Կարեն Կարապետյանը ուղիղ հարվածեց Սերժ Սարգսյանի աքիլեսյան գարշապարին՝ շախ եւ մա՞տ

Կարեն Կարապետյանը որոշել է զարմացնել իր դիմացկունությամբ եւ քաղաքական հմտություններով: Վարչապետի պաշտոնում նրա նշանակումից հետո բոլորը միակարծիք էին, որ Կարապետյանը քաղաքական ֆիգուր չէ, իսկ Երեւանի քաղաքապետի պաշտոնից հրաժարականի հայտնի պատմությունը հիմք էր տվել եզրակացնելու, որ նա նաեւ թույլ նյարդեր ունի եւ ինչ-որ իրավիճակների առաջ արագ ընկրկում է:

Սերժ Սարգսյանն արդեն երկար ժամանակ ամեն ինչ անում է, որպեսզի այդպիսի իրավիճակ ստեղծի՝ Կարապետյանին դրդելու հրաժարականի, բայց, կարծես թե, ոչ մի կերպ դա չի հաջողվում: Ընդ որում, Սարգսյանն այս ընթացում, կարծես թե, օգտագործել է իր զինանոցի բոլոր գործիքներն ու զինատեսակները: Հնարավոր է, իհարկե, որ նա թաքուն պահած ինչ-որ փամփուշտ դեռ ունի, սակայն առայժմ ակնհայտ է, որ դադար է վերցրել եւ չի պատրաստվում այն օգտագործել:

Մինչ այդ վարչապետն իր փամփուշտներն է արձակում: Այսօր Հայաստան-Սփյուռք համաժողովում ելույթ ունենալու հերթը նրանն էր:

Ճանաչելով Սերժ Սարգսյանի քաղաքական ձեռագիրը՝ կարող ենք ենթադրել, որ նա ամեն ինչ արել է, որ մինչեւ այս համաժողովը Կարեն Կարապետյանն արդեն երկրի վարչապետ չլիներ եւ չմասնակցեր սույն շատ կարեւոր միջոցառմանը: Դրա համար Սարգսյանը, իհարկե, լուրջ պատճառներ ուներ: Հայտնի է, որ Սփյուռքում Հայաստանի գործող իշխանություններին այնքան էլ խանդավառ չեն ընդունում, շատ հարցերում վերապահումներ եւ դժգոհություններ ունեն: Այս իրավիճակում Կարեն Կարապետյանն իր եվրոպական կերպարով կարող է լուրջ այլընտրանք դառնալ Սփյուռքի հեղինակավոր գործիչների համար: Շատ տարօրինակ է, բայց վերջին շրջանում, այսինքն՝ ճիշտ այն ժամանակահատվածում, երբ Սերժ Սարգսյանը փորձում էր օղակը սեղմել վարչապետի շուրջը, Արեւմուտքից վերջինիս լուրջ աջակցություն էր ցուցաբերվում:

Սա տարօրինակ է, որովհետեւ Կարեն Կարապետյանը ռուսական քաղաքական եւ գործարար շրջանակների հետ փոխկապակցված անձ է, ուստի պետք է մերժված լիներ Արեւմուտքի կողմից: Սակայն արդեն մի քանի ամիս է՝  Հայաստանում ԱՄՆ-ի եւ Եվրամիության դեսպանների ամեն երկրորդ խոսքը վարչապետի բարեփոխումները ողջունելն է, նրան խրախուսելը: Արդյո՞ք սա նշանակում է, որ վարչապետը ռուսական պլատֆորմից սահուն անցում է կատարել արեւմտյան պլատֆորմ, շատ դժվար է ասել: Իսկ գուցե նա, պահպանելով առաջինը,  շահել է նաեւ երկրորդի համակրա՞նքը: Ամեն դեպքում Արեւմուտքից այս ակնհայտ աջակցության պարագայում, Սփյուռքի սիրտն էլ շահելով՝ վարչապետը կարող է լուրջ վտանգ ներկայացնել Սերժ Սարգսյանի համար:

Համաժողովում իր այսօրվա ելույթի, Սփյուռքի գործիչների հարցերին պատասխանելու եւ լրատվամիջոցների հետ բրիֆինգի ժամանակ Կարեն Կարապետյանը չի էլ թաքցրել, որ ինքը նման նպատակ ունի:

Լիբանանահայ գործիչ Համբիկ Մարտիրոսյանը վարչապետին հարց ուղղելիս շնորհակալություն է հայտնել նրան վերջին մեկ տարվա գործունեության համար, ասել է, որ նա «հեղափոխական գործիչ է, իսկական շախմատ խաղացող, որը շախ արեց ու մատ ցույց տվեց որոշ մարդկանց ու հեռացրեց քաղաքական դաշտից»: Իսկ հարցը եղել է հետեւյալը. «Հիմա հարց պետք է տամ՝ խնդրելով մեկ բառով պատասխանել, արդյո՞ք Կարեն Կարապետյան վարչապետը կփափագի մնալ պաշտոններու վերա»: Կարեն Կարապետյանը հենց մեկ բառով էլ պատասխանել է՝ «այո՛»:

Այս ձոնը, հարցուպատասխանը չեն կարող պատահականություն լինել: Իսկ դա նշանակում է, որ Կարեն Կարապետյանը լուրջ է տրամադրված, եթե դիմում է քաղաքականության մեջ հաճախ օգտագործվող նման հնարքների:

Նա նաեւ շատ բազմանշանակ է պատասխանել 2018-ին Սերժ Սարգսյանի՝ վարչապետ դառնալու հավանականության մասին հարցին: «Եկեք այսպես ասենք, մասնավոր անձանց կարծիքները թույլ տվեք չմեկնաբանել: Երբ կլինի ՀՀԿ-ի պաշտոնական կարծիքը, հարցրեք։ Դուք կուսակցության պաշտոնական կարծիքը լսե՞լ եք»,- ասել է Կարեն Կարապետյանը: Սույնով նա արժեզրկել է տարբեր մեծ ու փոքր ՀՀԿ-ականների անձնուրաց լոբբինգը Սերժ Սարգսյանի օգտին, երբ նրանք երբեմն սրտաճմլիկ հիմնավորումներ են բերում, թե ինչու պետք է Սարգսյանը մնա պետության գլուխը: Փաստորեն՝ սրանք ընդամենը անձնական կարծիքներ են, ոչինչ ավելի:

Ինչ վերաբերում է համաժողովում իր ելույթին, ապա Կարեն Կարապետյանն այն կառուցել էր այնպես, որ անդրադառնար Սփյուռքին հուզող բոլոր խնդիրներին, ներկայացնում էր դրանք լուծելու իր մոտեցումները, մինչ այժմ ձեռնարկած քայլերը: Ընդ որում՝ ելույթը ձգտում էր հասնել Սերժ Սարգսյանի վերջին ելույթներին, որոնք հայեցակարգային են, երկարաժամկետ ռազմավարական նշանակության: «Այսօր 25 տարեկան, երիտասարդ, անկախ, հաղթանակած պետություն ենք, ամուր կանգնած ենք մեր Արցախի թիկունքին՝ երաշխավորելով Արցախի ինքնորոշման եւ ազատ ապրելու իրավունքը՝ պատրաստ ցանկացած պահի արձագանքելու ցանկացած ոտնձգության»,-ասաց Կարապետյանը, հարվածելով ՀՀԿ-ականների այն անձնական կարծիքներին, թե Արցախի եւ Հայաստանի անվտանգության երաշխավորը միայն Սերժ Սարգսյանը կարող է լինել:

«Ներկայումս մշակում ենք «Հայաստանի զարգացման ռազմավարություն 2030»-ը, մշակում ենք Հայաստանի թվային օրակարգը, առանց որի հնարավոր չէ ապահովել արդյունավետության աճ եւ զարգացում, իրականացնում ենք մի շարք ոլորտային բարեփոխումներ»,- շարունակում է վարչապետը, շեշտելով, թե որքան երկարաժամկետ պլաններ ունի ինքը պետության ղեկավարի պաշտոնում: «Կառավարությունը ձեռնարկում է համալիր միջոցառումներ դատական համակարգի անկախությունը եւ անաչառությունը ապահովելու համար։ Մենք որդեգրել ենք անհանդուրժողականություն կոռուպցիայի նկատմամբ, աշխատում ենք պետական ծառայողի կերպարի վրա»,- ասաց վարչապետը՝ ուղիղ հարվածելով Սերժ Սարգսյանի իշխանության աքիլեսյան գարշապարին:

Եվ վերջին մահացու հարվածը. «Հաջորդ տարի աշնանը մենք նախատեսում ենք կազմակերպել մեծ տնտեսական եւ ներդրումային ֆորում Հայաստանում... Տրամադրված ենք այդ ֆորումը դարձնել ամենամյա»:

Բանն այն է, որ հաջորդ տարի աշունը 2018-ի ապրիլից հետո է: Փաստորեն, Կարեն Կարապետյանը պատրաստվում է այդ ժամանակ մեծ ֆորում հյուրընկալել Հայաստանում: Վարչապետի ինքնավստահությունը իսկապես տպավորում է, կամ գուցե մե՞նք ենք այս ընթացքում ինչ-որ բան բաց թողել:

Տպել
10711 դիտում

ԲՏԱ ոլորտում իրականացվող ընթացիկ և նախատեսվող ծրագրերը քննարկել են նախարարն ու նախագահը (տեսանյութ)

ԳԹԿ-ն հրապարակել է այսօր տեղի ունեցած միասնական քննությունների թեստերն ու պատասխանները

Ես երբեք չեմ ասել՝ չենք վերադարձնելու Ադրբեջանին 7 շրջանները. անգամ ասել եմ՝ Աղդամն իմ հայրենիքը չէ. Սերժ Սարգսյան

«Մի մեշոկ փող ենք տվել, որ պատահական նշե՞ս». այսօր տեղի ունեցան միասնական վերջին քննությունները

ՄԻՊ-ը Կինոյի տան գլխավոր մուտքի թեքահարթակի քանդման հարցով վարույթ է սկսել

Արցախի Ազգային ժողովի խմբակցությունները հանդես են եկել հայտարարությամբ

Այսօր ու առաջիկա օրերին խիստ բարձր ջերմային ֆոն է սպասվում. որոշ հատվածներում՝ մինչև +41 աստիճան շոգ

«Այո, կարծում եմ՝ Փաշինյանը հաղթել է ընտրություններում». Սերժ Սարգսյան

Հռոմի Պապը հիշել է 5 տարի առաջ այս օրերի իր այցը Հայաստան

Այս պարգևն ինձ ավելի երիտասարդացրեց. դոկտոր Հովհաննես Սարուխանյանին հանձնվել է Երևանի պատվավոր քաղաքացու հավաստագիր

Նիկոլ Փաշինյանը հանդիպել է ՍԴՀԿ կենտրոնական վարչության ատենապետ Սեդրակ Աճեմյանին (տեսանյութ)

Դոլարի փոխարժեքը դրամի նկատմամբ դարձյալ նվազել է. պատգամավորի կարծիքով՝ կայունությունն է սրան նպաստել

ՀՀ-ում հատուկ պահպանվող տարածքում փորձել են խմելու ջուրը թունավորել. վնասազերծվել է 68-ամյա քաղաքացի

Մայիսին Հայաստանի տնտեսական ակտիվության ցուցանիշը աճել է 10.9 տոկոսով. 5 ամսում արձանագրվել է 4.3 տոկոս աճ

Արմեն Սարգսյանը հանդիպել է Գագիկ Ծառուկյանի հետ

Աշխատանքից ազատվել են ՀՀ ԶՈՒ ՀՕՊ և ինժեներական զորքերի պետերը

Անի խոշորացված համայնքի ղեկավարին մեղադրանք է առաջադրվել լիազորությունների չարաշահման համար. ՔԿ

Տիգրան Արզաքանցյանը տիկնոջ հետ այցելել է պատերազմում զոհվածների շիրիմներին (լուսանկարներ)

Արմեն Սարգսյանը հանդիպել է Էդմոն Մարուքյանի հետ (տեսանյութ)

Դարձե՛ք ՎՏԲ-Հայաստան Բանկի և Mastercard-ի #cashbackմարաթոն ակցիայի մասնակից և ստացե՛ք Ձեր cashback-ը

Հաստատվել է կորոնավիրուսային հիվանդության 102 նոր դեպք. մահեր չեն գրանցվել

ՀՀ նախագահը Վերաքննիչ դատարանում 3 դատավորների նշանակման մասին հրամանագրեր է ստորագրել

Արամը սա էլ կհաղթահարի. արդեն ութ ամիս հիվանդանոցում գտնվող երիտասարդը արտերկրում բուժման կարիք ունի

Մհեր Գրիգորյանը նոր խորհրդական է նշանակել ու նրան գործուղել ԱՄՆ

Արթուր Բազեյանը նաև ճանաչվել է Եվրոպայի առաջնության լավագույն բռնցքամարտիկ

Ուրախ կլինեմ շարունակել համատեղ աշխատանքները. Էմանուել Մակրոնը շնորհավորել է Նիկոլ Փաշինյանին

Հալաբյան փողոցում գիշերն ապամոնտաժվել է հերթական ապօրինի կառույցը

Արժույթները նվազել են. Կենտրոնական բանկը սահմանել է նոր փոխարժեքներ

Երևանում ու 6 մարզերում էլեկտրաէներգիայի մինչև 6-ժամյա անջատումներ կլինեն

ԱՄՆ-ն ու Թուրքիան բանակցում են Քաբուլի օդանավակայանի պաշտպանությունը թուրքերին հանձնելու հարցով

Հրդեհ Մասիս քաղաքի աղբավայրում. մեկնել է 3 հրշեջ խումբ

Ստեփանակերտում այսօր 7 ժամ ջուր չի լինի

Հաղթանակ՝ նոկաուտով. բռնցքամարտիկ Արթուր Բազեյանը հռչակվել է Եվրոպայի չեմպիոն

Բրյուսելում մեկնարկել է Եվրամիության երկօրյա գագաթնաժողովը. քննարկվող թեմաները հայտնի են

3 բուհի խորհուրդների ձեւավորման ընթացքը կանգ է առել. նախարարությունը սպասում է Սահմանադրական դատարանի որոշումներին

Ռոսաստանի Գվարդիայի ուղղաթիռը կործանվել է․ երեք հոգուց բաղկացած անձնակազմը զոհվել է

ՄԻՊ-ը Ադրբեջանի նախագահի և Թուրքիայի առաջին տիկնոջ միջև խոսակցության տեսանյութն ուղարկել է ԵՄ բարձրագույն ղեկավարությանը

Թամանյանական ոճով կառուցված Հայթաղ համայնքի մշակույթի տունն առաջին անգամ կվերանորոգվի

Քննարկվել են Հայաստանում պղնձի արտադրությանը վերաբերող հարցերը

Ռուսաստանի եւ Թուրքիայի նախագահները քննարկել են Լեռնային Ղարաբաղի շուրջ ստեղծված իրավիճակը