Երևան
12 °C
searchclose
today
menuclose
Երևան
12 °C
Տեւական ժամանակ քննարկված, քննադատված ու գովաբանված «բալային համակարգը», որի դրույթների մեծ մասն ուժի մեջ է 2020 թվականի հունվարի 1-ից, ամբողջապես պիտի գործարկվեր երկու ամիս անց: Վարորդների նկատմամբ տուգանային միավորներ կիրառելու այս համակարգով յուրաքանչյուր վարորդին տրվում է 9 բալ, որոնք մեկ տարվա ընթացքում սպառելու դեպքում վարորդը վեց ամսով զրկվում է վարելու իրավունքից։
Սեպտեմբերից պիտի ուժի մեջ մտնեին համակարգի մյուս դրույթները, ըստ որոնց, օրինակ՝ համարանիշն այլ անձի հանձնելու, մեքենայում հեռախոսով խոսելու, առանց ամրագոտու վարելու ու չամրակապված ուղեւոր տեղափոխելու, ոչ սթափ վարելու դեպքերում տուգանային միավորներ պետք է կիրառեր պարեկային ծառայությունը:
Այս ժամկետում, սակայն, պարեկային մեքենաների անհրաժեշտ վերազինումը, ակնհայտորեն, անհնար է ավարտել, եւ ինչպես տեղեկանում ենք e-draft.am-ից, Ոստիկանությունն առաջարկում է փոփոխություններ կատարել Վարչական իրավախախտումների վերաբերյալ օրենսգրքում՝ այդ ժամկետը երկարաձգելու մինչեւ 2022 թվականը: «Հաշվի առնելով, որ Ճանապարհային ոստիկանության ծառայողների կողմից արձանագրվող իրավախախտումների վերաբերյալ գործերով տուգանային միավորների կիրառումն ուղղակիորեն կապված է պարեկային ավտոմոբիլներում էլեկտրոնային եղանակով արձանագրություններ կազմելու եւ որոշումներ կայացնելու տեխնիկական միջոցների առկայության հետ, որոնք իրենց հերթին պետք է ապահովված լինեն խախտումների հաշվառման շտեմարանի հետ առցանց կապով, անհրաժեշտություն է առաջացել «Վարչական իրավախախտումների վերաբերյալ Հայաստանի Հանրապետության օրենսգրքում լրացումներ եւ փոփոխություններ կատարելու մասին» 2019թ. դեկտեմբերի 9-ի ՀՕ-300-Ն օրենքով նախատեսված ժամկետը երկարաձգել մինչեւ Պարեկային ծառայության ամբողջական ներդրումը՝ 2022 թվականը»,- բացատրում է Ոստիկանությունը:
Մի շարք փոփոխություններ եւս ոստիկանությունը անհրաժեշտ է համարում:
Առաջարկվում է անձի կողմից տրանսպորտային միջոց վարելու իրավունքից զրկում նախատեսող իրավախախտումն առաջին անգամ արձանագրելիս տուգանքի չափ սահմանել նվազագույն աշխատավարձի հարյուրապատիկը՝ 100 հազար դրամ: Որպես հիմնավորում՝ նշվում է, որ դրա համար կիրառվող քսանհինգ հազար դրամ տուգանքը համաչափ չէ փաստացի կատարված արարքի հանրային վնասակարության աստիճանին։
Նաեւ, Ոստիկանությունն անհրաժեշտ է համարում փոփոխություն կատարել զույգ համարանիշների փոխարեն միայն մեկով երթեւեկող վարորդներին պատասխանատվության ենթարկելու մասին կետերում. նշվում է, որ վարորդների մի որոշ հատված, հստակ գիտակցելով, որ ճանապարհապարեկային ծառայության կարգախմբերի կողմից կայացվող որոշումներով չի կիրառվելու տուգանային միավոր, այլ՝ առավել վնասակար բնույթ պարունակող (օրինակ՝ սահմանված առավելագույն արագության գերազանցում) իրավախախտումներ կատարելու համար պատասխանատվությունից խուսափելու համար (այդ թվում՝ երթեւեկության այլ մասնակիցների նկատմամբ արտոնյալ դիրքն ընդգծելու նպատակով) երթեւեկում է մեկ համարանիշով, հիմնականում հետեւի համարանիշով՝ չվախենալով ճանապարհապարեկային ծառայության կարգախմբերի կողմից սահմանված պատասխանատվությունից։ Ավելին, սանկցիան չի նպաստում հետապնդվող վարչական տույժի նպատակի իրագործմանը, քանի որ վարորդների հիմնական մասը պատասխանատվության ենթարկվելուց հետո շարունակում է դրսեւորել նույն հակաիրավական վարքագիծը։
Եվ հիմա, նախագծով առաջարկվում է անձին զույգ հաշվառման համարանիշեր ունեցող տրանսպորտային միջոցը մեկ համարանիշով երթեւեկելու համար վարչական տույժի նշանակման օրվանից հետո` մեկ տարվա ընթացքում, նույնը կրկին կատարելու համար՝ տրանսպորտային միջոցներ վարելու իրավունքից զրկել մեկ տարի ժամկետով, իսկ տրանսպորտային միջոցներ վարելու իրավունք չունեցող անձի նկատմամբ՝ տուգանք նշանակել` սահմանված նվազագույն աշխատավարձի երկուհարյուրապատիկի՝ 200 հազար դրամի չափով։ Սա, ըստ Ոստիկանության, կզսպի զույգ հաշվառման համարանիշեր ունեցող տրանսպորտային միջոցը մեկ հաշվառման համարանիշով վարելու վարորդների գայթակղությունը՝ երաշխավորելով վարչական տույժի նպատակի իրագործմանը:
Երթեւեկության սահմանված արագությունը 81 կմ/ժ և ավելի գերազանցելու համար առաջարկվում է անձին տուգանել 500 հազար դրամով։ Այժմ օրենքով դա առաջացնում է տրանսպորտային միջոցներ վարելու իրավունքից զրկում՝ մեկ տարի ժամկետով:
Առաջարկվող փոփոխությամբ՝ ոչ սթափ վիճակում (պայմանավորված արյան կամ մեզի մեջ թմրամիջոցի կամ հոգեմետ-հոգեներգործուն նյութի պարունակությամբ) տրանսպորտային միջոցներ վարող անձին պիտի տուգանեն 400 հազար դրամով։ Այժմ դրա համար նա զրկվում է վարելու իրավունքից երկու տարի ժամկետով: Ալկոհոլի ազդեցության տակ գտնվելու համար տուգանքի ենթարկված վարորդին մեկ տարվա ընթացքում կրկին նույն խախտումը կատարելիս հայտնաբերելու պարագայում՝ առաջարկվում է գանձել տուգանք 250 հազար դրամի չափով. այժմ գործում է վարելու իրավունքից զրկումը` մեկ տարի ժամկետով:
Այսպես, առաջարկվում է «Վարչական իրավախախտումների վերաբերյալ Հայաստանի Հանրապետության օրենսգրքում լրացումներ եւ փոփոխություններ կատարելու մասին» 2019թ. դեկտեմբերի 9-ի ՀՕ-300-Ն օրենքով նախատեսված՝ ճանապարհապարեկային ծառայողների կողմից մի շարք խախտումների մասով տուգանային միավոր կիրառելու վերաբերյալ սահմանված անցումային ժամկետը այս տարվա սեպտեմբերից չգործարկել, այլ՝ երկարաձգել մինչեւ Պարեկային ծառայության ամբողջական ներդրումը, որ, ինչպես նշեցինք, նախատեսվում է ավարտել 2022 թվականին:
Սա քյալագյոզություն է, մի քանի հոգևորական և քաղաքական գործիչ չի կարող 3 միլիոն քաղաքացու պատերազմ պարտադրել. Մկրտչյան
Գերմանիան և Ճապոնիան առաջին անգամ ցամաքային համատեղ զորավարժություններ կիրականացնեն
Արտակարգ իրավիճակ Երևանում․ ճանապարհի տակով անցնող գազախողովակը վնասվել է, սկսվել է ուժեղ արտահոսք
Վերականգնվում են ավտոճանապարհների մետաղական արգելափակոցները
Գարեգին Բ-ն կգա՞ հրապարակ. ինչ սպասել առաջիկայում, և ինչի կարող է հանգեցնել արկածախնդրությունը
Ռուս խաղաղապահները հեռացել են Լեռնային Ղարաբաղի օդանավակայանից
Հարկադիր կատարումն ապահվող ծառայությունը շարժական գրասենյակներ կունենա․ որ մարզերը կսպասարկվեն
Եգիպտոսն ուսումնասիրում է քաղաքացիների հետընդունման և վերաինտեգրման՝ Հայաստանում գործող մեխանիզմները
«Աղի լիճ» ջրավազանում լողալ, կենցաղային կարիքների համար ջուրն օգտագործել չի կարելի․ արգելվում է մտնել սահմանային շերտ
Պուտինի այցը Թուրքիա շարունակում է մնալ օրակարգում․ Ուշակով
Հիշո՞ւմ եք Սերժ Սարգսյանի ժամանակ Նորք-Մարաշի կանխված ահաբեկչությունը․ ով կա Բագրատ սրբազանի երթի կազմում․ Սաֆարյան
Հայաստանի ու Հունգարիայի ԱԳ նախարարների հանդիպումը Բուդապեշտում ավարտվել է
Սևան-Գավառ ճանապարհին մեքենաներ են բախվել․ կան տուժածներ
Նիկոլ Փաշինյանը կնախագահի Մոսկվայում կայանալիք ԵԱՏՄ 10-րդ գագաթնաժողովը. Ուշակով
Արդարադատության նախարարն Արմավիրում ծառայությունների ղեկավարների հետ խորհրդակցություն է անցկացրել
Գևորգ Պապոյանը Ջոն Ալելոյին է ներկայացրել «Խաղաղության խաչմերուկ» նախագիծը
Բեմադրիչները մտածել են, որ իշխանության միակ հենարան հասարակ ժողովուրդը «Աստծո մարդու» առաջ կընկրկի․ Ոսկանյան
Դուք ձեր «խրամատը» տվիք ռուսներին ու ադրբեջանցիներին, հիմա ի՞նչ եք ուզում․ Մկրտչյանը՝ Դադիվանքի նախկին վանահորը
Հայտնի է Պուտին-Փաշինյան հանդիպման օրը
Հայաստանի և Ադրբեջանի սահմանին մայիսի 6-ի դրությամբ 40 սահմանային սյուն է տեղադրվել
Մայիսի 3-ից 6-ը տեղացած հորդառատ անձրևի հետևանքները Երևանի մի շարք վարչական շրջաններում (տեսանյութ)
Բագրատաշենի սահմանային անցակետի մոտակայքից 1․5 միլիոն դրամի ծխախոտ են գնել և տեղափոխել Գյումրի՝ վերավաճառելու նպատակով
Նորակառույց շենքի շինհրապարակում բազալտե քարը ընկել է 26-ամյա բանվորի գլխին․ վերջինս հիվանդանոցում մահացել է
Ուզում եմ զգուշավոր լավատեսություն հայտնել առաջիկայում սպասվող բանակցությունների առումով․ Միրզոյան
Ուզում եմ վերահաստատել Հայաստանի հավատարմությունը Հարավային Կովկասում երկարատև, կայուն խաղաղության հաստատմանը. Միրզոյան
Ինչ փոփոխություններ է արձանագրել տարադրամի շուկան մայիսի 6-ին
ՀՀ նախագահը կմեկնի Կալիֆորնիա
Ողջունում ենք Հայաստանի և Ադրբեջանի կողմից զգալի քայլերը դեպի խաղաղություն. Հունգարիայի ԱԳ նախարար
Տիգրան Ավինյանը ներկայացրել է Կենտրոն վարչական շրջանի նոր ղեկավարին
Նախատեսվում է Շիրակի մարզի Ողջի գյուղում շուրջ 300 մլն դրամի ներդրումային ծրագրով հիմնել խոշոր խեցգետնաբուծական համալիր
Մեկ շաբաթում ՀՀ տարածքում գրանցվել է վայրի կենդանիների հարձակման 11 դեպք
Վարչապետի աշխատակազմից արձագանքել են Բագրատ արքեպիսկոպոսի հայտարարությանը՝ ՔՊ-ականների իրենց միանալու մասին
Բրենդային օծանելիքներ, հեռախոսներ, սմարթ ժամացույցներ, հողաթափեր. ՊԵԿ-ը ներկայացրել է՝ ինչ են փորձել ապօրինի տեղափոխել
Ուժի մեջ են մտել ուշ վճարումների կարգավորմանն ուղղված օրենսդրական փոփոխությունները
Թուրքիայում բետոնախառնիչը բախվել է միկրոավտոբուսին. 8 մարդ է զոհվել, 10-ը՝ վիրավորում ստացել
Անձրև, ամպրոպ, քամու ուժգնացում, տեղ-տեղ՝ կարկուտ. տեղումնառատ մայիսյան օրերը կշարունակվեն
Ովքեր են իրականում կանգնած Բագրատ սրբազանի աջ և ձախ կողմերում. Ալեքսանյանը մանրամասնեց
Մոսկվային ուղղված մեղադրանքներից հետո Գերմանիան Ռուսաստանից կանչել է իր դեսպանին
Ուզում եք ամեն ինչ անել, որ Հայաստանին ներքաշեք պատերազմի մեջ. Ալեն Սիմոնյանը՝ ընդդիմությանը
Միրզոյանը և Սիյարտոն ստորագրել են Հայաստանի և Հունգարիայի կառավարությունների համագործակցության մասին համաձայնագիր
