Վարչապետը գաղտնազերծեց արվեստի գլուխգործոցները դպրոցներ տանելու գաղափարի մանրամասները

Նախորդ տարի հայտարարվել էր թանգարաններում պահվող արվեստի առանձին գլուխգործոցները դպրոցներ տեղափոխելու եւ այնտեղ ժամանակավոր ցուցադրություն կազմակերպելու, այդպիսով աշակերտներին բարձր արվեստին հաղորդակից դարձնելու, նրանց մեջ հետաքրքրություն առաջացնելու ծրագրի մասին: Այն, սակայն, հանդիպեց մշակութային որոշակի շրջանների դիմադրությանը եւ մինչեւ այժմ չի իրագործվել: Ընդդիմախոսները կարծում էին, որ պահպանման հատուկ պայմանների կարիք ունեցող այդ ստեղծագործությունները «ճամփորդությունից» կարող են վնասվել:

Կրթության, գիտության, մշակույթի եւ սպրոտի նախարար Արայիկ Հարությունյանը վարչապետ Նիկոլ Փաշինյանի մոտ այսօր հրավիրված աշխատանքային խորհրդակցության ժամանակ տեղեկացրեց, որ ծրագրից չեն հրաժարվել եւ այն կիրագորվի նոր ուսումնական տարում: Հավելեց, որ դպրոց տեղափոխվող արվեստի գործերի պատշաճ պահպանությունը նույնպես կապահովվի. համապատասխան ստանդարտները մշակվել են:

Վարչապետ Նիկոլ Փաշինյանը մանրամասնեց ծրագրի գաղափարը՝ չնայած ԿԳՄՍ նախարարի՝ բոլոր գաղտնիքները չբացելու առաջարկին:

«Պատկերացրեք մի ինչ-որ դպրոց, եւ հանկարծ պետավտոտեսչության ուղեկցությամբ պահախմբով դպրոց է մտնում շարասյուն: Ակնհայտ է, որ ինչ-որ կարեւոր բան է տեղի ունենում այդ դպրոցում: Շատ կարեւոր բան: Իջնում են թիկնապահները, տարածքը ուսումնասիրում են, տեսնում են, որ ամեն ինչ լավ է, մոտենում են, հատուկ ընթացակարգով բացում են ինկասացիայի մեքենայի դուռը եւ այդ մեքենայի միջից հանում են համապատասխան փաթեթ կամ արկղ (բնականաբար պատկերացնում եք, չէ, բոլոր երեխաները շշմած նայում են, թե այս ինչ է կատարվում մեր դպրոցում) եւ տանում են դպրոցի նախատեսված սենյակ, արարողակարգով երեխաներին հրավիրում են, ու բացվում է, օրինակ, հայտնի որեւէ նկարչի հայտնի մի կտավ: Հետո նաեւ մասնագետը բացատրում է, թե ինչով է նշանավոր այս կտավը, ինչու է գլուխգործոց եւ այլն»,- նկարագրեց Նիկոլ Փաշինյանը:

Այս ամենի ամենակարեւոր իմաստը, ըստ վարչապետի, արվեստի գլուխգործոցների բարձր արժեքը երեխաների համար ակնհայտ դարձնելն է: «Մեր իրականության մեջ երեխաները եւ բոլորը սովորել են, որ այսպիսի հատուկ ընթացակարգերով տեղաշարժվում են բարձրաստիճան պաշտոնյաները, օլիգարխները, մեծահարուստները: Այս մշակութային միջոցառումը պիտի ցույց տա եւ սերմանի մեր երեխաների մեջ հոգեւոր ու մշակութային արժեքների ծանրակշիռ լինելը, որ դրանք շատ ավելի մեծ արժեք ունեն, քան մերկանտիլ նյութական ինչ-որ բաներ»,- ասաց նա: 

Տպել
446 դիտում

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին

Հրդեհ Երասխ գյուղում. այրվել է 720 հակ անասնակեր

Ուկրաինայում զինված տղամարդը սպառնացել է պայթեցնել Կիեւի «Մետրո» կամուրջը. նրան ձերբակալել են

Բնակարաններից մեկից գողացել էր դրամապանակ ու օծանելիք. ոստիկանության բացահայտումը (տեսանյութ)

Վանեցյանի և Օսիպյանի գործունեությունը վարչապետին չի գոհացրել. Էդուարդ Աղաջանյան

Հրդեհ Հայթաղ գյուղում. այրվել են 2 տների տանիքներ

ԲԴԽ նախագահը ներկայացրեց Երեւանի ընդհանուր իրավասության դատարանի նորանշանակ նախագահին

Կձևավորվի ռիսկի վրա հիմնված տեսչական վերահսկողության լիարժեք համակարգ. ՍԱՏՄ

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը