Երևան
25 °C
searchclose
today
menuclose
Երևան
25 °C
Հայաստանում ԱՄՆ դեսպան Ռիչարդ Միլսը, մարտի 28-ին պատասխանելով Aysor.am-ի հարցին, հայտարարեց, որ Միացյալ Նահանգները «չեն աջակցում այնպիսի խմբերի, որոնք փորձում են անօրինական ճանապարհով տապալել ընտրված իշխանություններին»: Դեսպանի խոսքով, ԱՄՆ-ն միանշանակ դատապարտում է այնպիսի խմբերին, որոնք բռնությունը գերադասում են երկխոսությունից:
«Մենք չենք հանդուրժում «Սասնա ծռերի» եւ մյուսների գործողությունները, ովքեր դիմում են բռնության կամ ովքեր սպառնում են վնաս պատճառել մյուսներին՝ իրենց քաղաքական օրակարգն առաջ տանելու համար», - ասված է դեսպանի պատասխանում:
Միաժամանակ նա նշել է «բոլոր մեղադրյալների արդար դատաքննության իրավունքի» իրացման անհրաժեշտության մասին:
Արձագանքելով Միլսի հայտարարությանը, «Հայկական վերածնունդ» սփյուռքյան կազմակերպությունը հանդես եկավ պատասխան հայտարարությամբ, որում տարակուսանք հայտնեց դեսպանի խոսքերի նկատմամբ.
«Մեզ մնում է միայն հնարավոր եզրակացություններ անել եւ սպասել, թե երբ է Սպիտակ Տան պաշտոնական ներկայացուցիչը ցրելու մեր տարակուսանքները՝ հաստատելով կամ ժխտելով, թե արդյոք սա պրն. դեսպանի անձնական նախաձեռնությունն է եղել, թե՞ ԱՄՆ-ը պաշտոնապես որոշել է սատարել ժողովրդից իշխանությունը գողացողներին, բռնատիրությունը հիմնողներին, գաղութարար ռեժիմը պահողներին», - ասված է հայտարարության եզրափակիչ մասում:
Սփյուռքյան կազմակերպության տարակուսանքն է առաջացրել այն հանգամանքը, որ Միլսը «նույնիսկ չակնարկելով համամարդկային արժեքների բարբարոս ոտնահարումը Հայաստանում, չակնարկելով նաեւ մարդու ապստամբության իրավունքի մասին ԱՄՆ-ում եւ ՄԱԿ-ում առկա ընդունված դրույթները, միտումնավոր կամ անհասկանալի ու անընդունելի ձեւով եզր է գտնում «Սասնա ծռերի» եւ բռնի քաղաքական պայքարի միջեւ»։
ՀՎՍԿ-ն իր կասկածն էր հայտնել «ԱՄՆ վարչակարգի կողմից ներկայիս իշխող կոռուպցիոն համակարգի հովանավորչության հնարավորության վերաբերյալ»։
Այդուհանդերձ, ԱՄՆ-ն երբեք հանդես չի եկել «Սասնա ծռերի», ապստամբության կամ զինված պայքարի աջակցությամբ: ՊՊԾ գնդի գրավման օրերին ԱՄՆ դեսպանատունը հանդես է եկել զսպվածության կոչերով, քննադատել է ոստիկանության կողմից ցուցարարների եւ լրագրողների նկատմամբ բռնի ուժի գործադրումը, սակայն զինված խմբի գործողությունները ոչ մի կերպ չի արդարացրել: Մամուլում անգամ տեղեկություններ տարածվեցին, որոնց համաձայն «Սասնա ծռերի» կողմից ՊՊԾ գնդի գրավումից հետո ՀՀ-ում ամերիկյան դեսպանատունը դիմել էր հայաստանյան պատկան մարմիններին՝ ՊՊԾ գունդը գրաված անձանց հարազատների անունները ստանալու նպատակով, հետագայում նրանց ԱՄՆ մուտքի արտոնագիր չտրամադրելու համար:
Ըստ էության, ԱՄՆ դեսպանատունը այդ խառը իրավիճակում գտավ գործողությունների ամենաշահեկան տարբերակը եւ գործի դրեց «չգիտես ինչպես անել՝ արա օրենքով» սկզբունքը:
Ինչեւէ, եթե «Սասնա ծռերի» զինված պայքարի վերաբերյալ ԱՄՆ լռությունը բացատրվում է Հայաստանի ներքին քաղաքականությանը չխառնվելու կեցվածքով, ապա խիստ անհասկանալի է ԱՄՆ քաղաքացի Կարո Եղնուկյանի վերաբերյալ լռությունը: Նա մեղադրվում է «Սասնա ծռեր» խմբավորման կողմից պատանդ պահելուն եւ շենքերն ու շինությունները պահելուն օժանդակելու համար: Եղնուկյանը մեղադրանքը չի ընդունում։
Եղնուկյանի՝ ՔԿՀ-ից գրված հրապարակումներից տեղեկանում ենք, որ ԱՄՆ հյուպատոսը կամ նրա տեղակալները պարբերաբար այցելում են իրեն՝ հավաստիանալու, որ ամեն ինչ կարգին է: Եղնուկյանի խոսքով, ԱՄՆ դեսպանը բարձրաստիճան պաշտոնյաներին ներքին կարգով եւ բանավոր միջնորդել է իր նախնական կալանքի վերացման կամ գրավի դիմաց ազատման համար: Այսինքն, ԱՄՆ-ն չի մոռացել իր քաղաքացու մասին: Իսկ լռում է, որովհետեւ, ըստ Կարո Եղնուկյանի, դեսպանը այդ հարցով խոսել է Սերժ Սարգսյանի հետ, որը ասել է, որ «դեսպանի կողմից կատարված հայտարարությունը կվնասի եւ անօգուտ կլինի»: Դեսպանն էլ որոշել է աշխատել լուռ: Այդուհանդերձ, Կարո Եղնուկյանը շարունակում է մնալ անազատության մեջ, իսկ «Սասնա ծռերի», Ժիրայր Սեֆիլյանի, Գեւորգ Սաֆարյանի եւ այլոց արդար դատաքննությունը լուրջ կասկածներ է առաջացնում հասարակության շրջանում:
Ինչ վերաբերվում է Միլսի վերջին հայտարարությանը, ապա բարդ է ասել, թե դեսպանի՝ «մենք չենք աջակցում այնպիսի խմբերի, որոնք փորձում են անօրինական ճանապարհով տապալել ընտրված իշխանություններին» դիվանագիտական արտահայտության մեջ հիմնական շեշտն ինչի վրա է դրված:
Հնարավոր է՝ նա նկատի է ունեցել, որ անօրինական ճանապարհով իշխանության ձգտողներ կան, սակայն ֆինանսավորվում են այլ աղբյուրից՝ ակնարկելով «ժողովրդավարության թշնամիներին»: Կամ էլ ԱՄՆ-ն աջակցում է բացառապես օրինական ճանապարհով իշխանափոխություն իրականացնողներին: Չի կարելի բացառել նաև, որ շեշտը, այդուհանդերձ, դրված է «ընտրված իշխանություններ» բառակապակցության վրա:
Նյութը տպագրվել է «Հայկական ժամանակ» օրաթերթի մարտի 4-ի համարում:
ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ
«Ուշ ա». Լիլիթ Հովհաննիսյանն ու GASOIIA-ն ներկայացրել են տեսահոլովակի պրեմիերա
Խոշոր ավտովթար Կոտայքի մարզում. ուղևորը մահացել է, վարորդը՝ հոսպիտալացվել (լուսանկարներ)
Սամվել Վարդանյանը ճանաչվել է տուժող. վերջինիս բռնության ենթարկելու հաղորդման հիման վրա նախաձեռնվել է վարույթ
Մահվան ելքով վրաերթի հեղինակ դարձած և փախուստի դիմած վարորդը հայտնաբերվել է
Եղանակը կտաքանա ևս 2-3 աստիճանով. սպասվում է կարճատև անձրև և ամպրոպ
«Նուբարաշեն» ՔԿՀ տեսակցության եկած անձը մարիխուանայով փաթեթ է բերել
Մարդը, կոռուպցիայի ակունքին նստած, գնում ես, ժպտում են, ասում՝ ամեն ինչ նորմալ է, թող գնա մենք մեր գործն անենք. վարչապետ
Սիմոնյանն ու Լիտվայի վարչապետը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում
Կոնգրեսական Շերմանը կարևորում է ԼՂ տեղահանվածներին տրվող օժանդակության ընդլայնումը և Ադրբեջանին օգնության կրճատումը
ՀՀ կառավարությունը հաստատեց Դավիթ Գյուրջինյանի թեկնածությունը Բրյուսովի անվան բուհի ռեկտորի պաշտոնում
Որ հիվանդությունների դեպքում այսուհետ զինծառայությունը կլինի պարտադիր. մանրամասնել է Պապիկյանը
Կոստանյանն ու Ալ-Սայանը քննարկել են Հայաստանի և Սաուդյան Արաբիայի միջև ՏՏ ոլորտում համագործակցության հնարավորությունները
Կառավարությունը չի կարող մտնել ամեն դպրոց, ասի՝ երեխաները, ուսուցիչները, տնօրենը՝ այստեղ, գնդակը՝ այստեղ. Փաշինյան
Խաղաղապահների կարիքն այլևս չկա, որովհետև ոչ ոք չի վիճում, թե ում է պատկանում Ղարաբաղը. Ժուրավլյով
«Պորշ»-ից գողացել են համարանիշը, տեղադրել իրենց մեքենային, հագել ԱԱԾ աշխատակցի հագուստ. ՀՀ-ն ցնցած գործի նոր մանրամասներ
Խաղաղապահների դուրս բերումը վկայում է ռուս-ադրբեջանական առավել խորացող դաշնակցային հարաբերությունների մասին. Մարգարյան
Գետափնյա գյուղի մոտակա կամրջով երթևեկությունը շարունակում է փակ մնալ
Մարտին ձմեռ էր, ապրիլին՝ ամառ. Սուրենյան
1 զոհ, 1 վիրավոր․ մեքենան բախվել է երկաթե արգելապատնեշներին, հողաթմբին և գլխիվայր շրջվել
Մադրիդի «Ռեալը» հաղթել է «Մանչեսթեր Սիթիին» և դուրս եկել Չեմպիոնների լիգայի կիսաեզրափակիչ
«Գրքի աշխարհ»-ը չկառուցելու դիմաց հափշտակված մոտ 236 քմ տարածքով գույք է վերադարձվել պետությանը
Պետդեպարտամենտից մեկնաբանել են Ղարաբաղից ռուս խաղաղապահների վաղաժամ հեռացումը
Իմ, երեխաներիս, կնոջս, ծնողներիս մասին ինչ ասես՝ ասվեց, ես արժանապատվություն չունե՞մ, պետք է զոհաբերես. Փաշինյան
Տնային կալանք և 7 մլն դրամ գրավ․ դատարանը որոշել է Սամվել Վարդանյանի խափանման միջոցը
«Էրեբունի» օդանավակայան տանող ավտոճանապարհին ավտոմեքենա է այրվել
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
