Կառավարությունը ԲԷՑ-ին թույլատրեց «Կասկադ-էներգո» ՍՊԸ-ի հետ 8 մլն 857 հազար դոլարով պայմանագիր կնքել

09/07/2020 schedule13:05

ՀՀ Կառավարությունն այսօրվա նիստում որոշում կայացրեց թույլատրել «Բարձրավոլտ էլեկտրացանցեր» փակ բաժնետիրական ընկերությանը «Լիճք» ենթակայանի վերակառուցման աշխատանքներն իրականացնելու նպատակով «Կասկադ-էներգո» ՍՊԸ-ի հետ 8 մլն 857 հազար 600 դոլար արժեքով պայմանագրի կնքումը:

Հարցը ներկայացրեց տարածքային կառավարման եւ ենթակառուցվածքների նախարար Սուրեն Պապիկյանը՝ նշելով, որ հրատապությունը պայմանավորված է նրանով, որ վերջերս Կառավարությունը հավանության է արժանացրել «Մասրիկ-1» արեւային ենթակայանի կառուցումը, իսկ արտադրված էլեկտրաէներգիան պետք է ընդունվի «Լիճք» կայանի միջոցով:

«Այս պահին «Լիճքը» ի վիճակի չէ սա իրականացնել, որովհետեւ այդ կայանը շահագործման է հանձնվել 1961 թվականին, եւ այստեղ շինարարական աշխատանքների կարիք կա: Հաշվի առնելով, որ «Մասրիկ-1»-ի ֆինանսավորումը մենք արդեն հաստատել ենք՝ շուտով կսկսվի շինարարությունը, մեր կողմից հրատապ քայլեր են պետք, որ ավարտենք «Լիճքը»,- ասաց Պապիկյանը:

Նրա խոսքով՝ «Լիճքի» շինարարությունը պետք է իրականացվի ԲԷՑ-ի միջոցների հաշվին. «Սա եւս աննախադեպ է, նախկինում բոլոր մեր ենթակայանները վերակառուցվել ու կառուցվել են վարկային միջոցների հաշվին։ Մենք գնային առաջարկներ ենք ուղարկել նման կայանների կառուցման հաջողված փորձ ունեցող կազմակերպություններին»:

Նախարարն ընդգծեց՝ միակ արձագանքը «Կասկադ Էներգո»-ի կողմից է եղել:

«Նախնական առաջարկը կազմել է 9 մլն 998 հազար 232 դոլար: Այս փուլում առաջարկում ենք թույլ տալ «Բարձրավոլտ էլեկտրացանցեր»-ին այդ աշխատանքներն իրականացնելու նպատակով «Կասկադ-էներգո» ՍՊԸ-ի հետ 8 մլն 857 հազար 600 դոլար արժեքով պայմանագիր կնքել»,- ասաց Պապիկյանը։

Նրա խոսքով սա նաեւ Արցախի էներգետիկ անվտանգության հետ կապված կարեւոր դերակատարում ունեցող ենթակայան է: Նա հավելեց, որ տեխնիկապես հնարավոր է 6-8 ամսում շինարարական աշխատանքները կատարել:

Վարչապետ Նիկոլ Փաշինյանն էլ ասաց, որ, պայմանագրի համաձայն, այն պահին, երբ «Մասրիկ-1» կայանը սկսի էլեկտրաէներգիա արտադրել, ՀՀ-ն պարտավոր է այդ էլէներգիան ձեռք բերել, բայց եթե նույնիսկ ձեռք չբերի, պարտավոր է դրա համար վճարել: Դրա համար պետք է սինխրոնացնենք «Մասրիկի» եւ «Լիճք» ենթակայանի շահագործման ժամկետները, որ Հայաստանը վնասներ չկրի»:

Տպել
683 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)