Փետրվարի 5-ին տեղի ունեցավ ԱԺ ընդդիմադիր ԵԼՔ դաշինքի երկրորդ հանրահավաք-երթն՝ ընդդեմ գնաճի: Երթից մի քանի ժամ առաջ ԵԼՔ խմբակցության ղեկավար Նիկոլ Փաշինյանը ֆեյսբուքյան իր էջի միջոցով տեղեկություն տարածեց, որ ոստիկաններն այցելում են ակտիվիստների խմբերին եւ խնդրում՝ փետրվարի 5-ին, ժամը 18:00-ին չմասնակցել ԵԼՔ դաշինքի նախաձեռնած ընդդեմ թանկացումների երթին:

«Պարզվեց, որ հանրապետության տարբեր հատվածներում ոստիկաններ են այցելում ակտիվիստների խմբերին եւ խնդրում, հորդորում չմասնակցել ընդդեմ թանկացումների իրականացվելիք երթ-հանրահավաքին: Որեւէ կոպիտ վերաբերմունք, սպառնալիք տեղի չի ունենում: Մարդկայնորեն, ընկերական խնդրում են ակտիվիստներին: Հարց է առաջանում, թե ինչո՞ւ են ոստիկաններն այդպես վարվում, համոզում, որ ակցիային չմասնակցեն»,- տեղեկացրել էր Նիկոլ Փաշինյանը եւ պատասխանելով իր հարցին՝ նշել, որ իշխանություններին պետք է, որ ցույց տան, թե ՀՀ քաղաքացիները որեւէ խնդիր չունեն թանկացումների հետ, ըմբռնումով են մոտենում:

«Ակնհայտ է, որ թանկացումներն ապաշնորհ քաղաքականության եւ տնտեսական քաղաքականության արդյունք են»,- ասել էր Նիկոլ Փաշինյանը:

Պատգամավորի տարածած տեղեկության վերաբերյալ «Հայկական ժամանակ»-ի հարցին ի պատասխան՝ ոստիկանության հասարակայնության հետ կապի եւ լրատվության վարչության պետ Աշոտ Ահարոնյանը նշեց, որ կատարվում է ուսումնասիրություն:

Այդուհանդերձ, երեկոյան Շառլ Ազնավուրի հրապարակում մեկնարկեց ԵԼՔ դաշինքի նախաձեռնած հանրահավաք-երթն ընդդեմ թանկացումների:

Դաշինքի պատգամավորները կարճ ելույթներ ունեցան, որոնց հաջորդեց քայլերթը: ԵԼՔ խմբակցության պատգամավոր Էդմոն Մարուքյանը կարճ ճեպազրույց ունեցավ լրագրողների հետ եւ նշեց, որ փետրվարի 6-ին ԱԺ-ից վերցնելու են համապատասխան ձեւաթղթերը եւ հավաքեն անհրաժեշտ ստորագրություններ՝ թանկացումների հարցով ԱԺ արտահերթ նիստ հրավիրելու վերաբերյալ: Արտահերթ նիստ գումարելու համար անհրաժեշտ է պատգամավորների 1/3-ի ստորագրությունը: Պատասխանելով «Հայկական ժամանակ»-ի հարցին, թե դաշինքի ղեկավար Նիկոլ Փաշինյանի այն տեղեկատվությունը, որ ոստիկաններն այցելում են ակտիվիստներին, վկայո՞ւմ է այն մասին, որ իշխանությունները անհանգստացած են ԵԼՔ-ի նախաձեռնությամբ, Մարուքյանը նշեց, որ իշխանությունները դեռ առաջին երթի ժամանակ էին անհանգստացած:

Մարուքյանը ելույթի իր խոսքում նշեց, որ իշխանությունը արդեն անհանգստացած է իրենց հավաքներից, քանի որ իրենց հունվարի 19-ի հանրահավաք-երթից անմիջապես հետո իշխանությունը խորհրդարանական լսումներ հրավիրեց: Պատգամավորի գնահատմամբ, այդ լսումները որեւէ բան չեն տվել հանրությանը, ավելին, այդ լսումներով ծաղրել են ժողովրդին՝ նշելով, որ եթե բենզինը թանկ է՝ գազով գնացեք, գազը թանկ է՝ ոտքով գնացեք: Մարուքյանը նշեց, որ հիմա էլ կան մարդիկ, որոնք բողոքում են, որ կոշիկն էլ է թանկացել, ոտքով քայլելուց էլ են զրկված:

ԵԼՔ խմբակցության պատգամավոր Արարատ Միրզոյանը իր ելույթում անդրադառնալով տարբեր պաշտոնյաների՝ գնաճի վերաբերյալ մեկնաբանություններին, նշեց, որ նրանք Աժ ամբիոնից ցինիզմի մակարդակի պատասխաններ են տվել, երբ արծարծվել է գնաճի թեման: Մասնավորապես, ֆինանսների նախարարը նշել է, որ եթե 2011 թվականին 7-8 տոկոս գնաճից մարդ չի մահացել, ապա այսօրվա 2-3 տոկոս գնաճից էլ չի մահանա: Այնուհետ Միրզոյանը հիշեցրեց Կենտրոնական բանկի նախագահի այն խոսքերը, թե գիտնականները պարզել են, որ կարագը օգտակար է, դրա համար էլ գինը բարձրացել է: Միրզոյանը կոչ արեց բոլորին՝ միանալ իրենց հանրահավաք-երթին եւ պայքարել, որ Հարկային օրենսգրքում փոփոխություններ լինեն:

«Հանրապետություն» կուսակցության առաջնորդ, ԵԼՔ-ի պատգամավոր Արամ Սարգսյանն էլ բարձրաձայնեց այն մասին, որ իշխանությունը ուշադրություն չի դարձնում կրթությանը, բիզնեսին, արդյունաբերությանը, էներգետիկային, ասաց, որ ջրային ռեսուրսները չենք օգտագործում, սրանք են, որ բյուջեն կարգի են բերելու, տնտեսություն են զարգացնելու, քանի որ իշխանությունը դրանց ուշադրություն չի դարձնում, մեր քաղաքացիները գնում են ուրիշ երկրներ: Հանրահավաք-երթին ներկա էին նաեւ «Աջ ղեկ» շարժման մասնակիցները եւ վերջիններիս խնդրանքով Արամ Սարգսյանը խոսեց աջ ղեկով մեքենաների մասին: Ասաց՝ ԱԺ-ում տնտեսական հանձնաժողովի քննարկմանն էր դրվել աջ ղեկով մեքենաների մասին օրենքը, դա վնասակար որոշում է, որովհետեւ մարդիկ էժան կգնեն ձախ ղեկով մեքենա, դրանք հին կլինեն ու կվնասեն նաեւ էկոլոգիային: Արամ Սարգսյանը նշեց, որ տնտեսական հանձնաժողովի նիստի ժամանակ առաջարկել է ձախ ղեկով մեքենաների համար մաքսատուրքի գանձումը նվազեցնել ներկրման ժամանակ: Նա հայտարարեց, որ անպայման այդ ուղղությամբ աշխատելու է ու ժողովրդին կոչ արեց միանալ իրենց երթին, իսկ վերջում մեջբերեց չինական իմաստնություն, ասաց, որ ցանկացած հազար մղոն ճանապարհ սկսվում է առաջին քայլից: Արամ Սարգսյանը հայտարարեց, որ այս իշխանությունը բոլոր քայլերն անում է միայն վերարտադրվելու համար:    

ԵԼՔ դաշինքի երթը, որը մեկնարկել էր «Մոսկվա» կինոթատրոնից, ավարտվեց նույն վայրում։ Վերջում ելույթ ունեցավ խմբակցության ղեկավար Նիկոլ Փաշինյանը:

«Իրականում գիտեք, որ պատմագրության մեջ կան ժամանակաշրջաններ, դարաշրջաններ, կա օրինակ՝ բրոնզե, երկաթե դարաշրջան, բայց ես կարծում եմ, որ մեր ընթացիկ դարաշրջանը պատմության մեջ կկոչվի խառը կանաչու դարաշրջան: Ինչու՞, որովհետեւ ըստ էության մեր նախորդ հավաքից հետո բենզինը 20 դրամով թանկացավ, թանկացումները հասել են նաեւ դպրոցակլան բուֆետներին, թանկացումների պրոցեսը ծավալվում է մարզերում: Իշխանությունն ասում է՝ բա խառը կանաչին զատո էժանացել է 30 տոկոսով, կանաչ սոխի էժանացումը հակակշռելով թանկացումներին՝ իշխանությունը ստանում է 2,6 տոկոս գնաճ, և արդյունքում հայտարարում են, որ ոչ մի սարսափելի բան տեղի չի ունեցել:
Նրանք, ըստ էության, ասում են՝ աղքատների հետ ինչ տեղի է ունեցել, արդեն տեղի է ունեցել, ասում են՝ աղքատները չեն մեռնի, այս 20 տարիների ընթացքում այնքան իմունիտետ են ձեռք բերել, որ որքան ուզում եք թանկացրեք, կարտոֆիլ կուտեն, կարտոֆիլը թանկանա, խառը կանաչի կուտեն, խառը կանաչին թանկանա, կանաչ սոխ կուտեն, կանաչ սոխը թանկանա, սխտոր կուտեն: Այս մոտեցումը մենք համարում ենք անթույլատրելի: Մարդկանց այլընտրանք են թողել են միայն արտագաղթը: Մեր խնդիրն այն է, որ Հայաստանի տնտեսությունը լինի մրցունակ, դիմադրողական: Մենք վաղը արտահերթ նիստ սկսելու ստորագրահավաք կկազմակերպենք, պատրաստել ենք փաթեթ և առաջարկում ենք բենզինի և սեղմված գազի ակցիզային հարկը, դիզվառելիքի ավելացրած արժեքի հարկը վերադարձնել նախկին մակարդակին, և առաջարկում ենք եկամտահարկը նույնպես բերել նախորդ իրավիճակին: Իշխանությունը պետք է տեսնի, որ ինքը պրոբլեմ ունի, որպեսզի գնա կոնկրետ քայլերի, եթե տեսավ, որ պրոբլեմ չունի, փոփոխությունների չեն գնալու: Մենք  27 պատգամավորի ստորագրություն կհավաքենք, և մյուս շաբաթ արտահերթ նիստը տեղի կունենա: Մենք ուզում ենք ցույց տալ, որ ՀՀ քաղաքացին է այն միակ ուժը, որը կարող է լուծել թանկացման-չթանկացման մնացած բոլոր հարցերը: Քանի դեռ ՀՀ քաղաքացին շատ հստակ չի ցուցաբերել իր կամքը որևէ հարցի նկատմամբ, իրավիճակը մնալու է նույնը: Մենք հավատում ենք, որ ՀՀ քաղաքացին ունի քաղաքական կամք ՀՀ-ում որոշումների կայացման հսկիչ փաթեթը իր ձեռքը վերցնելու և մենք պատրաստ ենք ծառայելու այդ նպատակին, ծառայում ենք և կծառայենք այդ նպատակին: Այսօրվա հավաքը առաջարկում եմ ամփոփել այդ պայմանավորվածությամբ՝ դուք կհետևեք իրադարձությունների զարգացմանը, մենք կհայտարարենք, թե քանի ստորագրություն ենք հավաքել, ովքեր են ստորագրել և ձեր հետ շփումների արդյունքում կկայացնենք որոշում` հետագա անելիքների վերաբերյալ»,- իր ելույթում ասաց Նիկոլ Փաշինյանը։  

Իշխանությունն այս անգամ առավել զգուշավոր էր: ԵԼՔ-ի երթի մեկնարկից րոպեներ անց Երեւանի փոխոստիկանապետ Վալերի Օսիպյանը ոստիկաններին հրահանգել է կոնֆլիկտի չբռնվել քաղաքացիների եւ երթի մասնակիցների հետ: Այնուհետ, Ամիրյան փողոցից դեպքի Մաշտոց փողոց տանող խաչմերուկում կոնֆլիկտ տեղի ունեցավ ոստիկանների եւ երթի մասնակիցների միջեւ: Վերջիներիս թույլ չէր տրվում քայլել փողոցի երեք երթեւեկելի գոտիներով, թեեւ թույլտվությունը եղել էր երեք երթեւեկելի գոտիներով քայլելու համար: Ի վերջո, երթի մասնակիցները կարողացան դուրս գալ եւ երթը շարունակել ըստ նախատեսվածի: Իսկ ահա վերջում ԵԼՔ խմբակցության ղեկավար Նիկոլ Փաշինյանի մեքենան տեղում չէր, ավելի ուշ պարզվեց, որ ՃՈ աշխատակիցներն այն տեղափոխել են տուգանային հրապարակ: Ըստ ոստիկանների՝ պատգամավորի մեքենան կայանած է եղել անթույլատրելի վայրում: Փաշինյանի վարորդը մեր զրույցում տեղեկացրեց, որ մեքենան կանգնեցրել է Աբովյան փողոցում, Շառլ Ազնավուրի հրապարակի հարակից տարածքում՝ ավտոկանայատեղիի հսկիչի խորհրդով: Ավելի ուշ «ՀԺ»-ի լրագրողը նկատել էր, որ հենց այդ նույն տարածքում մեկ այլ մեքենա է կայանված եղել, որը ոստիկանները ՃՈ հրապարակ չեն տեղափոխել, ոչ էլ այդպիսի մտադրություն են ունեցել:

Ամփոփելով ԵԼՔ-ի երկորդ երթը եւ նրանց առաջիկա անելիքները, կարելի է ենթադրել, որ դաշինքը փոխում է ռազմավարությունը, խաղի մեջ է ներգրավում խորհրդարանական գործընկերներին՝ վերջիններիս խաղի կանոններով: Մասնավորապես, արտահերթ ԱԺ նիստ անցկացնելու պահանջի մասով ԵԼՔ-ը միաժամանակ «տուպիկ» է գցում ՀՀԿ-ին, ՀՅԴ-ին եւ ԲՀԿ-ին: Բանն այն է, որ ԵԼՔ-ն առաջարկում է հարցը քննարկել ԱԺ-ում, որպես հարցերը կարգավորելու միակ հարթակ, ինչպես ԵԼՔ-ի առաջին երթի ժամանակ վերոնշյալ քաղաքական ուժերը մատնանշում էին: Եվ, եթե հիմա պատգամավորների 1/3-ը կամ 27 պատգամավոր չստորագրի արտահերթ նիստ անցկացնելու պահանջի ներքո, կստացվի, որ հակասում են իրենց:

Տպել
5793 դիտում

ՀՀ 36 խոշորացված համայնքներում ՏԻՄ ընտրություններին մասնակցությունը ժամը 20:00-ի դրությամբ կազմել է 42,48 տոկոս

Հայտնի է Շիրակի մարզի 4 համայնքներում ընտրությունների մասնակցության ցուցանիշը

Հայտնի են Ամասիա համայնքի մի քանի բնակավայրերում ընտրությունների նախնական արդյունքները

Առերևույթ հանցավոր 6 ընտրախախտում՝ Լոռու մարզի խոշորացված համայնքների ՏԻՄ ընտրություններում. նախապատրաստվում են նյութեր

Ծովագյուղ բնակավայրում քվեարկությանը չի մասնակցել որևէ ընտրող. «Անկախ դիտորդ»

Ապարանում կրկնաքվեարկության դեպք է գրանցվել՝ հօգուտ «Կարեն Եղիազարյան» դաշինքի

Ընտրություններն ավարտված են, ընտրատեղամասերի դռները՝ փակ. սկսվել է քվեների հաշվարկը

Երիտասարդական Ֆորում՝ նվիրված Կամավորների միջազգային օրվան

Հրդեհ Երևանի բնակարաններից մեկում. փլուզվել է խոհանոցի պատը

Կուտակումներ գրանցվել են դիտարկված տեղամասերի 23․9%-ում. «Անկախ դիտորդը» ամփոփել է 143 տեղամասերի միջադեպերը

Անիի տարածաշրջանի ավտոճանապարհներին մառախուղ է, Սպիտակի, Ստեփանավանի ոլորաններում՝ մերկասառույց

ՀՅԴ թեկնածուն արջի նման մի երգ գիտի, ինչ խոսում է, իմ մասին է. Պետրոսյանը մեկնաբանում է իրեն ուղղված մեղադրանքները

Բուլդոզերներն ավիրել են Վանում հայկական գերեզմանատունը. Թուրքիան կիրառում է «հայ համայնքին վախեցնելու նոր ձևեր»

Ժամը 17:00-ի դրությամբ ՏԻՄ ընտրություններին մասնակցել է քաղաքացիների 33,8 տոկոսը. ԿԸՀ

Մարզերում առկա 1170 օբյեկտներից թեքահարթակներ ունի 116-ը. Բաթոյանը՝ պետական և ՏԻՄ մարմինների շենքերի մատչելիության մասին

Գերմանական «Լայպցիգը» խզել է գլխավոր մարզչի հետ պայմանագիրը

Ոտքի կանգնելու մի ճանապարհ կա՝ աշխատանքը. «PoGo shoes»-ի հիմնադիր (տեսանյութ)

Կամավոր աշխատանքն օրենքով պաշտպանելու անհրաժեշտություն ունի․ նախարար

«Ապագա կա, Գավառ». Նարեկ Գրիգորյանը կատարել է իր քաղաքացիական պարտքը (լուսանկարներ)

Սիրիայում ԱՄՆ-ի ռազմաբազան ենթարկվել է հարձակման

Իշխանության յուրացման փորձ կատարելու համար մեղադրվողների գործով դատավորն ինքնաբացարկ է հայտնել

Ոստիկանությունը պիտի առնվազն այցելի լրատվամիջոցներ, որտեղ երկնում են «ՔՊ-ն ընտրակաշառք է բաժանում» վերնագրեր. Ալեքսանյան

Կորոնավիրուսի դեմ պատվաստումներն ազգային անվտանգության խնդիր են. Արա Բաբլոյան (տեսանյութ)

ՀՀ ԱԻՆ-ը զգուշացնում է դեկտեմբերի 9-ին ճանապարհների մերկասառույցի և տեղումների մասին

Միանշանակ մենք ունենալու ենք 50+1 ձայների տոկոս. Պավել Ցուգունյան (տեսանյութ)

Վստահ եմ՝ Աբովյանում մենք ունենք մեծամասնություն ստանձնելու նախադրյալներ. Ռոմանոս Պետրոսյան (տեսանյութ)

Քարաթափման վտանգի պատճառով շարունակում է փակ մնալ Զովունի գյուղից դեպի Կորեայի ձոր տանող ավտոճանապարհը

«Դավիթ Համբարձումյան» դաշինքի կողմնակիցներն ուղղորդում են ընտրողներին. ՔՊ վստահված անձն ահազանգում է

Ընտրությունների մասնակցության ամենաբարձր ցուցանիշը Թումանյան համայնքում է, ամենապասիվը՝ Արմավիրում

Դուբայում քննարկվել է ՀՀ և ՌԴ երկաթուղային համակարգերը միացնելու հնարավորությունը

Ես իմ քաղաքացիական պարտքը կատարեցի՝ ընտրելով հանուն օրենքի և իրավունքի գերակայության. Ռոմանոս Պետրոսյան

Մենք սև կամ սպիտակ համակարգում տեղ չենք գտել, բայց հիմք չկա, որ ընտրություններում չենք հաղթի. Մարուքյան

Արցախում կորոնավիրուսային հիվանդության 31 նոր դեպք է գրանցվել

Այնթապից 4 անձ բերման է ենթարկվել՝ բռնություն գործադրելու կասկածանքով. ոստիկանություն

Նոյեմբերից հետախուզվող Ստեփանավանի նախկին քաղաքապետը հայտնաբերվել և կալանավորվել է. ՔԿ

Դավթաշենի կամրջի տակ հայտնաբերվել է 20-ամյա տղայի դի՝ մի ձեռքը մարմնից անջատված

Դուք ապահովում եք ակտիվ մասնակցություն, 5 տարի շարունակ ես ապահովելու եմ ակտիվ աշխատանք. Դավիթ Խուդաթյան

Այսօր ժամը 9-ին կլսեք հաղթանակի մասին. Ապարանում՝ ՔՊ թեկնածու Էդգար Փարվանյան

Վարդենիսում քվեաթերթիկը նկարահանած երիտասարդը բերման է ենթարկվել

Կյանքից հեռացել է Կոնսերվատորիայի ակադեմիական երգեցողության ամբիոնի դասախոս Ռուզան Բաղդասարյանը