Քաղաքապետարանը չնկատելու է տալիս Արման Սահակյանի կնոջ ու Գալուստ Սահակյանի հարսի արարքը

Երեւանի քաղաքապետարանը չի շտապում որեւէ կերպ գնահատել համար 38 մանկապարտեզի տնօրեն Սեդա Հակոբյանի արարքը, դա որակել օրենքի խախտում եւ համապատասխան տույժ կիրառել:

Ինչպես արդեն տեղեկացրել ենք, Սեդա Հակոբյանը, որը ՀՀ կառավարությանն առընթեր պետական գույքի կառավարման վարչության պետ Արման Սահակյանի կինն է եւ Ազգային ժողովի նախագահ Գալուստ Սահակյանի հարսը, հրահանգում է իր ենթակայությամբ աշխատող մարդկանց, որ նրանք մարզերում ապրող իրենց հարազատներին վերագրանցեն թիվ 2 ընտրատարածքում: Սեդա Հակոբյանի ամուսինն այստեղ պատգամավորի թեկնածու է առաջադրվել ՀՀԿ ռեյտինգային ցուցակով:

Մեր թղթակիցը զանգահարել էր նրան, ներկայացել որպես Արման Սահակյանի շտաբի անդամ, եւ Սեդա Հակոբյանը հաստատել էր, որ կարող է մարդ բերել գրանցելու, որին կասեն, թե ում պետք է ընտրել:

Քաղաքապետարանից, սակայն հայտարարում են, թե իրենք վստահ չեն, որ թղթակիցը Սեդա Հակոբյանին զանգահարել է աշխատանքային ժամին եւ ոչ նրա անձնական հեռախոսահամարով, որքան էլ հավաստիացրինք, որ նրանց զրույցը եղել է ժամը 17-17:30-ի միջակայքում եւ մանկապարտեզի տնօրենի աշխատանքային հեռախոսով (010-390-100), իսկ նրանց կապը եղել է գործավարուհու միջոցով:

Տեղեկատվության եւ հասարակայնության հետ կապերի վարչության պետ Արթուր Գեւորգյանի  հետ մեր զրույցը ներկայացնում ենք ստորեւ:

- Պարոն Գեւորգյան, ինչպես եք մեկնաբանում ու գնահատում Երեւանի համար 38 մանկապարտեզի տնօրեն Սեդա Հակոբյանի արարքը, եւ քաղաքապետարանի ինչ քայլ է դրան հետեւելու:

- Հիմնավորումները պատրաստեք եւ, ըստ այդմ էլ, օրենքով սահմանված կարգով դիմեք: Ես չեմ կարող դա մեկնաբանել: Որեւէ ձեւով չեմ մեկնաբանում, որովհետեւ ես աշխատանքային ժամը չգիտեմ ու չեմ կարող վստահ լինել, որ դա եղել է ոչ բջջային հեռախոսով, որը մարդու կապի անձնական միջոց է:

- Ինչպես չեք կարող վստահ լինել: Կարելի է իրեն հարցնել, թող ցույց տա, եթե իր հեռախոսի վրա զանգ կա: Դժվա՞ր է դա պարզելը, եթե կա ցանկություն:

- Եթե կոնկրետ գտնում եք, որ խախտում կա, դիմեք պատկան մարմիններին: Վերջ:

Փաստորեն, մամուլի հրապարակումից հետո քաղաքապետարանը չի փորձում պարզել` դա ինչքանով է ճիշտ, իրեն չի հետաքրքրում: Ու պատճառն ա՞յն է, որ մանկապարտեզի տնօրենը Արման Սահակյանի կինն է ու Գալուստ Սահակյանի հարսը:

- Երբ որ պատշաճ ձեւով դիմում կստացվի Երեւանի քաղաքապետարան, թերեւս զբաղվեն այդ հարցով: Ես էլի եմ կրկնում, ես չունեմ կոնկրետ հիմնավորում:  

Տպել
12161 դիտում

Կրկին պայթյուն Լիբանանում. նախնական վարկածով՝ այրվում են «Հզբոլլահ»-ի զենքի պահեստները (տեսանյութ)

Ելփին գյուղում բռնկված հրդեհը մեկուսացված է. մարզային փրկարարական վարչությունում հայտարարվել է հավաք

Այսօրվա գործողությունները պետք է միտված լինեն 2050թ-ի ՀՀ-ին. Արման Բոշյան (տեսանյութ)

«Կան անհերքելի փաստեր». մահացած ծննդկանի հարազատները նշում են, որ չեն նահանջելու, ԲԿ-ից պնդում են՝ բժիշկը մեղավոր չէ

«Արարատը» այլևս ստիպված չի լինի խաղադաշտեր վարձակալել․ նորոգվում են Ձորաղբյուրի մարզաբազայի խաղադաշտերը

Փայտե մահակներ, երկաթյա ձողեր, քարեր. Գնդեվազում կան բերման ենթարկվածներ ու ձերբակալվածներ (տեսանյութ)

ՀՀ քննչական կոմիտեի նախագահ Հայկ Գրիգորյանն ընդունել է ՀՀ-ում Իտալիայի արտակարգ և լիազոր դեսպանին

Նախկին համակարգի քաղաքական ուժերը չեն կարող առաջնորդել ընդդիմությանը. Արման Բոշյան (տեսանյութ)

Վարազդատ Հարոյանը հեռացել է «Ուրալից». պատճառը՝ խաղային պրակտիկայի բացակայությունն է

Երևանում մանկատան սաները պարբերաբար բռնության են ենթարկվել, զրկված եղել կեցության նվազագույն պայմաններից (տեսանյութ)

«Տրակտորիստի աղջիկը». պատգամավորի անեկդոտը՝ «Դոսյե»-ի թեմայով (տեսանյութ)

Հնդկաստանին և Հայաստանին միավորում են ջերմ և բարեկամական կապերը. Արմեն Սարգսյանին շնորհավորել է Հնդկաստանի նախագահը

Բարձր տեխնոլոգիաների ոլորտում աճել է շրջանառությունը, աշխատողների թիվը, կազմակերպությունների քանակը. ՀՀ վարչապետ

Ո՞վ կդառնա Վճռաբեկ դատարանի նախագահ. թեկնածուների ցանկը ԲԴԽ-ին կներկայացվի առաջիկա երկու օրերին

Հայ զինծառայողները մասնակցել են «Կովկաս -2020» զորավարժությունների բացման արարողությանը

Երևանի քաղաքապետարանը սկսել է հետիոտնային անցումների լուսավորման ծրագիրը. կլուսավորվի շուրջ 100 անցում

Որտեղ թիմը տեսնի ինձ, այնտեղ էլ կլինեմ. Արեն Մկրտչյան (տեսանյութ)

Դավիթ Տոնոյանի և Զոհրաբ Մնացականյանի գլխավորությամբ խորհրդակցություն է անցկացվել

Այգեհովիտում հայտնաբերված ականը տեղափոխվել է անվտանգ տարածք

Անկախության տոնի առթիվ նախագահ Արմեն Սարգսյանին շնորհավորական ուղերձ է հղել Թագուհի Եղիսաբեթ Երկրորդը