Քոչարյանը Արցախում ֆինանսավորում է ռեւանշիստներին, ՀՀ-ում ինչքան մերժված երգիչ կա՝ Բալասանյանի հետ են. Վահան Բադասյան

Արցախի նախագահի թեկնածու, Միացյալ Հայաստան կուսկացության նախագահ Վահան Բադասյանը կարծում է, որ հնարավոր է ինչ-որ մի պահի պահանջեն հետաձգել մարտի 31-ին Արցախում կայանալիք ընտրությունները:

Ինչպես հայտնի է՝ Արցախում կորոնավիրուսով հիվանդացության որեւէ դեպք մինչ այս պահը չկա: Սակայն, ըստ Բադասյանի, կորոնավիրուսի տարածումը միեւնույն է՝ ազդում է Արցախի ընտրությունների վրա:

«Երբ որ Հայաստանում արդեն արտակարգ դրություն է, ի՞նչ տարբերություն Հայաստան կամ Արցախ: Եթե նույնիսկ վարակը չհասնի էլ Արցախ՝ միեւնույն է դիտորդական առաքելություն իրականացնելու խնդիր է լինելու: Եթե Հայաստանի դիտորդները ընտրությունների ժամանակ Արցախում չլինեն՝ դժվար է այստեղ ակնկալել ազատ եւ արդար ընտրություն: Ուստի, եթե այսպես շարունակվի, տրամաբանորեն մենք պահանջելու ենք դադարեցնել քարոզարշավը»,- իր կարծիքն արտահայտեց նախագահի թեկնածուն:

Հարցին, թե այս պահին այդ վիրուսի տարածված լինելն ազդո՞ւմ է քարոզարշավի վրա՝ Բադասյանն ասաց, որ լինում են դեպքեր, երբ ծանոթ մարդիկ զանգում-տեղեկացնում են, որ իր կազմակերպած հանդիպմանը չեն կարող մասնակցել, որովհետեւ վախենում են  գնալ մարդաշատ վայրեր:

Անդրադառնալով նախընտրական մթնոլորտին՝ Միացյալ Հայաստան կուսակցության ղեկավարն ասաց, որ պարզ երեւում է, որ Հայաստանի նոր իշխանությունների անուշադրության պատճառով Արցախում Հայաստանի նախկին իշխանությունները մեծ ռեւանշ են վերցրել, ֆինանսավորում եւ աջակցում են որոշ թեկնածուների:

Որոշ թեկնածուներ ասելով Բադասյանը նկատի ունի Վիտալի Բալասանյանին եւ «Նոր Արցախ» կոչվող ուժին, որն, ինչպես հայտնի է՝ Մասիս Մայիլյանի հետ դաշինք է կազմել:

«Հայաստանի իշխանությունները չե՞ն տեսնում, որ ընդդիմադիր դաշտը գրավելու համար Հայաստանի ռեւանշիստները՝ Սերժ Սարգսյանն ու Քոչարյանը ընդդիմության անվան տակ ում են ֆինանսավորում: Եթե դիտորդները Արցախում ներկա են, շատ լավ տեսնում են, որ «Ադեկվատներ» անունով հայտնի այդ խումբը մեկ Վիտալի Բալասանյանի հետ է շրջում, մեկ՝ Մասիս Մայիլյանի: Հայաստանի ինչքան մերժված երգիչ- երգչուհիներ կան՝ Շուշան Պետրոսյանից սկսած, Վիտալի Բալասանյանի հետ են շրջում ամեն օր, համերգներ, շոուներ կազմակերպում: Եթե գաք Ստեփանակերտ՝ կտեսնեք, թե միլիոնների հասնող թանկարժեք պաստառները ովքեր են դրել»,- ասաց նախագահի թեկնածուն: Ընդգծելով, որ իրենք այդքան գումար չունեն՝ նման մեծ պաստառներ փակցնելու համար, Բադասյանն ասաց, որ երբ որ ցանկանում էլ են՝ ԿԸՀ-ն ու Քաղաքապետարանը չեն հատկացնում՝ ասելով, որ դա մասնավոր տարածք է, չգիտեն ումն է:

Մեր հարցին՝ իր համար ընդունելի չէ՞ ՀՀ իշխանությունների հայտարարությունը, որ չեն խոչընդոտելու Արցախի ժողովրդի ընտրությունը, Բադասյանն ասաց, որ դա ընդունելի է, բայց այստեղ խնդիրն այլ է.

«Երբ տեսնում են՝ ինչ անարդարություններ են կատարվում, ում են ֆինանսավորում նախկինները, ինչեր են կատարվում ու դրա դեմը չեն առնում…Ես գիտեմ, որ դա ընդամենը անտարբերություն  է, բայց մարդիկ կարծում են, թե թաքուն աջակցում են: Այդպես է տպավորությունը, չէ՞ որ Նիկոլ Փաշինյանն ասաց, որ թույլ չեն տալու կեղծիքներ, ընտրությունները լինելու են ազատ, Հայաստանի եւ Արցախի միջեւ սեպ խրողները չեն ստանալու ժողովրդի ձայնը, չեն թույլատրելու, որ հին համակարգից մարդիկ ընտրվեն: Բայց թույլ են տալիս: Արդեն հանրահայտ Ահարոն Ադիբեկյանն է միացել այդ ռեւանշիստներին եւ լուրեր է տարածում, թե ֆավորիտները Արայիկ Հարությունյանը, Մասիս Մայիլյանն ու Վիտալի Բալասանյանն են: Ո՞վ է Արայիկ Հարությունյանը՝ փողատեր, նախկին համակարգի ներկայացուցիչ, ո՞վ է Մասիս Մայիլյանը, հանքի սեփականատեր, թաքնված օլիգարխ, արտգործնախարար, իշխանության մարդ, ո՞վ է Վիտալի Բալասանյանը՝ Հայաստանի եւ Արցախի միջեւ հայտնի սեպ խրող, Քոչարյանի նկարով Արցախում ման եկող: Հիմա ի՞նչ՝ ՀՀ իշխանությունները մենակ չե՞ն թողել արցախցուն այս նախկին օլիգարխների փողերի դեմ: Հիմա արցախցի ընտրողն ի՞նչ մտածի: Ընտրողը խաբնվում է՝ այս մարդկանց մասամբ հաջողվում է գրավել ընդդիմադիր դաշտը»,-հայտարարեց Վահան Բադասյանը՝ ընդգծելով, որ բացի իրենից ոչ ոք այսպես անուններով չի խոսում, որովհետեւ իրական ընդդիմադիրը ինքն է եւ իրական պայքարն էլ իր դեմ է:

Տպել
10111 դիտում

ՀՀ ֆուտբոլի առաջնության անցումային խմբի խաղերն ավարտվեցին

Արցախում եւս մեկնարկել են բուհերի ընդունելության միասնական քննությունները

Երեւան-Գյումրի գնացքի ուղեվարձն իջեցվել է, երթն արվում է կանգառներով

Տարբեր գնահատականներով կորոնավիրուսի դեմ պատվաստանյութը հասանելի կլինի 2020 թվականի վերջին կամ 2021-ի սկզբին. նախարար

Վերաքննիչ դատարանը քննում է Գագիկ Ծառուկյանի խափանման միջոցի վերաբերյալ կողմերի բողոքները

Ոստիկանության ուժեղացված ստուգայցերը շարունակվում են. երեկ հայտնաբերվել է իրավախախտման 2827 դեպք

Սիրելի՛ հայրենակիցներ, ախր այդ դիմակը հո ինձ համար չեք կրում․ վարչապետ

ԱԻՆ ջրափրկարարները վերսկսել են կորած քաղաքացու ստորջրյա որոնողական աշխատանքները

Աննա Ժամակոչյանը նշանակվել է աշխատանքի և սոցիալական հարցերի նախարարի տեղակալ

Պառավաքար համայնքի ղեկավարին մեղադրանք է առաջադրվել. 8 միլիոն դրամ արժեցող հողը գնվել է 1 միլիոն դրամով

650 հոգի գտնվում է ծանր եւ ծայրահեղ ծանր վիճակում․ Արսեն Թորոսյան

Արցախում կորոնավիրուս է հաստատվել Ստեփանակերտի եւ Շուշիի եւս 6 բնակչի մոտ

Հաստատվել է կորոնավիրուսի 593 նոր դեպք, գրանցվել է 10 մահ, 4-ը՝ այլ հիվանդություններից

Մեկնարկել է ՀՀ Կառավարության հերթական նիստը․ օրակարգում ներառված է 51 հարց

Բոլոր նորակոչիկները բացի COVID-19-ի լաբորատոր հետազոտությունից, անցնում են նաեւ թոքերի ֆլյուրոգրաֆիկ հետազոտություն

Վրաստանը միջանցք կբացի ՀՀ-ից ՌԴ մեկնող Ռուսաստանի քաղաքացիների համար

Վիվա-ՄՏՍ-ն ամփոփում է գործունեության 15 տարվա արդյունքները

Երեւանում ու մարզերում մեկնարկել են միասնական քննությունները. այսօր օտար լեզվի քննության օրն է

Զոհրաբ Մնացականյանը մասնակցել է Արևելյան գործընկերության նախարարական տեսաժողովին

Հաղորդակցությունը հանրության հետ կարևոր մարտահրավերներից է ՀՀ իշխանությունների համար. Դեբորա Գրիզեր. «Ամերիկայի ձայն»