Վարչապետը Ծաղկաձորում է. ընթանում է «Քայլ դեպի տուն» ծրագրի փակման արարողությունը. Ուղիղ

ՀՀ վարչապետ Նիկոլ Փաշինյանը Ծաղկաձորում է, նա ներկա է գտնվելու «Քայլ դեպի տուն» ծրագրի փակման արարողությանը: 

Նախքան հիմնական ծրագրին անցնելը, վարչապետի, սփյուռքի նախարարի ու մյուսների մասնակցությամբ հնչեցին հեղափոխության օրերից հայտնի թմբուկով ծափերը: 

Հայաստան են ժամանել շուրջ 22 երկրում բնակվող հայազգի ներկայացուցիչներ: Ծաղկաձորում են պատանիներին ու երիտասարդներին հյուրընկալած ընտանիքները, ծրագրի հովանավորները, սփյուռքի նախարար Մխիթար Հայրապետյանը, Կոտայքի մարզպետ Ռոմանոս Պետրոսյանը, Ծաղկաձորի քաղաքապետ Արթուր Հարությունյանը, ԱԳՆ գլխավոր քարտուղար Վահագն Մելիքյանը, ՀՀ վարչապետ Նիկոլ Փաշինյանը:

Ընթանում է միջոցառման համերգային մասը:

Սփյուռքահայերին հրաժեշտ տալու համար ելույթ ունեցավ  ՀՀ Սփյուռքի նախարար Մխիթար Հայրապետյանը, ով Ծաղկաձորում էր երեկվանից, հասցրել էր անգամ ֆուտբոլ խաղալ երիտասարդների հետ: 

«400 երիտասարդներ ու պատանիներ այս տարի հնարավորություն ստացան, գուցե իրենց կյանքում առաջին անգամ այցելել Հայաստան, լինել իրենց երկրում: Այս ամենն իրականություն դարձավ Սփյուռքի նախարարության բոլոր աշխատակիցների ու այն կամավորների շնորհիվ, որոնք ձեր ու մեր կողքին էին մինչեւ վերջին պահը:

Շնորհակալություն բոլոր այն հովանավորներին, ովքեր օգնեցին իրականացնել «Քայլ դեպի տուն» ծրագիրը: Սա աննախադեպ թիվ էր, երբեւէ 200-ից ավել սփյուռքահայեր չէին ժամանել հայրենիք, անկախ մեր բոլորի անհանգստություններից, այս ծրագիրն իրականացավ: Հայաստանը սիրելու երկիր է, ես համոզված եմ, որ դուք սիրահարվեցիք այս երկրին, գիտեմ, որ վերադառնալու եք ու պատմեք մեր երկրի մասին՝ խնդիրներով ու առավելություններով, պատմությամբ ու հարստությամբ, հեղափոխական դարձած հպարտ քաղաքացիներով: Ես համոզված եմ, որ նորից ենք տեսնվելու ու կրկին՝ Հայաստանում»,-ասաց նախարարը:

Սփյուռքի նախարարի ելույթից հետո սփյուռքահայ 400 երիտասարդներին ողջույնի խոսքով դիմեց վարչապետ Նիկոլ Փաշինյանը:

Ելույթից առաջ նա հարցրեց բոլորի որպիսությունը, նշեց, որ ինքը հրաշալի է իրեն զգում՝ տեսնելով այդքան փայլուն աչքեր:

«Երբ երգի մեջ նշվեց «Երազի իմ երկիր հայրենի» տողը, դա ընդամենը տող չէ: Սա երազանքի երկիր է, ես ուզում եմ, որ դուք այստեղից տանեք ձեր, ձեր միջավայրի, ձեր ծնողների ու հարազատների Հայաստան վերադառնալու սերմը, գիտակցությունը, սերը, քաղաքացիությունը, որովհետեւ ես համարում եմ, որ այստեղ բոլորը ՀՀ քաղաքացիներ են, հպա՛րտ քաղաքացիներ: Մեր ավետյաց երկիրը իրականություն դարձնելու երազանքը արդեն մոտ իրականություն է:

Եթե ոչ ձեր ծնողները, ապա դուք, եթե ոչ դուք, ապա ձեր երեխաները պետք է վերադառնան հայրենիք, որովհետեւ, ինչպես սփյուռքի նախարարն ասաց՝ սա սիրելու երկիր է: Ես ուզում եմ ավելացնել՝ սա ապրելու երկիր է:

Այսօր իրար սիրելով, իրար աչքերի մեջ նայելով՝ մենք ավելի ենք հզորանում, ուրեմն կեցցե՛նք մենք, դու՛ք, ձե՛ր երեխաները, կեցցե՛նք բոլորս, հպարտ, հաղթանակած հայ ժողովուրդը»,-ասաց վարչապետը:

Ելույթից հետո նա պատասխանեց սփյուռքահայ մի քանի երիտասարդների հուզող հարցերին:

Մոսկվայից ժամանած 14-ամյա Դավիթը վարչապետից հետաքրքրվեց՝ ինչպե՞ս կարող է դառնալ նրա նման, հավելելով, որ վարչապետին շատ է սիրում: Ի պատասխան, Նիկոլ Փաշինյանը հորդորեց ոչ թե նմանվել իրեն կամ որեւէ այլ մեկին, այլ հավատալ սեփական ուժերին, լինել ինքնատիպ ու զբաղվել այն գործով, որն ավելի հոգեհարազատ է, չկրկնվել երբեք:

Սիրիայից ժամանած աղջիկներից մեկը հարցեց Նիկոլ Փաշինյանի հիասթափությունների ու վախերի մասին, շեշտելով՝ թե չի՞ վախենում արդյոք հիասթափեցնել իրեն հավատացողներին: Վարչապետը հիշեց իր գրած հոդվածներից մեկը, որն իր վախերի մասին էր ու որի վերջում նշվում է՝ «Չվախենաք, չեմ հիասթափեցնի»:

Մոսկվայից ժամանած աղջիկներից մեկը հետաքրքրվեց, թե աշխատանքի ի՞նչ հնարավորություններ կան սփյուռքահայերի համար: Վարչապետը նշեց, որ աշխատանքի խնդիրը Հայաստանում առկա է, բայց լավ մասնագետը միշտ պահանջարկ է ունենում, Հայաստանում մինչ հիմա գործել է գործի տեղավորելու հնարավորությունը, սակայն հիմա պետք է ընդամենը դառնալ որակյալ մասնագետ ու գտնել համապատասխան աշխատանք: 

Սիրիայից ժամանած երիտասարդներից մեկն էլ հարց ուղղելիս նշեց, որ հարցի փոխարեն նախընտրում է ասել, թե ինչքան է սիրում վարչապետին ու որքան հպարտ է նրանով:

Ելույթներից եւ հարց ու պատասխանից հետո շարունակվեց համերգային մասը, իսկ սփյուռքահայ երիտասարդներն ու պատանիները շտապեցին լուսանկարվել վարչապետի հետ:

Տպել
2025 դիտում

Հատուկ մրցանակը բուժաշխատողներին հանձնեց COVID 19-ը վերապրած Պետրոս Պետրոսյանը (ուղիղ)

ՌԴ-ն իր հակակորոնավիրուսային պատվաստանյութի տրամադրման գործարքներ է կնքում աշխարհով մեկ. ինչ է հայտնի

Լուիս Սուարեսը տեղափոխվում է «Ատլետիկո», Ալվարո Մորատան՝ «Յուվենտուս»

«Զվարթնոց» տաճարում մեկնարկեց «Մեր ժամանակների հերոսը» մրցանակաբաշխությունը (ուղիղ)

Րոպեներ անց Նիագարա ջրվեժը կլուսավորվի Հայաստանի դրոշի գույներով

Մոլդովական փողոցում բռնկված հրդեհի վայրից փրկարարները տարհանել են երկու քաղաքացու․ տուժածներ չկան

Անկախության տոնակատարությանը նվիրված համերգ Զվարթնոց տաճարում. Տիգրան Գալստյանը լուսանկարներ եւ տեսանյութ է հրապարակել

Անկախության տոնի կապակցությամբ Երևանում կազմակերպվել են մարզական և մշակութային միջոցառումներ. ՊՆ

Նոր Ամանոս գյուղում այրվել է մոտ 700 հակ անասնակեր

Մենք ակնկալում ենք խորացնել մեր գործընկերությունը մի շարք կարևոր ոլորտներում. Ջաստին Թրյուդոյի ուղերձը

Արթիկի գերեզմանատանը հայտնաբերվել է գերեզմանափորի դին

Վարորդի եկամուտը քչացել է, չի աշխատի, ծնողներն էլ խառը դրության մեջ են. 3 գյուղի աշակերտներ դպրոց հասնելու խնդիր ունեն

Սեպտեմբերի 21-ը Վաշինգտոնում հայտարարում եմ որպես «Հայաստանի անկախության օր». քաղաքապետ

Վանաձորում 2 մանկապարտեզ չի վերաբացվել, 1-ի գործունեությունը դադարեցվել է. բուժքրոջ մոտ կորոնավիրուս է հայտնաբերվել

Թաթան երգ կնվիրի Գյումրիի «Շիրակ» ֆուտբոլային ակումբին

Անկախության 29-րդ տարեդարձի առիթով 5 մարզչի շնորհվել է վաստակավորի պատվավոր կոչում

3 ոսկե մեդալ՝ Բալկանյան երկրների առաջնությունից. հայ մարզիկները նաև ռեկորդային ցուցանիշներ են սահմանել

Անկախության տոնի առթիվ նախագահ Արմեն Սարգսյանին շնորհավորել է Թուրքմենստանի նախագահը

Հրդեհ է բռնկվել Երևանի Մոլդովական փողոցի շենքերից մեկում

Շարքային Դավիթ Խաչատրյանը շնորհավորում է Հայաստանի անկախության օրվա առթիվ եւ կատարում «Մարտիկի երգը» (տեսանյութ)