Կապանում փլուզում է եղել. դպրոցների դասերը դադարեցվել են (լուսանկարներ)

Այսօր՝ փետրվարի 28-ին, տեղական ժամանակով ժամը 10:17-ին (Գրինվիչի ժամանակով` 06:17) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 39.240 և արևելյան երկայնության 46.380 աշխարհագրական կոորդինատներով (Հայաստան, Կապան քաղաքից 5 կմ հյուսիս-արևմուտք), օջախի 10 կմ խորությամբ, 3.9 մագնիտուդով երկրաշարժ:

Ստորգետնյա ցնցման ուժգնությունն էպիկենտրոնում կազմել է 5 բալ: Երկրաշարժը զգացվել է Կապան քաղաքում՝ 5 բալ, Գորիս և Քաջարան քաղաքներում՝ 4-5 բալ ուժգնությամբ: Երկրաշարժին հաջորդել է 3.3 մագնիտուդ ուժգնությամբ մեկ հետցնցում: Նախնական տվյալներով ավերածություններ չկան:

Դպրոցներից եւ մանկապարտեզներից աշակերտները տարհանվել են:

Բնակիչները, որոնք զգացել են ցնցումը, սոցիալական ցանցերում այս թեմայով գրառումներ են կատարում: «Կապանում քիչ առաջ երկու անգամ երկրաշարժ եղավ: Ընդ որում, առաջինը` ուժեղ: Ապահովության համար բոլորս դուրս ենք գալիս տներից»,- գրել է Տիրայր Ղահրամանյանը:

Գեորգի Ավետիսյանն էլ գրել է. «Փառք Աստծո, Սյունիքում ավերածություններ չկան։ Բայց երկրաշարժը հզոր ա եղել: Կապան խոսեցի, ասում են գրքերը սեղաններից, դարակներից թափվեցին»:

Կապանի ավագանու անդամ Նարեկ Բաբայանն Armtimes.com-ի հետ զրույցում պատմեց, որ երկրաշարժի պահին եղել է աշխատանքի վայրում: «Ժամը 10:15 ի կողմերը զգացվեց ուժեղ ցնցում, որին հետեւեց մի քիչ թեթև հետցնցում ու մենք արագ դուրս եկանք շինությունից դեպի ազատ ու անվտանգ գոտի, ու մոտ 10 րոպեում մեզ հայտնի դարձավ, որ փլուզում տեղի չի ունեցել»,- մանրամասնեց Նարեկ Բաբայանը: Նրա խոսքով՝ դպրոցներում դադարեցվել են դասերը, կան ձեռնարկություններ, որ աշխատանքներն են դադարեցրել, բայց խուճապ չկա:

Armtimes.com-ը տեղեկացավ նաեւ, որ Կապանի Բարաբաթում թաղամասում փլուզման դեպք է տեղի ունեցել: Թաղամասի թիվ 74 տան սենյակներից մեկի պատի մի հատվածը կիսով չափ քանդվել է: Բարեբախտաբար, տան տերերն այդ սենյակը չեն օգտագործել:

Սյունիքի մարզպետ Վահե Հակոբյանի մամուլի խոսնակ Վազգեն Սաղաթելյանն էլ իր ֆեյսբուքյան էջի մջոցով տեղեկացրել է, որ իրավիճակը ամբողությամբ վերահսկողության տակ է։ «ԱԻՆ-ի պահանջով՝ ելնելով անվտանգության նորմերից, բոլոր դպրոցներից, բուհերից, պետական և մասնավոր հիմնարկներից մարդիկ շատ կազմակերպված մեկ ժամով դուրս են եկել շենքերից։ Այս պահին արդեն վերադառնում են իրենց ուսմանը/աշխատանքին։ Բոլոր ուժային կառույցները և շտապ օգնության ծառայությունը աշխատում են ուժեղացված ռեժիմով։ Տեղեկությունն այն մասին, որ կան փլուզված շենքեր չի համապատասխանում իրականությանը։ Մարզպետը ինքն անձամբ այցելել է թիվ 10 միջնակարգ դպրոցը, որի մասին համացանցում տեղեկություն էր տարածվել, թե իբրև փլուզումներ կան և համոզվել, որ շենքը կանգուն է, երեխաներին չի սպառնում ոչ մի վտանգ և իրավիճակը ամբողջությամբ վերահսկվում է»,- գրել է Վազգեն Սաղաթելյանը։

Տպել
13899 դիտում

Բացում ենք 21 նոր նախակրթարաններից մեկը. ԿԳՄՍ նախարարը Վերին Գետաշենում է

Յուրօրինակ տոնակատարություն կլինի սեպտեմբերի 21-ի հեռուստատեսային եթերում. Նիկոլ Փաշինյան

Աննա Հակոբյանի նախաձեռնությամբ և ՀՀ ՊՆ աջակցությամբ կանցկացվեն 18-ից 27 տարեկան կանանց զինվորական վարժանքներ

ՀՀ տարածքում ավտոճանապարհներն անցանելի են

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար