ՈՒԵՖԱ-ն հերքել է, որ ԱՀԿ-ն խուրհուրդ է տվել ֆուտբոլային միջազգային մրցաշարեր չանցկացնել

Տեղեկությունները, ըստ որոնց, Առողջապահության համաշխարհային կազակերպությունն ՈՒԵՖԱ-ին խորհուրդ է տվել մինչեւ 2021 թվականի ավարտը միջազգային մրցաշարեր չանցկացնել, չեն համապատասխանում իրականությանը: Այս մասին գրում է բրիտանական The Independent-ը: Պարբերականի հետ զրույցում լուրերը հերքել է ՈՒԵՖԱ-ի խոսնակը:

ԱՀԿ-ն նույնպես մեկնաբանել է խոսակցությունները, թե կորոնավիրուսի տարածման նոր ալիքից խուսափելու համար նման կոչով է հանդես եկել: Հայտարարություն է տարածել, որում ասել է՝ դրանք սխալ են: Ընդգծել է, որ ՈՒԵՖԱ-ին երբեք նման խորհուրդ չի տվել:

«Դա ճիշտ չէ: ԱՀԿ-ն ՈՒԵՖԱ-ին խորհուրդ չի տվել, որ մինչեւ 2021թ. ավարտը պետք չէ ֆուտբոլ խաղալ»,- հայտարարությունը մեջբերում է The Independent-ը:

Ավելի վաղ միջազգային լրատվամիջոցները գրում էին, թե ԱՀԿ-ն նման առաջարկով է հանդես եկել ՈՒԵՖԱ-ի հետ ապրիլի 16-ին կայացած ժողովի ընթացքում: Եթե նման հեռանկարն իրական լիներ, ապա Եվրո 2020-ը, որն արդեն 1 տարով հետաձգվել է եւ տեղափոխվել 2021թ. ամառ, կրկին կարող էր հետաձգվել կամ էլ ընդհանրապես չեղարկվել, ընթացիկ՝ 2019-20 եւ 2020-21 մրցաշրջաններն էլ կարող էին չեղարկվել առանց վերսկսվելու հնարավորության:

ՈՒԵՖԱ-ն երեկ՝ ապրիլի 21-ին, հերթական անգամ տեսակապի միջոցով ժողով է անցկացրել 55 անդամ ասոցիացիաների հետ եւ «խիստ» խորհուրդ տվել ավարտին հասցնել ընթացիկ մրցաշրջանի ազգային առաջնություններն ու գավաթի խաղարկությունները: Քննարկվել են նաեւ ազգային ընտրանիների ու ակումբային առաջնությունների օրացույցների տարբերակները:

Ինչպես հայտնի է, կորոնավիրուսի պանդեմիայի պատճառով այս շրջանում աշխարհում գրեթե ամենուր ֆուտբոլային մրցաշարարերը դադարեցված են: Ազգային ասոցիացիաները փորձում են աստիճանաբար վերսկսել: Եվրոպայում առաջինը մարզվել սկսել են գերմանական ակումբները, «Բայերի» բժիշկը նույնիսկ հայտարարել է, որ ֆուտբոլիստները պատրաստ են եւ կարող են խաղալ արդեն հաջորդ շաբաթվանից: Լիսաբոնի «Սպորտինգը» նույնպես հայտնել է մարզումները վերսկսելու մասին: Իտալիան, որը կորոնավիրուսից ամենաշատը տուժած երկրներից է, նույնպես աշխատում է վերադառնալու ուղղությամբ: Հայաստանում ապրիլի 23-ից ակումբներն սկսելու են մարզվել: Մի քանիսը, օրինակ՝ «Լոռին», «Արարատը», «Ուրարտուն», «Փյունիկը», արդեն հայտարարություններ են տարածել կորոնավիրուսի թեստեր հանձնելու ու բացասական պատասխանների մասին:

Տպել
531 դիտում

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն

Մարտունու և Սևանի անձնագրային բաժինների պետերի պաշտոնավարումը ժամանակավոր դադարեցվել է. մեղադրանք է առաջադրվել 6 անձի

Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

Ֆրիտյոֆ Նանսենի անվան այգում հիվանդության պատճառով 11 թեղի է հատվել. կտրված ծառերի փոխարեն աշնանը կտնկվեն նորերը

Հայ մասնագետները փակ տարածքների, բժշկական սարքավորումների ախտահանման համար օզոնային գեներատորներ են ստեղծել

Գերմանիան, Պորտուգալիան ու Ռուսաստանը հավակնում են Չեմպիոնների լիգայի եզրափակիչն անցկացնելուն

Առաջիկա օրերին կտեսնենք առողջացածների մեծ թիվ. ինչպես COVID-19-ը բուժել տանը՝ մշակվում է ընթացակարգ

Այսօրվանից դիմակներ կարելի է ձեռք բերել նաեւ ինքնաշխատ տաղավարներից. 2 հատը 200 դրամ. վարչապետ

Երեւանի երկաթգծի կայարանի շուկա՝ հենց հիմա. վարչապետը լուսանկար է հրապարակել

Իշխանության որոշ ներկայացուցիչներ ու հանրային դեմքեր դուրս են գալու փողոց՝ ոստիկանության հետ վերահսկելու իրավիճակը

Երկրի ճակատագրի հետ խաղալը անընդունելի է. Ալեն Սիմոնյանը՝ Վանեցյանի հայտարարությունների մասին

Շումախերի ընտանիքը որոշել է ոչինչ չպատմել նրա առողջական վիճակի մասին

Վարակը կանխելու համար ԿԳՄՍՆ-ն գնել է 3000 պաշտպանիչ եւ 60 ռեսպիրատոր դիմակ, 1500 պաշտպանիչ ձեռնոց, 2 ջերմաչափ

Վերջին զանգից՝ վերջին պար. 114 դպրոցի ղեկավարության համար կձեռնարկենք ամենախիստ միջոցները. նախարար

Ինձ որևէ զենք կրող մարդ չի ուղեկցում և չի ուղեկցել. Հակոբ Արշակյանը՝ լուսանկարներում զինված քաղաքացու մասին