Մեղրու ազատ տնտեսական գոտու հարակից հողերը, որ սեփականաշնորհել էին որոշ նախկին պաշտոնյաներ, կվերադարձվեն. վարչապետ

2017 թվականի վերջին շահագործման հանձնված Մեղրիի տնտեսական գոտին այսօր չի գործում։ Կառավարության հետ հարց ու պատասխանի ժամանակ այս խնդրի մասին բարձրաձայնեց ԲՀԿ խմբակցության պատգամավոր Միքայել Մելքումյանը․

«Մեղրու ազատ տնտեսական գոտին ԵԱՏՄ քվոտայով մեզ տրված միակ ազատ տնտեսական գոտին է։ Այն երեք խնդրի պատճառով չի գործում։ Առաջին խնդիրն այն է, որ շինարարի հետ չենք կարողանում վերջնական շահագործման ակտ ունենալ, որի արդյունքում ՓԲԸ-ն կադաստրային թղթեր չի ունենում, որ կարողանա պայմանագրեր կնքել։ Խոսքը 410 մլն դրամի մասին է, փոքր վեճ կա, բայց ես զարմանում եմ՝ ինչո՞ւ այդ հարցը չի լուծվում»,- ասաց նա։

Պատգամավորն ասաց, որ երկրորդ խնդիրը սահմանապահ կառույցների հետ է կապված, եւ, ըստ Մելքումյանի, կառուցակարգային հարց է, որը կարող է շատ հեշտ լուծվել։ Երրորդ խնդիրը հարակից հողերի ձեռքբերման խնդիրն է․

«Հիմա հարց է առաջանում, եթե շինարարությունը կատարվել է, շենքը հոյակապ վիճակում է, կահավորված է, մենք պետք է այնտեղ գործունեություն իրականացնենք ի շահ մեր պետության, այսինքն՝ Իրանից պետք է գան նյութեր, դառնան հայկական ապրանք ու արտահանվեն,  ինչո՞ւ չի շահագործվում»,- հարցրեց Մելքումյանը։

Հարցին պատասխանեց վարչապետ Նիկոլ Փաշինյանը՝ խոսքը սկսելով, որ իրականում Մելքումյանի թվարկած խնդիրները գլխիվայր կշրջեր․

«Կսկսեի հարակից հողերի հարցից»,-ասաց Փաշինյանն ու նշեց, որ անցած տարի այնտեղ կատարած այցի ժամանակ պարզել է, որ ազատ տնտեսական գոտին հողատարածք չունի, քանի որ նախկին բարձրաստիճան որոշ պաշտոնյաներ «շատ ճարպկորեն» սեփականաշնորհել էին հարակից հողերը․

Կառավարության ղեկավարի ներկայացմամբ այսօր գոտին ունի մի շենք, մի ավտոկանգառ ու ուրիշ ոչինչ, այսինքն՝ գործունեություն ծավալելու տարածք չկա․

«Դրանից հետո հարուցվել է քրեական գործ, սկսկել է գործընթաց՝ ապօրինի սեփականշնորհումները ետ շրջելու համար, որպեսզի ազատ տնտեսական գոտին իրոք ազատ տնտեսական գոտի դառնալու հնարավորություն ունենա։ Այդ հարցը հիմա դատարանի օրակարգում է։ Ինչ վերաբերում է սահմանապահ ուղեկալի հետ աշխատանքի կազմակերպմանը, դա նաեւ հայ-իրանական միջկառավարական հանձնաժողովի քննարկման առարկա է, նաեւ Հայաստանի կառավարության համապատասխան աշխատանքային խումբը քննարկում է»,-ասաց վարչապետը։

Նա ընդգծեց, որ Մեղրու անցակետի արդիականացման խոշոր ծրագիր կա, կառավարության հաշվարկներով՝ այն հնարավոր է իրականացնել 2023 թվականին։

Ի պատասխան Մելքումյանը հորդորեց սկսել գործունեությունը փոքր տարածքում, հակառակ դեպքում՝ ԵԱՏՄ-ում պետք է սկսեն հիմնավորումներ ներկայացնել։

Առավել մանրամասն՝ տեսանյութում․

Տպել
967 դիտում

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները