Դպրոցի բուֆետում չի կարող լինել նուշ, գետնանուշ, կաթնաշոռ, մրգերը պետք է լինեն լվացված ու փաթեթավորված

Դպրոցահասակ երեխաներն ամեն օր երկար ժամանակ են անցկացնում դպրոցում, որտեղ կրթություն ստանալուց բացի, սնվում են: Արդյո՞ք մատուցվող սնունդը թույլատրվում է դպրոցներում, ո՞ր մթերքներն են արգելվում վաճառել եւ արդյոք պահվո՞ւմ են այդ նորմերը: Այս եւ նման այլ հարցերի պատասխանները մտահոգում են թե՛ ծնողներին, թե՛ սննդաբաններին:

Դպրոցներում սանիտարահիգիենիկ պայմանները, սննդի ժամկետը եւ որակը կարգավորվում են ՀՀ առողջապահության նախարարի 2014 թ.–ի  հունիսի 6-ի հրամանով՝ «Հանրակրթական ուսումնական հաստատություններում սովորողների սննդի կազմակերպմանը ներկայացվող հիգիենիկ պահանջներ» (լրացված 2016 թ.-ի հունիսի 13-ին):

Կրթական հաստատություններում սովորողների լրացուցիչ սնունդը կազմակերպվում է բուֆետների միջոցով: Վաճառվող սննդամթերքի ցանկը յուրաքանչյուր ուսումնական տարվա սկզբին հաստատվում է դպրոցի ղեկավարի կողմից:

Մթերքներ, որոնք չեն թույլատրվում օգտագործել

Երեխաների սիրելի շատ մթերքներ դպրոցներում արգելվում է օգտագործել, որպեսզի չառաջացան եւ չտարածվեն սննդային գործոնով պայմանավորված զանգվածային վարակիչ հիվանդություններ եւ սննդային թունավորումներ: Ըստ այդմ՝ ուսումնական հաստատություններում չպետք է օգտագործվի անլվա կճեպով ձու, ջրլող թռչունների՝ բադի, սագի և այլնի միս, ձու, բորբոսի և փչացման հատկանիշներով բանջարեղեն, միրգ, կանաչած կարտոֆիլ, նախորդ օրվա պատրաստած կերակրատեսակներ կամ օգտագործած կերակրատեսակների մնացորդներ, թերխաշ եւ հում ձու, սունկ եւ դրանից պատրաստված կերակրատեսակներ, սնկի արգանակ, մարգարին, կծու պղպեղ (կարմիր, սև) եւ այլ կծու համեմունքներ, սոուսներ, կետչուպներ, մայոնեզ, նուշ, գետնանուշ, ծիրանի կորիզի միջուկ եւ այլն:

Ցանկը, սակայն, այսքանով չի ավարտվում, դեռ շատ մթերքներ կարելի է թվարկել: Նրանց մեջ է մտնում տնային կամ դպրոցի խոհանոցային պայմաններում պատրաստված պահածոները, մսատրորվածքները (պաշտետներ), կաթնաշոռը:

Արգելված մթերքների ցանկում են հայտնվել նաեւ տապակած կերակրատեսակները, այդ թվում՝ կարկանդակներ, փքաբլիթներ, կարտոֆիլով, մսով կամ կաթնաշոռով պատրաստված բարակաբլիթներ (բլինչիկներ), չիպսեր, հում ապխտած մսից պատրաստված ուտեստներ՝ բաստուրմա, սուջուխ, արյունային, ապխտած, կիսաապխտած, հում ապխտած երշիկեղեն:

Երեխաների շատ սիրելի կրեմային հրուշակեղենը՝ տորթեր, հրուշակներ, շաքարների և աղի բարձր պարունակությամբ սննդամթերք, առանց մրգային միջուկի կարամել, պաղպաղակ եւս չի թույլատրվում օգտագործել դպրոցներում:

Ուսումնական հաստատություններում չի թույլատրվում օգտագործել բնական սուրճ, կոֆեին պարունակող կամ էներգետիկ ըմպելիքներ, ալկոհոլային խմիչքներ, երեխաների կողմից շատ սիրելի գազավորված ըմպելիքներ:

Այս ցանկը հրապարակված է նշված հրամանի «Առողջ սննդի կազմակերպմանը եւ օրինակելի ճաշացուցակի կազմմանը ներկայացվող պահանջներ» հոդվածի 26-րդ կետում:

Թույլատրելի մթերքներ

Հրամանով նաեւ առանձնացված է թույլատրելի մթերքների ցանկը, դրանց պայմանները եւ անհրաժեշտ քանակը:

Ըստ այդ ցանկի՝ մրգերը պետք է վաճառվեն նախապես լվացված և փաթեթավորված, տաք ըմպելիքները՝ թեյը, կաթով և շաքարով կակաոն պետք է պատրաստվեն անմիջապես իրացումից առաջ:

Հատապտուղներից եւ մրգերից հյութերը, կաթը և կաթնային ըմպելիքները (2,5-3,5% յուղայնության), հացը և հացաբուլկեղենը, չրեղենը, շաքարային հրուշակեղենը՝ իրիս, զեֆիր, կոնֆետներ, բացառությամբ առանց մրգային միջուկի կարամելից, շոկոլադը պետք է իրացվեն միայն սննդարդյունաբերության արտադրության՝ սպառողական փաթեթավորմամբ:

Կաթնաթթվային ըմպելիքները՝ մածունը, կեֆիրը, կաթնաշոռային արտադրանքը (մինչև 9 % յուղայնության), բուտերբրոդների համար պանիրները իրացվում են միայն սննդարդյունաբերության արտադրության սպառողական փաթեթավորմամբ: Այս դեպքում պարտադիր է նաեւ ցուցադրասառնարանի առկայությունը:

Տպել
5492 դիտում

ԿԳՄՍՆ-ն մոտ կես միլիոն դրամ է հատկացրել պաշտոնական կեղծիքով ներկայացված միջոցառման ծրագրին. ռեժիսոր Հովհաննես Գալստյան

Իջևանի ոստիկաններն առանց փաստաթղթերի փայտածուխի արտադրամասեր են հայտնաբերել. (տեսանյութ)

Հայաստան ապօրինի թմրամիջոց ներկրելու հերթական դեպքն է կանխվել, 28-ամյա կինը կալանավորված է․ (տեսանյութ)

Սահմանամերձ Բերդավան գյուղի դպրոցը, մանկապարտեզը եւ բուժկետը պաշտպանական նոր պատեր ունեն. գյուղն ավելի ապահով կլինի

Փարիզում ոստիկանները արգելափակել են ցուցարարների ճանապարհը դեպի խորհրդարան

Աբովյան քաղաքը շուտով կունենա «loft» ոճի հանրային գրադարան

Ինքնասպանություններ-սպանություններ բանակում, կռիվներ դպրոցում. կրթությունը չի կարողանում չեզոքացնել քրեական բարքերը

Նիկոլ Փաշինյանի որոշմամբ քաղպաշտպանության վիճակի գնահատում է իրականացվել Առողջապահական և աշխատանքի տեսչական մարմնում

Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել. ԿԸՀ

Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Արայիկ Հարությունյանն ընդունել է Բրիտանական խորհրդի ներկայացուցիչներին

Մեծամորի բնակարաններից մեկում 64-ամյա տղամարդու դի է հայտնաբերվել. ԱԻՆ

Ռուստամ Բադասյանն ընդունել է Ֆրանսիայի դեսպան Ժոնաթան Լաքոտին

Մեդալս Կարեն Գիլոյանին եմ տվել, խոստացել էի. Եվրոպայի հնգակի չեմպիոն Արթուր Ալեքսանյան

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել