Գեորգի Ավետիսյանի՝ պաշտոնից ազատվելը մեթիլով օղիների կամ ալկոգելի շուկայի հետ կապելն աբսուրդ է. Անուշ Հարությունյան

Սննդամթերքի անվտանգության տեսչական մարմնի (ՍԱՏՄ) տեղեկատվության եւ հասարակայնության հետ կապերի բաժնի պետ Անուշ Հարությունյանը տեղյակ չէ ՍԱՏՄ ղեկավարի պաշտոնից Գեորգի Ավետիսյանին ազատելու պատճառների մասին: Վարչապետի համապատասխան որոշումը, հիշեցնենք, հրապարակվել էր երեկ:

«Չեմ կարող ասել, այս պահին իմ ձեռքի տակ որեւէ ինֆորմացիա չկա, պարոն Ավետիսյանն էլ խնդրել է իրեն չանհանգստացնել»,- «Հայկական ժամանակի» հարցին պատասխանելով՝ ասաց Անուշ Հարությունյանը:

Ավելացրեց, որ որոշումն իր համար էլ անակնկալ էր. «Այո, երեկ երեկոյան ուրիշ մարդ է ուղարկել այդ լուրը»:

Շրջանառվում են լուրեր, որ այս որոշումն առնչվում է մեթիլ սպիրտի պարունակությամբ օղիների վաճառքի հետ, որի հետեւանքով տասնյակ թունավորման դեպքեր, մահեր են գրանցվել: Այս դիտարկմանն ի պատասխան՝ Անուշ Հարությունյանն ասաց. «Վստահաբար կարող եմ ասել, որ դա աբսուրդ է: Մեթիլ սպիրտի, օղու, այս պատմության հետ կապված տեսչական մարմինը կապ ունենալ չէր կարող: Դա իր գործառույթների շրջանակից դուրս է: Այն ամենը, ինչ իր գործառույթների շրջանակում է, արել է: Ես շուտով հայտարարություն կտարածեմ այն գործողությունների մասին, որ տեսչական մարմինն արել է արդեն դրա արդյունքում: Մենք հայտարարել ենք, որ զբաղվում ենք իրացման ցանցում գտնվող սպիտային խմիչքների դիտարկմամբ եւ ուսումնասիրմամբ: Դրա մասին ամփոփ տեղեկատվությունը երեկ երեկոյան արդեն պատրաստ էր, ես դա կհրապարակեմ»:

Հաջորդ աղմկահարույց խնդիրը լայն սպառում ունեցող ալկոգելների վերահսկողությունն էր. կարո՞ղ էր դրա հետ կապված լինել: «Ալկոգելների վերահսկողությունը եւս մեզ չի վերաբերում: Այն, ինչը սնունդ չէ, այն, ինչ մարդը չի ուտում կամ խմում, մեր վերահսկողության տիրույթում չէ: Նույնիսկ ծխախոտը մեզ չի վերաբերում: Պարոն Ավետիսյանի ազատման որոշումն այդ թեմայի հետ կապելը եւս աբսուրդ է: Այդպես լինել չի կարող»,- պատասխանեց Հարությունյանը:

Գեորգի Ավետիսյանին պաշտոնից ազատելու վերաբերյալ վարչապետի որոշման մասին երեկ տեղեկացել ենք e-gov.am-ից: «Ղեկավարվելով «Տեսչական մարմինների մասին» օրենքի 8-րդ հոդվածի 1-ին մասով՝ Գեորգի Ավետիսյանին ազատել Սննդամթերքի անվտանգության տեսչական մարմնի ղեկավարի պաշտոնից»,- ասված է հրապարակված փաստաթղթում: Գեորգի Ավետիսյանն այդ պաշտոնն զբաղեցնում էր 2018թ. հունիսի 22-ից:

Տպել
1127 դիտում

Զոհրաբ Մնացականյանն աշխատանքային այցով կմեկնի ԱՄՆ. ՀՀ ԱԳՆ

ՀՀ ԱԳՆ-ն հերքում է Ադրբեջանի հերթական մանիպուլյատիվ հայտարարությունը

Երևանի կամավորական ստորաբաժանումը կգլխավորի քաղաքապետ Հայկ Մարությանը

«Միջազգային կառույցների արձագանքը համարժեք չէ»․ ՀՀ ՄԻՊ-ի խոսքով՝ հիմա իրական քայլերի ժամանակն է

Զինծառայողների ապահովագրության հիմնադրամի նոր նախաձեռնությունը՝ «Մեկը երկու դարձնել»

France 24-ը Ղարաբաղում սիրիացի վարձկանների առկայությունը հավաստող ապացույցներ է հրապարակել

«Փոքր սպառողական վարկերի առումով կարծում եմ խնդիր չի լինի, կներվեն, կզիջվեն»․ Քերոբյան

«Հայաստան» համահայկական հիմնադրամը նոր շարժում է սկսում՝ «Համազգային շարժում 2.0». Հայկակ Արշամյան

«Պետք է դիմանանք այս օրը և լուսացնենք գիշերը...». բոլորը հիացմունքով են խոսում «հայ սպարտացիների» ոգու մասին. Ստաս Նամին

Կենտրոնական ուղղությամբ դիվերսիոն խմբեր են փորձել ներթափանցել մեր դիրքեր.մեր դիպուկ կրակից դիմել են փախուստի. ՊՆ

Ինչ ասել երեխային՝ սահման մեկնած հոր մասին, ինչպես կառավարել հույզերը. հոգեբանի խորհուրդները՝ պատերազմական իրավիճակում

Վայրկյան անգամ չվարանելով՝ կամավորագրվում եմ Հայրենիքիս պաշտպանության սուրբ գործին. Լոռու մարզպետ

Էջմիածնի քաղաքապետն արձագանքում է վարչապետի կոչին եւ այսօրվանից կամավորագրվում Հայրենիքի պաշտպանությանը

Սիրիացի վարձկաններն արդեն իրար սպանում են. հրապարակվել է նոր ձայնային հաղորդագրություն

UCOM-ում կգործի 0 դրամ/րոպե հատուկ սակագինն Արցախից եւ դեպի Արցախ զանգելու համար

Այսօր ռեկորդային բարձր է թե կորոնավիրուսի նոր դեպքերի թիվը, թե տոկոսն՝ ըստ արված թեստերի քանակի և թե մահերի թիվը

Այսօր Քիմ Քարդաշյանի ծննդյան օրն է. նա դարձավ 40 տարեկան

ՃՏՊ Գյումրի-Արմավիր ավտոճանապարհին․ բեռնատարի բեռնախցիկում եղել է 10 խոշոր եղջերավոր կենդանի, որից մեկը վնասվել է

«Nissan Tiida»-ն դուրս է եկել ճանապարհի երթևեկելի հատվածից և հայտնվել դաշտամիջյան հատվածում. ուղևորը տեղում մահացել է

Երևանում կձևավորվի օպերատիվ շտաբ, որը կզբաղվի Արցախից ժամանակավորապես ՀՀ տեղափոխված ընտանիքների սոցիալական խնդիրներով