Երևան
12 °C
ՀՀ Ազգային ժողովի «Քաղաքացիական պայմանագիր» խմբակցության պատգամավոր Զարուհի Բաթոյանը ՀՀ աշխատանքային օրենսգրքում փոփոխություններ և լրացումներ է նախաձեռնել:
«Հայկական Ժամանակի» հետ զրույցում վերջինս նշում է, որ այդ լրացումների և փոփոխությունների կարիքը առաջացել է նաև օրենսգրքում իրար հակասող նորմերը կարգավորելու համար, որոնք վերաբերում են հաշմանդամություն ունեցող անձանց աշխատանքային իրավունքներին:
Բանն այն է, որ ներկայիս աշխատանքային օրենսգիրքը մի կողմից արգելում է խտրականությունը հաշմանդամության հիմքով, մյուս կողմից՝ սահմանում, որ աշխատողի աշխատունակությունը չվերականգնվելու և հաշմանդամության կարգը որոշվելու դեպքում գործատուն կարող է լուծարել աշխատանքային պայմանագիրը: Այսինքն՝ եթե անձը աշխատելու տարիների ընթացքում է ձեռք բերում հաշմանդամությունը, և գործատուն ճանաչում է անձի հաշմանդամությունը, ապա աշխատանքային օրենսգիրքը գործատուին հնարավորություն է տալիս այդ անձին ազատել աշխատանքից: Ստացվում է, որ գործատուն, անձին ազատելով, խախտում է աշխատանքային օրենսգրքի այն հոդվածը, որը վերաբերում է հաշմանդամություն ունեցող անձին աշխատանքից ազատելուն, այսինքն՝ խտրական վերաբերմունք է ցուցաբերում:
«Հաշմանդամություն ունեցող անձին միայն հաշմանդամության պատճառով աշխատանքից ազատելը խտրականություն է: Անկախ հաշմանդամությունից՝ անձը կարող է աշխատունակ լինել: Այդ պատճառով ես առաջարկում եմ հրաժարվել հաշմանդամության ճանաչման պարագայում աշխատողի հետ աշխատանքային պայմանագիրը լուծարելու դրույթից: Այսինքն՝ եթե հաշմանդամություն ունեցող անձը կարող է աշխատել, նա պետք է շարունակի իր աշխատանքը: Օրենսգիրքը պետք է գործատուին արգելի և հնարավորություն չտա անձի հաշմանդամության պարագայում ազատել նրան աշխատանքից»,- կարծում է Բաթոյանը:
Մեկ այլ փոփոխությունով պատգամավորն առաջարկում է սահմանել, որ հաշմանդամություն ունեցող անձ ճանաչվելուց հետո աշխատողն իր աշխատանքային պարտականությունների պատշաճ կատարման կամ նույն գործատուի մոտ այլ աշխատանքի անցնելու նպատակով կարող է դիմել գործատուին՝ խելամիտ հարմարեցումներ ստանալու նպատակով: Խելամիտ հարմարություն նշանակում է, որ աշխատանքային վայրում գործատուն հաշմանդամություն ունեցող անձանց համար ապահովի համապատասխան պայմանները, սակայն դրանք պետք է խելամիտ լինեն գնի և այլ պահանջների առումով: Այսինքն՝ հաշմանդամություն ունեցող անձը գործատուից չի կարող պահանջել այնպիսի պայմաններ, որը գործատուն չի կարող տրամադրել:
«Առաջարկում եմ նաև, որ որպես խտրականություն սահմանել աշխատանքային հարաբերությունների իրացման ընթացքում հաշմանդամություն ունեցող անձանց խելամիտ հարմարեցումներ չտրամադրելը: Ինչ վերաբերում է խելամիտ հարմարեցումներին, ապա դրա տրամադրման հիմքերը սահմանված են «Հաշմանդամություն ունեցող անձանց իրավունքների մասին» ՀՀ օրենքով, որն ուժի մեջ է մտել 2021 թվականի հունիսի 4-ին: Ըստ այդ կարգավորման՝ աշխատավայրում հաշմանդամություն ունեցող անձի կամ նրա օրինական ներկայացուցչի դիմումի հիման վրա կատարվում է խելամիտ հարմարեցում գործատուի հետ երկխոսության միջոցով»,- ընդգծում է Բաթոյանը:
Պատգամավորի խոսքով՝ վերջին տարիներին հաշմանդամություն ունեցող քաղաքացիների դժգոհությունը վերաբերում է գործատուի կողմից անմիջապես հաշմանդամությունը ճանաչելուց հետո իրենց աշխատանքից ազատելուն: Նոր փոփոխությունները և լրացումները կազմելիս քննարկումներ են եղել նաև հաշմանդամություն ունեցող անձանց իրավունքների պաշտպանությամբ զբաղվող ՀԿ-ների հետ:
Եթե առաջարկվող փոփոխություններն ու լրացումները ընդունվեն և սահմանվեն օրենքով, ապա գործատուի՝ դրանց պահպանումը պետք է վերահսկի ՀՀ առողջապահական և աշխատանքի տեսչական մարմինը:
«Շատ կարևոր է նաև հասարակական կազմակերպությունների դերը, հաշմանդամություն ունեցող անձանց շրջանում իրազեկում իրականացնելը: Գործատուն պետք է հասկանա, որ, օրինակ, հաշմանդամություն ունեցող անձանց համար աշխատանքի վայրում համապատասխան պայմաններ ստեղծելը բխում է իր շահերից: Որակյալ աշխատողների դեպքում որևէ գործատու չի ցանկանա կորցնել նրան: Եթե աշխատելու տարիներին անձը ձեռք է բերում հաշմանդամություն, ապա գործատուն ջանքեր պետք է գործադրի՝ ստեղծելու պայմաններ, որ իր լավագույն աշխատակիցը մնա աշխատավայրում: Այս լրացումները նաև նրա համար են, որ գործատունները չդիմեն կամայականնությունների, իրենց ցանկությամբ չլինի հաշմանդամություն ունեցող անձին աշխատանքից ազատելը»,- շեշտում է Բաթոյանը:
Աշխատանքային օրենսգրքում լրացումներ և փոփոխություններ կատարելու մասին օրենսդրական նախագիծը քննարկվել է նաև ՀՀ աշխատանքի և սոցիալական հարցերի նախարարության հետ: Այն այժմ դրվել է շրջանառության մեջ:
Ի՞նչ է սահմանում հաշմանդամություն ունեցող անձանց աշխատանքային իրավունքների համար ներկայիս աշխատանքային օրենսգիրքը.
Հաշմանդամություն ունեցող անձը ունի հնարավորություն ոչ լրիվ աշխատաժամանակով աշխատելու, սակայն այդ հնարավորությունից կարող է օգտվել համապատասխան բժշկական եզրակացության հիման վրա: Կարող է ազատվել արտաժամյա աշխատանքից, կրկին եթե համապատասխան բժշկական եզրակացությամբ դա արգելված է:
Օրենսգրքի մեկ այլ հոդվածն էլ վերաբերում է հաշմանդամություն ունեցող անձին խնամողին, որը հնարավորություն է տալիս ամենամյա արձակուրդ ստանալ իր նախընտրած ժամանակահատվածում:
Մերի Խաչատրյան
«Հայկական Ժամանակ»-ը Telegram-ում
Պատմության թանգարանում բացվել է «ՅԱԿԻՇԻՄԵ. Երկրային կերպարանափոխություններ» խորագրով շրջիկ ցուցահանդեսը
Հարձակում Կրասնոդարի առևտրի կենտրոնում․ մեկ կին զոհվել է
Իրանը կրկին փակել է Հորմուզի նեղուցը՝ ի պատասխան Լիբանանի դեմ շարունակվող ագրեսիայի
Ինքնաթիռի վթարի հետևանքով մահացել է Ubisoft-ի համահիմնադիր Կլոդ Գիհմոն
ՀՀ բանակի զինծառայողների վարժանքները՝ հայրենական արտադրության «Ատլանտ» համակարգերի կիրառմամբ․ տեսանյութ
Կարապի լճի և հարակից տարածքում ապամոնտաժվել է 25 գովազդային վահանակ
Սիսավան փողոցում վիճաբանել, կրակել են, ԲԿ-ներ տեղափոխված անձինք կան․ ՆԳՆ-ն մանրամասներ է հայտնել դեպքից
Ժամանակն է, որ մեր պարտքը վերադարձնենք, բնությունը պետք է լինի մեր առանձնահատուկ հոգածության ներքո․ վարչապետ
Քոչարյանը մոռացել է՝ ինչպես է տարիներ շարունակ իշխանությունը պահել բռնաճնշումներով, վախի մթնոլորտով, մահերով
Կրակոցներ Երևանի Սիսվան փողոցում. հայտնաբերվել են պարկուճներ, գնդակներ, արնանման հետքեր, վնասված ավտոմեքենա
Ռուսաստանից Ադրբեջանի և Վրաստանի տարածքով Հայաստան է ուղարկվել ցորենի հերթական խմբաքանակը
Ստորագրությունների իբրև թե 30 հազար տարբերության մասին տեղեկությունները չեն համապատասխանում իրականությանը․ ԿԸՀ
Վարչապետը ծանոթացել է «Կյանքի պուրակ»-ի կառուցման աշխատանքների ընթացքին
Ձորագետի ափին թևը վիրավոր արծիվ է գտնվել
Երևան-Մեղրի ավտոճանապարհին տեղի է ունեցել քարաթափում
Ֆինանսների նախարարը և ԿԲ նախագահը մասնակցել են ԱՄՀ և Համաշխարհային բանկի հետ համատեղ հանդիպմանը
Օդի ջերմաստիճանը կբարձրանա 3-4, այնուհետև կնվազի 5-7 աստիճանով․ անձրև, տեղ-տեղ նաև կարկուտ կտեղա
Որպես անհետ կորած որոնվում է Նադյա Ղալաչյանը
Վիենի քաղաքապետ Թիերի Կովաքսի գլխավորած պատվիրակությունն այցելել է Հայոց ցեղասպանության հուշահամալիր
Սիսիան համայնքի «Մայիսի 28» զբոսայգում գտնվող՝ 0,08 հա մակերեսով հողամասը վերադարձվել է համայնքի տիրապետմանը
Բազմաթիվ ընտրակեղծիքներով նրան բերում էին իշխանության, հետո արյունով նույն իշխանությունը փոխանցում հաջորդին
Շիրակի մարզային հանձնաժողովը գույքագրում է մարզում և Գյումրիում կարկուտի հետևանքով պատճառված գույքային վնասը
Աշխարհի առաջնության 5 խաղափուլից հետո հայ շախմատիստները առաջատարների խմբում են
Անգլիայում գնացքներ են բախվել․ զոհ ու վիրավորներ կան
Յուրաքանչյուր փախստականի պատմության հետևում մարդկային ճակատագիր է՝ լի փորձություններով, կորուստներով և հույսով
Թիվ 46 երթուղին սպասարկող ավտոբուսը բախվել է ճանապարհին կայանված բեռնատարին. կան վիրավորներ
Ամփոփվել է «Դասարան+Դասական» թատերական կրթական ծրագրի հերթական փուլը
Փամբակ գետում շարունակվում են 13-ամյա երեխայի որոնողական աշխատանքները
Հայաստանի առաջնահերթություններից է նոր ազգային միգրացիոն ռազմավարության մշակումը․ քննարկվել են բարեփոխումները
Ծեծել, հարվածել է 1 տարեկան երեխայի գլխին․ խորթ մոր կողմից սպանության քրվարույթի նախաքննությունն ավարտվել է
Վլադիմիր Սպիվակովը հրատապ հոսպիտալացվել է
Դեսպան Սմբատյանն ու Մաղլակելիձեն մաքսային ոլորտում ՀՀ-Վրաստան փոխգործակցությանն առնչվող հարցեր են քննարկել
Քանաքեռ-Զեյթուն վարչական շրջանում կիրականացվեն ծառերի սրսկման աշխատանքներ
Քաղաքացիների ցուցաբերած աջակցությունն ապացույց է, որ Դուք ներկայացնում եք Հայաստանի իրական շահերը․ Ֆիցո
Դևիսի գավաթ. Հայաստանի հավաքականը նվաճեց 3-րդ ենթախմբի ուղեգիր
Մեկը սեքսի նախարար է, մյուսը՝ «ուժեղ խելացի». ՀՀ-ն պետք է փրկենք ռուսացած հայերից, մատ թափ տվողներից
Գյումրիում ուժեղ կարկուտ է տեղացել, ավտոմեքենաներ են վնասվել․ լուսանկարներ, տեսանյութ
Հայտնի է Ռուբիկ Հակոբյանի խափանման միջոցը
Աթենքի առևտրի պալատի նախագահի հետ քննարկվել է հայկական արտադրանքների ներկայացման և ներկրման հնարավորությունը
Իսրայելը և «Հեզբոլլահը» համաձայնության են եկել հրադադարի շուրջ
