Մեկ-մեկ նայել հայելու մեջ եւ վերեւ. ըստ Դավիթ Բաբայանի՝ Արցախի նախագահի որոշ թեկնածուների նույնիսկ Կիմ Չեն Ընը կնախանձեր

Արցախի նախագահի թեկնածու, Արցախի պահպանողական կուսակցության նախագահ Դավիթ Բաբայանը կարծում է, որ մարտի 31-ին Արցախում կայանալիք համապետական ընտրությունները հետաձգել պետք չէ, ավելին, ըստ նրա, դա կլինի սխալ որոշում:

«Հայաստանում հանրաքվեն կարող է հետաձգվել, բայց մեզ մոտ իշխանության ձեւավորման խնդիր կա, սա մի քիչ ավելի կարեւոր հարց է, քան հանրաքվեն, որովհետեւ պետության ներսում կարող է վակուում ստեղծվել ժամանակին իշխանություն չձեւավորելու պատճառով եւ այլն»,- ՀԺ-ի հետ զրույցում ասաց Բաբայանը:

Այսօր երեկոյան նա ուղիղ եթերում է շփվելու ընտրողների հետ. հետաքրքրվեցինք՝ դա կապված է կորոնավիրուսի տարածմամբ պայմանավորված զգուշավորությա՞մբ, թե՞ քարոզչության այդ եղանակն ավելի հարմար է:

Բաբայանն ասաց, որ Արցախի Առողջապահության նախարարության հորդորով արդեն ինչ-որ սահմանափակումներ մտցվել են քարոզչության մեջ, փակ տարածքներում հանդիպումներ չեն անցկացնում, իսկ ուղիղ եթերը հարմար է:

«Նախարարության հրահանգները պետք է իրականացվեն, որ մեր երկրում իրավիճակը մնա այսպիսին՝ վարակվածներ չլինեն: Այս պարագայում քարոզարշավը կընթանա սահմանափակումներով, բայց արդյունքում գոնե հնարավոր կլինի ձեւավորել իշխանություն»,- ընդգծեց նա:

Գնահատելով իր եւ իր կուսակցության հնարավորությունները ընտրություններից կես ամիս առաջ՝ Բաբայանն ասաց, որ դա կերեւա ընտրությունների արդյունքներից: Այս պահին, ըստ նրա, ընդգծվում են որոշ մարտահրավերներ, ակնհայտորեն գաղափարախոսությունը երկրորդ պլան է մղվում, առաջնային է դառնում «գաղափորախոսությունը», այսինքն՝ փորի համար պայքարը:

«Եթե ինչ-որ մեկը գաղափորախուսությամբ է առաջնորդվում, եւ հանրությունը կուլ է տալիս այդ կուտը, այստեղ ես չեմ մեղադրում նրանց, ովքեր առաջարկում են, որովհետեւ ի վերջո հանրությունն է համտեսում դա: Իսկ իշխանությունը հանրության հայելին է: Ինչ վիճակում է հանրությունը՝ այդ վիճակում է իշխանությունը»,- ընդգծեց նախագահի թեկնածուն՝ հավելելով, որ պետք է ընտրություն կատարվի արժեքի եւ գնի մեջ:

Նրա համոզմամբ՝ կան մարդիկ, որոնք ակնկալում են, որ այս կամ այն թեկնածուն դառնա երկրի նախագահ եւ իրենց համար նյութական իմաստով ավելի լավ լինի:

«Մենք, օրինակ, գաղափարախոսությամբ ենք առաջնորդվում: Տեսնենք՝ հասարակությունն ի՞նչ քայլ է կատարում: Ինչ քայլ էլ կատարի, այնպիսի Արցախ էլ ունենալու ենք»,- նկատեց թեկնածուն:

Վերջինս մեկ կարեւոր հանգամանք առանձնացրեց, որն իրեն զարմացրել է այս քարոզարշավի ընթացքում. խոսքը որոշ թեկնածուների պաստառների չափերի մասին է.

«Էնպիսի պլակատներ են տեղադրում, որ նույնիսկ Կիմ Չեն Իրը կնախանձեր՝ Մաո Ցզեդունի եւ Բրեժնեւի հետ: Մի քիչ պետք է մտածել Աստծո մասին: Ես նման դեպքերում խորհուրդ եմ տալիս մեկ-մեկ նայել վերեւ եւ հայելու մեջ»,- եզրափակեց նա:

Արցախի ԿԸՀ-ն հաղորդագրություն է տարածել մայիսի 31-ին կայանալիք ընտրությունների եւ կորոնավիրուսի տարածումը կանխարգելելու նպատակով:

 «Հաշվի առնելով, որ ներկայումս հանրապետության ողջ տարածքում նախընտրական ակտիվ քարոզչություն է ընթանում, առաջարկում, հորդորում ու կոչ ենք անում քարոզչության բոլոր սուբյեկտներին նախընտրական հանդիպումների անցկացման ձևաչափերի վերանայման ուղղությամբ միջոցներ ձեռնարկել (ինչի մասին ավելի վաղ մեր կողմից բանավոր առաջարկվել էր), հնարավորինս  խուսափելով զանգվածային միջոցառումներ նախաձեռնելուց ու մասնակցելուց, խստիվ հետևելով ԱՀ առողջապահական համակարգի պատասխանատուների ցուցումներին: Միասին մենք պետք է տրամաբանական ավարտին հասցնենք մարտի 31-ին կայանալիք Արցախի Հանրապետության համար այդքան կարևոր համապետական նշանակության ընտրություններն ու ամենակարևորը՝ լինենք առողջ: Համոզված ենք՝ փոխադարձ ըմբռնումների մթնոլորտում համագործակցելու բոլոր կողմերի կամահայտնության մեջ»:

Տպել
1113 դիտում

Գողություն, սպանության փորձ, ծեծ. ոստիկանությունը 1 օրում հանցագործության 42 դեպք է բացահայտել

Օն-լայն առևտրաշրջանառությունը գրեթե եռապատկվել է. օն-լայն նախագծերի մրցույթի արդյունքներն ամփոփվում են

Թոքերի արհեստական օդափոխման սարքերի նախագծումը 1-2 ամսվա գործընթաց չէ. միանալու պատրաստակամություն են հայտնել շատերը

Պաշտպանները Ռոբերտ Քոչարյանի խափանման միջոցը վերացնելու նոր միջնորդություն են ներկայացրել. դատավորը դեռ անաշխատունակ է

Մանկական հոգեբուժական դիսպանսեր ծառայությունը կենտրոնացվել է «Սուրբ Գրիգոր Լուսավորիչ» ԲԿ-ի պոլիկլինիկայում

Երեւանում հայտնաբերվել է դասալքության համար նախորդ տարվանից հետախուզվող երիտասարդը

Արմեն Թավադյանի եւ Վարուժան Մկրտչյանի վերաբերյալ քրեական գործով առաջին նիստի օրը հայտնի է

Հակոբ Ճաղարյանն ազատվել է վարչապետի խորհրդականի պաշտոնից

Թալինում «Mercedes C» ավտոմեքենան բախվել է գազատար խողովակին․ կա տուժած

COVID-19-ի հետազոտման շարժական լաբորատորիան կգործարկվի այսօրվանից՝ հետազոտելով 99 տոկոս ճշտությամբ

Մահվան դեպքն արձանագրվել է Արտաշատի բժշկական կենտրոնում. պացիենտը եղել է 93 տարեկան

Աշխարհահռչակ Ռոնալդինյոն 1.6 մլն դոլար գրավ է վճարել, որ բանտում մնալու փոխարեն տնային կալանքի ենթարկվի

Այսօր ունենք կորոնավիրուսի 28 նոր դեպք. գրանցվել է 1 նոր մահ. վարչապետ

Կորոնավիրուսով վարակված արցախցու հետ շփված 20 անձ է մեկուսացվել, ինքնամեկուսացած է ամբողջ գյուղը

ՌԴ-ն արտահանձնում է Ալրաղացի Լյովիկ մականունով հայտնի Լեւոն Սարգսյանին

Հայկական դուդուկը ՅՈՒՆԵՍԿՕ-ի ցանկում գրանցվել է 2008 թվականին․ ԿԳՄՍՆ

Պայթյուն թուրքական ռազմարդյունաբերական ընկերության գործարանի տարածքում. 3 վիրավոր կա

Հրդեհ Ագարակ գյուղում. տուժածներ չկան

6 ժամով լույս չի լինելու Վայոց ձորի մարզի մի մասում

Բեռնատար ավտոմեքենան Մեծ Մասրիկ գյուղի մոտ շրջվել է. վարորդը տեղում մահացել է