Իշխանափոխության հանրային պահանջ չկա. Գարեգին Միսկարյանը՝ ներքաղաքական իրավիճակի և ընդդիմության գործողությունների մասին

Իշխանափոխության հանրային պահանջ չկա, չկա նաև հանրության լայն զանգվածի շրջանում վստահություն փողոցում գտնվող ընդդիմադիր ուժերի նկատմամբ: Դա է պատճառը, որ «Դիմադրության» շարժումը չի դառնում զանգվածային: Եթե լիներ վստահություն, ապա նրանք, ովքեր գոհ չեն Նիկոլ Փաշինյանի կառավարությունից, դուրս կգային և կաջակցեին այս պայքարին:

«Հայկական ժամանակ»-ի հետ զրույցում մեկնաբանելով ընդդիմության սկսած շարժումը և դրա շրջանակներում ծավալվող գործողությունները՝ ասում է քաղաքական գործիչ Գարեգին Միսկարյանը՝ նկատելով՝ ընդդիմությանը 300 հազար ձայն տված մարդիկ նրանց մանդատ են տվել խորհրդարան գնալու, ոչ թե փողոցային պայքար սկսելու համար:

Վերջինիս համոզմամբ՝ փողոցում գտնվող ուժերի պայքարելու գործիքակազմի որոշ կետեր վերցված են 2018-ի Թավշյա հեղափոխությունից. «Խնդիրն այն է, որ 2018-ին մարդիկ, որոնք դուրս էին եկել փողոց, պարալիզացնում էին երկրի տնտեսությունը, ՀՀ-ի կյանքը, որը մեծ վնասներ էր հասցնում օլիգարխիկ համակարգին: Հիմա հասկանալի չէ, թե ո՞ւմ է վնաս տալիս ընդդիմությունը՝ պարալիզացնելով երթևեկությունը, այն ուսանողի՞ն, որն առանց այն էլ չի ցանկանում գնալ դասի, թե՞ բիզնեսմեններին, որոնք իրենց շարքերում են»:

Քաղաքական գործչի դիտարկմամբ՝ ընդդիմության շարժման մեջ անհասկանալի կետեր ևս շատ են: Ասում է՝ եթե ինքը այնտեղ լիներ, ժողովրդին հստակ կներկայացներ տնտեսական ու քաղաքական այն փոփոխությունները, որոնք պետք է տեղի ունենան իր՝ իշխանության գալու պարագայում:

«Ընդդիմության պահելաձևից պարզ է դառնում, որ այն, ինչ հիմա կատարվում է, ընդամենը իշխանության համար կռիվ է: Այստեղ չկա կռիվ Արցախի համար, ժողովրդի կյանքի բարելավման, հանրային կյանքի լավացման, արդար միջավայր ստեղծելու, ռեֆորմների համար»,- ասում է նա:

Հարցադրմանը՝ պայքարի սկզբնական փուլում ընդդիմությունը պնդում էր, թե սա պայքար է հանուն Արցախի և անձերի ու իշխանության կռիվ չէ, սակայն պայքարի հենց սկզբից հասկանալի դարձավ, որ ցանկանում են երկրում իշխանափոխություն իրականացնել, ինչո՞ւ փոխեցին մարտավարությունը, Գարեգին Միսկարյանն նշում է. «Քաղաքացիները մի կողմից չեն տեսնում վտանգ, որ Արցախը հանձնվելու է Ադրբեջանին, դա ի սկզբանե չէին էլ տեսնում, այդ խոսքերն ընդամենը միջոց են՝ մարդկանց էմոցիաների հետ խաղալու: Մյուս կողմից ակնհայտ էր՝ Արցախի համար պայքարը զուտ իշխանափոխության համար պայքար էր: Իրենք Արցախի խնդրի լուծման այլ ճանապարհ այսպես թե այնպես չեն ներկայացնում»:

Նրա խոսքով՝ բանակցային գործընթացը, որն այժմ ընթանում է, ով էլ լինի իշխանության, պետք է շարունակի, քանի որ դա է խելամտության չափանիշը:

«Դու չես կարող ամբողջ աշխարհին դեմ գնալ և մերժել բանակցություններն այն պայմաններում, որում դու ես հիմա՝ հաշվի առնելով մեր բանակի, տնտեսության, քաղաքական դաշտի դրությունը: Իսկ բանակցությունների գնալը դա դեռ զիջել չէ: Այդ բանակցությունները հնարավոր է՝ որքան Արցախի հարցում զիջումներ գնալուն միտված լինեն, նույնքան էլ Արցախի անկախությանը: Խոսք չկա Արցախի հարցի չեզոքացման և այդ խնդիրը օրակարգից հանելու մասին: Իսկ, իրենց պատկերացմամբ, դրանց չմասնակցելը հետագայում ոչ մի արդարացում չի ունենալու. դա պարտադրում են աշխարհաքաղաքական բոլոր կենտրոնները»,- նշում է Միսկարյանը՝ հավելելով՝ Հայաստանը չի կարող փակ ապրել և դառնալ Հյուսիսային Կորեա:

Անդրադառնալով այս օրերին ուժային կառույցների աշխատանքին և ընդդիմության այն պնդումներին, թե բիրտ ուժ է կիրառվում՝ զրուցակիցը նկատում է՝ ամբողջ աշխարհում այդ խնդիրը կա, ու չկան իդեալական ոստիկանական համակարգեր:

«Նախկինում ոստիկանության կիրառած բիրտ ուժը չի կարելի համեմատել այսօրվա գործողությունների հետ և ասել՝ այն ժամանակ ավելի բիրտ էին: Բոլոր դեպքերում ցանկացած բռնություն անընդունելի է՝ լինի շատ, թե քիչ: Այո՛, ոստիկանությունը երբեմն ոչ իրավաչափ գործողությունների է դիմում, սակայն երբեմն էլ անտեղի մեղմություն է դրսևորում: Օրինակ՝ երեկ մեքենաներով պարալիզացրել էին որոշ փողոցներ, իբր թե ակցիա էին իրականացնում: Եթե ես իմանամ՝ իրենք ամբողջ օրն այդ ակցիաներն անելու են, ի վիճակի են փողոցը պարալիզացրած պահել, կասեմ՝ մարդիկ պայքարում են, սակայն դա ընդամենը քաղաքացիներին անհարմարություններ պարգևելու ակցիա է: Իսկ քաղաքացիները, որոնք չեն միանում այս պայքարին, իրավունք ունեն ազատ տեղաշարժվել քաղաքում: Եթե այդ մարդիկ չեն մասնակցում այս գործընթացներին, չի նշանակում, որ նրանց կյանքը պետք է վերածել դժոխքի»,- շեշտում է Միսկարյանը:

Հարցադրմանը՝ ներքաղաքական այս իրավիճակում ինչպե՞ս է գնահատում իշխանությունների դիրքորոշումը, մասնավորապես՝ ՀՀ վարչապետ Նիկոլ Փաշինյանի, Միսկարյանն ասում է, այն, որ նա չի խառնվում այս ամենին, դրական է:

«Սակայն բացասական եմ գնահատում նրա վարած կադրային քաղաքականությունը: Այլ կադրային քաղաքականությունը կարող է բերել քաղաքական դաշտի կայունացման և զարգացման: Այսօր փողոցում մեր տեսածը դրա հետևանքն է: Այն, որ ընդդիմությունը հարցերի լուծումը քաղաքական ճանապարհով չի տեսնում, դրա պատճառը կուսակցական համակարգի չկայացած լինելն է: Նիկոլ Փաշինյանը խոստացել էր կուսակցությունների մասին օրենքը փոխել և նպաստել քաղաքական դաշտի կայունացմանը, սակայն արեց կիսատ: Այժմ պետք է օգտագործի իր դիրքը, որպես քաղաքական ուժի ղեկավար՝ կայունացնի «Քաղաքացիական պայմանագիր» կուսակցությունը»,- ասում է նա՝ ընդգծելով դրական է համարում, օրինակ, Էդմոն Մարուքյանի՝ Հատուկ հանձնարարություններով դեսպան նշանակվելը:

«Շատ ողջունելի քայլ է: Նույն կերպ Արման Բաբաջանյանի, Արամ Սարգսյանի և շատերի ներուժը պետք է օգտագործվի՝ ի շահ պետության: Այս մարդիկ քաղաքական ճանապարհ ունեն անցած, նրանք պետք է որոշակի պաշտոններում լինեն»,- համոզված է Միսկարյանը:

Անյուտա Աթանեսյան

Տպել
2842 դիտում

Գերմանիան հետամուտ է հետայսու ևս օգնել Հայաստանին իր հավակնոտ ծրագրերի և բարեփոխումների ճանապարհին. Սվենյա Շուլցե

Արմավիրում հուլիսի 1-ին վրաերթի է ենթարկել 6-ամյա տղա. ՃՏՊ-ներ՝ հունիսի 30-ից հուլիսի 1-ն ընկած ժամանակահատվածում

Կառավարության գործընկերներիս շնորհակալ եմ Ալավերդիի խնդիրները ուշադրության կենտրոնում պահելու համար. Արեն Մկրտչյան

Երևանի ոստիկանության շենքի դիմաց հետիոտնը վրաերթի է ենթարկվել

Tech Week 2022. Գյումրիում մեկնարկեց տարվա ամենամեծ ՏՏ իրադարձությունը (լուսանկարներ)

ՀՀ վարչապետի և արտախորհրդարանական քաղաքական ուժերի ղեկավարների մասնակցությամբ տեղի է ունեցել խորհրդակցական ժողովի նիստը

Աբու Դաբի-Երևան չվերթի ինքնաթիռի ժամանումից հետո 34-ամյա հետախուզվող է բերման ենթարկվել

Երևան-Գյումրի ավտոճանապարհին մեքենան գլխիվայր շրջվել և բռնկվել է. տուժածներից վարորդի վիճակը ծայրահեղ ծանր է

Հայաստանի Հանրապետություն կժամանի Հնդկաստանի ԱԳՆ Արևմտյան ուղղության քարտուղարը

Լեհվազ գյուղի գերեզմանատան մոտակայքում գոմ է այրվել

Ծեծի մեղադրանքով հետախուզվող 40-ամյա կինը բերման է ենթարկվել

Ուղիղ 2 տարի առաջ էր՝ այս մասին խոսեցինք, այսօր արդեն այն իրականություն է. Ռոմանոս Պետրոսյան

Երևանում քննարկվել են տիեզերական տեղեկատվության կառավարման խնդիրները

Արարատի բնակարաններից մեկում կասեցվել է ապօրինի շինարարությունն ու ապամոնտաժվել ինքնակամ կցակառույցը

Օդի ջերմաստիճանը կնվազի. ինչ եղանակ սպասել առաջիկա օրերին

Հենրիխ Մխիթարյանը պաշտոնապես դարձել է Միլանի «Ինտեր»-ի ֆուտբոլիստ

Երևանը դարձել է ռուսաստանցիների համար ամենազանգվածային արտասահմանյան զբոսաշրջային ուղղությունը

Հիմնանորոգվում է Նորաբաց գյուղի քայքայված, առանց շինարարական նորմերի պահպանման կառուցված ջրագիծը

«Սփյուռքի երիտասարդ դեսպան» վերապատրաստման ծրագրին դիմելու վերջնաժամկետը հուլիսի 10-ն է

ՀՀ փրկարարները բացել են փակ դռները

«Հայաստա՜ն, հո՛ւպ տուր». մանրամասներ 50-Cent-ի երեկվա համերգից (լուսանկարներ)

«Մոսմետրոստրոյ»-ի տնօրենը ցանկություն ունի ծանոթանալ Հայաստանի տրանսպորտային ենթակառուցվածքներին

Հունիսի 14-ի ավտովթարի հետևանքով հիվանդանոց տեղափոխված վարորդը մահացել է

Ներքին Շենգավիթի մոտակայքում ավտոմեքենան բախվել է էլեկտրասյանը, շրջել այն

Ես կվերադառնամ. 50 Cent-ը Երեւանի կենտրոնից լուսանկար է հրապարակել (լուսանկար)

2022 թվականը հոբելյանական է մեր օրերի անվանի կոմպոզիտորներից 3-ի և երգիչներից 2-ի համար

Գնել Սանոսյանը հետևել է Երեւան-Երասխ-Գորիս-Մեղրի-Իրանի սահման միջպետական ավտոճանապարհի շինարարությանը

9 բալ ուժգնությամբ երկրաշարժ է տեղի ունեցել Իրանում. կան զոհեր

«Կալաշնիկովի» ինքնաձիգների կամավոր հանձնման դեպքեր Արմավիրի մարզային վարչության բաժիններում

Շիրակի մարզի բոլոր համայնքներում 2022 թվականի սուբվենցիոն ծրագրերով կիրականացվեն բնակավայրի փողոցաշինական աշխատանքներ

Այս Սահմանադրությունը չի ապահովում դատարանների անկախությունը, այն փոխելով՝ կվերանան նաև կլանային համակարգերը. Սաքունց

Հունիսի 25-ից ՀՀ քաղաքացիություն ստանալու դիմումները կքննարկվեն 90 աշխատանքային օրում՝ նախկին 6 ամսյա ժամկետի փոխարեն

Մոսկվայում սպանվել է Վանաձորում հայտնի 44-ամյա Վարդան Փ-ն. տեսախցիկն արձանագրել է սպանության պահը (տեսանյութ)

Որքան մարդ է մասնակցել ընդդիմության այսօր հրավիրած հանրահավաքին և երթին

Երեւանի կենդանաբանական այգին նոր կենդանիներով կհամալրվի. ինչ խնդիրներ կան այսօր այնտեղ

Լենա Նանուշյանը և ՀՀ-ում ԵՄ դեսպան Անդրեա Վիկտորինը «Քովիդ-19»-ի դեմ խթանիչ դեղաչափ են ստացել

100 պատանի հնարավորություն է ստացել մասնակցելու «Տիեզերական ճամբար 2022»-ին

Բարդ ժամանակահատվածում ՊՊԾ-ն իր առջև դրված խնդիրը կատարել է, ինչն արժանի է գնահատանքի. Նիկոլ Փաշինյան

Հայ 3 ըմբիշ ազատ ոճի ըմբշամարտի Եվրոպայի երիտասարդական առաջնության եզրափակչում է

Նիկոլ Փաշինյանը Սամվել Կարապետյանի հետ քննարկել է «Տաշիր» ընկերությունների խմբի ներդրումային ծրագրերի ընթացքը