ՀՀ հունահռոմեական ոճի ըմբշամարտի հավաքականում 77կգ քաշային կարգի պատճառով սկանդալը շարունակվում է

Հայաստանի հունահռոմեական ոճի ըմբշամարտի հավաքականի շուրջ ստեղծված լարված իրավիճակը շարունակվում է: Օրերս մարզչական խորհուրդը պաշտոնական հայտարարություն էր տարածել, որ օլիմպիական խաղերի 77 կգ քաշային կարգում ՀՀ-ն ներկայացնելու է Կարապետ Չալյանը: Դեռ 2019-ի ամառվանից այս քաշային կարգում խնդիր կար, այդ պատճառով էլ մինչեւ վերջերս հարցականի տակ էր, թե ով կգնա Տոկիո 2020: Այսօր՝ փետրվարի 20-ին, լրագրողների հետ հանդիպման ժամանակ հավաքականի գլխավոր մարզչի պաշտոնակատար Էդուարդ Սահակյանը ներկայացրեց մարզչական խորհրդի հիմնավորումը:

«Չալյանն արել է վարկանիշ: Հիմնական փաստարկներից մեկը դա է: Նիսի մրցաշարում պետք է որոշվեին նաեւ այդ հարցերը օլիմպիական խաղերի հետ կապված: Արսեն Ջուլֆալակյանը չմասնակցեց, նա մասնակցեց Դանիայի մրցաշարին, եւ որոշում կայացրինք՝ 77 կգ քաշային կարգում ով նվաճել է վարկանիշը՝ նա էլ պետք է մասնակցի»,- ասաց նա:

Օլիմպիական ուղեգրերը Չալյանը նվաճել էր աշխարհի 2019թ. առաջնությունում: Դա էլ իր նախապատմությունն ուներ: Ինչպես ավելի վաղ հայտնել էր հավաքականի՝ արդեն նախկին գլխավոր մարզիչ Լեւոն Ջուլֆալակյանը, այդ առաջնությանը, ըստ հավաքականում գործող կարգի, պետք է մասնակցեր այդ տարվա Եվրոպայի առաջնությունում մեդալ նվաճած ըմբիշը, եւ այդ տարի Արսեն Ջուլֆալակյանը բրոնզով էր վերադարձել ԵԱ-ից: Սակայն աղմուկի արդյունքում նա չգնաց ԱԱ, այլ գնաց Չալյանը, որը մեդալների համար չպայքարեց, սակայն վարկանիշ ձեռք բերեց: Ըստ հավաքականի մարզիչ Գեւորգ Ալեքսանյանի՝ ԱԱ Չալյանն է գնացել, քանի որ մինչեւ այդ իրենք գոտեմարտ են նշանակել նրա ու Ջուլֆալակյանի միջեւ, եւ հենց նա է հաղթել:

Ամեն դեպքում վարկանիշն անվանական չէ, ու հաշվի առնելով ստեղծված իրավիճակը՝ օլիմպիական խաղերի մասնակցի վերաբերյալ վերջնական որոշում տեւական ժամանակ չկար, թեեւ հավաքականում գործող մեկ այլ կանոնակարգի համաձայն՝ միշտ օլիմպիական խաղեր գնացել է նա, ով նվաճել է ուղեգիրը: Ըստ տեղեկությունների՝ Չալյանն ու Ջուլֆալակյանը պետք է միասին միջազգային մրցաշարի մասնակցեին, ու ով ավելի լավ արդյունք գրանցեր, գնալու էր Տոկիո: Մեկնաբանելով սա՝ Ալեքսանյանը նշեց, որ հարցին նույնիսկ միջամտել է Հայաստանի ազգային օլիմպիական կոմիտեի նախագահ Գագիկ Ծառուկյանը, եւ որոշում է կայացվել, որ մրցաշարին կմասնակցեն այս 2 մարզիկները՝ գումարած ՀՀ 2019թ. չեմպիոնը (Արման Բաղդասարյան), ու ով լավ մասնակցի, ուղեգիրը նրանն է: Ալեքսանյանը նաեւ ասում է, որ այդ ստուգատեսը պետք է լիներ այս տարվա հունվարին կայացած Նիսի միջազգային մրցաշարը, սակայն Ջուլֆալակյանը հրաժարվել է մասնակցել:

«Այդ պայմանավորվածությամբ՝ պատրաստվել ենք այդ մրցաշարին: Երբ մարդը նորից հրաժարվում է մրցակցությունից, ուրեմն պայքարից դուրս է մնում,- ասաց Ալեքսանյանը՝ ավելացնելով, որ հրաժարվելու պատճառը եղել է հետեւյալը՝ դեռ պատրաստ չէ Չալյանի հետ մրցակցելու: Իսկ իրենց զգուշացված է եղել դեռ ՀՀ առաջնությունից առաջ: ՀՀ առաջնությունը եղել է 2019թ. դեկտեմբերի 3-4-ին»:

Եվրոպայի 2020թ. առաջնությունից առաջ հարցեր էին առաջացրել նաեւ այլ քաշային կարգերում հանդես եկող մի քանի մարզիկների բացակայությունները: Վերջիններս Արսեն Ջուլֆալակյանի նման ճանաչված չեն, եւ նրանց չլինելը լայն հասարակության համար հնարավոր է՝ աննկատ մնա: Խոսքը 60 կգ քաշային կարգում հանդես եկող մինչեւ 23 տարեկանների աշխարհի չեմպիոն Արմեն Մելիքյանի, 67 կգ-ում աշխարհի առաջնության բրոնզեմեդալակիր Սլավիկ Գալստյանի եւ 87 կգ-ում աշխարհի առաջնության բրոնզեմեդալակիր Արթուր Շահինյանի մասին է:

Հավաքականի մարզիչ Սամվել Գեւորգյանն այսօր նշեց, որ Մելիքյանը վնասվածք է ունեցել եւ միայն վերջին հավաքին է մասնակցել, խոսել են նրա հետ ու որոշել, որ չի մասնակցի: Այս քաշային կարգում ի վերջո ԵԱ գնաց Գեւորգ Ղարիբյանը եւ չեմպիոն դարձավ: 67 կգ քաշի հետ կապված Գեւորգյանը նշեց, որ Գալստյանը ինքն է հրաժարվել ԵԱ գնալ, որպեսզի պատրաստվի օլիմպիական առաջին վարկանիշային մրցաշարին: Նրա փոխարեն մասնակցած Կարեն Ասլանյանն էլ բրոնզ նվաճեց:

87 կգ-ի մասին Գեւորգյանը նշեց, որ այս քաշային կարգում ԱԱ բրոնզեմեդալակիր Շահինյանը ՀՀ 2019թ. առաջնությունում այս քաշում ելույթ չի ունեցել, եւ դա եղել է նրա ցանկությամբ: Նրա փոխարեն ԵԱ գնաց ՀՀ այս քաշային կարգի ՀՀ չեմպիոն Մաքսիմ Մանուկյանը, որն աշխարհի ու Եվրոպայի չեմպիոն է դարձել 80/82 կգ քաշային կարգում, իսկ 87-ում սովորաբար անհաջող է հանդես գալիս: ԵԱ 2020-ում էլ մեդալի համար չպայքարեց, ըստ մարզիչների, քանի որ ջերմություն է ունեցել: Մարզիչների որոշմամբ՝ օլիմպիական վարկանիշային առաջին մրցաշարում նրան կրկին շանս է տրվելու, եւ եթե չստացվի նվաճել, մյուս վարկանիշային մրցաշարին կմասնակցի Շահինյանը:

Օլիմպիական առաջին՝ եվրոպական, վարկանիշային մրցաշարը կկայանա մարտի 19-22-ը Հունգարիայում, 2-րդը՝ համաշխարհայինը՝ Բուլղարիայում ապրիլի 30-ից մայիսի 3-ը: Բացի Մանուկյանից, կմասնակցեն նաեւ Գեւորգ Ղարիբյանը (60 կգ), Սլավիկ Գալստյանը (67 կգ) եւ Դավիթ Օվասապյանը (130 կգ):

Տպել
1534 դիտում

Հայ բռնցքամարտիկները 2 մեդալ են նվաճել Ֆրանսիայում`դպրոցականների օլիմպիական խաղերում

ՀՀ ԱԳ նախարար Արարատ Միրզոյանը հանդիպում է ունեցել Իռլանդիայի ԱԳ նախարար Սայմոն Քովենիի հետ

Ռուսաստանը Կասպարովին ճանաչել է օտարերկրյա գործակալ և ներառել հատուկ ցանկում

ՀՀ ՊՆ-ն հերքում է ադրբեջանական դիրքերը գնդակոծելու մասին տեղեկությունը

Երկրում տիրող իրավիճակը դրամատիզացնել պետք չէ, օրինական ընտրությունները տվել են բոլոր հարցերի պատասխանները. Գրիգորյան

Վայոց ձորի մարզում արջը հարձակվել է բոխի հավաքող տղամարդու վրա. ճանկռոտել, կծել, ապա վնասվածքներ է պատճառել գլխին

Սփյուռքը լուռ էր, երբ խորհրդարանում գնդակահարում էին պետության գլուխներին, սպանում՝ խաղաղ ցուցարարներին. Բաբաջանյան

Շոյգուն Պուտինին զեկուցել է ուկրաինացի զինյալներից «Ազովստալ»-ը և Մարիուպոլը ամբողջությամբ ազատագրելու մասին

Միրզոյանը հանդիպում է ունեցել Սերբիայի ԱԳ նախարար Նիկոլա Սելակովիչի հետ. քննարկվել են տարածաշրջանային հարցեր (տեսանյութ)

Դեսպան Հովակիմյանը Չեխիայի խորհրդարանի Սենատի նախագահին է ներկայացրել տարածաշրջանում վերջին զարգացումները

Արարատ Միրզոյանը շնորհավորել է Ֆրանսիայի նոր արտգործնախարարին

Բրյուսելում Փաշինյան-Միշել-Ալիև եռակողմ հանդիպմանը որևէ փաստաթղթի ստորագրում նախատեսված չէ․ Արմեն Գրիգորյան

«Գազպրոմ»-ը դադարեցրել է ռուսական գազի մատակարարումը Ֆինլանդիա ռուբլով չվճարելու պատճառով

Պարոնայք գեներալներ, որտե՞ղ էիք, երբ բռնություններ էին գործադրվում տարբեր լեգենդար հրամանատարների նկատմամբ. Գաբրիելյան

Ծիծեռնակաբերդի խճուղին փլուզման հետևանքով երկկողմանի փակ է

Նախագահ Վահագն Խաչատուրյանը կմասնակցի Համաշխարհային տնտեսական համաժողովին

Գետափում դարձյալ բնակարանամուտ է նշվել (լուսանկարներ)

Միրզոյանը Բույար Օսմանիին է ներկայացրել ԼՂ հակամարտության խաղաղ կարգավորման՝ հայկական կողմի դիրքորոշումը (տեսանյութ)

Այսքան բացահայտ իրար ուտո՞ւմ են. Ստյոպա Սաֆարյանը՝ Սաղաթելյան-Վանեցյան փոխհարաբերությունների մասին

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ