Քոչարյանի պաշտպաններից Ռուբեն Սահակյանի նկատմամբ կարգապահական վարույթ է հարուցվել

Ռոբերտ Քոչարյանի պաշտպաններից Ռուբեն Սահակյանի նկատմամբ Փաստաբանական պալատը կարգապահական վարույթ է հարուցել:

Պալատի մամուլի խոսնակ Հայկ Հակոբյանից «Հայկական ժամանակ»-ը տեղեկացավ, որ զանգվածային լրատվամիջոցների հրապարակումների առիթով ՀՀ փաստաբանների պալատում քննարկվել են փաստաբաններ Հայկ Ալումյանի և Ռուբեն Սահակյանի նկատմամբ կարգապահական վարույթ հարուցելու հարցերը:

Ըստ այդմ, Հայկ Ալումյանի մասով Փաստաբանների պալատի նախագահը որոշել է կարգապահական վարույթ հարուցելը մերժել: Պալատը գտել է, որ Ալումյանը դատավորի հետ կապված իր խոսքը կառուցել է վարչապետի հայտարարության հիման վրա, ուստի երբ վարչապետի հայտարարության մեջ ներկայացվող խոսքերը չեն համարվել վիրավորական դատական իշխանության կողմից, ապա փաստաբան Հայկ Ալումյանի կողմից այդ խոսքերի կրկնությունը, ընդ որում՝ աղբյուրի հղումով, առերևույթ չի կարող համարվել կարգապահական վարույթ հարուցելու հիմք:

Ինչ վերաբերում է Ռուբեն Սահակյանին, նրա նկատմամբ կարգապահական վարույթ է հարուցվել նախորդ նիստից հետո լրագրողների հետ ճեպազրույցում դատավոր Աննա Դանիբեկյանի մասին արված արտահայտությունների համար: «Ռուբեն Սահակյանի նկատմամբ կարգապահական վարույթ է հարուցվել դատավոր Աննա Դանիբեկյանի հասցեին առերևույթ զսպվածությունը և բարեկրթությունը սահմանազանցող արտահայտություններով փաստաբանի կամ փաստաբանության նկատմամբ վստահությունը կամ հարգանքը խաթարելու վարքագիծն ստուգելու նպատակով»,- ասաց խոսնակը:

Նշենք, որ Ռուբեն Սահակյանը լրագրողների հետ ճեպազրույցում մասնավորապես նշել էր հետեւյալը. «Նա (նկատի ունի Աննա Դանիբեկյանին,-խմբ.) չի տիրապետում իր մասնագիտությանը: Նախորդ նիստում չհասկացավ, թե ինչի մասին եմ խոսում և ասաց՝ «կարճ կապեք»… Եթե չես հասկանում, ինչո՞ւ կարճ կապեմ, գնա ձեր տուն, կատուներին դատապարտի: Քո կատուների գործը լսի, ոչ թե մարդկանց… Դե, նա շատ կատուներ է պահում»:

Փաստաբանների պալատն ընդգծել է, որ Փաստաբանների և իրավաբանների միությունների եվրոպական խորհրդի «Եվրոպայում իրավաբանի մասնագիտության հիմնարար սկզբունքների մասին» խարտիայում սահմանված սկզբունքներով պահանջվում է խուսափել գործընկերների, առանձին դատավորների և դատարանի ընթացակարգերի ու որոշումների վիրավորական քննադատությունից:

Պալատը նաեւ հարկ է համարել արձանագրել, որ փաստաբանի նկատմամբ կարգապահական վարույթ հարուցելն ինքնին չի նշանակում, որ փաստաբանը թույլ է տվել կարգապահական խախտում, և այդ հարցի վերջնական պատասխանը կարող է տրվել միայն կարգապահական վարույթի իրականացման արդյունքում` Պալատի խորհրդի համապատասխան որոշմամբ:

«Հայկական ժամանակ»-ի հետ զրույցում Ռուբեն Սահակյանը նշեց, որ ինքը վարույթի հարուցման մասին տեղեկություն չունի, եւ դա իրեն չի հետաքրքրում. «Ես հո չեմ հրաժարվում, ես այդ բառերն ասել եմ եւ նորից կկրկնեմ»: Հարցին՝ չի՞ կարծում արդյոք, որ այդ խոսքերն ինչ-որ չափով վիրավորական կարող էին լինել, Ռուբեն Սահակյանը պատասխանեց. «Իսկ վիրավորական չէ՞ այն, որ նա ինձ թույլ չի տալիս խոսել, երբ ես հրապարակում եմ իմ ելույթը, փորձում եմ կարդալ իմ տեքստը, նա ինձ ասում է՝ խոսեք թեմայից, ես նրան ասում եմ՝ լսեք, որ իմանաք՝ ես թեմայի մեջ եմ, թե ոչ, իսկ նա առանց լսելու ինձ շարունակ ընդհատեց եւ այդպես էլ չլսեց»:

Ռուբեն Սահակյանի խոսքով՝ եթե դատավորն իրենց միջնորդությունը մերժում է առանց պատճառաբանելու, ուրեմն՝ չի կարող դատավոր լինել. «Իր որոշման մեջ դատավոր Աննա Դանիբեկյանն արտագրել էր իմ ներկայացրած տեքստը, սակայն ոչ մի հարցի չէր պատասխանել: Ես տեքստի մեջ երկու տարբեր տեղերում գրել էի, որ դատարանը պարտավոր է պատճառաբանել իր որոշումը, բայց պատճառաբանություն չկա: Հիմա սա դատարա՞ն է, դատարանի վարքագի՞ծ է. չէ՞ որ դու պարտավոր ես պատճառաբանել քո որոշումը, իսկ դու ընդամենը գրում ես՝ գրավն ի զորու չէ: Հիմա եթե գրեր, որ գրավն ի զորու է ազատ արձակել Ռոբերտ Քոչարյանին, դատախազները բողոք կբերեին եւ կասեին, որ դատավոր Դանիբեկյանը չի պատճառաբանել որոշումը, որովհետեւ դա պատճառաբանություն չէ, դա կարծրատիպային ձեւակերպում է, ինչի համար Հայաստանի Հանրապետությունը տասնյակ անգամներ, չեմ կասկածում, արդեն մոտ 150.000 եվրոյի գումարներ է վճարել քաղաքացիներին, որովհետեւ մեր դատարանները խախտել են նրանց իրավունքները: Լեւոն Տեր-Պետրոսյանի ժամանակ մենք դեռ չէինք կարողանում դիմել Եվրոպական դատարան, բայց 2002 թվականից արդեն կարողանում ենք, եւ այդպես եղել է Ռոբերտ Քոչարյանի օրոք, Սերժ Սարգսյանի օրոք, այդպես եւ շատ ավելի վատ ձեւերով շարունակվում է Նիկոլ Փաշինյանի օրոք: Ո՞ւր ենք գնում, ինչո՞ւ: Տարեցտարի ավելանում է այս անտարբեր վերաբերմունքը քաղաքացիների նկատմամբ»,- մեր զրույցում եզրափակեց փաստաբան Ռուբեն Սահակյանը:

 

Տպել
5213 դիտում

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը