Պետք է բացառվի թղթի վրա աշխատելով սահմանափակվելը. նախկին խորհրդականը՝ մշնախի թերացումների մասին

Կառավարության կառուցվածքի փոփոխությունների արդյունքում ՀՀ նախարարությունների թիվը 17-ից կհասնի 12-ի։ Փոփոխությունների համաձայն` մշակույթի, սպորտի ու երիտասարդության նախարարությունները կմիավորվեն կրթության եւ գիտության նախարարությանը։

Մշակույթի նախկին նախարար Արմեն Ամիրյանի խորհրդական, ժողովրդական երգիչ Արսեն Գրիգորյանը (Մրո), անդրադառնալով մշակույթի նախարարության օպտիմալացմանը, կարծիք հայտնեց, որ եթե մշակույթի նախարարությունն իր գործառույթները լավ չի կատարել, դա չի նշանակում, որ նոր կառավարությունը պետք է այն փակեր: Կարող էր այնպիսի ծրագիր ներկայացնել, որ տվյալ գերատեսչությունը ճիշտ եւ արդյունավետ աշխատեր:

«Փակելով հարցեր չես լուծի: Մեր բոլոր նախարարություններում խնդիրներ կան, նույն ԿԳ նախարարությունում, առողջապահության նախարարությունում, խնդիրները բազմաթիվ են: Ես դեմ եմ, որ մշակույթի նախարարությունը փակվի կամ կցվի մեկ այլ նախարարության: Շատ կարեւոր է, որ մեր պետությունը, որն ունի հսկայական մշակութային ժառանգություն, ինչի մասին շատ երկերներ են երազում՝ ունենա առանձին մշակույթի նախարարություն, որը կզբաղվի ժառանգության պահպանման եւ բազում խնդիրների լուծման գործով»,-ասաց Արսեն Գրիգորյանը:

Ժողովրդական երգիչը նկատեց, որ ժամանակին աշխատելով մշակույթի նախարարությունում՝ վստահ կարող է ասել, որ այնտեղ կան արժանի մասնագետներ: Բոլորովին այլ բան է աշխատանքից ազատել այն մարդկանց, որոնք պարապության են մատնված կամ աշխատանքին չեն տիրապետում:

Անդրադառնալով մշակույթի նախարարության ունեցած դերակատարությանը տարբեր արվեստի գործիչների ստեղծագործական վերելքի, այդ թվում եւ իր կայացման մեջ՝ Արսեն Գրիգորյանն ասաց. «Այստեղ խնդիրը անհատների կայացման մեջ չէ, այլ ընդհանուր ռազմավարության, ազգային մշակույթի պահպանման, զարգացման ու տարածման մեջ է: Այո, մենք զբաղվել ենք մեր գործով եւ ինքնուրույն ենք ինչ-որ բանի հասել: Ճիշտ է՝ մշակույթի նախարարությունն աջակցել է, բայց հիմնականում ամեն մեկս մենք ենք ստեղծել այն, ինչ ունենք այսօր»:

Նախորդ իշխանության օրոք զբաղեցնելով խորհրդականի պաշտոնը՝ Արսեն Գրիգորյանը որոշակի թերացումներ առանձնացրեց, մասնավորապես՝ միայն թղթային աշխատանքով սահմանափակվելը: Նշեց, որ շատ ծրագրեր միայն գրավոր կերպով են համարվել իրականացված: Մինչդեռ, արված աշխատանքը նախ, պետք էր տեսանելի դարձնել:

«Բոլոր ծրագրերը թղթի վրա իդեալական են լինում, բայց իրականության մեջ լրիվ այլ է: Բոլոր ոլորտներում պետք է բացառվի թղթի վրա աշխատելով սահմանափակվելը: Թղթից զատ իրականությանունն այլ է: Դա երեւի գալիս է սովետի ժամանակներից, քանի որ այն ժամանակ անպայման պետք է թղթի վրա նշված լիներ՝ այսքան հանդիսատես, այսքան բյուջեի գերակատարում: Բոլոր ոլորտներում նախ եւ առաջ պետք է ազնվություն ու նվիրվածություն լինի»-ասաց նա:

Երգչի համոզմամբ՝ այս տարիների ընթացքում մշակույթի տարբեր նախարարների թերացումն է նոր կառավարությանը բերել նման եզրահանգման: «Իրենք այդ եզրակացությունն ուրիշ տեղից չէին կարող վերցնել: Նոր իշխանությունը, սակայն, ինչը որ ժառանգել էր նախորդ իշխանությունից, կարող էր փորձել շտկել իր նոր տեսլականով, նոր ծրագրերով շարունակեր, բայց գաղափարը չանտեսել»,-եզրափակեց Արսեն Գրիգորյանը:

Տպել
2099 դիտում

Հայկական կողմը եւս 28 զոհ ունի. ՊԲ-ն հրապարակել է այսօր նահատակված զոհերի անունները

ՀՀ երեք օպերատորների հայտարարությունը՝ Արցախում ռոումինգը վերացնելու պահանջի վերաբերյալ

Հրետանու կրակի խտությունը աննախադեպ է, երբևէ նման խտության կրակ այս տարածաշրջանում չի եղել. Ա. Հովհաննիսյան

118 կողմ. ՀՀ ԱԺ-ն ընդունեց Ադրբեջանի կողմից Արցախի սահմանին սկսված զինված հարձակումը դատապարտող հայտարարություն

Մարտակերտ քաղաքը և շրջակա բնակավայրերը շարունակում են մնալ հարվածի տակ (տեսանյութ)

Առաջնագծում թշնամին ոչ մի հաջողություն չունի. Վահրամ Պողոսյան

Հանրային հեռուստաընկերությունը հետաձգել է գործադիր տնօրենի ընտրության գործընթացը

ԱԺ նախագահը ներկայացրեց Ադրբեջանի ռազմական ագրեսիան դատապարտող հայտարարության նախագիծը (տեսանյութ)

Վարչապետը հրապարակել է իր հարցազրույցից Արցախի հարցին վերաբերող մի հատված (տեսանյութ)

Ամբողջ մաքսային ծառայությունն անցել է 24-ժամյա աշխատանքային գրաֆիկի. բոլոր մաքսակետերն աշխատում են

Պետությունն ի վիճակի է զբաղվել Արցախից ժամանած ընտանիքների կացարանների հարցով. Բաթոյանը վերահաստատում է ասածը

Հարգելի գերագույն գլխավոր հրամանատար, խնդրում եմ, հաշվի առեք խնդրանքս, զորակոչեք ինձ. կին պատգամավոր (տեսանյութ)

Աննա Հակոբյանն այցելել է Ստեփանակերտում գտնվող մի քանի ապաստարաններ. լուսանկարներ

Հայաստանն ու Արցախը վճռական են՝ դիմակայելու թուրք-ադրբեջանական դաշինքի դեմ. ԱԳՆ հայտարարությունը

Ադրբեջանական զինտեխնիկայի հերթական խոցումները. ՊՆ (տեսանյութ)

Սերժ Թանկյանը հրապարակել է 2016 թվականին գրած «Արցախյան երգի» տեսանյութը

Բանկային համակարգն ունի բավարար կապիտալ եւ իրացվելիություն՝ սպասարկելու տնտեսությանը ֆինանսական անհրաժեշտ ռեսուրսներով

Ազգային ժողովի պատգամավորները մեկ րոպե լռությամբ հարգեցին հայրենիքի պաշտպանության համար ընկած զինվորների հիշատակը

Ո՞ր դեպքում հայկական կողմը կկիրառի «Իսկանդեր» եւ «ՍՈՒ-25» կործանիչները. պատասխանում է Արծրուն Հովհաննիսյանը

Հացի փռերում, ալրաղացներում եւ այլ ձեռնարկություններում առաջ է եկել լրացուցիչ աշխատուժի կարիք. Արցախը դիմում է օգնության