Գուցե ինչ-որ տարընկալում է եղել․ ՀՊ անդամը՝ իր կողմից էթիկայի կանոնները խախտելու ենթադրյալ դեպքի մասին

Լուսանկարում՝ Հաշվեքննիչ պալատի անդամ Կարեն Կարապետյանը

Կոռուպցիայի կանխարգելման հանձնաժողովը, որն իր աշխատանքները սկսել է նախորդ ամսվա վերջին, հասցրել է երկու վարույթ հարուցել, որոնցից մեկը վերաբերում է Հաշվեքննիչ պալատի անդամ Կարեն Կարապետյանի կողմից էթիկայի կանոնների խախտման դեպքին։ Վարույթը հարուցվել է փաստաբան Վահագն Մնացականյանի դիմումով։

Փաստաբանը, սակայն, մեր զրույցում ասաց, որ դեռ չի ուզում հրապարակայնացնել դիմումի բովանդակությունը։ Միայն նշեց, որ պաշտոնյայի կողմից էթիկայի խախտումների վերաբերյալ է, բայց թե ինչպես է դա դրսեւորվել, փաստաբանն ընդամենն ասաց, որ կապ ունի գործառույթների եւ պաշտոնական գրագրության մեջ թույլ տված բառերի հետ։ Մնացականյանը հարցին առավել մանրամասն կանդրադառնա, երբ Կոռուպցիայի կանխարգելման հանձնաժողովը կտա իր եզրակացությունը։

Կարեն Կարապետյանը մեր զրույցում ներկայացրեց, որ Մնացականյանը, որպես փաստաբան, որոշակի հարցում է ներկայացրել ու դրա վերաբերյալ ստացել է պատասխան, որի մեջ օգտագործվել են արտահայտություններ, որոնք հարիր են պաշտոնատար անձին։ Նա նույնպես չներկայացրեց փաստաբանի դիմումի բովանդակությունը․

«Հարցման պատասխանի մեջ օգտագործվել են բացառապես այնպիսի բառեր, որոնք գործածելի են առօրյա կյանքում։ Գուցե ինչ-որ տարընկալում է եղել, ամեն դեպքում որեւէ վիրավորանք չի պարունակում։ Կարծում եմ՝ կպարզվի՝ տեքստը որեւէ վիրավորական կամ ոչ հարիր խոսք չի պարունակում»։

Հաշվեքննիչ պալատը հաշվեքննություն է իրականացրել Չափագիտության ազգային ինստիտուտում, եւ, ինչպես ներկայացրեց Պալատի անդամը, ընկերությունը, որի շահերը ներկայացնում է փաստաբանը, հաշվեքննության ժամանակահատվածում տարածք եւ պետական գույք է վարձակալելիս եղել․

«Փաստաբանը հարցում էր ուղարկել, որ ինչ-որ կետեր չի հասկանում եւ մեր մարմնի աշխատանքը սխալ էր որակել։ Ես պետական համակարգում աշխատելու 20-ամյա փորձ ունեմ եւ առաջին անգամ եմ նման դեպքի առնչվում։ Ես ուսումնասիրել եմ, իմ գործածած բոլոր բառերը արդի հայերենում օգտագործվող են, կարծում եմ՝ տարընկալում է եղել։ Իմ գրությունը չի պարունակում անգամ մեկ բառ, որ չենք օտագործում տանը, հանրային շփման մեջ, հեռուստատեսությամբ կամ պետական մակադրակով հաղորդակցությունների մեջ»,- ասաց Կարեն Կարապետյանը:

ՀՊ անդամն իր գրավոր պարզաբանումն արդեն ներկայացրել է Կոռուպցիայի կանխարգելման հանձնաժողովին։ Հանձնաժողովը 90-օրյա ժամկետում պետք է ուսումնասիրի առկա նյութերը եւ ներկայացնի եզրակացություն։

Ի դեպ, Հանձնաժողովի հարուցած մյուս վարույթը վերաբերում է Երեւանի քաղաքապետ Հայկ Մարությանին։ Հանձնաժողովի լրատվական ծառայությունից հայտնում են, որ վարույթը հարուցվել է քաղաքապետի կողմից անհամատեղելիության պահանջների առերեւույթ խախտման հիմքով։ Օրաթերթերից մեկը հոդված էր հրապարակել «Հայկ Մարությանը շուրջ մեկ տարի օրենք է խախտել» վերնագրով, որտեղ պնդել է, թե Մարությանը իր պաշտոնավարմանը զուգահեռ նաեւ «Երկուս ու կես» ՍՊԸ-ի տնօրենն է։

Ըստ հաղորդագրության, Հանրային ծառայության մասին օրենքի համաձայն՝ հանրային պաշտոն զբաղեցնող անձինք չեն կարող զբաղեցնել իրենց կարգավիճակով չպայմանավորված պաշտոն պետական կամ տեղական ինքնակառավարման այլ մարմիններում, որեւէ պաշտոն առեւտրային կազմակերպություններում, զբաղվել ձեռնարկատիրական գործունեությամբ եւ այլն։

Ավելի ուշ Երեւանի քաղաքապետարանի մամուլի խոսնակ Հակոբ Կարապետյանը ֆեյսբուքյան իր էջում գրեց, որ Հայկ Մարությանը դադարել է լինել «Երկուս եւ կես» ՍՊԸ-ի տնօրենը 2018-ի հոկտեմբերի 10-ին՝ քաղաքապետի պաշտոնն ստանձնելուց 3 օր առաջ։

Տպել
968 դիտում

Բավական հետաքրքիր նախագծեր կան, հանձնաժողովն ամփոփում է դրամաշնորհային մրցույթի արդյունքները. Հակոբ Արշակյան

Վարչապետ Նիկոլ Փաշինյանը Վլադիմիր Պուտինի հետ բնական գազի մատակարարման հետ կապված հարցեր է քննարկել

«Ճըվճըվ Արոյի» որդին համաներմամբ ազատ է արձակվել

Վարակազերծման աշխատանքներ են իրականացվել հանրային 475 վայրում, սննդի և առևտրային խոշոր կետերում (տեսանյութ)

#Մնատանը և միացիր ՀՖՖ «Իստագրամ»-ի ուղիղ եթերին. Գևորգ Ղազարյանը պատասխանելու է երկրպագուների հարցերին

Մարտունիում խորհրդակցություն է հրավիրվել. քննարկվել են կորոնավիրուսի կանխարգելմանն ուղղված քայլերը

22 ՃՏՊ, 5 թունավորում, 13 մահ. ԱԻՆ-ն ամփոփել է անցած շաբաթը

Պետք է խնդրենք մեր բեռնափոխադրողներին հաշվի առնել այս օրերին երկրների կողմից իրականացվող միջոցառումները․ փոխնախարար

Լիլիթ Հովհաննիսյանը չի կարողանում Բրազիլիայից վերադառնալ Հայաստան

Ախտահանիչ միջոցներ արտադրող 20 ընկերություններից միայն մեկը չի ունեցել սերտիֆիկատ․ Սիմոնյան

Շնորհակալ եմ, բժշկուհի՛ ջան, արի մի հատ քեզ պաչեմ. պացիենտներից մեծ ուժ են ստանում բուժաշխատողները

Վահագն Վերմիշյանի կալանավորման ժամկետը դատարանի որոշմամբ երկարաձգվել է

ՀՎՀՀ ստանալու համար ֆիզիկական անձինք դիմում կարող են ներկայացնել էլեկտրոնային եղանակով. ՊԵԿ

Covid-19-ը ստեղծելու և Չինաստանին վաճառելու մասին կեղծ լուրը մեկամսյա շրջագայությունից հետո հասավ Հայաստան

ԱԳՆ-ի հյուպատոսական մի շարք ծառայություններ հասանելի կլինեն տեսակապի միջոցով

Հանրապետության հովտային և նախալեռնային գոտում ցրտահարման վտանգ կա. Գագիկ Սուրենյան

Կարտոֆիլի, սոխի, սխտորի, գազարի ներմուծումը ԵԱՏՄ տարածք կիրականացվի զրոյական մաքսատուրքով․ փոխնախարար

Քարվաճառ-Ծար ավտոճանապարհին մեքենան ձորն է գլորվել. կա տուժած

ՊՎԾ-ն ներկայացրել է ՀՀ ոստիկանությունում իրականացված երրորդ ուսումնասիրության արդյունքները

Հրայր Թովմասյանի եւ Նորայր Փանոսյանի գործով առաջին դատական նիստն այսօր չի կայանա