Անխափան սնուցման սարքեր թիկունքից․ ԵՊՀ-ում UPS են հավաքում եւ ձեւափոխում

Թիկունքից ամեն մեկը տարբեր կերպ է նպաստում հաղթանակին։ Միջոցներից մեկն էլ տեխնոլոգիական աջակցությունն է, օրինակ, անխափան սնուցման սարքեր (UPS) հավաքելն ու ձեւափոխելը։

Երեւանի պետական համալսարանում այսօր դրանք ձեւափոխում են այնպես, որ 12 վոլտ հաստատուն հզորությամբ սնուցման աղբյուրից հնարավոր լինի ստանալ 220 վոլտ փոփոխական հոսանք։ Դրանք պետք են բանակում, սարքերն անհրաժեշտ են տարբեր սարքավորումների էներգիայով սնուցման կամ լիցքավորման համար։

Այս նախաձեռնությունը նոր չէ մեկնարկել Մայր բուհում։ Երբ պատերազմը սկսվեց, UPS-ները մի փուլով հավաքվեցին եւ հանձնվեցին հատուկ կետ։ Հետո մտածել են, որ նշված վայրերում չեն հասցնի այդքան աշխատանք անել ու սկսել են իրենց ներուժն օգտագործել եւ տեղում ձեւափոխել ու ստանալ դիրքերում կիրառելուն պատրաստ սարքեր։

«Հոսքագծի սկզբունքով ենք աշխատում, մեկը երկարացման լարն է պատրաստում, մյուսը՝ մարտկոցին միացնող լարերը։ Շատ արագ աշխատեցինք ու մի խմբաքանակ ուղարկեցինք։ Հիմա բուռն թափով նորից աշխատում ենք»,- պատմեցին ԵՊՀ Տեղեկատվական տեխնոլոգիաների վարչությունից։

Լուսանկարում՝ Ավտոմատ հեռախոսակայանի պատասխանատու Արման Անատոլյանը։

Լուսանկարում՝ ՏՏ վարչության պետ Պարույր Վարդերեսյանը։

Նախաձեռնության իրականացման համար օգտագործվում են բուհի չշահագործվող սարքերը, դրանցից նաեւ բերում են համալսարանականները, նրանց ընկերներն ու ծանոթները։ Լսելով աշխատանքների մասին՝ հենց սկզբից ԵՊՀ գրադարանի տնօրենն ու բուհի տարբեր ստորաբաժանումներից մարդիկ են արձագանքել ու միացել։

Լուսանկարում՝ ԵՊՀ գրադարանի տնօրենը

Լուսանկարում՝ ՏՏ վարչության համակարգչային տեխնիկայի եւ ցանցերի սպասարկման բաժնի ղեկավար Նիկոլայ Մանվելյանը։

«Կարելի է ասել՝ ամբողջ ազգաբնակչությունն է միացել։ Եթե նախորդ երեսուն տարվա ընթացքում ամեն ինչ այսպես համազգային համախմբվածությամբ անեինք, ավելի լավ կլիներ։ Այսօր մեծ թվով մարդիկ են պատրաստակամ գալ՝ մեզ օգնելու»,- նշեց ՏՏ վարչության պետի տեղակալ Ռուբեն Աբրահամյանը՝ հավելելով, որ այս պահին կոնկրետ ձեւափոխման աշխատանքները քիչ մարդկանցով են իրականացնում։ Ելնելով կորոնավիրուսի վարակման վտանգից՝ խուսափում են, որ շատ մարդիկ միեւնույն վայրում գտնվեն։ 

Քչով աշխատելը մեկ այլ պատճառ էլ ունի՝ որակի վերահսկողությունը։ Հիմա արվում է մի աշխատանք, որ պետք է գրեթե կատարյալ լինի, զինծառայողներին էլ ավելորդ հոգս չպատճառի, այդ պատճառով քիչ մարդկանցով են աշխատում, որպեսզի աշխատանքի որակը հեշտ վերահսկելի լինի։

ԵՊՀ ՏՏ վարչության ներկայացուցչի խոսքով՝ համալսարանի աշխատակիցների այս ու այլ նախաձեռնություններին ԵՊՀ ղեկավարությունը ընդառաջում է, իսկ կոնկրետ UPS-ների ձեւափոխման ընթացքում էլ պետքական բոլոր գործիքները տրամադրվում են, այնպես որ լրացուցիչ իրեր գնելու անհրաժեշտություն չի լինում։

Տպել
1450 դիտում

Նարեկ Հախնազարյանը կատարել է Կոմիտասի «Կռունկը»՝ այն նվիրելով Արցախում զոհվածների հիշատակին (տեսանյութ)

Ռուստամ Բադասյանի պաշտոնից ազատման մասին լուրերը իրականությանը չեն համապատասխանում․ ԱՆ խոսնակ

Անհետ կորած զինծառայողների հարազատները նամակ հանձնեցին ՌԴ դեսպանատուն․ այն հենց այսօր լինելու է Մոսկվայում

Էկոնոմիկայի նախարար Տիգրան Խաչատրյանը պաշտոնից ազատման դիմում է ներկայացրել․ խոսնակ

Կաթողիկոսի նախագահությամբ կատարվել է Գուգարաց թեմի առաջնորդ Սեպուհ արք. Չուլջյանի հուղարկավորության արարողությունը

Արմավիրցի փոքրիկը պատերազմի օրերին 4 միլիոն դրամի ընկույզ է վաճառել՝ գումարը փոխանցելով հիմնադրամին

Անհետ կորած զինծառայողների հարազատները Ռուսաստանի Դաշնության դեսպանատան մոտ են․ ակնկալում են ՌԴ-ի աջակցությունը

ԱՆ-ում տեղի է ունեցել քննարկում պատերազմի ընթացքում վարձկանների ու ահաբեկիչների կիրառության առնչությամբ

Գագիկ Ծառուկյանին մանդատից զրկելու հարցով ԱԺ խորհրդի նիստը նախատեսված է ժամը 18:00-ին

ԵՄ, Իտալիայի դեսպանները և Գերմանիայի ժամանակավոր հավատարմատարը կանչվել են Թուրքիայի ԱԳՆ

Զավեն Սարգսյանի մահվան կապակցությամբ, ՀՀ վարչապետի որոշմամբ, կստեղծվի հուղարկավորության կառավարական հանձնաժողով

Կրծքագեղձի քաղցկեղով 132 պացիենտ տրաստուզումաբ (հերցեպտին) դեղով բուժման ծրագրի շահառու է

Երեւանում Ամանորի տոնակատարությունների համար նախատեսված գումարի 100 միլիոն դրամը կհատկացվի Ստեփանակերտին

Երեւանում ծառերի էտումից առաջացած փայտանյութը անվճար կտրամադրվի անապահով ընտանիքներին․ ավագանին հաստատեց

Զոհված 104 զինծառայողների ընտանիքների արդեն հատուցումներ են տրամադրվել․ Ավետիքյան

Նորագավթի 13-րդ փողոցի տներից մեկում հրդեհ է բռնկվել․ մեկնել է 3 մարտական հաշվարկ

Շարքային Արկադի Վերդյանը թշնամու կրակի տակ կարողացել է տարհանել զոհերին ու վիրավորներին. մերօրյա հերոսները

Երեք հայ ռազմագերու վերաբերյալ գանգատ է ներկայացվել ՄԻԵԴ․ նշվել են իրավունքի մի շարք խախտումներ․ Սահակյան

Իզաբելլա Աբգարյանը Երեւանի ավագանու «Իմ քայլը» խմբակցությունից դուրս գալու դիմում է ներկայացրել

Համահայկական հիմնադրամի ծախսերի ու փոխանցումների՝ ոչ իրավաչափ լինելու վերաբերյալ գնահատականներն անհիմն են. Ֆիննախ