Սեւանի մանկապարտեզի ծնողն ահազանգում է դրամահավաքության մասին, տնօրենի խոսքով՝ ամեն ինչ ծնողների նախաձեռնությամբ է եղել

Գեղարքունիքի մարզի Սեւան քաղաքի թիվ 2 «Զարթոնք» մանկապարտեզի ծնող Ռուզան Հակոբյանը դժգոհ է հաստատությունում ճաշարան չլինելու եւ դրամահավաքությունների պատճառով։

Օրեր առաջ նա ֆեյսբուքյան էջում գրել էր, որ պարտեզում ճաշարան ընդհանրապես չկա՝ չնայած այն հանգամանքին, որ կառույցը երկար ժամանակ փակ է եղել, հիմնովին վերանորոգվել է եւ 2019թ.-ին վերաբացվել։ Հիմնովին, բայց՝ առանց ճաշարանի։

Նա նաեւ դժգոհել էր, որ ճաշարանի համար գույք եւ սպասք գնելու նպատակով ծնողները գումար են հավաքել, մոտ՝ 45.000 դրամ։ Դրամահավաքությունն էլ, նրա խոսքով, սովորական բան է այնտեղ։

Ռուզան Հակոբյանը գրառման մեջ հարց էր առաջ քաշել՝ ինչո՞ւ է ֆինանսավորումից դուրս մնացել ճաշարանը, եթե ֆինանսավորում եղել է, ինչո՞ւ է գումար հավաքվում ծնողներից։

Մեզ հետ զրույցում նա նշեց, որ այս պահին մանկապարտեզը չի գործում, քանի որ արտակարգ դրության հետ կապված ոչ ոք չի ցանկացել երեխային տանել նախադպրոցական կրթական հաստատություն։ Դրանից առաջ՝ մինչեւ մարտ, ճաշարան չի եղել այնտեղ, երեխաները սնվել են իրենց սենյակներում, որտեղ նաեւ խաղացել են։ Ինչ վերաբերում է 45.000 դրամին, իրենց հայտնել են, որ ամեն խումբ առանձին գույք պետք է գնի։

Ընթացքում էլ տնտեսական տարբեր ապրանքների համար գումար է հավաքվել, կամ ծնողներն են բերել այդ ապրանքները, օրինակ՝ անձեռոցիկ եւ զուգարանի թուղթ։

Ռուզան Հակոբյանը պնդում է՝ ապացույցները կան, իրենց ընդհանուր զրուցարանում պահպանված են բոլոր խոսակցությունները, թե անհրաժեշտ գումար է հավաքվել։

Այսքան ժամանակ լռել է, քանի որ իրենց դաստիարակը երեխաներին շատ լավ է վերաբերվել, չի ցանկացել՝ ամեն ինչ նրա գլխին ջարդվի, ծնողի կարծիքով՝ իրենց մոտ, իրենց մարզում հեղափոխություն չի եղել, ընդունված են մարդկանց ահաբեկելն ու խաթր առնելով, ծանոթ-բարեկամ խառնելով՝ հարցեր լուծելը, որի պատճառով շատերը չեն խոսում։

Ծնողի պարզաբանմամբ՝ դրամահավաքության հետ ընդհանրապես դաստիարակը կապ չունի, նա փոխանցել է այն, ինչ իրեն են ասել։ «Այստեղ ձայն բարձրացնել, որեւէ հարց լուծել հնարավոր չէ»,- նշում է նա։

Ֆեյբուքյան գրառումից հետո Հակոբյանին զանգահարել է Գեղարքունքի մարզպետարանի Տեղական ինքնակառավարման եւ հանրապետական գործադիր մարմինների հարցերով վարչության պետ Վանիկ Հարությունյանն ու նշել, որ ուսումնասիրություն կանեն՝ պարզելու՝ ո՞նց է ֆինանսավորվել հաստատությունը, ճաշարան արդյոք պե՞տք է լիներ եւ այլն։

Վանիկ Հարությունյանը մեզ տեղեկացրեց, որ առաջիկա օրերին ամբողջովին կուսումնասիրվի հարցը, կհասկանան՝ ինչ խնդիր է առկա։ Դրամահավաքի ու մյուս հարցերի հետ կապված ժամանակ է պետք, որ ուսումնասիրեն ու հասկանան, համապատասխան կողմերի հետ խոսեն։

Ինչ վերաբերում է ճաշարան լինել-չլինելուն, դա էլ պետք է ստուգել, եթե տիպային մանկապարտեզ է, ապա դրանք նախկինում կառուցված շենքեր են, որոնք ճաշարան չեն ունենում, այլ միայն՝ խոհանոց։ Ճաշն էլ տալիս են խաղասենյակում։

Ծնողի գրառումից հետո համացանցում է հայտնվել այդ մանկապարտեզի մի շարք ծնողների ստորագրությունները, թե իրենց նախաձեռնությամբ են գնել գույքը։ Նկարին կից գրված է եղել, որ համայնքապետարանը «Զարթոնք» մսուր-մանկապարտեզ հաճախող 135 երեխայի տրամադրում է անվճար սնունդ, գրենական պիտույքներ եւ այլ նյութեր:

Հաստատության տնօրեն Նազիկ Աբրահամյանը մեզ տեղեկացրեց, որ հաստատության վերանորոգումը 3 տարի է տեւել, ներդրողներ են եղել, համայնքն է գումար փոխանցել։ Հիմնովին նորոգվել է, ծրագրում ընդգրկված ցանկացած բան արվել է, պակասն էլ քաղաքապետարանն ու մի բարերար են տրամադրել։ Այժմ լավ խոհանոց ունեն, խմբասենյակներում առանձին բուֆետային մասեր կան, որտեղ խմբի սպասքն է դրվում, իսկ ճաշարանի հատված շենքում ի սկզբանե չի եղել. մանկապարտեզը տիպային է։

Աբրահամյանը պարզաբանեց, որ սպասքապահարան չեն ունեցել, ծնողներն իրենք են որոշել մի բան անել իրենց երեխաների համար։ Ժողով է եղել, ծնողների ստորագրությունները կան, գնվել են ամեն խմբի համար փոքր սպասքապահարաններ։ Բոլոր փաստաթղթերն առկա են։

Ինչ վերաբերում է ընթացքում դրամահավաքություններին, նշեց, որ նման բան չկա, պահպանված նկարներն էլ ծնողների խոսակցություններն են, իրենք ոչ ոքի չեն ասել՝ գումար տա, ինչ էլ որ եղել է, ծնողներն իրենք են եկել դիմել, որ մի բանով օգնեն։

Աբրահամյանն ընդգծեց, որ վերոնշյալ ծնողի կռիվն այլ է, ինքը թեեւ չգիտի ինչ, սակայն նրան միշտ լավ է վերաբերվել։

Հ․Գ

Ավելի ուշ ծնող Ռուզան Հակոբյանը մեզ տեղեկացրեց, որ իրեն զանգահարել է Վանիկ Հարությունյանը եւ նշել, որ մանկապարտեզը ներկայացրել է տեղեկանքներ եւ հաշիվ ֆակտուրաներ, որ դրամահավաքը եղել է ծնողների նախաձեռնությամբ։ Հակոբյանի խոսքով՝ համայնքապետարանից, սակայն, չեն եղել իր հետ հանդիպելու, իրենից փաստարկներ եւ անուններ ստանալու փորձեր։

Տպել
4593 դիտում

ՆԱՏՕ-ն աջակցում է ՀՀ ինքիշխանությանը, տարածքային ամբողջականությանն ու խաղաղ ձգտումներին. Ստոլտենբերգ

Խոսքը հայկական գյուղերի մասին չէ. Աղազարյանը՝ Տավուշի 4 համայնքի մասին

МИР քարտերի սպասարկման դադարեցում․ IDBank

Հուսով ենք, որ ՀՀ-ՆԱՏՕ համագործակցության նոր ձևաչափը կհաստատվի. վարչապետ

Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում

Զախարովան արձագանքել է ՀՀ վարչապետի խոսքերին

Պատկերված անձը որոնվում է նախաձեռնված քրեական վարույթի շրջանակներում (տեսանյութ)

Fly Arna-ի լիցենզիան կասեցված է. ՏԿԵ փոխնախարար

Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի (տեսանյութ)

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ՝ ՊԵԿ նախագահի առաջին տեղակալ է նշանակվել

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 դի, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը