Ներկրված երեք ավտոբուսները կշահագործվեն առաջիկա օրերին, դրանք կտեղավորեն 90 մարդ, ուղեվարձը կլինի 100 դրամ

«Բաս Վոյաժ» ընկերությունը երեք ավտոբուս է ձեռք բերել Երեւանի ներքաղաքային երթուղիներում շահագործելու համար:  Ավտոբուսներից մեկն արդեն Երեւանում է, առաջիկա օրերին այստեղ կլինեն նաեւ մյուս երկուսը:

Ընկերության տնօրեն Տիգրան Հարությունյանը «Հայկական ժամանակ»-ի հետ զրույցում նշեց, որ ավտոբուսներից երկուսը դեռ սահմանին են, պետական գրանցում անելուց հետո՝ երկուշաբթի, արդեն Երեւանում կլինեն, ըստ այդմ՝ նաեւ երթուղում: Առաջինը Հայաստան հասած ավտոբուսը կշահագործվի արդեն մեկ-երկու օրից: Այն կսպասարկի համար 45 երթուղին:

Իսկ թե որ երթուղին կսպասարկեն մյուս երկուսը, Տիգրան Հարությունյանը դժվարացավ ասել. «Դեռ չեմ կարող ասել, ավտոբուսները մեծ են, որտեղ որ ուղեւորահոսքը շատ է, կսպասարկեն այդ տարածքը, միգուցե Մասիվ գնան, կամ Նորք-Մարաշ, մի խոսքով, դեռ պարզ չէ»:

Թե ներկրված ավտոբուսները քանի նստատեղ ունեն, «Բաս Վոյաժ» ընկերության տնօրենը դժվարացավ պատասխանել: Բայց նշեց, որ նստած եւ կանգնած վիճակում տեղավորում են մոտ 90 մարդ: Տիգրան Հարությունյանի վստահեցմամբ՝ նոր ավտոբուսները մեր քաղաքային սովորական ավտոբուսներից բավականին տարբեր են ու հարմարավետ: Աստիճանավանդակ չունեն, ուղեւորը մայթից միանգամից ոտքը դնում է տրանսպորտ, եթե անգամ ձեռքերում երկու ուղեբեռ ունենա, հեշտությամբ կմտնի, քանի որ ավտոբուսի դռները բավականին լայն են: Ավտոբուսները հաշմանդամություն ունեցողների համար նախատեսված անկյուն ունեն, խնդիր ունեցող անձն առանց որեւէ մեկի օգնության անվասայլակով կարող է միանգամից ավտոբուս նստել:

Հագեցած եւ հարմարավետ այս ավտոբուսների ուղեվարձը նույնն է լինելու, ինչ քաղաքային տրանսպորտինը՝ 100 դրամ: «Ճիշտ է, ավտոբուսներն օգտագործված են, բայց շատ թարմ ու լավ վիճակում են, գազով են աշխատում, կարծում եմ՝ եկամտաբերությունը եւս նորմալ կլինի»,- ասաց տնօրենը:

Հետաքրքրվեցինք, թե վաղո՞ւց կար ավտոբուսներ ներկրելու այս որոշումը, կամ գուցե առաջարկը Երեւանի քաղաքապետարանից է եղել: Տիգրան Հարությունյանն ասաց, որ քաղաքապետարանին իրենք են առաջարկել: «Քաղաքապետարանն առաջարկը չընդունելու պատճառ չի էլ ունեցել, քանի որ դրա կարիքը մայրաքաղաքն ուներ: Իսկ նպատակ միշտ էլ եղել է, այն ժամանակ էլ էինք ուզում, բայց մի բան հեռու էր պահում, հիմա երբ իշխանությունը փոխվել է, օրենքները, մոտեցումները փոխվել են, արդեն կարելի եղավ: Ուզում եմ, որ ուրիշ ներդրողներ եւ սեփականատերեր էլ շահագրգռվեն ու նայելով ինձ՝ նրանք էլ քայլեր ձեռնարկեն»,- ասաց նա:

Տնօրենից հետաքրքրվեցինք, թե ինչ գներով են ավտոբուսները Գերմանիայից ձեռք բերվել, վերջինս ասաց, որ բավականին մատչելի են.«Երեւան հասցնելու ծախսերը ներառյալ ամեն մի ավտոբուսը մոտավորապես 30 հազար դոլարին համարժեք գումար է արժեցել: Ավտոբուսները նոր չեն՝ 10 տարեկան են»:

Տպել
2455 դիտում

Գյումրիում հստակեցնում են շենքերի կրած վնասները. նախնական տվյալով 48 շենք է վնասել, ևս 53-ի մասին ահազանգեր կան

Դեղձուտի մոդուլային դպրոցի կառուցման համար մրցույթ է հայտարարվել

ԱԱՏՄ արձանագրած խախտումների հիմքով՝ կասեցվել է շուրջ 650 տնտեսվարողի գործունեություն

Դմիտրի Պեսկովը կորոնավիրուսից բուժվել եւ դուրս է գրվել հիվանդանոցից

Սյունիքից հակահեղափոխություն չի սկսվելու. իրավապահ համակարգը տիրապետում է իրավիճակին եւ կոշտ է արձագանքելու. պատգամավոր

Խոշոր ավտովթար Լոռիում. Բախվել են Mersedes-ն ու բեռնատարը. Mersedes-ի վարորդին դուրս են բերել փրկարարները(լուսանկարներ)

Կորոնավիրուսից ավելի հաճախ տղամարդիկ են մահանում. 70-ից բարձր անձինք քիչ են վարակվում, բայց մեծ մասամբ մահացու ելքով

ԳՇ զորքերի ծառայության վարչության աշխատանքային խումբը հանկարծակի ստուգումներ է իրականացրել մի շարք զորամասերում

Գյումրու ինֆեկցիոն հիվանդանոցում կորոնավիրուսով 47 հիվանդ է բուժվում. տնային ինքնամեկուսացման ցուցում ունի 304 քաղաքացի

ԱԱԾ տնօրեն Էդուարդ Մարտիրոսյանն այցելել է պետական սահմանը վերահսկող ուղեկալներ

Արտակարգ դրությամբ պայմանավորված, Լարսը բաց է միայն բեռնատարների համար

Կորոնավիրուսի հետ զուգահեռ ապրելու համար առաջնահերթ պետք է դրսևորել անհատական բարձր պատասխանատվություն. վարչապետ

Ոչ հերքում եմ, ոչ չեմ հերքում, չեմ մեկնաբանում. Արթուր Վանեցյանը հրավիրվել է ՀՔԾ

Ռուբեն Հայրապետյանի որդին չի կալանավորվի. դատարանը մերժել է միջնորդությունը

Շիրակի մարզի 8 գյուղական բնակավայրում անօթևանների համար 55 բնակարան կկառուցվի

Ոստիկանությունը հորդորում է առաջիկա ոչ աշխատանքային օրերին զերծ մնալ մասսայական միջոցառումներից

Կորոնավիրուսի պատճառով հետաձգվել է Չեռնոգորիայի նախագահ Միլո Ջուկանովիչի ծրագրված պաշտոնական այցը Հայաստան

Կապանում ձերբակալված երրորդ քաղաքացին եւս ազատ արձակվեց. նրա ձերբակալումը ճանաչվել է ոչ իրավաչափ

Մայիսի 27-ին դեպի Երեւան 3 չվերթ կիրականացվի՝ Մինսկից, Դամասկոսից, Սանկտ-Պետերբուրգից

Հայաստանը NBA-ի մանկապատանեկան մրցաշար անցկացնելու բացառիկ հնարավորություն է ստացել