Չնայած որոշակի խանդավառ տրամադրություններին, անցած տարին օտարերկրյա ներդրումների տեսանկյունից եղել է, մեղմ ասած, ոչ այնքան բարենպաստ:

Երեկ ՀՀ ազգային վիճակագրական ծառայությունը հրապարակեց 2017 թ. ՀՀ տնտեսության մեջ իրականացված օտարերկրյա ներդրումների պատկերը: Այն բավականին տխուր է: Ըստ հրապարակված տվյալների՝ 2017 թ. ՀՀ տնտեսության մեջ օտարերկրյա ներդրումների զուտ ներհոսքը եղել է 74.6 միլիարդ դրամ: Սա 6 միլիարդ դրամով պակաս է 2016 թ. ցուցանիշից:

Օտարերկրյա ուղղակի ներդրումների (ՕՈՒՆ) մասով, հակառակը՝ գրանցվել է աճ: Եթե 2016-ին ՕՈՒՆ-ի ծավալը եղել է 62.6 մլրդ դրամ, ապա 2017-ին՝ 93 մլրդ, այսինքն՝ այդ ցուցանիշը աճել է մոտ 30 միլիարդ դրամով: Բայց այստեղ ուրախանալու բան, ցավոք, չկա: Խնդիրն այն է, որ թե օտարերկրյա ներդրումների, եւ թե օտարերկրյա ուղղակի ներդրումների ցուցանիշի մեջ ներառվել է 107.8 միլիարդ դրամի ներդրումը, որը եկել է օֆշորային Ջերսիից:

Դա, իհարկե, «Լիդիան ինթերնեյշնլ» ընկերության իրականացրած ներդրումն է, որը շահագործում է Ամուլսարի ոսկու հանքը: Այս փաստը հաշվի առնելով՝ պատկերը չափազանց տխուր է դառնում: Կատարելով պարզագույն թվաբանական գործողություն, կստանանք, որ առանց այս ներդրման օտարերկրյա ներդրումների զուտ ներհոսքը եղել է բացասական՝ -33 միլիարդ դոլար: Նույնը՝ օտարերկրյա ուղղակի ներդրումների զուտ ներհոսքի դեպքում՝ բացասական 14 միլիարդ դրամ: Իսկ սա նշանակում է, որ անցած տարի օտարերկրյա ներդրումների ոլորտում, եթե շատ պարզ ձեւակերպենք, ավելի շատ գումար արտահոսել է նախկինում արված ներդրումներից, քան նորն է եկել:

Այս միտումը շարունակվում է արդեն մի քանի տարի: Օտարերկրյա ներդրումների զուտ հոսքերը մեր տնտեսության մեջ առանց հանքարդյունաբերության հիմնականում բացասական են: Իսկ դա նշանակում է, որ մեր տնտեսության մյուս ոլորտները ներդրողների համար այլեւս հետաքրքիր չեն: Մյուս ոլորտներում նախկինում իրականացված ներդրումներից ստացված եկամուտները չեն վերաներդրվում մեր տնտեսության մեջ եւ արտահոսում են:

Օտարերկրյա ներդրումների ծագման երկրների առումով էլ պատկերը ուշագրավ է: Ռուսաստանի Դաշնությունը, որի հետ մենք արդեն մի քանի տարի գտնվում ենք միեւնույն տնտեսական տարածքում, վաղուց արդեն օտարերկրյա ներդրումների աղբյուր չէ: 2017 թվականին այդ երկրից եկած ներդրումների զուտ ներհոսքը կրկին բացասական է եղել՝ մինուս 9.7 միլիարդ դրամ:  Այնինչ Կարեն Կարապետյանի կառավարության աշխատանքի պայմաններում սպասվում էր հակառակ պատկերը՝ պետք է որ ռուսական ծագմամբ ներդրումները կտրուկ ավելանային:

Ներդրումների զուտ ներհոսքի դրական՝ ամենամեծ ցուցանիշը Գերմանիայից եկածն է՝ ընդամենը 3 միլիարդ դրամ: Հաջորդը Լյուքսեմբուրգն է՝ 2.8 միլիարդ, հետո Հունգարիան է 1.6 միլիարդ դրամ, եւ Պանաման՝ 1 միլիարդ դրամ: Մյուս երկրներից եկած ներդրումների ծավալները նույնիսկ չեն հասնում 1 միլիարդ դրամի:

Հոդվածը տպագրվել է «Հայկական ժամանակ» օրաթերթի մարտի 31-ի համարում:

Տպել
5983 դիտում

Առ այսօր հայտնի է գերեվարված 15 հայ զինծառայողի, 1 բնակչի մասին․ Կառավարությունն ու փաստաբանները դիմել են ՄԻԵԴ

Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է. վարչապետ (տեսանյութ)

Աներկբա խոստովանեմ, որ մեր հայրենիքի պաշտպանները մարդու իրավունքների գլխավոր պաշտպաններն են մեզ համար. Արցախի ՄԻՊ

Արցախն ու պատերազմական օրերի պատկերը Դիլաքյան եղբայրների վրձնած նկարներում ու գույներով (լուսանկարներ)

Շարունակվում են հակահամավարակային անվտանգության կանոնների վերահսկման բոլոր գործառույթները. ոստիկանություն

Տիգրան Բարսեղյանը դուբլի հեղինակ դարձավ

Աննա Հակոբյանը 13 հոգանոց կանանց ջոկատով շուտով կմեկնի հայրենիքի սահմանները պաշտպանելու

Կորոնավիրուսի պատճառով մահացել է Կամերային երգչախմբի հիմնադիր Հարություն Թոփիկյանը

Սարգիս Ադամյանը գրեթե 8 ամիս անց խաղադաշտ վերադարձավ

Հայտնաբերվել է արգելված հրապարակումների 207 դեպք, որոնցից 131-ը՝ լրատվական գործունեություն չիրականացնող անձանց կողմից

Պարգեւների ներկայացված զինծառայողները. հերոսական արարումները ճակատային գծի բոլոր ուղղություններում շարունակվում են. ՊԲ

Ի՞նչ հետեւանքներ է ունենալու հրադադարի խախտումը այն խախտող կողմի համար. վարչապետը՝ ձախողված հրադադարի մասին (տեսանյութ)

Մեր ժողովրդի անվտանգությունն ու իրավունքները որևէ զիջման ենթակա չեն. Արցախի նախագահ

Գրադի և Սմերչի կայանքներից հրթիռակոծվում են Մարտունին, Մարտակերտը, նաև Ասկերանի վերին ենթաշրջանի գյուղերը. Արցախի ԱԻՊԾ

Արցախի սահմանի երկայնքով կրակի խտությունը կտրուկ մեծացել է. ՊՆ

Իրանը զորքեր է կենտրոնացնում Արաքսի երկայնքով

Հունաստանի ԱԳ նախարարը Թուրքիային որակել Է որպես զինյալների տուրիստական գործակալ

Արմեն Գրիգորյանը ՌԴ գործընկերոջ հետ զրույցում անդրադարձել է արցախա-ադրբեջանական սահմանագոտում տիրող իրավիճակին

Կապի ոլորտի մեր հերոսները. թշնամու արկերի ու հրթիռների տարափի տակ շարունակում են իրենց անխոնջ ծառայությունը. Պողոսյան

«Ուրարտուն» հաղթեց ու պահպանեց առաջատարի դիրքը, ֆավորիտները միավորներ կորցրին մարզերում