Ընտրակեղծիքների մասնակից տնօրեններից ո՞վ կպատժվի

Կենտրոնական ընտրական հանձնաժողովում արդեն վարույթ է հարուցվել «Իրազեկ քաղաքացիների միավորում» հասարակական կազմակերպության պատրաստած նյութերի վերաբերյալ: Այդ մասին մեզ հետ զրույցում ասաց ԿԸՀ նախագահ Տիգրան Մուկուչյանը:

Հիշեցնենք, որ անցած շաբաթ այդ կազմակերպությունը գաղտնի զրուցել էր 114 ուսումնական հաստատությունների տնօրենների հետ եւ ձայնագրել նրանց: Կազմակերպության աշխատակիցները ներկայացել էին որպես Հանրապետական կուսակցության գրասենյակի ներկայացուցիչներ ու դպրոցի տնօրեններից հետաքրքրվել, թե ինչ ընթացքում են գտնվում աշակերտների ծնողների ցուցակագրումները, նրանք էլ «ազնվաբար» ներկայացրել էին իրենց աշխատանքի մանրամասները:

Սա աննախադեպ, բնականաբար՝ նաեւ սկանդալային նախընտրական բացահայտում էր մեր ողջ ընտրական պատմության մեջ, եւ բնականաբար, դրա նկատմամբ թե՛ քաղաքական, թե՛ հանրային հետաքրքրությունը պիտի մեծ լիներ: Եվ այդպես էլ կա: Կազմակերպության այդ հրապարակումից անմիջապես հետո ԿԸՀ դիմում էր ներկայացրել ՕՐՕ դաշինքը, որպես ընտրություններին մասնակցող կուսակցության ընտրական ցուցակը գրանցող մարմին, դիմել դատարան ՀՀԿ-ի ընտրական ցուցակի գրանցումը ուժը կորցրած ճանաչելու համար:

Դիմումատուի ներկայացմամբ՝ Ընտրական օրենսգրքի 88-րդ հոդվածի 2-րդ մասի համաձայն՝ «կուսակցության կամ դաշինքի ընտրական ցուցակի գրանցումը դատական ակտի հիման վրա ուժը կորցրած կարող է ճանաչվել սույն օրենսգրքի 19-րդ հոդվածի 8-րդ մասի համաձայն «եթե առկա է նախընտրական քարոզչության սահմանված կարգի այնպիսի խախտում, որը կրում է շարունակական բնույթ, եւ թույլ   տրված խախտումը կարող է էական ազդեցություն ունենալ ընտրությունների արդյունքների վրա, կամ թույլ տրված խախտման հետեւանքները հնարավոր չէ վերացնել, ապա թեկնածուին, ընտրություններին մասնակցող կուսակցության ընտրական ցուցակը գրանցած ընտրական հանձնաժողովը դիմում է դատարան` թեկնածուի, ընտրություններին մասնակցող կուսակցության ընտրական ցուցակի գրանցումն ուժը կորցրած ճանաչելու համար»:

Երեկ մենք տեղեկացանք, որ ԿԸՀ նմանատիպ դիմում պատրաստվում է ներկայացնել նաեւ «Ելք» դաշինքը: «Այո, կարծում եմ, կարելի է ցուցակի գրանցումն անվավեր ճանաչել, քանի որ այնպիսի խախտում է գրանցվել, որը հնարավոր չէ վերացնել: Դրանք կամքի ազատ ձեւավորման վրա ազդեցություն են թողել, հակասահմանադրական եւ կազմակերպված բնույթ են կրել: Դպրոցի տնօրենների միջոցով ընտրողների վրա ազդեցություն է գործվել»,- մեզ հետ զրույցում ասաց դաշինքի անդամ Արտակ Զեյնալյանը:

Դեռ հայտնի չէ, թե ընտրություններին մասնակցող էլ որ կուսակցությունները կդիմեն ԿԸՀ, բայց գրեթե բոլոր ոչիշխանական ուժերը քննադատում են այդ երեւույթը: Գաղտնիք չէ, որ ՀՀ գրեթե բոլոր դպրոցների թե՛ տնօրենները, թե՛ ուսուցիչները ներգրավված են ընտրական գործընթացներում: Նրանք աշխատում են հիմնականում ՀՀԿ-ի օգտին, իսկ այդ կուսակցության թույլտվությամբ՝ մի փոքր էլ իրենց կոալիցիոն գործընկերների՝ տվյալ դեպքում «Դաշնակցություն» կուսակցության օգտին: Երեկ մենք փորձեցինք Տիգրան Մուկուչյանից նաեւ տեղեկանալ, թե արդյոք հրապարակված փաստերը կարո՞ղ են ՀՀԿ-ի ցուցակի գրանցումն անվավեր ճանաչելու հիմք հանդիսանալ: Չէ՞ որ դպրոցի տնօրեններն իրենք են մանրամասն խոստովանում, թե ինչպես են այդ կուսակցության համար ձայներ ապահովում: Ընդ որում, դա անում են աշխատանքային ժամերին: «Իմ կարծիքը կարտահայտվի ԿԸՀ վարույթի շրջանակներում ընդունված որոշմամբ»,- կարճ պատասխանեց նա:

Նշենք, որ որեւէ թեկնածուի կամ կուսակցության ցուցակի գրանցումն անվավեր ճանաչելու համար դատարան կարող է դիմել միայն ԿԸՀ-ն, քաղաքական ուժերը նման իրավունք չունեն: Ընտրություններին մասնակցող ուժերը կարող են ընդամենը դիմել ԿԸՀ-ին, որ վերջինս դիմի դատարան: Քաղաքական ուժերի կողմից, ինչպես տեսանք, նման դիմում կա եւ դեռ կլինի, ԿԸՀ-ն էլ այդ գործով արդեն վարույթ է հարուցել: Բայց արդյո՞ք ԿԸՀ-ն նման հայցով կդիմի դատարան: Դժվար թե: ԿԸՀ-ի առաջիկա վերաբերմունքն առկա է արդեն գլխավոր դատախազության երեկ տարածած հայտարարության մեջ: Իրավապահ այդ գերատեսչությունը ուսումնասիրել ու պարզել է, որ բազմաթիվ ձայնագրությունների մեջ ընդամենը մեկն է առերեւույթ հանցագործության հատկանիշներ պարունակում: Իսկ անցած մի քանի օրերին ՀՀԿ-ից են բազմաթիվ մեկնաբանություններ հնչել, թե այդ տնօրեններն ազատ են աշխատանքից դուրս իրենց ժամանակը տնօրինելու:

Գլխավոր դատախազության եւ իշխանությունների նման հայտարարությունից հետո դժվար թե ԿԸՀ-ն որոշի, որ դպրոցի տնօրենների կողմից զանգվածաբար ընտրողների կամարտահայտման վրա ճնշում կամ ազդեցություն է գործադրվել, եւ դա ազդելու է ընտրությունների արդյունքի վրա: Այնպես որ, ԿԸՀ-ն դատարան չի դիմի: Իսկ եթե անգամ որոշի դիմել, ապա դատարանը կորոշի, որ խախտումները զանգվածային բնույթ չեն կրել, իսկ մեկ-երկու դեպքը չեն կարող ազդել ընտրությունների արդյունքների վրա:

«Թրանսփարենսի ինթերնեյշնլ հակակոռուպցիոն կենտրոնի» իրավախորհրդատու Հերիքնազ Տիգրանյանի կարծիքով, սակայն, ընդհանուր առմամբ խախտում կա, քանի որ այդ տնօրեններն աշխատանքի ժամին են ներգրավված եղել ընտրական գործընթացներին: «Պետք է պարզել, թե երբ են արել այդ գործողությունները, աշխատանքի ժամին, թե աշխատանքի ժամից դուրս: Նրանք հանրային ծառայող են եւ իրավունք չունեն օգտագործել իրենց տրամադրված մարդկային ռեսուրսը: Ցուցակագրումն ազդո՞ւմ է կամքի ազատ արտահայտման վրա: Այո, ցուցակագրելով նրանք սահմանափակում են մարդկանց կամքի ազատ արտահայտումը: Նրանք՝ որպես տնօրեն, օգտագործու՞մ են իրենց դիրքը: Օգտագործում են»,- ասում է նա:

Հավելենք, որ իշխանությունները դպրոցների տնօրեններին ու ուսուցիչներին զանգվածաբար ընտրական գործընթացների եւ ընտրակեղծիքների մեջ ներքաշեցին 2005թ. սահմանադրական փոփոխությունների ժամանակ: Այդ ժամանակ հանձնաժողովի նախագահները մեծամասամբ դպրոցի տնօրեններ էին, իսկ անդամները՝ ուսուցիչներ: 2005թ. սահմանադրական փոփոխությունների հանրաքվեին շատ քիչ մասնակցություն եղավ, բայց հաղթանակն ու բավարար մասնակցությունն ապահովվեց կեղծիքների միջոցով: Այդ հանրաքվեի ժամանակ «Այո»-ի շտաբը ղեկավարում էին կոալիցիոն կառավարության՝ «Օրինաց երկիր» կուսակցության անդամ Մհեր Շահգելդյանը, իսկ կրթության եւ գիտության նախարարը ՕԵԿ անդամ Սերգո Երիցյանն էր:

Տպել
10416 դիտում

Աննա Հակոբյանն այցելել է Կաննում գտնվող Հայոց ցեղասպանության հուշարձան, եղել «Սոֆիա Անտիպոլիս» տեխնոպարկում (լուսանկար)

ԱԻՆ-ը 2 օրում արգելափակումից դուրս է բերել ինը ավտոմեքենա

Թուրքիան, Վրաստանը և Ադրբեջանը համատեղ զորավարժություն են պլանավորում

Լարսի ավտոճանապարհով երթևեկությունը վերականգնված է բոլոր տեսակի տրանսպորտային միջոցների համար

Երկար ժամանակով լույս չի լինելու Երևանի և 7 մարզերի մի շարք հասցեներում

Տեղեր գյուղի վանքին հարակից ժայռից 2 քաղաքացի ընկել է ձորակը. նրանց վիճակը միջին ծանրության է

«Հանրապետություն» կուսակցությունը մասնակցելու է Քաջարանի ՏԻՄ ընտրություններին

Քիչ առաջ Լարսում վերականգնվել է երթևեկությունը

Դատական համակարգում կան կլաններ, խմբավորումներ. Փաշինյանը՝ Ջհանգիրյանի և Վարդազարյանի մասնակցությամբ ձայնագրության մասին

Ավտոճանապարհային կապը ՌԴ-ի հետ կվերականգնվի երկու ժամվա ընթացքում. Վահան Քերոբյան

Քննարկվել են հոկտեմբերին Երևանում կայանալիք սամբոյի աշխարհի պատանիների և երիտասարդների առաջնությանն առնչվող հարցերը

Տեղի է ունեցել «ԿԱՆԱՉ Հայաստան» համատեղ հարթակի առաջին՝ քաղաքականությունների երկխոսությունը

Ինչ դիրքորոշում ունի վարչապետը ընդդիմադիր որոշ պատգամավորների մանդատից զրկելու վերաբերյալ

Միայն վերջին 3 ամսում էլեկտրական ինքնագլորից տուժած շուրջ 40 քաղաքացի է տեղափոխվել համալսարանական հիվանդանոց

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԻ նախարարությունում քննարկվել են Հայաստանում սեյսմոլոգիական դպրոց կազմակերպելու հնարավորությունները

Նիկոլ Փաշինյանը հայտնեց, թե ովքեր են Արցախի հարցի նշաձողի իջեցման կոչ ներկայացնողները

Աննա Հակոբյանը այցելել է Ալպ-Մարիտիմի տարածաշրջանի «Սոֆիա Անտիպոլիս» տեխնոպարկ

Հունաստանում քննարկվել են «Պարսից ծոց-Սև ծով միջազգային տրանսպորտային միջանցքի» ստեղծման ուղղությամբ տարվող աշխատանքները

Վարչապետը նշեց պատճառները, թե ինչու Ադրբեջանը չի վերադարձնում հայ ռազմագերիներին

Խորհրդարանն ընտրել է Վճռաբեկ դատարանի վարչական պալատի դատավորների թեկնածուներ

Ադրբեջանը կաթիլ-կաթիլ փորձում է կուտակել նոր պատերազմի լեգիտիմություն. Նիկոլ Փաշինյան

Եթե առցանց չլիներ, կրկին առիթ կգտնեին բոյկոտելու. վարչապետի արձագանքը՝ որոշ լրատվամիջոցների՝ առցանց ասուլիսը բոյկոտելուն

«Վանաձոր» ՔԿՀ տեսակցության գնացած քաղաքացին կալանավորված անձին կասկածելի իր է փոխանցել

ՀԲ ներկայացուցիչները Գնել Սանոսյանին են ներկայացրել ջրային ոլորտում ենթակառուցվածքների զարգացման իրենց հետազոտությունը

Պետությանը պատկանող բնակելի տարածքներ են նվիրատվություն արվել ՀՀ քաղաքացիներին

Ծնողը գումարի պատճառով երեխային չէր տանում ստուգման․ ինչ անվճար հետազոտություններից կարող են օգտվել 0-18 տարեկանները

Արարատ Միրզոյանը Հունաստանի վարչապետին է ներկայացրել Հայաստան-Թուրքիա կարգավորման գործընթացի զարգացումները

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Բուհերի ընդունելության երկրորդ փուլի քննությունները տեղի կունենան հուլիսի 4-ից 9-ը

Թունիսի նորանշանակ դեսպանն իր հավատարմագրերի պատճենն է հանձնել Հայաստանի ԱԳ նախարարի տեղակալին

Զվարթնոց թաղամասի մոտակայքում ավտոմեքենան բախվել է հեղուկ գազի լիցքավորման վահանակին

Անահիտ Ավանեսյանը և Նաթիա Նացվլիշվիլին անդրադարձել են առողջության ապահովագրության հայեցակարգի ներդրման հարցերին

Խաղաղությունը մեր սկզբունքը, մեր քաղաքականությունն ու ռազմավարությունն է. ՀՀ ԱԳ նախարար

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Քաղաքաշինության կոմիտեի ղեկավարը հետևել է մարզական կառույցների շինարարության ընթացքին

Անցած 3 օրում հանրապետությունում արձանագրվել է 48 ՃՏՊ. 2 մարդ զոհվել է

Յունիբանկի Բաժնետերերի տարեկան ընդհանուր ժողովն ամփոփեց 2021թ.-ի արդյունքները

Հայ երիտասարդները մասնակցել են «Eurasia Global» միջազգային երիտասարդական 7-րդ համաժողովին

Համբարձում Մաթևոսյանի գլխավորությամբ շարունակվում են համայնքներից ստացված սուբվենցիայի ծրագրային հայտերի քննարկումները