«Պողպատյա հիմքեր են պետք՝ ընտրությունների արդյունքները անվավեր ճանաչելու համար». ինչու ՔՊ-ն ներգրավվեց որպես 3-րդ կողմ

Սեփական դիմումի համաձայն եւ Սահմանադրական դատարանի աշխատակարգային որոշմամբ «Քաղաքացիական պայմանագիր» կուսակցությունը հունիսի 20-ի արտահերթ ընտրությունների արդյունքները վիճարկելու գործով ներգրավվել է որպես երրորդ անձ: Այդ մասին այսօր հայտնեց ՍԴ մամուլի խոսնակ Եվա Թովմասյանը:

«Հայկական ժամանակի» տեղեկություններով՝ «Քաղաքացիական պայմանագիր» կուսակցության դիրքորոշումը Սահմանադրական դատարանում կներկայացնեն ՀՀ արդարադատության նախարար Ռուստամ Բադասյանը եւ փոխնախարար Սուրեն Գրիգորյանը: Նույն այդ տեղեկություններով Բադասյանն ու Գրիգորյանը պատրաստվում են այդ նպատակով արձակուրդ վերցնել:

Սահմանադրական դատարանում հունիսի 20-ի ընտրությունների արդյունքները վիճարկող «Հայաստան» դաշինքի ներկայացուցիչ Արամ Վարդեւանյանը նորմալ է վերաբերվում «Քաղաքացիական պայմանագրի» ներգրավմանը:

«Սահմանադրական դատարանի մասին օրենքի համաձայն, եթե որեւէ կողմ գտնում է, որ Սահմանադրական դատարանում  գործի քննությունը կարող է ազդել իր իրավունքների, օրինական շահերի վրա, ապա կարող է դիմում ներկայացնել եւ որպես երրորդ անձ ներգրավվել:

Ես տեսա ՍԴ աշխատակարգային որոշումը, փաստորեն հենց «Քաղաքացիական պայմանագիր» կուսակցության կողմից է նման դիմում ներկայացվել, որը մերժելու մեխանիզմ չկա»,- ՀԺ-ի հետ զրույցում ասաց Վարդեւանյանը:

Նա, սակայն, վերապահում ունի մեկ այլ հարցում. եթե ՍԴ-ում «Քաղաքացիական պայմանագրի» շահերը ներկայացնի արդարադատության նախարարը, պետք է ստուգվի՝ արդյոք նա կուսակցակա՞ն է:

«Ես տեղեկություն չունեմ՝ նա ՔՊ անդամ է, թե ոչ, բայց եթե հանդես է գալիս որպես արդարադատության նախարար, դա եւս կօգտագործվի որպես հիմք՝ վարչական ռեսուրսի չարաշահման իրավիճակը հաստատելու համար: Որովհետեւ կարծես թե նա պետք է ունենա իր պարտականությունները որպես նախարար»,- նկատեց Վարդեւանյանը:

Խոսելով ընդամենը 2 օրից ՍԴ-ում սկսվող դիմումի քննությունից՝ «Հայաստան» դաշինքի ներկայացուցիչն ասաց, որ այսօր միջնորդությամբ դիմել է Սահմանադրական դատարան, որպեսզի  գործի շրջանակներում հարակից պատասխանող ներգրավվեն նաեւ ՀՀ ԱԱԾ-ն-ն, ՊՆ-ն կամ ԳՇ-ն: Հավելեց՝ դիտարկում են նաեւ վարչապետի աշխատակազմի ներգրավման միջնորդության հնարավորությունը՝ այն նպատակով, որ ստանան ամբողջական տեղեկատվություն մայիսի 10-ից մինչ օրս բոլոր պարգեւատրումների, եւ դրամական օգնությունների դեպքերի վերաբերյալ:

Հարցին, թե պարգեւատրումներն ինչպե՞ս են առնչվում ՍԴ դիմումին՝ Վարդեւանյանն ասաց, որ ընտրական գործընթացի ընթացքում դրամական օգնություն են մարդկանց տրամադրել, ինչը կասկած է առաջացնում, որ սա պետական միջոցներով որոշակի ընտրակաշառքի տարրեր պարունակող երեւույթ է:

Ինչ վերաբերում է ԱԱԾ-ին, ըստ նրա, այս կառույցն էլ պետք է ՍԴ-ում օգնի՝ ՀՀ սահմանային էլեկտրոնային տեղեկատվական համակարգի (ՍԵԿՏ) միջոցով պարզել՝ եղե՞լ են անձինք, որոնք ՀՀ-ում չեն բնակվում, բայց ընտրողների մատյանում նրանց անվան դիմաց կա ստորագրություն եւ տվյալների լրացում:

Վարդեւանյանը կրկին հիշեցրեց նաեւ ՍԴ-ում իրենց ներկայացրած մեկ այլ տվյալի մասին, ըստ որի՝ 109 հազար ընտրողների դեպքում նույնականացման մեխանիզմը չի գործել: «Միգուցե նրանց մի մասը Հայաստանում չեն եւ ՍԵԿՏ-ով պետք է պարզել նրանց գտնելու վայրը»,- եզրափակեց նա:

«10- 20 տարի  առաջ, երբ նույնականացման այդ մեխանիզմները ընդհանրապես չկային, դա չէր դառնում  ընտրությունների արդյունքը բողոքարկելու հիմք»,- մեր զրույցում հակադարձեց «Իմ քայլը» խմբակցության անդամ, ԱԺ պետաիրավական հարցերի հանձնաժողովի նախագահ Վլադիմիր Վարդանյանը:

Պատգամավորն ընդգծեց՝ նույնականացման խնդիրը կարող է առաջանալ, օրինակ, հին անձնագրերի պարագայում: «Օդանավակայանում ինձ թվում է շատերս բախվել ենք այդ խնդրին, երբ ինքնաշխատ եղանակով փորձ է կատարվում տվյալները ստուգել, չի ստացվում, ձեռքով են տվյալները մուտք անում, որպեսզի ըստ բազայի ստուգեն: Խնդիր կարող է առաջանալ նաեւ բիոմետրիկ անձնագրերի եւ ոչ բիոմետրիկ անձնագրերի դեպքում: Կամ մեծ քանակով օգտագործման հետեւանքով տեխնիկան կարող է խնդիր ունենալ: Ես Բուլղարիայում քվեարկության դիտարկման ժամանակ ականատես եմ եղել, երբ տեխնիկան խնդիրներ առաջացրեց երկար աշխատելուց հետո: Ինչ վերաբերում է ցուցակներին, որ անուններ են բացակայել եւ այլն. դա պետք է հավուր պատշաճի ապացուցել Վարչական դատարանում: Սահմանադրական դատարանը չի կարող իրականացնել ո՛չ քրեական, ո՛չ վարչական արդարադատություն եւ դիմողը պետք է հավուր պատշաճի ջանասիրություն ցուցաբերեր ու ներկայացներ ապացուցված փաստեր: Այլապես մենք չենք կարող սպեկուլյատիվ դատողություների հիման վրա կասկածի տակ դնենք ընտրությունները»,- ասաց Վլադիմիր Վարդանյանը:

 Պետաիրավական հանձնաժողովի նախագահը հիշեցրեց, որ ընտրությունները դիտարկել են նաեւ միջազգային դիտորդները եւ դրական գնահատել դրանք: Բացի այդ, արդյունքները ընդունվել են ընտրական գործընթացին մասնակից այլ ուժերի կողմից:

Ստացվում է, որ ձեր սպասելիքներով ՍԴ-ն մերժելո՞ւ է ընդդիմության դիմումը. այս հարցին ի պատասխան՝ Վարդանյանն ասաց.

«ՍԴ-ն իր լիազորությունից ելնելով որոշում է կայացնելու, որը մենք պետք է ընդունենք եւ դրանով առաջնորդվենք: Այսինքն ակնկալիքներ չկան կամ չեն կարող լինել, կա մի հստակ տրամաբանություն եւ կանխավարկած, որ այն «չարաշահումները եւ խախտումները», որոնք վկայակոչել  է դիմող կողմը, շատ դեպքերում ենթադրությունների վրա են հիմնված, չեն հիմնավորվում որեւիցե ապացուցողական բազայով: Իսկ որպեսզի ՍԴ-ն որոշում կայացնի եւ անվավեր ճանաչի  ընտրության արդյունքները, դրա համար պողպատյա հիմքեր են պետք, որոնք ըստ էության կարող են վերաբերել զանգվածային խախտումներին, այն տիեզերական խախտումներին, որոնք կարող են էապես փոխել ընտրությունների արդյունքները: Այս պահին ես չեմ տեսնում որեւէ հիմք, որը նույնիսի 0.1 տոկոսով կասկած է առաջացնում առ այն, որ ընտրությունների  արդյունքները պետք է փոփոխության ենթարկվեն»:

Դիտարկմանը, որ տպավորություն կա, թե ՍԴ ներկայացված դիմումի նպատակը ոչ այնքան  ընտրությունների արդյունքները անվավեր ճանաչելն է, որքան ՔՊ որոշ ձայներ փոշիացնելը, որ կուսակցությունը զրկվի ԱԺ-ում մեծամասնություն լինելու կամ  կառավարություն ձեւավորելու իրավունքից, Վլադիմիր Վարդանյանը այսպես պատասխանեց. «Դիմող կողմի ցանկությունները մի բան են, օբյեկտիվ իրականությունը՝ այլ բան: Ես հարգում եմ դիմումատուին, նա օգտվել է իր իրավունքից: Մոտեցումները կարող են լինել տարբեր, բայց դրանք չպետք է ազդեն  սահմանադրական արդարադատության վրա, որովհետեւ սահմանադրական արդարադատությունը պետք է հենվի այն  լիազորությունների վրա, որով սահմանադիրն օժտել է Սահմանադրական դատարանին: ՍԴ-ն պետք է որոշում կայացնի ելնելով այն փաստերից, որոնք ներկայացվել են»:

Հավելենք, որ Սահմանադրական դատարանում ընտրությունների արդյունքների վիճարկման հարցով 2 դաշինքների եւ 2 կուսակցությունների (Հայաստան», «Պատիվ ունեմ» դաշինքներ, «Զարթոնք», «Հայոց Հայրենիք» կուսկացություններ) միավորված դիմումի քննարկումը սկսվելու է հուլիսի 9-ին եւ կարող է շարունակվել մինչեւ հուլիսի 17-ը: Թեեւ վերջնաժամկետը շաբաթ օր է, սակայն հաշվի առնելով, որ հարցի քննության համար սահմանված է օրացուցային 15 օր, ապա հուլիսի 17-ին պետք է ունենանք որոշում՝ կամ մերժման կամ բավարարման մասին:

Հիշեցնենք, որ այս որոշումից է կախված նոր խորհրդարանի, հետեւաբար նաեւ Կառավարության ձեւավորումը: ՍԴ որոշումից հետո երկու շաբաթում ձեւավորվելու է նոր խորհրդարան, որն էլ պետք է ընտրի վարչապետ:

ԿԸՀ ամփոփ տվյալներով «Քաղաքացիական պայմանագիր»-ը արտահերթ ընտրություններում ստացել է 53.91, «Հայաստան» դաշինքը՝ 21.09, «Պատիվ ունեմ» դաշինքը՝ 5.22 տոկոս ձայն: 

Տպել
3219 դիտում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի