Կովերը մեր անձնազոհ, կթվում են առանց իրենց խնայելու

 

Նախօրեին բոլորս տեղեկացանք, որ Հայաստանի գյուղատնտեսությունում աճ է արձանագրվել: Դե, մեղմ ասած՝ աճ: Դա աճ չէ, դա թռիչք է: Հոկտեմբերին անցած տարվա նույն ամսվա համեմատ աճը մոտ 35 տոկոս է եղել:

Այս տվյալները հրապարակեց ՀՀ ազգային վիճակագրության ծառայությունը: ԱՎԾ-ն հրապարակեց նաեւ այլ տվյալներ, թե այս տարվա առաջին 9 ամիսներին ինչ է կատարվում մեր գյուղատնտեսությունում: Չնայած 9 ամիսների կտրվածքով գյուղատնտեսությունում անկում է՝ մոտ 4 տոկոս, սակայն ԱՎԾ-ի ներկայացրած որոշ ցուցանիշներ ուշագրավ են զուտ թվաբանական տեսանկյունից:

Օրինակ, 2017 թվականի հունվարի 1-ի դրությամբ Հայաստանում կովերի գլխաքանակը եղել է 295 հազար 974: Նախորդ տարվա համեմատ կովերի գլխաքանակը շոշափելիորեն նվազել էր՝ մոտ 23 հազարով: Կովերի գլխաքանակի անկումը, բնականաբար, պետք է հանգեցնի արտադրված կաթի ծավալների անկմանը: Բայց այս պարզ թվաբանությունը Հայաստանում չի գործում: Երեւի մեր կովերի անձնազոհությունից է՝ կովերի գլխաքանակի նվազումը հանգեցրել է կաթի արտադրության աճին: Եթե 2016թ. առաջին 9 ամիսներին մեր կովերը ավելի շատ գլխաքանակով տվել են 646.8 հազար տոննա կաթ, ապա ավելի քիչ գլխաքանակով 2017 թ. նույն ժամանակահատվածում տվել են 651.6 հազար տոննա: Այսինքն, կովերի 23 հազարով նվազելը հանգեցրել է կաթի մոտ 5 հազար տոննա ավելի արտադրությանը:

Սա գիտական աշխատության լավ թեմա է՝ նոր տեսություն: Կարելի է ամեն տարի կրճատել կովերի գլխաքանակը, եւ դա կհանգեցնի կաթի արտադրության աճին: Ու մեկ էլ մի 10 տարի հետո Հայաստանում կով չի լինի, բայց կլինենք ամենաշատ կաթ արտադրող երկիրը աշխարհում: Կաթի գետեր կհոսեն:

Թե որքան է կովերի գլխաքանակը Հայաստանում այս պահի դրությամբ, վիճակագրություն չկա: Բայց հայտնի է, որ մսի արտադրությունը այս 9 ամիսների ընթացքում աճել է մոտ 4 տոկոսով: Պարզ լեզվով ասած, ավելի շատ է մորթվել: Ենթադրվում է, որ դրա արդյունքում կովերի գլխաքանակը էլի նվազած կլինի: Բացի դրանից գոնե տարվա առաջին կիսամյակում Հայաստանի խոշոր եղջերավոր անասունների արտահանումը (կենդանի վիճակում) աճել է մոտ 5 անգամ եւ հասել մոտ 7 հազար գլխի: Ենթադրաբար դրա մեջ կան նաեւ կովեր: Այնպես որ, կովերի գլխաքանակը այս տարի շարունակել է նվազել: Կամ եթե նույնիսկ շրջանառության մեջ են մտել նոր՝ «երիտասարդ» կովեր, ապա դրանք այսքան արագ չէին կարող դառնալ կաթնատու:

Թերեւս միակ տրամաբանական բացատրությունը կարող է լինել մեր կովերի կաթնատվության կտրուկ աճը: Իսկ դա նշանակում է, որ շատ կարճ ժամանակահատվածում՝ ընդամենը մի քանի ամսվա ընթացքում Հայաստանում տեղի է ունեցել տեխնոլոգիական հեղափոխություն անասնապահության ոլորտում: Ստեղծվել են տասնյակ հազարավոր գլուխ կովերի գերժամանակակից ֆերմաներ, որտեղ կովին կերակրում ու կթում են ռոբոտները, մեր կովերը տարին 12 ամիս ուտում են թարմ՝ կանաչ խոտ եւ այլն: Եթե այդպես է, ապա այդ տեխնոլոգիական հեղափոխությունը խնամքով թաքցվում է հանրությունից: Ֆերմաները քողարկված են՝ գործում են տոնավաճառների կամ «մոլերի» քողի ներքո: Խնդիրն այն է, որ վերջին շրջանում մեզանում կտրուկ ավելանում են «մոլերը», եւ ոչ թե ժամանակակից ֆերմաները:

Տպել
14814 դիտում

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ

Գերիների վերադարձն ու դիակների փոխանակումը պահանջում է հրատապ լուծում. ՀՀ ՄԻՊ

Միջոցներ են ձեռնարկվել Ադրբեջանի կողմից ՀՀ և ԱՀ գործող և նախկին պաշտոնատար անձանց նկատմամբ հայտարարված հետախուզման դեմ

Առաջարկում ենք ստեղծել եռակողմ հանձնաժողով, որն անարգել կայցելի երկու կողմերում պահվող ռազմագերիներին. Էդմոն Մարուքյան

Արցախի հատուկ անցակետերում իրականացվում է ուժեղացված ծառայություն

ՀՔԾ պետ Սասուն Խաչատրյանը պարգևատրվել է Մխիթար Գոշի մեդալով