Արսեն Ջուլֆալակյանի առաջարկները կարանտինի ժամանակ սպորտը փրկելու համար. ըստ նրա՝ որոշ քայլեր պետք է արվեին ու չեն արվել

Օլիմպիական փոխչեմպիոն, աշխարհի, Եվրոպայի չեմպիոն, հունահռոմեական ոճի ըմբիշ, ՀՀ ԱԺ պատգամավոր Արսեն Ջուլֆլակյանն առաջարկներ է ներկայացրել՝ ինչ միջոռցառումներ կարելի էր ձեռնարկել եւ չի ձեռնարկվել կորոնավիրուսի պատճառով հայտարարված կարանտինի ընթացքում՝ սպորտը փրկելու համար: Մարզիկը գրառում է կատարել սոցցանցերում: Նա ընդգծել է, որ սպորտի համար պետության կողմից արդեն իսկ տարեսկզբին նախտեսված բյուջեով՝ առանց լրացուցիչ ծախսերի հնարավոր էր ապահովել մարզիկների բնականոն մարզումները, ինչը հետագա բազմաթիվ խնդիրներից կազատեր: Նա հետեւյալ առռաջարկներն է ներկյացրել.

«Ինչ կարելի էր/պետք է արվեր սպորտի բնագավառում՝ համավարակով պայմանավորված արտակարգ դրության պայմաններում...

1. Ազգային հավաքականներին՝ մեծահասակների, երիտասարդների, պատանիների (գոնե հիմնական 10 մարզաձեւերից), առավելագույնը 20 հոգանոց խմբերով մեկուսացում սպորտային որոշակի ենթակառուցվածք ունեցող վայրերում (օր.՝ Ծաղկաձոր, Դիլիջան, Ջերմուկ եւ այլն...)։ Ի դեպ, դրա համար բացարձակ կարեւոր չէ, որ լինեն պռոֆեսիոնալ պայմաններ։ Անհրաժեշտ է միայն մեկուսացումը լինի բնությանը մոտ, եւ հյուրանոցն ունենա միջին մակարդակի ֆիտնես դահլիճ։ Դրանով միանգամից մի քանի խնդիր կլուծվեր:

1.1 լրջորեն կնվազեր մարզիկների վարակվելու ռիսկը

1.2 մարզիկները կպահպանեին իրենց նորմալ մարզավիճակը (հակառակ դեպքում 2 ամիս չմարզվելու պարագայում առնվազն 3-4 ամիս պետք է լինելու՝ վերականգնվելու համար...)

1.3 մարզիկները ստիպված չէին լինի պարետի կարգավորումները խախտել (հիմա շատերը ստիպված խախտում են, քանի որ մարզիկի համար մարզումը գրեթե նույն բանն է,ինչ սնունդը...)

1.4 կաշխատեր տվյալ շրջանի հյուրանոցային ենթակառուցվածքը՝ դրանից բխող բոլոր դրական հետեւանքներով (աշխատողներ, շրջանառություն եւ այլն...)

1.5 մի շատ կարեւոր գործոն՝ այդ ամենի համար պետք չէին լրացուցիչ միջոցներ։ Այդ միջոցները տարեսկզբից հատկացված էին ֆեդերացիաներին։ Ուղղակի պետք էր կազմակերպել եւ թույլ տալ, որ դրանք իրենց բնականոն ձեւով ծախսվեին մարզումային պրոցեսի վրա՝ ԱԴ պայմաններում։ Իսկ հիմա ստացվելու է, որ տարեվերջին այդ բնագավառում բյուջեն չի կատարվել (գոնե արդյունավետ...)՝ դրանից բխող բացասական հետեւանքներով...

2. Կարելի էր կազմակերպել հայտնի մարզիկների մասնակցությամբ on-line մարզումներ, որը ինչ-որ հարթակով կհեռարձակվեր հանրության համար... օրերս նման առաջարկ ստացել եմ ՄՕԿ-ից (Միջազգային Օլիմպիական կոմիտե)։ Այդ կառույցը պատրաստ է նույնիսկ վճարել յուրաքանչյուր տեսաձայնագրված եւ նրանց ուղարկված մարզման համար...

3. Ֆիտնես մարզիչների մասնակցությամբ կարելի էր մարզումներ կազմակերպել բակերում՝ կա՛մ հասարակական հեռավորությունը պահելով՝ 15-20 հոգանոց խմբերով, կա՛մ էլ մարդիկ պատշգամբներից կհետեւեին մարզիչների հրահանգներին։ Մի բան, որ լայնորեն կիրառվում է, օրինակ, Ֆրանսիայում...

4. On-line վերապատրաստման սեմինարներ մարզիչների համար (տեսական մաս...)։ Սա կարելի էր իրականացնել Ֆիզիկական կուլտուրայի եւ սպորտի պետ. ինստիտուտի ներգրավմամբ...

5. Շաբաթը առնվազն 2-3 սպորտային ֆիլմերի ցուցադրման ապահովում հայկական ալիքներով՝ հայերենով։ Սա անչափ մեծ դաստիարակչական ազդեցություն է ունենում...

Իրականում այս ցանկը կարելի է երկար թվարկել։ Կարող եք քոմենթներում ինքներդ ավելացնենք այն, ինչ դուք եք համարում կարեւոր գործողություն նման պայմաններում՝ սպորտի/առողջ ապրելակերպի ոլորտում։

Հ.Գ. 1 տարբեր հղումներ կկցեմ, որ ավելի պատկերավոր լինի ասածներս

Հ.Գ. 2 անհրաժեշտ է ուղղակի մի փոքր սրտացավություն, որոշակի կրեատիվություն եւ, իհարկե, նաեւ ոլորտն համակարգող քիչ թե շատ գործից հասկացող մարդ

Ֆիլմեր՝ Race, Dangal, Eddie Eagl,e Coach Carter, Rocky, The Blind Side, Охотник на лис, Легенда N17, Защитник…»,- գրել է նա:

Այս շրջնում Հայաստանում մարզվում են միայն ֆուտբոլիստները: Նրանք ապրիլի 23-ից վերսկսելու հանարվորություն են ստցել: Մյուս մարզաձեւերը, այդ թվում՝ Հայաստանի համար հենակետային համարվող ըմբշամարտը, բռնցքամարտը, ինչպես նաեւ մարմնամարզությունը, որում վերջին տարիներին հաջողություններ ունենք, հարկադիր պարապուրդի մեջ են:

Տպել
583 դիտում

Պաշտպանության նախարարությունը հրավիրում է դիմել «1991 ստորաբաժանման» շրջանակում անցկացվող դասընթացներին

Արմավիրի մարզում հաստատվել է կորոնավիրուսով վարակման 717 դեպք, առողջացել՝ 287-ը

Վրաստանում անցած 1 օրում կորոնավիրուսով վարակման 1 դեպք է արձանագրվել

Բանկերն ու վարկային կազմակերպությունները վարկային արձակուրդ են տրամադրել 550 հազար ֆիզիկական անձանց․ վարչապետ

Պարող կինը դպրոցի տնօրենն է. վարչապետը հրապարակել է դպրոցներից մեկում «Վերջին զանգ»-ի տեսանյութը

Բյուջետային ծրագրերի ֆինանսավորման համար ԱՄՀ-ից 315 մլն դոլար վարկային միջոցներ կներգրավվեն․ Ջանջուղազյան

Ընդդիմությունը մեզ հետ խրամատ փորելու փոխարեն պահանջում է Արսեն Թորոսյանի հրաժարականը․ Հրաչյա Հակոբյան

ՀՀ նախագահի 2020թ. մրցանակակիրների անունները հայտարարելու գործընթացը հետաձգվում է

8-րդ միջոցառման շահառուների շրջանակն ընդլայնվեց եւս 9 ոլորտով․ 9171 քաղաքացի օժանդակություն կստանա

«Իմ քայլը» խմբակցությունն առաջարկում է հետ տանել իր առաջարկած օրենքի նախագիծը, ընդդիմությունը դեմ է

Տպավորություն է, թե վարակը քաղաքական-կուսակցական հարց է, այնինչ բոլորիս առողջությունը քաղաքական հարց չէ. Լ. Նազարյան

10 տոկոս կանխավճարով եւ մինչեւ 20 տարի մարման ժամկետով բնակարաններ կվաճառվի հանրային ծառայողներին․ Ղուլարյան

Այս տարի «Դայակ պետության աջակցությամբ» ծրագրից կկարողանա օգտվել 600 քաղաքացի

100 հազարավոր թոշակառուներից շատ քչերն են օգտվում անկանխիկ թոշակ ստանալու հնարավորությունից․ Արշակյան

Օլիմպիական խաղերը կարող են անցկացվել պարզեցված տարբերակով

Հակահամաճարակային կանոնները զանգվածաբար չեն պահպանվում․ ռիսկի գոտիներից մեկը բանկային համակարգն է․ վարչապետ

ՀԿԵ-ում ամփոփեցին գարնանային հանձնաժողովային ստուգումների արդյունքները

Միքայել Մինասյանին կալանավորելու որոշումը Վերաքննիչ դատարանը վերացրեց. պաշտպան

Արման Բաբաջանյանն առաջարկում է մարզպետարանները, քաղաքապետարանները տրամադրել հիվանդանոցային կարիքի համար

Ծանր վիճակում ունենք՝ 391, ծայրահեղ ծանր՝ 59 եւ թոքերի օդափոխության սարքին միացված՝ 15 քաղաքացի․ Թորոսյան