Քաղհասարակության ներկայացուցիչները հանդես են եկել հայտարարությամբ՝ կապված Ընտրական օրենսգրքի հետ

Քաղաքացիական հասարակության ներկայացուցիչները հանդես են եկել հայտարարությամբ՝ կապված Ընտրական օրենսգրքի վերաբերյալ կառավարության տրամադրած փաստաթղթի հետ:

Քաղհասարակության տարածած հայտարարությունը, որի տակ ստորագրել են 6 հասարակական կազմակերպություններ («Երևանի մամուլի ակումբ» ՀԿ, «Ընդդեմ իրավական կամայականությունների» ՀԿ, «Թրանսփարենսի Ինթերնեշնլ հակակոռուպցիոն կենտրոն» ՀԿ, «Իրավունքի գերակայություն» ՀԿ, «Իրավունքի Եվրոպա միավորում» ՀԿ, «Համագործակցություն հանուն ժողովրդավարության» ՀԿ), ներկայացնում ենք ստորեւ.

«2016թ. սեպտեմբերի 9-ին ՀՀ կառավարության կողմից քաղաքացիական հասարակության մի խումբ ներկայացուցիչների տրամադրվել է «Հայտարարություն նոր ընտրական օրենսգրքում ընտրական գործընթացի օրինականության վերահսկման կազմակերպական-տեխնիկական մեխանիզմների սահմանման շուրջ փոխհամաձայնեցման մասին» փաստաթուղթը: Թեև քաղաքացիական հասարակության ներկայացուցիչների կողմից տվյալ փաստաթղթի «նախաստորագրման» մասին տարածվող հայտարարությունները չեն համապատասխանում իրականությանը (տես կից), տվյալ նախաձեռնությունը կարևորվում է, քանի որ  նախատեսում է հետևյալը.

  • հրապարակել ընտրողների կողմից ստորագրված ցուցակները (բացառությամբ անձը հաստատող փաստաթղթի տվյալների) ամբողջական և մատչելի տարբերակով.
  • ՀՀ ընտրական օրենսգրքով վերականգնել ընտրողների կողմից ստորագրված ցուցակների բոլոր դաշտերի լրացման օրենքի պահանջը (անձը հաստատող փաստաթղթի համար, հաշվառման հասցե, ընտրողի ստորագրություն, հանձնաժողովի անդամի անհատական կնիք, այլ նշումներ).
  • համացանցի միջոցով ընտրողների ստորագրած բոլոր ցուցակները հասանելի դարձնել ՀՀ կենտրոնական ընտրական հանձնաժողովի (ԿԸՀ) կայքում քվեարկության օրվան հաջորդող ոչ ուշ քան երկրորդ օրը, սակայն միաժամանակ քվեարկութանը մասնակցած անձանց ցուցակը դիտորդներին, վստահված անձանց և թեկնածուներին տրամադրել անմիջապես քվեարկության ավարտից հետո, որպեսզի հնարավոր լինի սկսել ստուգման աշխատանքները.
  • երկարաձգել ընտրողների ստորագրված ցուցակների հիման վրա բողոքների ներկայացման ժամկետները մինչև քվեարկությունից հետո երրորդ օրը ժամը 11:00.
  • երկրից բացակայող ընտրողների փոխարեն այլ անձանց ստորագրելու վերաբերյալ բողոքները ստուգել ՀՀ Կառավարությանն առընթեր ազգային անվտանգության ծառայության սահմանապահ զորքերի կողմից օգտագործվող Սահմանային էլեկտրոնային կառավարման տեղեկատվական ՍԷԿՏ-ով.
  • խստացնել քրեական օրենսգրքի բոլոր այն հոդվածները, որոնք վերաբերում են ընտրակարգի դեմ հանցագործություններին` կրկնակի բարձրացնելով տուգանքը կամ որպես պատժատեսակ թողնել միայն ազատազրկումը, ինչպես նաև հիմնական պատժին ավելացնել պատժի մեկ այլ տեսակ՝ պետական կամ տեղական ինքնակառավարման որևէ պաշտոն զբաղեցնելու, ինչպես նաև ընտրական հանձնաժողովի անդամ, վստահված անձ և դիտորդ լինելու իրավունքի սահմանափակում.
  • ապահովել տեսախցիկների առկայությունը տեղամասերում և համացանցով դրանց միանալու հնարավորությունը` ընձեռելով քվեարկության գործընթացի առցանց հանրային վերահսկողության հնարավորություն և մի շարք այլ մեխանիզմներ:

Քաղաքացիական հասարակության բազմաթիվ ներկայացուցիչների կողմից բազմիցս և տարբեր հարթակներում բարձրաձայնվել է, որ արդար ընտրական համակարգի և ընտրական իրավունքի պաշտպանության հարցում ընտրողների կողմից ստորագրված ցուցակների հրապարակումը հայաստանյան համատեքստում չունի այլընտրանք և որ միմիայն այդ միջոցով է հնարավոր խափանել Հայաստանում տարիներ շարունակ կիրառվող ընտրակեղծարարության այդ սխեման:

Արժևորելով ընտրողների ստորագրած ցուցակների հրապարակման, ընտրական տեղամասերը տեսախցիկներով կահավորումը և քվեարկության ու ձայների հաշվարկի փուլերի տեսաձայնագրումը և համացանցով հեռարձակումը, ինչպես նաև վերը նշված մյուս կարևոր հարցերի վերաբերյալ օրենսդրական փոփոխություններ կատարելու քաղաքական կամքը, այդուհանդերձ, շեշտում ենք, որ նախ՝  դա որևէ կերպ չի նշանակում հավանություն 2016թ. մայիսին ընդունված ՀՀ ընտրական օրենսգրքին, երկրորդ՝ օրենսդրական փոփոխություններից հետո, անհրաժեշտ է քաղաքական կամք նաև դրանք գործնականում կյանքի կոչելու ուղղությամբ:

Ինչպես նշվել է ս.թ. սեպտեմբերի 9-ին քաղաքացիական հասարակության ներկայացուցիչների հայտարարության մեջ, ցուցակների հրապարակումը անհրաժեշտ, սակայն ոչ բավարար պայման է երաշխավորելու, որ ընտրությունները կանցնեն ազատ և արդար ընտրության իրավունքի սկզբունքներին համապատասխան: ՀՀ ընտրական օրենսգրքում լրջագույն խնդիրներ են շարունակում մնալ բաց համամասնական ընտրական համակարգը, մասնավորապես` տարածքային ցուցակները, խորհրդարանական ընտրությունների երկրորդ փուլը, քաղաքական կոալիցիաների ձևավորման սահմանափակումները, դիտորդական առաքելությունների ու ԶԼՄ-ների իրավունքների սահմանափակումները և նրանց գործունեությունը խոչընդոտող լրացուցիչ մեխանիզմները, որոնք էապես վտանգում են ազատ ու արդար ընտրությունների անցկացումը և ժողովրդի ազատ կամարտահայտման միջոցով իշխանության ձևավորումը Հայաստանում, վնասում են ընտրական գործընթացների նկատմամբ հանրային վերահսկողությանը, ինչպես նաև՝ չեն նպաստում ընտրական ինստիտուտի ու գործընթացների նկատմամբ հասարակության վստահության ու հավատի հաստատմանը:

Հաշվի առնելով սույն հայտարարության հիմքում ընկած երկխոսության որոշակի գործընթացը,  ակնկալում  ենք որ իշխանությունը կշարունակի ընտրական օրենսդրության և համակարգի բարելավման ուղղությամբ աշխատանքը և քաղաքական կամք կդրսևորի առ այն, որ Ազգային ժողովի աշնանային նստաշրջանում ընտրական օրենսգրքի համաձայնեցված փոփոխությունների հետ միասին վերացվեն նաև հանրային վերահսկողության սահմանափակումները` վերականգնելով դիտորդների և ԶԼՄ-ների իրավունքները առնվազն նախորդ` 2011թ.  ընտրական օրենսգրքի մակարդակով, սահմանելով դիտորդների բացահայտումների պաշտոնական արձանագրման ընթացակարգ և դիտորդական կազմակերպություններին ընձեռելով հնարավորություն` բողոքարկելու օբյեկտիվ ընտրական իրավունքի խախտումները: Սրանք են այն նվազագույն քայլերը, որոնք ի զորու են ձևավորել Հայաստանի Հանրապետությունում ազատ և արդար ընտրությունների նկատմամբ հանրային վստահության հիմքեր:

Որպես քաղաքական կամքի և ժողովրդի հետ կայուն երկխոսության դրսևորում՝ մասնավորապես վերը ներկայացված նախադրյալների և երաշխիքների ապահովման, ինչպես նաև Հայաստանի Հանրապետությունում ընտրական համակարգի նոր էջ բացելու նպատակով առաջարկում ենք իշխանական և ոչ իշխանական կուսակցություններին 2017 թվականի Ազգային ժողովի ընտրություններին ընդառաջ քաղաքական համաձայնության գալ ԿԸՀ-ում քաղաքացիական հասարակության ներկայացուցիչներ ընդգրկելու հարցի վերաբերյալ` որպես նոր ձևավորվող կենտրոնական ընտրական հանձնաժողովի իրական անկախությանը հասնելուն միտված քայլ»:

Տպել
2744 դիտում

Գյումրիում բացվեց ՀՀ-ում առաջին «Ընտանիքի անկյուն» ռեսուրսային կենտրոնը. շուտով կգործի նաև «Հայրերի դպրոցը»

Առողջապահության նախարարությունն ու «Վեոլիա ջուրը» տարբեր պնդումներ են անում. ինչու է Սիսիանում աղիքային վարակ բռնկվել

ԱՄՆ-ը Ադրբեջանի ղեկավարությունից կպահանջի դուրս բերել իր ուժերը ՀՀ տարածքից․ ԱՄՆ նախագահի խորհրդականը՝ Նիկոլ Փաշինյանին

Կամարիսում հիմնանորոգվում են ներհամայնքային ճանապարհներ

ՄԱԿ-ում 3-րդ անգամ չեն կարողացել համաձայնության գալ իսրայելա-պաղեստինյան հարցի շուրջ. Էրդողանը Բայդենին է մեղադրում

Արմեն Սարգսյանը ստորագրել է զինծառայությունից խուսափած անձանց նկատմամբ համաներում հայտարարելու մասին օրենքը

Գործարկվելու է Հոռոմ համայնքի շչակը․ ԱԻՆ-ը խնդրում է չանհանգստանալ

Առցանց աշխատաժողովին քննարկվել են Հայաստանի տրանսպորտի և առևտրի խթանման 2021-2040թթ. ռազմավարության մշակման հարցեր

Պաշտպանության նախարարության հայտարարությունը՝ հայ-ադրբեջանական սահմանային իրավիճակի մասին

ՀԱՊԿ-ի արագ արձագանքը պետք է ոչ միայն Հայաստանին, այլ անդամ ամեն մի պետության. վարչապետի գլխավոր խորհրդական

Մարտական հենակետերում ստուգումներ են անցկացվել

Ծեծի կասկածանքով բերման են ենթարկվել Խոսրով Հարությունյանն ու ևս մեկ անձ (լուսանկարներ)

Արցախում օձը մտել է բնակելի շենք․ ԱՀ ԱԻՊԾ-ն հորդորում է զգոն լինել՝ նկատվում է սողունների ակտիվացում

Ըմբիշ Արման Անդրեասյանը ցավալի պարտություն կրեց Մ-23 Եվրոպայի առաջնության եզրափակչում

Ստանիսլավ Զասը իր լիազորությունների շրջանակներում կնպաստի խնդրի խաղաղ հանգուցալուծմանը. ԱԽ քարտուղարի հեռախոսազրույցը

Ոչ միայն ադրբեջանցիները հայկական որևէ դիրք չեն գրավել, այլև նույնիսկ տեսականորեն չէին կարող գրավել. ԶՈւ ԳՇ infocheck

ԵԿՄ-ում զենք ու զրահ չի բաժանվում, գնում ենք զորավարժություններ անցկացնելու. Ռոմիկ Մխիթարյան

37-ամյա տղամարդը որոնվում է որպես անհետ կորած

Ծեծկռտուք, դանակահարություն Մասիսում․ 24-ամյա երիտասարդը հիվանդանոց է տեղափոխվել. (տեսանյութ)

Քաղաքացիները ոստիկանության Սյունիքի մարզային վարչության ստորաբաժանումներում հրազեններ են հանձնել

Մովսես Խորենացու մեդալով է պարգևատրվել Լիտվայի օպերայի և բալետի ազգային թատրոնի մեներգչուհի Հասմիկ Գրիգորյանը(տեսանյութ)

ԱԳ նախարարի տեղակալ Գագիկ Ղալաչյանը վրաց գործընկերոջ հետ մտքեր է փոխանակել տարածաշրջանային անվտանգության մասին

ՀՀ տարածքում շարունակում են գտնվել ադրբեջանական զինվորականներ.ռազմական կցորդներն այցելել են պաշտպանության նախարարություն

Մոսկվան գործադրելու է բոլոր ջանքերը՝ ստեղծված իրադրության խաղաղ հանգուցալուծման համար.Շոյգուն՝ Վաղարշակ Հարությունյանին

Հաղթանակ կամրջից 24-ամյա երիտասարդը փորձել է ցած նետվել

Կայացել է Արմեն Գրիգորյանի և Նիկոլայ Պատրուշևի հեռախոսազրույցը․ քննարկվել է հայ-ադրբեջանական սահմանին ստեղծված իրավիճակը

Փոխադարձ ջանքեր Արցախի ժողովրդի իրավունքները պաշտպանելու համար. Արցախի ՄԻՊ-ի նամակը ԵԽ մարդու իրավունքների հանձնակատարին

Մեկնարկել է ՀՀ Ազգային ժողովի նախագահ Արարատ Միրզոյանի պաշտոնական այցը Ռուսաստանի Դաշնություն

Արարատ Միրզոյանի գլխավորած պատվիրակությունը հանդիպեց Վյաչեսլավ Վոլոդինի հետ (լուսանկարներ)

Հայաստանն իրեն իրավունք է վերապահում պաշտպանելու իր տարածքային ամբողջականությունն ու ինքնիշխանությունը․ Արտակ Ապիտոնյան

Շարունակելու ենք բարձրացնել ռազմագերիների և կալանավորվածների վերադարձի խնդիրը. ԵԱՀԿ-ն պատասխանել է ՀՀ նախագահի նամակին

Այսուհետ կենսաթոշակի տրամադրման և ավանդների փոխհատուցման գումարի չափը քաղաքացիները կարող են հաշվել ինքնուրույն

Սիսիանում հայտնաբերվել է աղիքային վարակով ևս 43 հիվանդ․ որոշ կետերում ջրի որակը դեռևս չի համապատասխանում նորմերին

Լուկաշենկոն պատրաստակամություն է հայտնել ջանքեր գործադրել իրավիճակը խաղաղ հանգուցալուծելու նպատակով

Ամուսնության գրանցման համար պետական տուրք չի պահանջվի. հանրային ծառայություններում արմատական բարեփոխում է իրականացնում

Վաղարշակ Հարությունյանը և Իգոր Կոնստանտինովը քննարկել են համագործակցության հետ կապված հարցեր

Ալիևը ռուսական կողմի հետ «Զանգեզուրի միջանցքի» հարց չի կարող քննարկել. երկաթուղային ենթակառուցվածքի սեփականատերը ՀՀ-ն է

Իրավիճակն արագ չհանգուցալուծելու դեպքում հետևանքը կարող է անկանխատեսելի լինել. Հարությունյանը՝ ՀԱՊԿ գլխավոր քարտուղարին

Սյունիքից սանավիացիայի ուղղաթիռով Երեւանի «Սուրբ Աստվածամայր» ԲԿ է տեղափոխվել մեկ տարեկան երեխա

Ռուսաստանը պատրաստ է աջակցել Հայաստանին և Ադրբեջանին սահմանազատման և սահմանագծման հարցերում․ Սերգեյ Լավրով