Վտանգի զգացումն է ինձ ստիպել իմ կոմֆորտ զոնայից դուրս գալ. Արա Զոհրաբյանը՝ քաղաքականություն մտնելու մասին

 «Զարթոնք» ազգային քրիստոնեական կուսակցության անդամները նախընտրական քարոզարշավի շրջանակում եղել են Երեւանի տարբեր վարչական շրջաններում, Շիրակի, Արագածոտնի եւ Լոռու մարզերում: Կուսակցության վարչապետի թեկնածու Արա Զոհրաբյանը, որը նաեւ Փաստաբանների պալատի նախագահն է, նշում է, որ իրենց կուսակցությունը չի հավակնում ստանալ քվեների մեծամասնությունը, քանի որ նորաստեղծ կուսակցություն է, սակայն «Զարթոնքը» պատրաստ է Ազգային ժողովում պաշտպանել ազգային արժեհամակարգը:

Մեր զրույցը Զոհրաբյանի հետ՝ ստորեւ.

- Պարո՛ն Զոհրաբյան, «Զարթոնք» ազգային քրիստոնեական կուսակցությունը ակտիվ քարոզչություն է ծավալում, եւ ամեն անգամ այն սկսվում է եկեղեցու բակից: Ի՞նչու այդպես որոշվեց, ո՞րն է այս մոտեցման խորհուրդը:

- Հայ առաքելական սուրբ եկեղեցին ունի բացառիկ առաքելություն հայ ժողովրդի հոգևոր կյանքում, ինչպես նաև ազգային մշակույթի զարգացման և ազգային ինքնության պահպանման գործում: Մեր մոտեցմամբ ընդգծում ենք եկեղեցու կարևորությունը:

- Ըստ քաղաքացիների արձագանքների՝ ինչպե՞ս եք գնահատում խորհրդարան մտնելու ձեր շանսերը:

- Մեր քաղաքացիների մեծ մասը կողմ է ազգային համախմբմանը: Այս պահին դժվար է ԱԺ մտնելու շանսերը գնահատել:

- Փաստաբանների պալատը համարվում է անկախ մարմին, սակայն Դուք՝ որպես պալատի նախագահ, առաջադրվել եք վարչապետի թեկնածու, կուսակցության ներկայացուցիչների մեջ էլ շատ են փաստաբանները: Նման պայմաններում ճի՞շտ եք համարում քաղաքականությամբ զբաղվելը: Լիազորությունները վայր դնելու մտադրություն ունե՞ք:

- Փաստաբանների պալատն ապաքաղաքական է ու այդպես էլ կմնա: Նույնիսկ փաստաբանների պալատի աշխատակազմում կողք կողքի աշխատել եւ աշխատում են տարբեր քաղաքական հայացքներ ունեցող մարդիկ, ու դա որևէ կերպ չի խանգարել աշխատանքին կամ գործընկերային հարաբերություններին: Որպես քաղաքացի, փաստաբան, Փաստաբանների պալատի նախագահ՝ երբեք չէի ցանկանա մտնել քաղաքականություն, եթե երկիրս այս վիճակի չհասցնեին: Վտանգի զգացումն է ինձ ստիպել իմ կոմֆորտ զոնայից դուրս գալ եւ մտնել մի միջավայր, որն այսօրվա իշխանությունը ցածրաճաշակ հարթակ է դարձրել:

- Իսկ դատաիրավական համակարգի բարեփոխման ի՞նչ լուծումներ եք առաջարկում:

- Երկու բարեփոխման մասին կնշեմ: Բարձրագույն դատական խորհրդի համամասնությունն անհրաժեշտ է փոփոխել՝ անդամների մեծամասնություն ընտրելու հնարավորությունն ընձեռելով դատավորների միությանը: Նաև անհրաժեշտ է վերականգնել դատավորների անձեռնմխելիությունը նաև ոչ դատավորի լիազորությունների իրականացման առնչությամբ քրեական հետապնդման դեպքերում: Դատավորի նկատմամբ քրեական հետապնդումը, կալանավորումը կարելի է իրականացնել միայն բարձրագույն դատական խորհրդի թույլտվությամբ:

- Նախընտրական պայքարում աննախադեպ թվով (26) կուսակցությունների մասնակցությունը ավելի շատ չի՞ խճճում ժողովրդին ընտրություն կատարելու հարցում։ Ինչո՞ւ քաղաքացիները պետք է ձեզ ընտրեն:

- Միանշանակ, այս քանակի կուսակցությունները մեր փոքր երկրի համար իրոք խճճող են: Իմ կարծիքով՝ քանակը պայմանավորված է նաև ստեղծված հետպատերազմական վիճակով: Ինչու պետք է մեզ ընտրեն, հարցի պատասխանը սա է. «Զարթոնքը» չի հավակնում ստանալ քվեների մեծամասնությունը, քանի որ նորաստեղծ կուսակցություն է, սակայն «Զարթոնքը» պատրաստ է Ազգային ժողովում պաշտպանել ազգային արժեհամակարգը:

- Քանի որ ձեր կուսակցության ծրագրերում եկեղեցի, ընտանիք, պետության բաղադրիչների առաջնայնությունն է ընդգծված, կարո՞ղ ենք ասել, որ այս սկզբունքի գերակայությամբ եք տեսնում համակարգային բոլոր փոփոխությունների հիմքը:

- Կուսակցության ծրագրին կարող եք ծանոթանալ www.zartonq.am կայքում: Մեր ներկան եւ ապագան պետք է կառուցենք բարոյական 4 առաքինությունների վրա՝ խոհեմության, չափավորության, արդարության և արիության:

- Մեր անվտանգության համակարգի վերաբերյալ տեսակետները երկու հիմնական մասի են բաժանված. ուժերի մի մասը ՀԱՊԿ-ից դուրս գալու եւ եվրոպական երկրների հետ համագործակցությանն է կողմ, մյուսները, հակառակը, կարծում են, որ ավելի պիտի խորացվի Ռուսաստանի հետ մեր հարաբերությունը։ Ո՞րն է ձեր մոտեցումը:

- Պատասխանը շատ պարզ է: Այսօր Ռուսաստանն է ապահովում մեր երկրի սահմանների մի մասի անվտանգությունը: ՌԴ-ի հետ պետք է կառուցվեն արժանապատիվ եւ կանխատեսելի  հարաբերություններ:

Ո՞ր ուժերի հետ եք համագործակցության եզրեր տեսնում:

- Մի բան հաստատ կարող եմ նշել. «Քաղաքացիական պայմանագիր» կուսակցության հետ համագործակցության որեւէ եզր չեմ տեսնում:

Մարիամ Գեւորգյան

Տպել
994 դիտում

Լարսի ավտոճանապարհը փակ է բեռնատարների համար. ռուսական կողմում 50 բեռնատար է սպասում

Էրդողանը դատի է տվել 2 ընդդիմադիր պատգամավորի

Դժվարանցանելի է Ամասիա-Բավրա ավտոճանապարհը, մի շարք բնակավայրերում ձյուն է տեղում

Երևանում, Արարատի ու Կոտայքի մարզերում մի քանի ժամով հոսանքազրկումներ կլինեն

Արարատ Միրզոյանն այցելել է Լյուքսեմբուրգի համալսարան, ծանոթացել կրթական և հետազոտական ծրագրերին (տեսանյութ)

Այգեպար գյուղում մեքենան 35 մետրից գլորվել է ձորը. տուժել է 4 մարդ, կա 1 զոհ

1 օրում ՀՀ տարբեր մարզերում ձյան մեջ արգելափակված 21 ավտոմեքենա է դուրս բերվել

Անակնկալ ստուգայցերը շարունակվում են

Որդեկորույս ծնողներն անվճար օգտվելու են տարբեր ծառայություններից. «Հերոսների վերականգնողական քաղաքը» նոր ծրագիր է սկսում

Ֆուտզալի Հայաստանի ազգային հավաքականը կմեկնի Իսրայել

Բաքվի մարզադահլիճներից մեկում մահացել է Ալիևի անվտանգության ծառայության պետը

Երևանի Քոչինյան փողոցի ընկերության պահեստից գողություն է կատարվել

Հայաստանը՝ հաջողության օրինակ. «Թրանսփարենսի ինթերնեշնլ»-ը հրապարակել է կոռուպցիայի ընկալման 2021 թվականի համաթիվը

Ամասիա-Բավրա ավտոճանապարհը դժվարանցանելի է

Լոռու մարզպետը ծանոթացել է Վանաձորի շենքերի վերելակների նորոգման ավարտական աշխատանքներին

Համատեղ կյանքը չի հաջողվում, որոշել են շտկել. վերջին տարիներին ամուսնությունների և ամուսնալուծությունների պատկերը ՀՀ-ում

Բելառուսում քննարկվել է Հայաստանի զարգացման օրակարգի առաջ մղման գործում հայկական սփյուռքի ներգրավման հնարավորությունը

Երևանյան լճում դի է հայտնաբերվել

Հրազդանի կիրճից բերման ենթարկված քաղաքացու մեքենայում 300 գրամից ավելի մարիխուանա է հայտնաբերվել

Լարսի ռուսական կողմում բեռնատարներ են կուտակվել. ավտոճանապարհը փակ է

Պետք է կարողանանք ուսուցչի 400.000 դրամ աշխատավարձը դարձնել իրականություն. Ժաննա Անդրեասյան

Փոքրիկների համար գրելիս պետք է նախ նրանց աշխարհը հասկանալ. կայացավ «Կախարդին + ագռավ» գրքի շնորհանդեսը

Ջրականից հայտնաբերվել է ևս մեկ կամավորականի աճյուն

Գողացել են Սոթք-Հաթերք օդային գծի հոսանքալարերը. կան բերման ենթարկվածներ (տեսանյութ)

Ռազմական ոստիկանությունում քննարկվել է միջանձնային հարաբերությունների հետ կապված խնդիրը. ՌՈ պետը հանձնարարականներ է տվել

Կառուցվում է Մարտակերտ-Ճանկաթաղ-Ստեփանակերտ ռազմավարական նշանակության մայրուղին

Հայ-իրանական հարաբերություններն առողջապահության ոլորտում իրացման մեծ ներուժ ունեն

Ավտոմեքենան «կարմիր գծերի» տարածքում կայանելու ամենաէժան միջոցը ամբողջ տարվա համար վճարելն է. Երևանի քաղաքապետարան

ՀՀ զինված ուժերը համալրվել է նոր ուղղաթիռներով. ՊՆ (լուսանկարներ)

Ավստրիայի արտաքին գործերի նախարարը կայցելի Հայաստան

Հայրը, որդին ու պապը. պատերազմն ու սերը երեք սերունդների աչքերով (տեսանյութ)

Հայաստանը «Եվրատեսիլ 2022» երգի միջազգային մրցույթում կներկայանա առաջին կիսաեզրափակչում

Փոխվարչապետը և Երևանի քաղաքապետը քննարկել են «Հին Երևան» պատմաճարտարապետական միջավայրի ծրագրի իրականացնումը

«Զինվորի տան» տղաներն աշխատանք կունենան քաղավիացիայի ոլորտում

«Զվարթնոցում» ՃՈ աշխատակիցը վարչական իրավախախտման տուգանքի չափի վերաբերյալ վարորդներին հայտնել է ուռճացված տեղեկություն

Համապատասխան բուժզննումն ավարտելուց հետո Արմեն Սարգսյանը կվերադառնա Հայաստան

Դոլարի փոխարժեքն աճել է. եվրոն շարունակում է էժանանալ

Վրաստանում վերջին մեկ օրվա ընթացքում կորոնավիրուսից մահացել է 42 մարդ

Բենզալցակայանի դիմաց բախվել են ավտոմեքենաները, ինչի հետևանքով «Նիվա»-ն գլխիվայր շրջվել է. կա վիրավոր

Ամրացված հույսեր՝ կառուցված տանը. տասներեք տարվա սպասումից հետո, բնակարանամուտ է նշվել (լուսանկարներ)