Ոչ ասենք արվեստի դպրոցներում և մանկապարտեզներում թանկացումներին. ծնողները պայքար են սկսում

«Ո՛չ ասենք արվեստի դպրոցներում եւ մանկապարտեզներում թանկացումներին». այս վերտառությամբ հանրային խումբ է ստեղծվել «Ֆեյսբուք» սոցիալական ցանցում: Նախաձեռնության հեղինակը Երեւանում արվեստի դպրոց հաճախող երկու երեխաների մայր Հռիփսիմե Ավագյանն է, որը նախկինում նույնպես չի խուսափել բարձրաձայնել տարեսկզբից վարձավճարի թանկացման վերաբերյալ իր դժգոհությունը:

Խմբում փնտրվում ու քննարկվում են տարբերակներ, թե ինչպես պայքարել այդ թանկացումների դեմ: Առաջարկներ են հնչում չվճարել կամ վճարել նախկին չափով: Առաջարկվում է նաեւ զանգվածաբար դիմում ներկայացնել Երեւանի քաղաքապետարան՝ արտոնություն ստանալու նպատակով: Նաեւ համապատասխան դիմումի ձեւ է մշակվել ու հրապարակվել, իսկ զուգահեռաբար հիշեցվում է, որ դիմումը փոխանցելիս անպայման ստացական պահանջել՝ հետագայում դիմում ներկայացրած լինելու մասին հիմնավորում ունենալու համար:

Երեւանի ավագանու ԵԼՔ խմբակցության անդամ, կրթության, մշակույթի եւ սոցիալական հարցերի մշտական հանձնաժողովի նախագահ Արայիկ Հարությունյանը նույն խմբում գրել է. «Հարգելի ծնողներ, առաջարկում եմ զանգվածաբար դիմումներ ուղարկել քաղաքապետարան Ձեր երեխաների ուսման վարձի հետ կապված արտոնություններ ստանալու համար: Ես գիտեմ, որ նույնիսկ 1000 դրամ թանկացումը շատերի համար խնդիր է: Մինչեւ 900 հոգի պետք է ստանա արտոնություն` կամ ամբողջությամբ ազատվի կամ 50 տոկոս զեղչվի վարձը: Ես նայեցի քաղաքապետի որոշումների մեջ` առայժմ կարգ սահմանված չէ, բայց դուք գրեք դիմումները, կարգ սահմանելն իրենց խնդիրն է՝ ավագանու ընդունած որոշման համաձայն: Բացի այդ, եթե արտոնության համար դիմողների թիվը մեծ լինի Տարոն Մարգարյանը դեկտեմբերի 26-ին իմ ելույթից հետո հայտարարել է, որ այդ թիվն առնվազն կկրկնապատկվի: Այնպես որ դուխով պայքարեք Ձեր եւ Ձեր երեխաների իրավունքների համար»:

Մասնավորապես, արվեստի եւ երաժշտական դպրոցներում վարձավճարի թանկացումից հետո տեղեկություններ էին տարածվում, որ օրինակ Կոնստանտին Սարաջյանի անվան դպրոցում հնարավոր է սովորողների թվի նվազում՝ կապված վարձավճարների թանկացման հետ: Այդ դպրոցից որեւէ կերպ մեզ չհաջողվեց մեկնաբանություն ստանալ, թե տարեսկզբի թանկացումից հետո կա՞ն հաստատությունից դուրս եկած երեխաներ: Բոլորն այստեղ խիստ զբաղված էին՝ մեզ պատասխանելու համար:

Սայաթ Նովայի անվան դպրոցի փոխտնօրեն Սվետլանա Հակոբյանը վստահեցրեց, որ վարձավճարի պատճառով ոչ մի երեխա չի հեռացել: «Դեռ կիսամյակի համար էլ վճարողներ են եղել»,- ասաց նա: Պնդեց, որ նման պարտադրանք չի եղել, ու դա ծնողների որոշումն է: «Հայտարարվել է՝ հարգելի ծնողներ, ում ինչպես հարմար է, այնպես էլ վճարեք»: Կան մարդիկ, որոնք մեկ ամսվա ուսման վարձավճարն են մուծել, ոմանք՝ երկուսի, եռամսյակի կամ կիսամյակի:

Ծնող Հռիփսիմե Ավագյանն ավելի վաղ ահազանգել էր, որ պահանջվում է վճարել նաեւ առաջիկա ամիսների համար նախատեսված վարձավճարը: Երեւանի քաղաքապետի տեղակալ Վահե Նիկոյանն ի պատասխան հավաստիացնում էր, թե դպրոցների առաջ նման խնդիր չի դրվել եւ այդպիսի պահանջն օրինական չէ: Այսօր, երբ Սայաթ Նովայի անվան երաժշտական դպրոցի փոխտնօրենից փորձեցինք պարզել, թե նախորդ տարի ե՞ւս ծնողները առաջանցիկ վճարումներ են կատարել, նա չպատասխանեց հարցին: Հետաքրքրվեցինք նաեւ, թե կա՞ն մասնագիտություններ, որոնց դեպքում վարձավճարի չափը ոչ թե բարձրացել է, այլ՝ նվազել: Նախորդ առիթների դեպքում քաղաքապետարանի պաշտոնյաները պնդում էին, որ ճիշտ չէ տեղի ունեցածը թանկացում անվանել, որովհետեւ մի դպրոցում վարձավճարը թանկացել է, մյուս դեպքում, ինչպես օրինակ Կենտրոնում, նվազել, ինչի արդյունքում էլ այսօր բոլոր դեպքերում միջին չափ է սահմանվել՝ 8 հազար դրամ:

Կենտրոնում գտնվող Սայաթ Նովայի անվան երաժշտական դպրոցի փոխտնօրենն ասաց, թե իրենք մոտ կա ե՛ւ էժանացում, ե՛ւ թանկացում, ե՛ւ թե առանց փոփոխության: Երբ խնդրեցինք օրինակ բերել, նա միայն թանկացման մասին նշեց: Ասաց, որ կան պահանջվող գործիքներ, որոնց դեպքում վարձավճարը 5 հազար դրամից դարձել է 8 հազար դրամ: «Բայց որեւէ բողոք չկա»,- հավելեց նա:

Ինչ վերաբերում է մանկապարտեզներում թանկացումներին, հիշեցնենք, որ Երեւանի հաշվառում չունեցող ծնողները նույնպես պետք է ամսական 8 հազար դրամ վճարեն՝ ի տարբերություն մայրաքաղաքում հաշվառում ունեցողների, որոնց երեխաների համար մանկապարտեզն անվճար է:  

Տպել
4082 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում