Հացադուլ անող տարեցները չեն հավատում նախարարության հավաստիացումներին եւ այսօր հրաժարվել են նաեւ ճաշից

Երեւանի թիվ 1 տուն-ինտերնատում խնամյալ տարեցներն այսօր առավոտից բողոքի ցույց էին անում, նրանցից 17-ն էլ հացադուլ են հայտարարել ու չեն պատրաստվում դադարեցնել այն:

Պատճառն այն է, որ Կառավարությունը ներքին շրջանառության մեջ է դրել տուն-ինտերնատների միավորման մի նախագիծ, որով Երեւանի թիվ 1 տուն-ինտերնատը եւ Նորքի տուն-ինտերնատը միավորվելու են: Երեւանի թիվ 1 ինտերնատի բնակիչները դեմ են այլ ինտերնատի հետ միավորմանը, քանի որ անհնար են համարում մի քանի հոգով մեկ փոքր սենյակում ապրելը: Նրանց բողոքի պատճառն է նաեւ նորանշանակ տնօրենը: Ուզում են տնօրենը չփոխվի, բայց նրանց պատասխանել են, որ նախկին տնօրենն ազատվել է պայմանագրի ժամկետը լրանալու պատճառով:

Մեր այցելության պահին նորանշանակ տնօրենի պաշտոնակատար Կոլյա Մակարյանը տեղում չէր, թիվ 1 տուն-ինտերնատ տանող դարպասներն էլ փակ էին: Պահակներից տեղեկացանք, որ տնօրենի պաշտոնակատարը գնացել է Աշխատանքի եւ սոցիալական հարցերի նախարարություն, համավարակով պայմանավորված էլ՝ հրահանգված է արգելել օտար մարդկանց մուտքը տուն-ինտերնատ:

Բակում տեղի ունեցած բողոքի ցույցը մեր այցելության պահին ավարտվել էր: Մի քանի ակտիվ բնակիչներ հավաքվել էին իրենց սենյակների պատշգամբների մոտ, ոմանք պատուհաններից հետեւում էին այդ հատվածում կատարվող անցուդարձին: Հեռվից տեսնելով, որ լրագրողների մուտքն արգելում են՝ տարեցները զայրացան՝ ասելով՝ դրա իրավունքը ոչ ոք չունի, ապա մի քանի զանգ կատարելով ու իրար իմաց տալով` նորից հավաքվեցին տուն-ինտերնատի բակում: Դարպասների ճաղերի միջով բնակիչների հետ զրուցեցինք իրենց մտահոգող հարցերի մասին:

«Իրենց բնակիչներին ուզում են բերել այստեղ, մեր սենյակաները փոքր են, երկու հոգանոց, ուզում են խցկեն մեր սենյակների մեջ, որ 3-4 հոգով ապրենք: Դրված է երկու պահարան, երկու մահճակալ եւ սառնարան, վերջ: Հիմա մտածում ենք՝ 3-րդը որտեղ են դնելու, թե՞ զինվորականների համար նախատեսված «յառուսնի» մահճակալներ են անելու»,- սա ներկայացնելով որպես հացադուլի առաջին պատճառ՝ ասաց տուն-ինտերնատի բնակիչերից տիկին Լիդիան:

Անդրադառնալով նորանշանակ տնօրենի ԺՊ-ին՝ տարեցները բողոքեցին, որ նա անտարբեր է իրենց խնդիրներին եւ եկած օրվանից արդեն ստում է: «Եկած օրվանից խոսում է սուտը ստի վրա: Առավոտը 7-ին եկել է գործի, մտել ճաշարան ու տեղյակ է, որ հաց չենք կերել, բայց ակնհայտ սուտ է ասում: Լրագրողներին ասում էր, որ բոլորն էլ կերել են: Հիմա մտնենք իմ սենյակ, երեկ ոչ ընթրիքին եմ ուտելիք վերցրել, ոչ էլ այսօր»,- ասաց 74-ամյա Լիդիան:

Տարեցների խոսքով՝ տնօրենի ԺՊ-ի մասին ոչինչ չգիտեն, միայն այն, որ անունը Կոլյա է (այդպես է իրենց ներկայացել՝ հեղ.): Բայց իրենք կարծիք են կազմել՝ տեսնելով, որ տնօրենը բացահայտ սուտ է խոսում՝ հայտարարելով, թե ինտերնատում հացադուլ չեն անում:

Մեր զրուցակիցները վստահեցնում են՝ թիվ 1 տուն-ինտերնատում անթերի են իրենց խնամում, բայց կասկածներ ու լուրջ մտահոգություններ ունեն, որ արդեն նախկին տնօրենի հեռանալուց հետո այդպես չի լինելու, զրկվելու են երբեմնի հոգատարությունից ու լավ վերաբերմունքից: «Էն որ մի բանով ուզում էիր հետը կիսվել, կարող էիր մտնել իր սենյակ ու խոսել, կլսեր ու կաջակցեր որպես ցավող հարազատ»,- նախկին տնօրեն Վահան Զուրաբյանի մասին խոսելով՝ ասացին նրանք: Հավելեցին՝ տնօրինությունն այնքան հոգատար էր, որ անգամ անհրաժեշտ դեղերի սպառվելու դեպքում, որոնք տուն-ինտերնատում են ստանում, շատ հաճախ իր գրպանից էր առնում:

Տուն-ինտերնատի բնակիչները ուրախությամբ փաստում են՝ կորոնավիրուսի պիկ օրերին իրենց մասին այնպես են հոգ տարել, որ անգամ տուն ունենալու դեպքում գուցե այդպիսի հոգատարություն ու խնամք չստանային. «Այդ մարդիկ տուն չեն գնացել, մեզ հետ ապրել են»:

Բնակիչներից Արթուրն էլ անպայման ցանկացավ մի բան պատմել, թե ինչպես է փոխտնօրենը նախորդ տարի իրեն ուրախացրել ու երազանքը կատարել. «Ծնունդս էր, շատ էի ուզում, սիրտս քաշում էր՝ Սեւան գնայինք, տնօրինությունը չմերժեց: Փոխտնօրենը 2 օրում կազմակերպեց, բոլորիս տարավ Սեւան, առավոտից իրիկուն»:

Բնակիչներն ասում էին, որ շարունակելու են իրենց հացադուլը: Նրանց թվում կան բավականին տարիքով անձինք, այդ թվում՝ 85-ամյա տարեց կին, որի մասին խոսելիս նկատեցին՝ կարող է նաեւ չդիմանալ հացադուլին, բայց չի պատրաստվում սնվել:

Բնակիչներից մեկն էլ ներկայացավ, որ 45 տարվա ֆիզկուլտուրայի ուսուցչուհի է. Թերեզա Սարգսյանը հայտնեց, որ Մարդու իրավունքների պաշտպան Արման Թաթոյանի դասղեկն է եղել ու առաջիկայում պիտի գնա նրան տեղեկացնելու խնդրի մասին: «Անպայման պիտի գնամ մոտը ու հայտնեմ․ իրենք չեն կարող մեզ հետ այդպես վարվել»,- ասաց նա:

Նկատենք՝ Աշխատանքի եւ սոցիալական հարցերի փոխնախարար Տաթեւիկ Ստեփանյանը, որ այսօր այցելել էր տարեցների խնամքի այս կենտրոն, եւս հերքել էր հացադուլի մասին տեղեկությունները: Ինչ վերբերում է երկու տուն-ինտերնատների միավորելուն, ապա փոխնախարարը նշել էր, որ միայն իրավակազմակերպական ձեւն է փոխվում, եւ բնակիչների տեղափոխություն չի լինելու: «Ոչ ոք չի պատրաստվում Նորքից տեղափոխել այստեղ, այստեղից տանել այնտեղ: Նախագիծը շրջանառվում է, քանի որ մենք գնում ենք համայնքահեն ծառայությունների ներդրմանը, բայց դա չի նշանակում, որ Նորքն ու Թիվ 1-ը փակելու ենք կամ միավորելու ենք: Ստեղծելու ենք նոր հերթերով գոյացած՝ տատիկ-պապիկների համար համայնքահենք ծառայություններ, դա լինելու է փոքր տների մոդելով»,- ասել էր Տաթեւիկ Ստեփանյանը:

Ավելի ուշ էլ նախարարի խոսնակ Զառա Մանուչարյանը ՀԺ-ին հայտնեց, որ աշխատակիցները փորձում են խնդիրը կարգավորել, հասկանալ՝ ով է ներկայացել առավոտվա սնվելու ժամին, ով՝ ոչ:

Հ․Գ. Թիվ 1 տուն-ինտերնատում հացադուլ անողները այսօրվա ճաշից եւս հրաժարվել են՝ չնայած փոխնախարարի հավաստիացումներին, որ երկու ինտերնատների բնակիչների տեղափոխություն ու միավորում չի լինելու: Թերեզա Սարգսյանի խոսքով՝ ինտերնատի բնակիչները արժանահավատ չեն համարում այդ հայտարարությունը: «Հիմա մեր գլխի տակ փափուկ բարձ են դնում: Խոսակցություններն այս պատերի ներսում ամենուր են, անգամ լսել ենք, որ քննարկում են, որ մի սենյակում 3-4 հոգի են տեղավորելու: Առանց կրակ ծուխ չի լինում: Մենք վստահ ենք, որ դա հենց էդպես էլ անելու են՝ Նորքի տուն-ինտերնատը անպայման փակելու են, այդ մարդկանց էլ բերեն լցնեն, այստեղ»,- «Հայկական ժամանակի» հետ զրույցում ասաց Թերեզա Սարգսյանը:

Լուսանկարում՝ Թերեզա Սարգսյան

Տպել
2828 դիտում

Իրանի նախագահ Էբրահիմ Ռաիսիի և մյուս զոհերի մարմինները տեղափոխվել են Թեհրան (տեսանյութ)

Եկեղեցին Բագրատի սեփականությո՞ւնն է, այս գործողություններով կրակում են իրենց ոտքին. Դավիթ Ստեփանյան

Լեհաստանի իշխանությունները չեն ծրագրում ականապատել արևելյան սահմանը. Տուսկ

ԱՄՆ-ը հետաքրքրված է Հայաստանի հետ գործակցության ընդլայնմամբ․ ԱՆ-ում ընդունել են Բրենդոն Յոդերի գլխավորած պատվիրակությանը

Ինչու է Զելենսկին զանգել Ալիևին․ ինչ հարցեր են քննարկվել

Համաշխարհային բանկը աղետների ռիսկի կառավարման ոլորտում կաջակցի ՆԳ նախարարությանը

Ազգային ժողովը պետք է նաև քննարկի ավագանու անդամներին աշխատավարձ տալու հնարավորությունը. Գալջյան

Քարերով հարվածել, կոտրել են «Ռոյալ մյուզիք հոլ»-ի ապակիները

Քաղաքական խորհրդակցություններ են կայացել Հայաստանի և Սլովենիայի արտաքին քաղաքական գերատեսչությունների միջև

ՄԻՊ նախաձեռնությամբ ՀՀ-ում ապրող ասորիների իրավունքների պաշտպանությանն ու խթանմանն առնչվող հարցեր են քննարկվել

Անկախացումից ի վեր ՀՀ-ի և ՄԱԿ-ի համագործակցությունը եղել է բազմաշերտ և արդյունավետ․ նախագահը՝ Ֆղանսուազ Ժակոբին

Բայրամովը հեռախոսազրույց է ունեցել Իրանի արտգործնախարարի պաշտոնակատարի հետ

Վազգեն Գալստանյանի հավաքը Սուրբ Աննա եկեղեցու բակում

Բարձր բնապահպանական նշաձողերի սահմանումը առաջնահերթություն է․ «Սևան» ազգային պարկի տնօրենին է հանձնվել կառավարման պլանը

Կա կամք երկու երկրների միջև համատեղ կառուցել իրավական կայուն համագործակցություն․ Բրենդոն Յոդերը՝ Աննա Վարդապետյանին

Շվեյցարական բանկում Գարեգին Երկրորդի անունով 1 մլն 100 հազար դոլար է եղել. գումարը ավելացե՞լ է, թե՞ ոչ

ԵՄ-ն պաշտպանության ոլորտում գործընկերության համաձայնագիր է ստորագրել Մոլդովայի հետ

Կնորոգվեն Ոսկեպարի Սբ Աստվածածին եկեղեցու տանիքածածկերը․ դրանք խիստ քայքայված և վնասված են (լուսանկարներ)

Արտաքին հետախուզության ծառայության պետը նոր տեղակալ ունի․ վարչապետը որոշում է ստորագրել

ԱԽ քարտուղարն ու Դեյվիդ Քոհենը ՀՀ-ԱՄՆ համագործակցությանը և տարածաշրջանային անվտանգությանն առնչվող հարցեր են քննարկել

Սուրեն Պապիկյանն այցելել է զորամասերից մեկի գումարտակի՝ շաբաթներ առաջ շահագործված մշտական տեղակայման վայր (լուսանկարներ)

Ալեն Սիմոնյանն ու Ուկրաինայի ռադայի նախագահը քննարկել են անվտանգային իրավիճակը Հարավային Կովկասում և Ուկրաինայում

2024-ին Հայաստանում արձանագրվել է այլ երկրներից կարմրուկի 15 բերովի դեպք

Սրբազանը, որը դարձավ շարժման Լաոն, հավաքեց սրբերին. սուրբ Վիտալի Բալասանյանին, սուրբ Շուշան Պետրոսյանին. Քոչարյան

Եվրոն էժանացել է․ ինչ փոփոխություններ է արձանագրել տարադրամի շուկան մայիսի 21-ին

Մոտենում է հերթական ակտիվ ցիկլոնը․ Սուրենյանը հայտնել է՝ երբ

Համացանցի որոշ օգտատերեր մոդուլային զորանոցների հրդեհային անվտանգության վերաբերյալ անհիմն դիտարկումներ են շրջանառում․ ՊՆ

Ալիևը մանրամասնել է, թե ինչ են խոսել ինքն ու Ռաիսին վերջին անգամ

Նարեկ Սամսոնյանի և Վազգեն Սաղաթելյանի խափանման միջոցը փոխվել է

Մոմ, «Կոկա-կոլա», գինի ծախել, ռեստորաններ ունենալ և հարկ չվճարել, ժամանակն է հասկանանք՝ ինչո՞ւ․ Սիմոնյան

Գնահատելի է Խաղաղության կորպուսի գործունեությունը Հայաստանում․ նախագահն ընդունել է ԱՄՆ դեսպանին և Կարոլ Սպանին

Ես երևանցի տղա եմ, միշտ Երևանի կենտրոնում քայլել եմ, միշտ էլ քայլելու եմ․ ինչու է Սիմոնյանը շրջում թիկնապահների հետ

3 տարեկան երեխան կանգնել է մահճակալին, բացել պատուհանն ու դուրս ընկել․ վիճակը կայուն ծանր է

«Հայաստան» խմբակցությունը կարող է լինել «Սրբազան դաշինք» Քոչարյանի, Սարգսյանի, որոշ սպասավորների հետ․ Ռուբինյան

Պուտինը մեկնելու է Ուզբեկստան

Ազգային ժողովը երկրորդ ընթերցմամբ քննարկել է օրենսդրական մի շարք նախաձեռնություններ

ՀՀ ԱԳՆ խոսնակը մեկնաբանել է Միջուկային անվտանգության միջազգային համաժողովի արդյունքներով ընդունված հայտարարությունը

Վարչապետն ընդունել է ԱՄՆ կենտրոնական հետախուզական վարչության ղեկավարի տեղակալին

Սուրեն Պապիկյանն այցելել է կառուցման փուլում գտնվող ամրաշինական մի շարք շրջաններ (լուսանկարներ)

Դանակահարություն Երևանում. տղամարդը հայտնել է անծանոթից հարվածը ստանալու մասին