Երևանին պետք են նոր զրուցարաններ, նստարաններ, տեսակավորված աղբի տարաներ, եզրաքարեր. հայտարարվել են մրցույթներ

Երևանի քաղաքապետարանը երեկ հայտարարել է մայրաքաղաքի տարբեր վարչական շրջաններում շինարարական ծառայությունների և գույքի գնման մրցույթների մասին:

Առաջարկվում է նախագծանախահաշվարկային փաստաթղթեր կազմել և ներկայացնել՝ 16-րդ թաղամասի 1-ին շղթայի այգում ջրավազանի կառուցման աշխատանքների իրավունքի ձեռքբերման համար:

Արաբկիր վարչական շրջանում անհրաժեշտ է կատարել փողոցների եզրաքարերի վերանորոգման աշխատանքներ. գնման ընթացակարգի մանրամասներին կարելի է ծանոթանալ նշված հղումով:

Խոստումնալից փոփոխություններ են նախատեսվում Շենգավիթ վարչական շրջանում. բակային տարածքների և խաղահրապարակների հիմնանորոգման և պահպանման աշխատանքների ձեռքբերման պայմաններին հնարավոր է ծանոթանալ այստեղ: Նախատեսվում է ձեռք բերել 10 զրուցատաղավար, 150 նստարան և տեսակավորված աղբի 53 տարա. ձեռքբերման նպատակով հրապարակված են գնման ընթացակարգի հայտարարությունը և հրավերը։ Անհրաժեշտ մեծ ու փոքր զրուցատաղավարների տեխնիկական բնութագրի մեջ նշված է, որ դրանք պիտի ամրացված լինեն պողպատե ամրաններով ու խողովակներով, պիտի ունենան մետաղական հիմնակմախք և մետաղակղմինդրե տանիք:

150 նստարանները պիտի լինեն 170 սմ երկարությամբ, 50 սմ լայնությամբ, գետնից՝ 48 սմ բարձրությամբ. նստելատեղը և թիկնակը պետք է պատրաստված լինեն ամուր, դիմացկուն տեսակի փայտե չորսվակներից, հղկված և փայլեցված, ներկված բաց շագանակագույն լաքով։

53 աղբամանների համար նշված է, որ պիտի լինեն չօգտագործված և փոքր: Հետաքրքիր է, որ «փոքր» աղբամանները պիտի լինեն 150 լ ներքին ծավալով մետաղական տարաներ՝ աղբի առանձին հավաքման համար, մետաղից պատրաստված փոշու ծածկույթով: Պիտի հագեցած լինեն երեքական աղբարկղով՝ յուրաքանչյուրը 60 լ տարողությամբ՝ նախատեսված առանձին աղբի հավաքման համար, պատրաստված ցինկապատ պողպատից և պատված սև փոշու ներկով /порошковую краску/:

Բացի այդ, աղբարկղի վրա պիտի փակցվեն կպչուն պիտակներ, որոնք կնկարագրեն այն աղբի տեսակը, որի համար նախատեսված է այս կամ այն դույլը: Աղբարկղի վերին մասը՝ ծածկը, պիտի պատրաստված լինի պաշտպանիչ ծածկույթի տեսքով՝ այս կամ այն աղբը լցնելու համար նախատեսված առանձին անցքերով: Ներսում պիտի տեղադրված լինեն յուրաքանչյուրը 48 լիտր տարողությամբ հատուկ ցինկապատ տարաներ (կլոր՝ պլաստիկի համար, քառակուսի՝ տարբեր /խառը/ թափոնների և եռանկյուն՝ թղթի համար): Այս աղբարկղերը պիտի լինեն 40 կգ, 87 սմ բարձրությամբ և 38 սմ լայնությամբ:

Նշենք նաև, որ Երևանի Շենգավիթ, Աջափնյակ, Դավթաշեն և Արաբկիր վարչական շրջանների եզրաքարերի վերանորոգման աշխատանքների որակի տեխնիկական հսկողության ծառայությունների ձեռքբերման ընթացակարգի մասին ևս հայտարարություն է հրապարակվել, սակայն տեխնիկական պահանջները դեռևս հասանելի չեն: Ակնհայտ է՝ գարնան գալու հետ Երևանը պատրաստվում է թարմանալ ու նորոգվել:

Տպել
1559 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան