Եթե այս տեմպերով շարունակվի, 2020 թ-ի հունվարին եւս 30 տոկոսի չափով կբարձրանա նրանց աշխատավարձը. Մնացականյան

ՀՀ Կառավարությանն առընթեր պետական գույքի կառավարման վարչության մեջ ներառված «Հայավտոկայարան» ՓԲԸ-ի աշխատակիցների աշխատավարձերը 30 տոկոսով բարձրացան: Այս մասին այսօր ֆեյսբուքյան իր էջի միջոցով տեղեկացրեց ՓԲԸ-ի գլխավոր տնօրեն Աշոտ Մնացականյանը:

«Եթե այս տեմպերով շարունակվի 2020 թվականի հունվարին եւս 30 տոկոսի չափով կբարձրանա նրանց աշխատավարձը»,- այս մասին մեր զրույցում ասաց Աշոտ Մնացականյանը:

- Պարոն Մնացականյան, նշել եք, որ Հայավտոկայարան ՓԲԸ-ի աշխատակիցների աշխատավարձը բարձրացել է 30 տոկսով, ինչի՞ հաշվին հնարավոր եղավ բարձրացնել:

- Այդ միջոցները նախկինում էլ են եղել:

- Ո՞րն է եղել պատճառը, որ նախկինում չեն բարձրացվել աշխատավարձերը:

- Չեմ ուզում դրան անդրադառնալ: Ես նոր եմ նշանակվել ու այդ քայլերը սկսել ենք իրականացնել: Նույնիսկ 13-րդ աշխատավարձ ենք տվել, որը մինչեւ այդ չէր եղել շուրջ 15 տարի: Այդ միջոցները կան ու կլինեն նաեւ սրանից հետո: Սա ոչ միայն աշխատակիցների մոտիվացիային է նպաստելու, այլ նաեւ ընդհանուր ավտոկայաններում հնարավորությունները ավելացվելու են, որ տեսքը բարեկարգվի: Պլանավորվում է մինչեւ մայիս ամիս բարեկարգումներ կատարել, զուգարաններն են այնտեղ ոչ բարվոք վիճակում:

Մենք, ըստ էության, սպասարկում ենք ուղեւորափոխադրողներին: Այսինքն, մենք պետք է միջպետական, ներմարզային գծերի սպասարկում իրականացնենք, բայց, ըստ էության, մինչեւ այս այդ սպասարկումը, որպես այդպիսին, չի եղել: Հիմա մենք վերանորոգման աշխատանքներ ենք անելու, դրա միջոցներն էլ կան:

- Միջինում որքա՞ն աշխատավարձ են ստացել աշխատակիցները նախկինում եւ որքա՞ն աշխատավարձ են ստանալու հիմա:

- Միջինը մոտավորապես 150 հազար դրամ է եղել, հիմա կլինի 200 հազար դրամ: Ու հավելեմ նաեւ, որ եթե այս տեմպերով շարունակվի՝ 2020 թվականի հունվարին եւս 30 տոկոսի չափով կբարձրանա նրանց աշխատավարձը: Այսինքն, եթե այս տենդենցը պահպանվի, այսինքն, եկամուտները էլի հոսեն ընկերության բյուջե, հաստատ ամեն տարի ավելացման տեղ է լինելու: Որովհետեւ արդեն ներդրումների առաջարկներ կան հենց ավտոկայանների տարածքում:

- Քանի՞ աշխատակից կա ընկերությունում:

- Մոտ 140 աշխատակից կա: Հաստիքներ կան՝ ավելացել են, հաստիքներ կան՝ պակասել են, օպտիմալացման արդյունքում է եղել այդ ամենը, բայց ավելի շատ ավելացում է եղել, այնպես չի, թե կրճատում է եղել:

Մնացականյանը նաեւ նշեց, որ ընկերության ենթակայության տակ են գտնվում Հայաստանի Հանրապետության բոլոր ավտոկայարանները:

Տպել
9747 դիտում

Կյանք չի, ելակի մուրաբա է. Սմբատ Գոգյանը՝ պաշտոնից ազատվելու եւ դրա համար երկրորդ դիմումը գրելու պատճառների մասին

Վլադիմիր Զելենսկին չեղարկել է այցը Բելառուս

30 տարի Հրայր Թովմասյանն ու մի խումբ մարդիկ նրա փաստաբանությամբ ՀՀ-ի հետ արել են ամեն ինչ, ինչ հնարավոր է. Ալեն Սիմոնյան

Սա մեր ՈՒԱԶ քշող հարեւաններն են ուղարկում. Ադրբեջանն անցել է տեղեկատվական պատերազմի

Ստեփանծմինդա-Լարս ավտոճանապարհը բաց է միայն բեռնատար տրանսպորտային միջոցների համար

Վատ գաղափար. Իբրահիմովիչը վարակվել է կորոնավիրուսով

Եղել են դեպքեր, երբ երեխան զանգել է ոստիկանություն եւ ասել՝ ինձ ծեծում են. Նելլի Դուրյան

Նավալնիի թունավորման պատճառով կարգելափակվի՞ «Հյուսիսային հոսք-2» նախագիծը

Մտածում եք, եթե Միքայել Մինասյանի տեղը գիտենք, պետք է գնանք, գողանանք, բերե՞նք. Ալեն Սիմոնյան

Որևէ ազգի իրավունք վերապահված չէ սպանություն իրագործել ինքնիշխանության շղարշի ներքո. ԱԳ նախարարի ելույթը

ՀՀ իշխանությունը մշտապես ուղիղ կապի մեջ է ՀՀ քաղաքացիների հետ, մեզ ժողովրդով վախեցնելը ճիշտ չէ. Ալեն Սիմոնյան

«Արարատ-Արմենիան» ևս մեկ արգելք հաղթահարեց Եվրոպայի լիգայի որակավորման փուլում

Մյասնիկյան պողոտայում 3 մեքենա է բախվել․ կան տուժածներ

Զինծառայողները հանձնել են ֆիզիկական պատրաստության ստուգարքներ

ԱՀԿ-ն Հայաստանը դասել է ՊՇՌ թեստը հաջողությամբ իրականացրած երկրների շարքին. ապահովվել է 100 % ճշգրտություն

Սմբատ Գոգյանն ազատվել է Բարձրագույն որակավորման կոմիտեի նախագահի պաշտոնից

Գեորգի Ավետիսյանն ազատվել է սննդամթերքի անվտանգության տեսչական մարմնի ղեկավարի պաշտոնից

Ջրառատ համայնքում մեկնարկել են սուբվենցիոն երկրորդ ծրագրով նախատեսված աշխատանքները

Գրիշա Թամրազյանն ազատվել է ԿԳՄՍ նախարարի տեղակալի պաշտոնից. հրապարակվել է վարչապետի որոշումը

3 անշարժ գույք, 90 հազար դոլար, 10 հազար եվրո․ ՀՔԾ պետի տեղակալի հայտարարագիրը