Սասուն Միքայելյանը որեւէ աջակցություն մեր թեկնածուին չի ցուցաբերել. Ռոմանոս Պետրոսյան

Երեկ՝ հունիսի 9-ին, Կոտայքի մարզի Աբովյան քաղաքում տեղի ունեցած քաղաքապետի ընտրությունների արդյունքում նախնական տվյալներով՝ հաղթել է գործող քաղաքապետ, անկուսակցական Վահագն Գեւորգյանը, որին հովանավորում էր ԲՀԿ-ն: Նա հաղթել 8453 քվեով: Իշխող քաղաքական ուժի թեկնածուն`ՔՊ կուսակցության անդամ Գրիգոր Գուլյանը, ստացել էր 8058 ձայն: Երեկ՝ ընտրությունների ժամանակ, արձակուրդի մեջ գտնվող Կոտայքի մարզպետ Ռոմանոս Պետրոսյանը ֆիքսել էր, որ ԲՀԿ-ին սատարող անձանցից մեկի մոտ ցուցակ կա՝ անուն ազգանուններով եւ հեռախոսահամարներով:

Աբովյանի քաղաքապետի ընտրությունների արդյունքների վերաբերյալ «Հայկական ժամանակ»-ը զրուցել է Ռոմանոս Պետրոսյանի հետ:

- Պարոն Պետրոսյան, ըստ էության արդեն արձանագրվել է, որ Աբովյանի քաղաքապետի ընտրություններում հաղթել է ԲՀԿ-ի սատարած թեկնածուն՝ 395 ձայնի տարբերությամբ: Մինչ ընտրությունները մի քանի անգամ հայտարարել էիք, որ աբովյանցին պետք է անի իր քայլը: Ո՞րն է պատճառը, որ աբովյանցին չարեց այդ քայլը եւ թողեց այն՝ ինչ կար:

- Որքանով կարողացանք վերլուծել, թե ինչու մենք ընդամենը 395 ձայնով զիջեցինք, կարծում եմ՝ աբովյանցիների այդ փոքրիկ տարբերությամբ մեծամասնությունը պարզապես տուրք տվեց նախկին քաղաքական մշակույթին, տուրք տվեց գուցե իր նեղ անձնական շահերին, կաշկանդումներին, աշխատանքը չկորցնելու հնչեցված սպառնալիքներին, հաղթող թեկնածուի նախընտրական շտաբի ու շտաբը ղեկավարող կոնկրետ կարկառուն բարգավաճականների հորդորներին եւ սպառնալիքներին ու կարծես թե փոքրիկ՝ չնչին տարբերությամբ հաջողեցին: Բայց ես պիտի նաեւ ուրախությամբ ֆիքսեմ, որ առնվազն 8050 քաղաքացի քայլ արեցին, քայլ արեցին՝ մերժելու կեղծիքի, առերեւույթ հանցակազմեր պարունակող քաղաքական թիմի գործողությունների ոճը, գործողությունները եւ դրա շարունակականությունը, որը հրամցնում էր քաղաքապետը: Ես պիտի շնորհակալություն հայտնեմ այդ արժանապատիվ քաղաքացիներին: Պիտի այս փուլի համար ամրագրենք հետեւյալը՝ այո, Աբովյանում մենք արժանապատվորեն ընդունում ենք բացառապես քաղաքացու քվեով պայմանավորված չնչին տարբերությամբ մեր պարտությունը, բայց միեւնույն ժամանակ նշում ենք, որ Աբովյանում անելիք ունենք, շատ խորքային անելիքներ, քանի որ սա քաղաքական, սոցիալական եւ իրավական հարթությունից բացի, բարոյական ու մշակութային հարթության խնդիր է:

Շատ տարօրինակ է, որ քաղաքացին բողոքում է իր կենցաղից, բողոքում է իր կյանքի որակից, բողոքում է իր կեցությունից, բայց դարձյալ այդ մանդատը տալիս է այդ խնդիրները ստեղծողին: Այստեղ մի բան առողջ չէ: Փաստ է, որ մանդատը տվել է եւ մենք ընդունում ենք ի գիտություն ու ամրագրում ենք օրենքով, բայց դրա մոտիվը, թե ինչու է մանդատը տվել, մենք պիտի բացահայտենք: Ու կարծես թե, մենք հասկացել ենք դրա մոտիվը. դրա մոտիվը հին իշխանության քաղաքական մշակույթն է, աշխատանքը չկորցնելու, եթե ոչ ուղղակի ապա անուղղակի սպառնալիքն է, դրա մոտիվը կաշկանդումներն են տարբեր ուժի կենտրոններից, դրա մոտիվը նաեւ բիզնես կայսրության մեջ փոքրիկ աշխատավարձով կամ կեցությունն ապահովելու այդ աղբյուրը չկորցնելու վտանգն է: Այ դա պետք է հետայսու աշխատենք մեղմել եւ քաղաքացուն վերջնականորեն ներարկել այն հոգեվիճակը, որ ՀՀ-ն է քո կեցությունը որոշող, ոչ թե որոշակի օլիգարխիկ շրջանակներ կամ ուժի կենտրոններ կամ պարզապես քո գործատուն: Գործատուն միայն աշխատանքով ապահովողն է եւ այդ գեներացված շահույթից շահութահարկ ու հարկեր վճարողը: Բայց գործատուն քո քաղաքական կամքին չի կարող բռնանալ եւ քեզ թելադրել քո կեցությունը:

- «Իմ քայլը» դաշինքը դեկտեմբերին կայացած խորհրդարանական ընտրություններում Աբովյանում 13 հազար ձայն էր ստացել, իսկ ԲՀԿ-ն՝ մոտ 5 հազար: Սոցցանցերում քննարկվում էր, որ իշխող ուժը ձայների կորուստ է ունեցել, ինչո՞վ է դա պայմանավորված:

- Այդ մատնանշումը հիմնականում, կարծում եմ, այն մարդիկ են անում, ովքեր գլոբալ քաղաքականությանը միանշանակորեն են նայում ու քաղաքական ինստիտուտների տարբերությունները գրեթե չեն ուզում հասկանալ կամ չեն հասկանում: Համապետական ընտրությունների քվեն պայմանավորված է համապետական լիդերների քաղաքական քաշով, համապետական ասելիքի կոնտեքստով, համապետական բնույթի քաղաքականությամբ ու առաջնահերթություններով: Տեղական ինքնակառավարումը կառավարման մի ինստիտուտ է, որն ավելի լոկալ, ավելի ռեգիոնալ նշանակություն ունի եւ այնտեղի քվեն ուղղակիորեն պրոյեկտել տեղական ինքնառավարմանը, դա լուրջ չէ: Եկեք նաեւ հաշվի նստենք այն հանգամանքի հետ, որ Գրիգոր Գուլյանը մասնավորապես իմ քաղաքական շրջանակի Աբովյանի ՔՊ տարածքային կառույցի ներկայացուցիչ է, որտեղից նաեւ ես եմ: Ես ռեյտինգային ընտրակարգով Աբովյանում ֆիքսել էի շուրջ 7 հազար ձայն, որի մեջ իր ջանքը ուներ նաեւ Գրիգոր Գուլյանը: Այս անգամ արդեն ՔՊ-ի Աբովյանի մեր միկրոթիմը ֆիքսեց մոտ 8 հազար ձայն: Այդ առումով մենք պրոգրես ունենք:

- Խորհրդարանական ընտրությունների ժամանակ Կոտայքի մարզում «Իմ քայլը» դաշինքից ռեյտինգային ընտրակարգով առաջադրված մյուս թեկնածուները, որոնք Աբովյանից ձայներ էին բերել, չաջակցեցի՞ն այս ընտրություններում: Միայն դո՞ւք էիք զբաղվում Աբովյանի քաղաքապետի ընտրություններով:

- Աբովյանի քաղաքապետի ընտրությունների հիմնական քաղաքական պատասխանատվությունը ես էի ստանձնել՝ կամովին: «Իմ քայլը» դաշինքի պատգամավորներից մեր քարոզարշավին մասնակցել է պատգամավոր Վահե Հովհաննիսյանը: Ինչպես նաեւ 1-2 անգամ այցելությամբ սոլիդարության ժեստ են արել Լիլիթ Ստեփանյանն ու Վաղարշակ Հակոբյանը: Ավելին ասեմ՝ Աբովյանում միայն քաղաքականությամբ չէր պայմանավորված այս ընտրությունների ելքը, այս ընտրությունների ելքը նաեւ պայմանավորված էր որոշակի ներանձնային շահերի, կլանային հարաբերությունների, միջկլանային հարաբերությունների ստատուս քվոյով, որը չէր կարող կանխորոշել, բայց արդյունքում անդրադարձավ Աբովյանի ընտրությունների վերջնարդյունքի վրա:

- Սասուն Միքայելյանը աջակցություն ցույց չտվե՞ց ՔՊ-ի թեկնածուին:

- Ոչ, Սասուն Միքայելյանը Աբովյանի քաղաքապետի ընտրություններում որեւէ աջակցություն մեր թեկնածուին չի ցուցաբերել:

- Կարողացա՞ք պարզել, թե երեկ ինչ ցուցակներ կային ԲՀԿ աջակիցներից մեկի մոտ:

- Այս պահին նյութեր են նախապատրաստվում ոստիկանության Աբովյանի բաժնում: Արդեն բացատրություններ են վերցվել կողմերից եւ լիահույս եմ, որ մոտ օրերս արդեն հանդես կգան հայտարարությամբ ու կհասկանանք: Բայց ակնհայտ է, որ տվյալ տիկինը ԲՀԿ-ի կարկառուն ներկայացուցիչներից մեկն է Աբովյանում, նա նաեւ երկար ժամանակ հանդիսացել է «Գագիկ Ծառուկյան» բարեգործական հիմնադրամի ուսանողական խորհրդի ղեկավարը ու ակնհայտ քաղաքական ծառայություններ եւ քաղաքական գիծ է առաջ մղել Աբովյանում: Պատահական չէ այդ ցուցակը իր մոտ գտնվելու եւ այդ տարածքում կիրառելու այդ փորձը, քանի որ ինքն ապրել է այդ տարածքում, գործել է այդ տարածքում եւ այդ ընտրատեղամասում էլ նշանակված էր ԲՀԿ-ի կողմից: Ահա հին քաղաքական մշակույթի վերարտադրման փորձի ցայտուն օրինակ:

- Վաղը ձեր արձակուրդն արդեն ավարտվելու է եւ մարզպետի կարգավիճակով շարունակելու եք Վահագն Գեւորգյանի հետ աշխատել: Ինչպե՞ս է դա լինելու, քանի որ քաղաքական հակառակորդներ եք եւ այս քարոզարշավի ժամանակ էլ բուռն քննադատություններ արեցիք միմյանց հասցեին:

- Սա Վահագն Գեւորգյանի հետ անձնական հարց չէ: Սա քաղաքական հարց է, իմ քաղաքական գնահատականները՝ հին քաղաքական մշակույթի եւ քաղաքական սաբոտաժի դրվագների մասով, մնում են ուժի մեջ, ինչպես նաեւ քրեական գործեր կան հարուցված, եւ ես, որպես պետական պաշտոնյա, պարտավոր եմ օրենքով ինձ վերապահված լիազորությունների եւ իրավասությունների շրջանակներում հետամուտ լինել, որպեսզի հավուր պատշաճի այդ գործերը քննվեն իրավապահների, գերատեսչությունների կողմից: Արդյունքը իրավական պետության նորմերին հարիր ընթացք կստանա: Բայց մարզպետի ինստիտուտի առումով՝ ես իմ աշխատանքը կազմակերպելու եմ բացառապես օրենսդրությամբ սահմանված դրույթով: Համագործակցելու ենք այնքանով, որքանով համագործակցում են մարզպետը եւ նորընտիր քաղաքապետը, ոչ ավելին, ոչ պակաս: Քաղաքական առումով իմ գնահատականները մնում են ուժի մեջ՝ Վահագն Գեւորգյանի վերարտադրությունը ինձ համար վստահության աճ չի կարող լինել իր նկատմամբ, քանի որ առնվազն այն փաստերը, որոնց հիման վրա քրեական գործեր են հարուցված, հերքված չեն եւ առնվազն այն փաստերը, որոնք վեր եմ հանել եւ իր նկատմամբ վստահության պակաս է առաջացել, մինչ այս պահը դարձյալ հերքված կամ բացառված չեն, մնում են ուժի մեջ:

Տպել
18836 դիտում

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ