Ուզում եմ երաշխիք տաք, որ բանկային գաղտնիքի թուլացման հարցով մի բան կանեք․ Մարուքյանը՝ ԿԲ նախագահի թեկնածուին

Մենք ապրում ենք մի ժամանակաշրջանում, երբ մեր գործող իշխանությունները ցուցաբերում են 0-ական հարգանք մարդու անձնական տիրույթի հանդեպ։ Այս մասին այսօր Կենտրոնական բանկի նախագահի ընտրության քննարկման ժամանակ հայտարարեց «Լուսավոր Հայաստան» խմբակցության պատգամավոր Էդմոն Մարուքյանը։ Նա նշեց, որ խոսքը բանկային գաղտնիքի մասին է, որն իր համար մարդու անձնական տիրույթի հարց է։ «Նախկին իշխանություններն ապօրինի ձեւով իմանում էին՝ ով որ բանկում ինչքան փող ունի։ Այսօրվա իշխանությունը չի ուզում ապօրինություն անել, ընդունում է օրենքներ, որ օրենքով անի»,- ասաց Մարուքյանը։ Նա ԿԲ-ի նախագահի թեկնածու Մարտին Գալստյանին հարցրեց, թե ԿԲ-ն՝ որպես ոլորտում կարծիք արտահայտող ինստիտուտ, ինչպե՞ս է պահելու բանկային գաղտնիքը։

«Ո՞նց եք ներդրողներին ձեր քաղաքականությամբ համոզելու, որ Հայաստանում անվտանգ է ներդրում անելը, որովհետեւ բարձրագույն իշխանությունն անգիր գիտի վերջին հավաքարարից մինչեւ առաջին բիզնեսմեն՝ ով ինչքան փող ունի բանկերում»,- ասաց Մարուքյանը։

ԿԲ նախագահի թեկնածուն պատասխանեց, որ մտքեր կան, որոնք իր տիրույթից դուրս են։ «Իրավապահների հարցեր եք բարձրացնում։ Եթե ինչ-որ մարդ կա Հայաստանում, որ գիտի՝ ով ինչքան փող ունի որտեղ, դա խոսակցություն է, որին ես չեմ ուզում մասնակցել»,- ասաց Գալստյանը։

Օրենսդրական նախաձեռնությունը, որը վերաբերում է բանկային գաղտնիքին, Գալստյանի կարծիքով, ունի հստակ իրավակարգավորումներ։ «Նախ հստակ նշված է այն գործերի շարքը, որոնցով կարելի է ինչ-որ գործողություն սկսել։ Ինչ վերաբերում է բանկային գաղտնիքի թուլացմանը, ապա այդտեղ հետեւյալ մոտեցումը կա։ Գլխավոր դատախազը կամ գլխավոր դատախազի տեղակալը պետք է միջնորդություն ներկայացնի դատարան, ունենա դատարանի վճիռ, նոր կարողանա այդ գործերի շրջանակում գնա ինչ-որ բանկային գաղտնիքի հետեւից, նաեւ պետք է ապացուցի, որ դա վերջին ատյանի գործողություն է եւ ուրիշ ոչ մի ձեւով չի կարող այդ գործն առաջ տանել»,- ասաց Գալստյանը եւ հավելեց, որ երբ անընդհատ խոսվում է բանկային գաղտնիքի թուլացման մասին, դա շատ ավելի մեծ վնաս է տալիս։ «Պետք չէ խոսել բանկային գաղտնիքի թուլացման մասին, եթե դե ֆակտո այդտեղ կան ֆիլտրեր, եւ կա կնոկրետ շրջանակ, որն այս պահին այդ իրավակարգավորումները ներառում է»,- նկատեց թեկնածուն։

Այնուհետեւ Մարուքյանն ասաց, որ այս խոսքերն իրեն հիշեցրին ՀՀ նախկին վարչապետ Տիգրան Սարգսյանին, որն ասում էր՝ ճգնաժամի մասին չխոսենք, սուս մնանք, ճգնաժամը չի գա։ «Հիմա բանկային գաղտնիքը, որ թուլացվել է, ասում ենք՝ թուլացել է։ Հիմա դուք՝ որպես ԿԲ-ի նախագահի թեկնածու, ուզում եմ՝ երաշխիքներ տաք, որ վերջին հաշվով թուլացումը չի թուլացվում կամ, լա՛վ, թուլացել է, բայց մենք մի բան կանենք»,- ասաց Մարուքյանը։

Գալստյանը կրկին շեշտեց, որ իր պատկերացմամբ իրավակարգավորման մեջ ֆիլտրեր կան։ «Հնարավոր է՝ ձեր տեսանկյունից դրանք բավարար չեն, բայց մենք բազմիցս այդ հարցը քննարկել ենք եւ դիրքորշում ենք արտահայտել, որի արդյունքում այդ ֆիլտրերն այսօր կան։ Չգիտեմ՝ երաշխիք է, թե երաշխիք չէ իմ ասածը, բայց դա է»,- ասաց Գալստյանը՝ հավելելով, որ այս պահին նաեւ ֆինանսական կայունությանը սպառնացող վտանգ չկա։

Տպել
844 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան