Մել Դալուզյանն իմ անձնական պաշտպանության ներքո է․ թույլ չեմ տա ՀՀ դրոշը բարձրացրած մարդուն գցեն ոտքերի տակ․ վարչապետ

Հանրության արձագանքի պատճառով, որ բոլորը թարս են նայել իրեն, հետեւից փսփսացել են, էդ մարդը կանգնել է ինքնասպանության եզրին ու հասկացել՝ պրոբլեմի լուծման միակ ճանապարհը Հայաստանից թողնել-հեռանալն է։ Այս մասին այսօր ԱԺ-Կառավարություն հարց ու պատասխանի ժամանակ հայտարարեց վարչապետ Նիկոլ Փաշինյանը՝ անդրադառնալով սեռափոխված ծանրամարտիկ Մել Դալուզյանի մասին ֆիլմի նկարահանման համար ՀՀ բյուջեից գումար հատկացնելուն։ 

Փաշինյանն ասաց, որ ֆինանսավորման որոշումների կայացման փուլում ինքն այդ որոշումներից տեղյակ չի եղել եւ իմացել է վերջերս ու ինքն իրեն հարց է տվել․ եթե զեկուցեին, ասեին՝ այսպիսի ֆիլմ է ստեղծվում, ֆինանսավորվում է 10 տարբեր սուբյեկտների կողմից եւ ակնկալվում է, որ ՀՀ մշակույթի նախարարությունը 14 տոկոսով պետք է ֆինանսավորի, ինքն ինչպե՞ս կառաջնորդվեր։ Վարչապետը պատասխանեց, որ կառաջնորդվեր հետեւյալ տրամաբանությամբ․

«Ֆիլմն ո՞ւմ մասին է, մի մարդու մասին, որը եվրոպայի եռակի չեմպիոն եւ ռեկորդակիր է, որի ռեկորդը մինչեւ հիմա շարունակում է գոյություն ունենալ, որի չեմպիոնության պատվին ՀՀ դրոշը երեք անգամ բարձրացել է, հիմնը երեք անգամ հնչել է։ Մարդը ունեցել է պրոբլեմ, որը նորություն չէ մեր իրականության մեջ եւ նույնիսկ մեր բառապաշարի մեջ այդ պրոբլեմն ունի կոնկրետ նկարագրում, բառը ես հիմա չեմ կրկնի, որովհետեւ ժամանակի ընթացքում վատ իմիջ ունի, այդ պրոբլեմի պատճառով հասել է ինքնասպանության եզրին։ Մարդը, որի պատվին երեք անգամ հիմն է հնչել, դիմավորել ենք, դափնեպսակներ ենք շնորհել, գովել ենք, մրցանակներ տվել, դրա պատճառով հասել է ինքնասպանության եզրին, որովհետեւ սկզբից թիմակիցները, հետո մարզիչները սկսել են իմանալ խնդրի մասին, եւ նա հասկացել է՝ պրոբլեմի լուծման միակ ճանապարհը Հայաստանից թողնել-հեռանալն է, հետո հասկացել է, որ դա բժշկական ցուցում ունեցող պրոբլեմ է, որ ժամանակակից աշխարհը հնարավորություն է տալիս էդ պրոբլեմը լուծելու։ Չնայած մարդիկ ասում են՝ եթե այդպիսին է ստեղծվել․․․ կներեք, երեխեք կան՝ սրտի արատով են ստեղծվում, եկեք թողենք՝ ոնց կա, տենց էլ մնա»,- ասաց վարչապետը՝ շարունակելով, որ եթե մարդն իր վաստակով լրիվ համապատասխանում է մեր պատկերացումներին, պոպուլյար ծիծակ կոշիկներից է հագնում՝ խնդիր չունենք, երբ խնդիր ունի, տառապանք ունի, եւ իր միջավայրում այդ բաց վերքին անընդհատ աղ են լցնում, ստիպում ենք՝ թողնի, գնա, խաչ ենք քաշում իր վրա․

«Երբ որ ինքը չեմպիոն է, մենք կկանգնենք, կնկարվենք հետը, երբ որ պրոբլեմ ունի, քեզ հետ գործ չունենք, ՀՀ-ի իմ պատկերացումն էսպիսին չէ։ Որ փառքի ժամանակ կողքին ենք, երբ պրոբլեմ ունի, խաչ ենք քաշում իր վրա։ Ես տեղյակ չեմ եղել, որ որոշում է կայացվել ֆինանսավորել այդ ֆիլմը, բայց ես շատ գոհ եմ, որ ֆինանսավորվել է այդ ֆիլմը»,- ասաց Նիկոլ Փաշինյանը՝ շեշտելով, որ միջազգային եւ բարոյահոգեբանական առումով ֆիլմի ֆինանսավորմանը չմասնակցելը խարան է ՀՀ-ի կառավարության եւ ՀՀ-ի ճակատին։

Անդրադառնալով խոսակցություններին, թե եթե այդ ֆիլմը տարածվի, մարդիկ կսկսեն այդպես վարվել՝ Փաշինյանն ասաց, որ դա նույնն է, որ սրտի վիրահատության մասին ֆիլմ ցույց տան եւ բոլորը գնան այդ վիրահատությունն անեն։

Վարչապետը ֆիլմի շուրջ բարձրացված աղմուկը համարում է էժանագին պրոպագանդա։

«Համարում եմ դա կոռուպցիոն տաշտակից, լափամանից զրկվածների պրոպագանդա։ Նրանք էդ լափամանին մոտ չեն գալու, որովհետեւ լափամանը չկա, լափը չկա ու նրանց ուտելու հնարավորությունները հավերժ փակված են»,- ասաց վարչապետը՝ շեշտելով՝ ՀՀ քաղաքացին ՀՀ քաղաքացի է, եւ եթե հարց է՝ ով պետք է ապրի Հայաստանում, ուրեմն, իր խոսքով, բոլոր կոռուպցիոներները, երկիրը թալանածները, ընտրությունները կեղծածները չարիք են ՀՀ-ի համար․

«Թույլ չեմ տա ՀՀ դրոշը բարձրացրած մարդուն գցեն ոտքերի տակ։ Մել Դալուզյանն իմ անձնական պաշտպանության ներքո է։ Ամոթ եմ համարում, որ մարդուն էսքան հեշտությամբ Հայաստանում ոտքերի տակ են գցում, հիմա էդ մարդը Հայաստանից փախել է, էլի փրկություն չունի, էլի ամեն օր քոռ դանակով մորթում են, հաջորդ օրը սկսում ավարտում են դրանով։ Ես ասում եմ՝ գոհ եմ ու հպարտ մեր մշակույթի նախարարությունից, որ էդ որոշումը կայացրել են, կեցցե՛ն իրենք»,- ասաց ՀՀ վարչապետը։

Նրա ելույթից հետո ԱԺ «Իմ քայլը» խմբակցության պատգամավորները ծափահարություններ հնչեցրին։

Տպել
2276 դիտում

ՀՅԴ-ն արտաքսել է այսօր տարածված նամակի հեղինակ երիտասարդներից երեքին

«Մի բան անենք». Շիրակի մարզում նոր արշավ է սկսվել

Ադրբեջանի նախապայմաններն ու Հայաստանի մերժումը. ինչ է քննարկվել 3 ժամ՝ ԱԳ նախարարների հանդիպմանը

Մենք բոլորս պետք է մի լեզվով խոսենք ու նույն նպատակները պետք է հետապնդենք. Կարեն Բրուտյանը

Մեր երկրում տարվում է ուղղորդված պայքար ապօրինի անտառահատումների դեմ. Էրիկ Գրիգորյան

Իրաքում հայտարարել են ԻՊ նախկին առաջնորդի տեղակալին ձերբակալելու մասին

Վարչապետը ՏՏ ոլորտում համաշխարհային ներդրման համար ՀՀ պետական մրցանակ է հանձնել ճապոնացի գիտնական Տակեո Կանադեին

Վիճակագրական տվյալներն առավել քան խոսուն են, փրկված ճակատագրերը՝ անթիվ. Մխիթար Հայրապետյան

Շոտլանդական գետում հայտնաբերվել է Մեծ Բրիտանիայի ամենամեծ ոսկե բնական կտորը. CNN

Լեռնային Ղարաբաղի հակամարտության սրման իրական սպառնալիք կա. ԵԱՀԿ նախագահ

Ամանորին երեք օրը երկուսով անցկացնելը կարժենա 4 հազարից 300 հազար դրամ. առավել մատչելի են հյուրատները

Վարդենյաց լեռնանցքը փակ է բեռնատարների համար, մյուսների համար՝ դժվարանցանելի. ԱԻՆ

Բագրատաշենի սահմանային անցակետից խարդախության մեղադրանքով հետախուզվող է բերման ենթարկվել

60 վերապատրաստող-մենթորներ ներառական կրթության վերապատրաստումներ կանցկացնեն տարբեր դպրոցներում

Ադրբեջանի խորհրդարանն արձակվեց. արտահերթ խորհրդարանական ընտրություններ կլինեն փետրվարի 9-ին

Զոհրաբ Մնացականյանը մասնակցել է ՀԱՊԿ անդամ-պետությունների ԱԳ նախարարների հանդիպմանը

ՀՀ Պաշտպանության նախարարությունը խոհեմության կոչ է անում (տեսանյութ)

«Ֆուդ Ամ» ՍՊԸ պահածոների արտադրամասի գործունեությունը կասեցվել է

Ընտանիքում բռնության ենթարկված անձանց տրամադրվող ծառայությունների եւ աջակցության հնարավորությունները կավելանան

Պարոն Մելքումյան, դուք այնպիսի մունաթով եք խոսում, որ մեզ թվում է, թե այս եղած խնդիրների պատճառը մենք ենք. Թունյան