, որ ս/թ մայիսի 20-ին ունեցած իր ելույթի համատեքստում, Հայաստանի վարչապետի համար կարեւոր է, որ Արցախի մեր սիրելի հայրենակիցները իմանան, որ ՀՀ վարչապետը եւ նրան աջակցող Հայաստանի Հանրապետության քաղաքացիները Վիտալի Բալասանյանի վերջին ամիսներին ծավալած գործունեությունը Հայաստանի եւ Արցախի ազգային անվտանգության տեսակետից համարում են քայքայիչ»:

Հիշեցնենք, որ մայիսի 20-ին դատաիրավական համակարգի վերաբերյալ իր ելույթում ՀՀ վարչապետը հայտարարեց. «…կոչ եմ անում Արցախի մեր ժողովրդին միանշանակ եւ աներկբա ոչ ասել, մերժել բոլոր այն ուժերին, ում գործունեությունն ուղղված է մեր ժողովրդի երկու հատվածների միջեւ հակասություններ սերմանելուն: Արցախի ժողովրդին կոչ եմ անում աջակցել միայն այն ուժերին, ովքեր հանդես են գալիս Հայաստանի ժողովրդի եւ նրա լեգիտիմ ներկայացուցիչ կառավարությանն աներկբա աջակցության դիրքերից»:

«Բոլոր նրանք, ովքեր ապրում են Հայաստանը ետ շպրտելու անիմաստ մոլուցքով, գործում են ընդդեմ ժողովրդի: Ընդդեմ Հայաստանի ժողովրդի, ընդդեմ Արցախի ժողովրդի, ընդդեմ հայ ժողովրդի»,- ընդգծել էր Փաշինյանը:

Իսկ Բալասանյանը, հիշեցնենք, վերջին շրջանում հարցազրույցներով ու ասուլիսներով հայտարարում է Նիկոլ Փաշինյանի ղեկավարած կառավարության կողմից Հայաստանն ու Արցախը կործանման տանելու մասին: Իր վերջին ասուլիսներից մեկում Բալասանյանը նաեւ նշեց, թե իրենք գիտեն, թե նախորդ տարի սեպտեմբերի 28-ին Դուշանբեում ԱՊՀ երկրների ղեկավարների գագաթնաժողովին մասնակցող Հայաստանի վարչապետ Նիկոլ Փաշինյանը եւ Ադրբեջանի նախագահ Իլհամ Ալիևը նույն վերելակում ինչ են քննարկել, ինչ թեմաներից են խոսել՝ ընդգծելով. «Այն քաղաքականությունը, որ այս պահին վարում է Նիկոլ Փաշինյանը, դա նույն այն փաթեթն է, որն ուզում էր կյանքի կոչել Լևոն Տեր–Պետրոսյանը, այն է`ԼՂ–ին տալ լայն ինքնավարություն Ադրբեջանի կազմում»։ 

Այս ելույթներից հետո Արցախի ռազմական-քաղաքական գործիչ Վահան Բադասյանը հայտարարեց, որ Վիտալի Բալասանյանն այդ հայտարարությունները անում է Սերժ Սարգսյանի հետ Արցախում տեղի ունեցած հանդիպումից ոգեշնչված:
«Ազգային վերածնունդ» կուսակցության նախագահ Հայկ Խանումյանը, որ եւս հայտարարել է 2020-ին սպասվող ընտրություններում առաջադրվելու ցանկության մասին՝ մեր զրույցում ասաց, որ չէր հրավիրվել Բակո Սահակյանի եւ Նիկոլ Փաշինյանի մասնակցությամբ հանդիպմանը, բայց եթե հրավիրվել էր՝ դժվար թե մասնակցեր:

«Չէ, մեզ ինչո՞ւ պիտի հրավիրեին, դա Բակո Սահակյանի թեկնածուների հանդիպումն է եղել ՀՀ վարչապետի հետ, մեզ հետ չի հանդիպել: Դրանք իշխանության թեկնածուներն էին, ընդդիմադիր թեկնածուներ էլ կան: Մենք միշտ ասել ենք, որ մենք ընդդիմություն ենք, մենք երբեք էդ ֆորմատով հանդիպման չէինք մասնակցի»,- ասաց Խանումյանը:

Նա չբացառեց, որ ինքը եւս հանդիպի ՀՀ վարչապետի հետ: «Ես բազմաթիվ անգամներ եմ հանդիպել ՀՀ վարչապետի հետ, ուղղակի չլուսաբանվող են եղել: Ոչինչ, մի օր էլ լուսաբանվող կլինի՝ կիմանաք»,- հավելեց Խանումյանը:

Մեր դիտարկմանը՝ այսինքն Բակո Սահակյանը առաջիկա ընտրություններում 4 թեկնածո՞ւ ունի՝ Խանումյանը պատասխանեց. «Այո, որովհետեւ իշխանությունը էլ առաջվա նման ուժեղ չի, Երեւանից մեկը չի ասում՝ Պողոսը պետք է լինի (նախագահ-խմբ.), մյուսները իրեն պետք է պաշտպանեն: Հիմա քանի որ իշխանության ներսում նույնպես չեն կարողացել նախընտրություն կատարել՝ թողնում են ինքնահոսի՝ մտածելով, որ երկրորդ փուլում էդ բոլոր թեկնածուները կհամախմբվեն երկրորդ փուլ անցած իշխանական թեկնածուի շուրջ»:

Ի դեպ, ՀՅԴ-ն դեռ չի հայտարարել Արցախի ընտրություններին մասնակցելու ձեւաչափի, թեկնածուի մասին, սակայն ՀՅԴ ներկայացուցիչ Դավիթ Իշխանյանը մասնակցում էր Փաշինյանի հետ հանդիպմանը: Վլադիմիր Կարապետյանից հարցրինք՝ ինչո՞վ է պայմանավորված հանդիպմանը նրա մասնակցությունը: «Կարծում եմ, որ Դաշնակցությունն ակտիվ մասնակցություն է ունենալու Արցախում տեղի ունենալիք ընտրություններին»:

Հիշեցնենք. Արցախում շաբաթ օրը տեղի ունեցած հանդիպման մասին ՀՀ վարչապետ Նիկոլ Փաշինյանն իր ֆեյսբուքյան էջում գրել էր. «Հանդիպման ընթացքում վերահաստատեցի իմ այն դիրքորոշումը, որ Արցախում տեղի ունենալիք նախագահական եւ խորհրդարանական ընտրությունների ազատ, արդար, թափանցիկ եւ միջազգային չափանիշներին համապատասխան անցկացումը չափազանց կարեւոր է` ընդգծելով, որ ՀՀ կառավարությունն այդ գործում ամեն կերպ աջակցելու է Արցախի իշխանություններին»:

Տպել
6022 դիտում

«Կենացդ խմեմ». Իվետա Մուկուչյանը ներկայացրել է նոր տեսահոլովակ (տեսանյութ)

Գեղարքունիքում անցկացվել է պատանիների շախմատի 2021 թվականի մարզային առաջնությունը

Էջմիածնում հայտնաբերվել է հետախուզման մեջ գտնվող 25-ամյա տղամարդ

Մալաթիա-Սեբաստիա վարչական շրջանում ավտոմեքենա է այրվել

Խստիվ արգելվում է ծառայողական ավտոմեքենաներն աշխատանքային ժամերից դուրս կամ ոչ աշխատանքային օրերին վարելը. ԱՀ դատախազ

«Լոռին ժամանակների հանդիպման վայր». վերաբացվել է Լոռի-Փամբակի երկրագիտական թանգարանը

Ֆիզուլիի և Ջեբրայիլի շրջաններում այսօր իրականացված որոնողական աշխատանքների ընթացքում ևս 2 աճյուն է հայտնաբերվել

ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահ­մա­նային իրավիճակը

Անցած մեկ օրում Հայաստանում արձանագրվել է ճանապարհատրանսպորտային 9 պատահար

Սկսվել է Գյումրի-Երևան ճանապարհի Լանջիկի հատվածի փոսալցումը. այն դարձվում է բավարար երթևեկելի

Օրական 2-ից 4 տոննա կաթ հետ է վերադարձվում ցածր որակի պատճառով, նոր ներդրումներ կաթի վերամշակման ոլորտում

Առավոտից տարածվում է անհեթեթ ինֆորմացիա Երևանի մանկապարտեզներում երեխաների ընդունելության հետ կապված. Հայկ Մարության

ՌԴ իրավապահների կողմից հետախուզվողը ներկայացել է ոստիկանության Կոտայքի բաժին

Օդի ջերմաստիճանը մարտի 8-ի ցերեկը կնվազի 5-ից 7 աստիճանով. Երևանում սպասվում են տեղումներ

Բացահայտվել է հիվանդանոցում կատարված գողությունը. 27-ամյա կասկածյալը տվել է խոստովանական բացատրություն

Բողոքի ակցիա են իրականացնում Օնիկ Գասպարյանի աջակիցները

Գավառում պատանիների վիճաբանությունն ավարտվել էր դանակահարությամբ

Զոհված հերոսների ևս 121 ընտանիք հատուցում է ստացել

Մեսրոպ Առաքելյանը ՄԱԿ-ի Բնակչության հիմնադրամի ներկայացուցչի հետ քննարկել է ժողովրդագրական իրավիճակի բարելավման հարցերը

Արցախ է մեկնել ՀՀ առողջապահության նախարարի գլխավորած պատվիրակությունը

Կառավարությունը մտադիր է ևս 6 ամսով երկարաձգել թուրքական ապրանքի ներկրման արգելքը. Վարոս Սիմոնյան (տեսանյութ)

ՊԵԿ մասնագետները հասարակական կազմակերպություններին են ներկայացրել օրենսդրության փոփոխությունները

Հայաստանի պետական սիմֆոնիկ նվագախումբը համագործակցում է շվեյցարական HomeOrchestra կրթական ծրագրի հետ

ԱՀ դատախազությունն ամփոփել է Ստեփանակերտում ապրող տեղահանված բնակիչների իրավունքների խախտումների ուսումնասիրությունը

Արա Այվազյանը Իրանի գործընկերոջ հետ զրույցում անդրադարձել է տարածաշրջանային անվտանգության և կայունության հարցերին

Ֆիզուլիի ուղղությամբ որոնողական աշխատանքները կրկին անարդյունք են. վարկած կա, որ դիերը նախապես հուղարկավորվել են

Արցախում ստացիոնար բուժում է ստանում 5 վարակակիր. կորոնավիրուսային հիվանդության նոր դեպք չի հաստատվել

Մենենդեսը Բայդենին կոչ է արել ակտիվ լինել Ադրբեջանում պահվող հայ գերիների վերադարձի հարցում. «Արմենպրես»

Սևանում «Թումո» տուփ կբացվի

«Դու պետք է հավատաս գարնանը». Ջազ նվագախումբը հանդես կգա համերգով

Մարմնամարզիկ Արթուր Ավետիսյանը նվաճած ոսկե մեդալը նվիրել է իրեն վիրահատած բժշկին

Լաչինի միջանցքով անցնող կանանց ռուս խաղաղապահները ծաղիկներ են նվիրել և շնորհավորել առաջիկա տոնի առիթով

Հաստատվել է կորոնավիրուսի 508 նոր դեպք, առողջացել է 191, մահացել՝ 4 մարդ

Վրաստանը բացում է օդային սահմանը Թուրքմենստանի, Ուզբեկստանի, Տաջիկստանի, Ղրղզստանի քաղաքացիների համար. Aliq Media

Հրշեջ-փրկարարները մարել են ընդհանուր 15․7 հա տարածքում բռնկված հրդեհները

«Opel»-ը դուրս է եկել ճանապարհի երթևեկելի հատվածից և հայտնվել ձորակում

Աշխարհում 7 երեխայից 1-ը նախորդ տարվա մեծ մասն ապրել է մեկուսացման պայմաններում՝ վտանգելով հոգեկան առողջությունը

Լարսի ռուսական կողմում մոտ 600 բեռնատար է կուտակված

Հրդեհ Գյումրիում․ բազմոցին հայտնաբերվել է 73-ամյա բնակչի դին

Շուռնուխ-Կատարի ավտոճանապարհը դժվարանցանելի է