Վերահաշվարկի արդյունքում ավելացած ու պակասած քվեներ, նոր անվավեր քվեաթերթիկներ

23/06/2021 schedule23:41

Արդեն երկու օր է, ինչ խորհրդարանական արտահերթ ընտրությունների արդյունքների վերահաշավարկի գործընթացը 70-ից ավելի ընտրական տեղամասերում սկսված է:

Բացի քաղաքական ուժերի դիմումներից,մի շարք  ընտրատեղամասերում վերահաշավարկ անելու նախաձեռնությունը եղել է հենց կենտրոնական ընտրական հանձնաժողովինը (ԿԸՀ): Պատճառները տարբեր են՝  մի ընտրատեղամասի դեպքում բաց պարկն է եղել, մեկ այլ ընտրատեղամասի դեպքում իրար չեն համապատասխանել քվեաթերթիկների վրա ամրացվող դրոշմանիշների և կտրոնների թվաքանակները և այլն:

Երեկ վերահաշվարկ էր իրականացվել 6 ընտրատեղամասերում և դրանցից միայն մեկում էր անհամապատասխանություն արձանագրվել: Վանաձորի 23/47 տեղամասում Ռոբերտ Քոչարյանի գլխավորած «Հայաստան» դաշինքի ձայները ավելացել էին մոտ 90-ով։  Ինչից հետո էլ  դաշինքի անդամները սկսեցին շահարկել ընտրատեղամասերի արդունքները, նշելով, որ խորհրդարանական արտահերթ ընտրությունների կեղծված լինելու ակնառու ապացույցներից մեկն էլ հենց վերջնահաշվարկի արդյունքներն են:

Դաշինքի անդամ Ռոբերտ Հայրապետյանը լրատվամիջոցների մեկի հետ զրույցում հայտնել էր, որ Սյունիքի թիվ 35 տարածքային ընտրական հանձնաժողովում վերահաշվարկից հետո պարզվել էր, որ «Հայաստան» դաշինքի օգտին քվեարկվածների թիվը ոչ թե 4 է եղել, այլ՝ 49։

Դաշինքի մեկ այլ անդամ Էդուարդ Հովհաննիսյանն էլ Ֆեյսբուքի իր էջում գրել էր, որ Կապանի 35/17 ընտրատեղամասում «Հայաստան» դաշինքը ստացել էր 258 քվե, սակայն մուտքագրվել է՝ 0։ Հովհաննիսյանի խոսքով այդ  258 քվեները տեղամասում հաշվել էին «Եվրոպական կուսակցության» օգտին:

Ռոբերտ Քոչարյանի աջակիցների գրառումների և շահարկումների պատասխանը չուշացավ: ՀՀ վարչապետի պաշտոնակատար Նիկոլ Փաշինյանի գլխավոր խորհրդականը ֆեյսբուքյան էջում գրառում էր արել, որում նշել էր ընտրատեղամասեր, որտեղ էլ եղել է հակառակ պատկերը՝  վերահաշվարկի արդյունքում ավելացել են «Քաղաքացիական պայմանագիր» կուսակցության մինչ այդ չհաշվարկված քվեներ:

«Երեկ երեկոյան մամուլը կրկին աղմկոտ էր: Պարզվեց, որ քաղաքական ուժերից մեկի ձայների տարբերությունը կոնկրետ մեկ տեղամասում շուրջ տասը անգամ էր՝ ի վնաս այդ քաղաքական ուժի: Այսինքն՝ քաղաքական ուժը ստացել էր Y քանակությամբ ձայն, բայց պետք է լիներ Yx10: Ու կրկին մեղադրանքներ իշխանությանը, թե նեղացնում եք ընդդիմությանը, կեղծել եք և այլն:

Այնինչ նման տեխնիկական խնդիրներ արձանագրվել են նաև մեր դեպքում՝ «Քաղաքացիական պայմանագիր» կուսակցության ձայները հաշվարկելիս առնվազն երեք տեղամասում: 4/2 տեղամասում մոռացել էին ավելացնել զրո, և 390-ի փոխարեն մուտքագրվել էր 39, 4/3-ում 409-ի փոխարեն՝ 49, 4/44-ում 281-ի փոխարեն՝ 28»,- գրել էր Հարությունյանը՝ հավելելով.

«Խնդրում եմ բոլորին հրաժարվել զուգահեռ իրականություն ստեղծելուց, ավելորդ չեղած աղմուկ բարձրացնելուց: Հանրության մեջ ավելորդ լարումը յուրաքանչյուր անհատին վնաս է հասցնում»:

Հունիսի 23-ի վերահաշվարկն էլ ցույց տվեց, որ դրա արդյունքում որոշակի տարբերություններ գրանցվեցին թե ՔՊ-ի, թե Հայաստան դաշինքի եւ թե ընտրապայքարին մասնակցած մյուս քաղաքական ուժերի քվեների դեպքում: Դա պարզ դարձավ նախ առանձին տեղամասերում կամ ընտրատարածքներում վերահաշվարկից հետո, հետո արդեն ԿԸՀ հրապարակած տվյալների համաձայն:

Այսպես հունիսի 23-ի ժամը 10։00-ից սկսած, թիվ 2, 3, 4, 5, 7, 9, 10, 11, 13, 14, 17, 23, 24, 25, 31, 33, 34 և 35 տարածքային ընտրական հանձնաժողովներում շարունակվեցին վերահաշվարկի աշխատանքները։

Օրինակ 2/01  ընտրատեղամասի քվեարկության արդյունքների վերահաշվարկի արդյունքում թվերը մնացին անփոփոխ։ Այդ տեղամասում անվավեր քվեաթերթիկների թիվը վեցն էր։ «Պատիվ ունեմ» դաշինքի քվեաթերթիկի վրա ընտրողը գրություն էր թողել՝ «Աշոտյան վարչապետ» մակագրությամբ, իսկ մյուս քվեաթերթիկներն անվավեր էին ճանաչվել՝ պատռված լինելու պատճառով։

2/02, 2/03 և 2/06 ընտրատեղամասերի քվեարկության արդյունքներ նույնպես մնացին անփոփոխ:

2/32 ընտրատեղամասում հանձնաժողովն էր որոշել վերահաշվարկ անել` հաշվի առնելով այն փաստը, որ նշյալ ընտրատեղամասում 926 քվեաթերթիկներից 52-ը անվավեր էին ճանաչվել։ Անվավեր քվեաթերթիկների պարկում ծալված քվեաթերթիկներ կային՝ քվեարկված տարբեր քաղաքական ուժերի օգտին։ Հանձնաժողովականները սակայն որոշեցին քվեաթերթիկները անվավեր չճանաչել:

Վերահաշվարկի արդյունքներով 2/32 ընտրատեղամասում 21 քվե վերականգնվել է ՔՊ-ի, 9-ը` «Հայաստան» դաշինքի, 2-ը «Պատիվ ունեմ» դաշինքի, 1-ը՝ ՀԱԿ-ի, 2-ը՝ «Հանրապետության», 2-ը՝ «Հայոց հայրենիք», 5-ը՝ «ԲՀԿ», 1-ը՝ «5165», 1-ը՝ «Շիրինյան-Բաբաջանյան ժողովրդավարների» դաշինքի, 1-ը՝ «Ինքնիշխան Հայաստան» կուսակցության օգտին:

Թիվ 4 ընտրատարածքային կենտրոնում վերջնահաշվարկի ընթացքում էլ բուռն բանավեճ սկսվեց հանձնաժողովի անդամների միջև։ Պատճառը ընտրատարածքի տեղամասերից մեկի պատռված ընտրաթերթիկներն էին։ Հանձնաժողովի նախագահի առաջարկով տեղի ունեցավ քվեարկություն, ինչի արդյունքում պատռված քվեաթերթիկները համարվեցին անվավեր:

Թիվ 7/7 ընտրատեղամասի քվեարկության արդյունքների վերահաշվարկն էլ թիվ 7 ընտրատարածքային ընտրական հանձնաժողովում էր: Ամեն բան կարգին էր՝ քվեաթերթիկների թվեր, կտրոններ, չկային անվավեր քվեաթերթիկներ: Միակ խնդիրը քվեաթերթիկների պարկն էր, որը պիտի քվեարկությունից հետո փակվեր, ստորագրվեր, կնքվեր, սակայն կիսաբաց էր:

Ընտրատեղամասի հանձնաժողովի նախագահը Սարգիս Քլոյանն էր: ՀԺ-ի հետ զրույցում Քլոյանը նշեց, որ այստեղ իր մեղավորությունը չի եղել. «Սոսինձը, որով պետք է պարկը փակվեր և ամրացվեր նորմալ չէր: Ես մեղավոր չեմ»:

Նրան զգուշացրել են, որ այդ բացթողման համար լինելու նվազագույնը  300 հազար դրամ տուգանք:

«Ես ինչու իրենց սխալի պատճառով պետք է տուգանք վճարեմ: Նորմալ պարկեր չէին բերել: Դիմելու եմ դատարան տուգանքի համար»,-ասաց Քլոյանը:

Թիվ 9/4 ընտրատեղամասում նույնպես հանձնաժողովականներն են եղել վերահաշվարկի նախաձեռնողը: Պատճառը 18 անճշտություններն են եղել, որոնք, պարզվեց,  տեխնիկական էին և որևէ կերպ ազդեցություն չունեցան արձանագրված քվեների վրա:

Կենտրոնական ընտրական հանձնաժողովն էլ արդեն երեկոյան ամփոփելով այսօրվա վերահաշվարկի տվյալները ներկայացրեց, թե դրա արդյունքում քաղաքական ուժերի քվեները որքան են ավելացել և հակառակը:

Տվյալները ներկայացնում ենք ստորև.

«ԱՐԴԱՐ ՀԱՅԱՍՏԱՆ  -  8 ձայն

«ՀԱՅ ԱԶԳԱՅԻՆ ԿՈՆԳՐԵՍ» 0 ձայն

«ՔԱՂԱՔԱՑԻԱԿԱՆ ՊԱՅՄԱՆԱԳԻՐ» + 659 ձայն

«ԶԱՐԹՈՆՔ» ԱԶԳԱՅԻՆ ՔՐԻՍՏՈՆԵԱԿԱՆ» կուսակցություն -2 ձայն

«ԱԶԱՏՈՒԹՅՈՒՆ» կուսակցություն  0  ձայն

«ՊԱՏԻՎ ՈՒՆԵՄ» դաշինք + 5 ձայն

«ՄԻԱՍՆԱԿԱՆ ՀԱՅՐԵՆԻՔ» կուսակցություն + 1 ձայն

«ՀԱՄԱՀԱՅԿԱԿԱՆ ԱԶԳԱՅԻՆ ՊԵՏԱԿԱՆՈՒԹՅՈՒՆ» կուսակցություն  0 ձայն

«ԼՈՒՍԱՎՈՐ ՀԱՅԱՍՏԱՆ» կուսակցություն -1 ձայն

«ՄԵՐ ՏՈՒՆԸ ՀԱՅԱՍՏԱՆՆ Է» կուսակցություն 0 ձայն

«ՀԱՆՐԱՊԵ-ՏՈՒԹՅՈՒՆ» կուսակցություն + 1 ձայն

«ՀԱՅՈՑ ՀԱՅՐԵՆԻՔ» կուսակցություն + 2 ձայն

«ԱԶԱՏ ՀԱՅՐԵՆԻՔ» դաշինք  -10 ձայն

«ԲԱՐԳԱՎԱՃ ՀԱՅԱՍՏԱՆ» կուսակցություն + 5 ձայն

«ՀԱՅԱՍՏԱՆԻ ԴԵՄՈԿՐԱՏԱԿԱՆ» կուսակցություն 0 ձայն

«5165 ԱԶԳԱՅԻՆ ՊԱՀՊԱՆՈՂԱԿԱՆ ՇԱՐԺՈՒՄ» կուսակցություն  + 1 ձայն

«ՔԱՂԱՔԱՑՈՒ ՈՐՈՇՈՒՄ» ՍՈՑԻԱԼ-ԴԵՄՈԿՐԱՏԱԿԱՆ»  կուսակցություն 0 ձայն

«ՇԻՐԻՆՅԱՆ- ԲԱԲԱՋԱՆՅԱՆ ԺՈՂՈՎՐԴԱՎԱՐՆԵՐԻ» դաշինք + 52 ձայն

«ԱԶԳԱՅԻՆ ՕՐԱԿԱՐԳ» կուսակցություն -1 ձայն

«ՎԵՐԵԼՔ» կուսակցություն -19 ձայն

«ԱԶԱՏԱԿԱՆ» կուսակցություն  -2 ձայն

«ՀԱՅԱՍՏԱՆԻ ԵՎՐՈՊԱԿԱՆ» կուսակցություն -1

«ՀԱՅԱՍՏԱՆ» դաշինք + 744 ձայն

«ԱԶԳԱՅԻՆ-ԺՈՂՈՎՐԴԱՎԱՐԱԿԱՆ ԲԵՎԵՌ» կուսակցություն  -60 ձայն

«ԻՆՔՆԻՇԽԱՆ ՀԱՅԱՍՏԱՆ»  կուսակցություն + 52 ձայն

Նկատենք, որ վերահաշվարկի դիմումների ժամկետն ավարտվել է հունիսի 22-ին, սակայն վերահաշավարկի գործընտացը շարունակվելու է մինչև հունիսի 25-ը՝ 14:00:

ԱՆՅՈՒՏԱ ԱԹԱՆԵՍՅԱՆ

Տպել
1634 դիտում

Ես ալ շվի կածեի, իմ շվին մնաց ավերակների տակ. լիբանահայ երաժիշտը փնտրում է գյումրեցուն, ում տարիներ առաջ սրինգ է նվիրել

Գնել Սանոսյանը մասնակցել է ԱՄՆ տնտեսական քարտուղարության կազմակերպած «Կանաչ էներգիայի Հարավային Կովկասի ֆորում»-ին

Լիանա Սիմոնյանն ազատվել է Ազգային ժողովի նախագահի օգնականի պաշտոնից եւ նշանակվել խորհրդական

Մխիթար Զաքարյանի գործը քննող դատավորը նրա մտերիմ ընկերն է. վերջիններիս կապը բացահայտվելուց հետո նա ինքնաբացարկ է հայտնել

Իսպանական հեղինակավոր թերթը լավագույն զբոսաշրջային ուղղություններում ներառել է Հայաստանը

Զորամասերից մեկում անցկացվել են անվտանգության կանոնների պահպանման պարապմունքներ

ԱԺ-ն հյուրընկալել է Հայաստանի մարզերի, սահմանամերձ գյուղերի երեխաներին

ՊՎԾ-ն Երեւանի քաղաքապետարանում շինթույլտվությունների վերաբերյալ տարաբնույթ խախտումներ է հայտնաբերել

Կոնջորյանը և Գալջյանը քննարկել են Երևանում տեղական ինքնակառավարման մասին օրենքում փոփոխություններ կատարելու մասին հարցեր

Հանրապետական ուսանողական 22-րդ մարզական խաղեր. հայտնի են բասկետբոլի և վոլեյբոլի մրցումների հաղթողները

Սպիտակի ավերիչ երկրաշարժի տարելիցի կապակցությամբ հիշատակի արարողություններ են անցկացվել, հարգանքի տուրք մատուցվել

Հաագայի դատարանը Ադրբեջանից պահանջել է կանխել հայերի նկատմամբ ռասայական ատելության տարածումը

Հայաստանը ՔՈՎԻԴ-19 շատ բարձր ռիսկային երկրների գոտուց տեղափոխվում է բարձր ռիսկային գոտի

Երկու տասնյակից ավելի գողություն կատարած երիտասարդը բերման է ենթարկվել (տեսանյութ)

Ապարանի Եղիպատրուշ գյուղում գայլերի ոհմակը հոշոտել է ոչխարների հոտը (լուսանկարներ)

«Իմ կարողություններն իմ ապագան են»․ մեկնարկել է 6 օրյա ճամբար՝ 44-օրյա պատերազմի մասնակիցների համար

ՊԵԿ նախագահը Սյունիքի մաքսային հսկողության տարածքում ծանոթացել է ապրանքների պահպանման հնարավորություններին

Դոլարի և եվրոյի փոխարժեքները շարունակում են բարձրանալ․ Կենտրոնական բանկը սահմանել է նոր փոխարժեքներ

Ագրարային համալսարանում կներդրվի ճշգրիտ գյուղատնտեսության մագիստրոսական ծրագիր

Վարչապետի որոշմամբ՝ Կառավարությունում նոր նշանակում է եղել

Մոսկվայում անհայտ տղամարդու կողմից արձակած կրակոցների հետեւանքով 2 մարդ է զոհվել, 3-ը՝ վիրավորվել, որոնցից 1-ը՝ երեխա

ԱԺ-ում տեղի ունեցած միջադեպի վերաբերյալ նյութերը դատախազությունն ուղարկել է ԱԱԾ

Համլետ Բատիկյանն ազատվել է փոխվարչապետի գրասենյակի ղեկավարի պաշտոնից

Ավարտվել է իշխանության ներկայացուցիչների նկատմամբ բռնություն գործադրելու դեպքի նախաքննությունը. ՔԿ

Գորիսում ապօրինի ծառահատման դեպքեր են բացահայտվել (տեսանյութ)

Երբեմն ագրեսիվ վարք է դրսեւորել, հորն էլ անցած տարի էին սպանել. մանրամասներ՝ կամրջի տակ մահացած հայտնաբերված տղայի մասին

Ամփոփվել է «100 գաղափար Հայաստանի համար» մրցույթը. 5 գաղափար ստացել է դրամական խրախուսանք

Դեկտեմբերի 6-ից 7-ը զինծառայողները հանձնել են տարբեր վարժաձևերի ստուգարքներ

«Արմավիր» ՔԿՀ-ում խուզարկությունների արդյունքում հայտնաբերվել են արգելված իրեր (լուսանկարներ)

Գերիների անհապաղ ազատ արձակումն առաջնահերթ խնդիրներից է․ Կարեն Անդրեասյանը հանդիպել է ԵԽ ներկայացուցիչներին

4 ոստիկան ազատվել է աշխատանքից. կայացել է ոստիկանության կարգապահական հանձնաժողովի նիստը (տեսանյութ)

Որ դեպքում կարող են աշխատանքից ազատել կորոնավիրուսի դեմ չթեստավորված կամ չպատվաստված աշխատակցին

Ընդդիմությունը Վարդենիսում կոալիցիա է կազմում՝ չնայած նրան, որ համայնքում ձայների մեծամասնությունը ստացել է ՔՊ-ն

Փակ են դեպի Քարի լիճ և Կորեայի ձոր տանող ավտոճանապարհները

Երևանում պարեկները մեքենայի բեռնախցիկից «Ֆաբարմ» տիպի հրացան են հայտնաբերել (տեսանյութ)

«Հայաստան» դաշինքն այս անգամ չէր առաջադրել Արթուր Ղազինյանի թեկնածությունը, պաշտպանության հանձնաժողովի նիստը հետաձգվեց

ՀՀ սահմանային անցակետերում ՀՀ քաղաքացիություն չունեցող անձինք կրկին կարող են անցնել ՊՇՌ լաբորատոր հետազոտություն

Երևանում մշտադիտարկվել է 35 տրանսպորտային միջոց, հայտնաբերվել են հակահամաճարակային կանոնների խախտման դեպքեր

Որոնվում է տեսագրության մեջ պատկերված անձը. ՔԿ (տեսանյութ)

Իրականում ինչ է ասել Ալեն Սիմոնյանը. համացանցում տարածվել է տեսանյութի ամբողջական տարբերակը