Թոխմախի Բաբո անունով հայտնի Բաբկեն Ղազարյանը դատի է տվել Դանիել Իոաննիսյանին. մինչ այդ նա մարդ էր ծեծում (լուսանկար)

ՀՀ մաքսային ծառայության գնդապետ, շատերին Թոխմախի Բաբո անունով հայտնի Բաբկեն Ղազարյանը դատի է տվել «Իրազեկ քաղաքացիների միավորում» հասարակական կազմակերպության ծրագրերի համակարգող Դանիել Իոաննիսյանին՝ նրա որոշ հայտարարություններ համարելով իր պատիվն ու արժանապատվությունը արատավորող:

«Նախկինում մենք չենք տեսել դեպքեր, որ ազգային անվտանգության ծառայությունը կամ ծառայության տնօրենը այդքան սերտ համագործակցության մեջ լինի քրեական հեղինակությունների հետ: …Քրեական հեղինակությունների անուններն էլ շատերը գիտեն, այսինքն անուն-ազգանունները ես չգիտեմ, մականուններով են ասում՝ Վստրեչի Ապեր, Թոխմախի Բաբո, Վովայի Արշակ: Այսինքն էդ մարդիկ հիմա իրանց ավելի ազատ են զգում, քան նախկինում...»,- մայիսի 22-ին հրապարակային մի քննարկման ժամանակ ասել է Դանիել Իոաննիսյանը:

Տարածված հայտարարությամբ նրան արձագանքել է Բաբկեն Ղազարյանը՝ մասնավորապես նշելով. «…Ստահոդ լուրերն իբրեւ անհերքելի ճշմարտություն մատուցելու անթաքույց մղումներն այդքանով չեն սահմանափակվել եւ առաջին փորձին հաջորդել է եւս մեկը՝ անտեսելով ԱԱԾ տնօրեն Արթուր Վանեցյանի՝ մայիսի 24-ին հնչեցրած պարզաբանումը թեմայի մասին, ըստ որի՝ ԱԱԾ ղեկավարն, անդրադառնալով իմ՝ քրեական հեղինակություն հանդիսանալու եւ ԱԱԾ-ի հետ համագործակցության մասին Իոաննիսյանի պնդումներին, նշել էր, որ Բաբկեն Ղազարյանը ՊԵԿ-ի մաքսային ծառայության գնդապետ է, աշխատել է նաեւ Էրեբունի վարչական շրջանի ղեկավարի տեղակալ, եւ շփումը եղել է ի պաշտոնե: Ա.Վանեցյանի հայտարարությունից անմիջապես հետո Իոաննիսյանը մայիսի 25-ին կրկին նույնաբովանդակ տեսակետներ է հնչեցրել»:

Ղազարյանը համոզմունք է հայտնում, որ Իոաննիսյանը հստակ նպատակադրումով սկսել է ինչպես իր, այնպես էլ ԱԱԾ տնօրենի անձն ու գործունեությունը պախարակելու գործընթաց:

«Հետեւաբար անհրաժեշտ եմ համարում հասարակությանը եւս մեկ անգամ հիշեցնել, որ ես ոչ թե քրեական հեղինակություն եմ, ինչպես հայտարարում է Իոաննիսյանը, այլ Բաբկեն Ղազարյանը, ով ՀՀ պետական եկամուտների կոմիտեում երկարամյա արդյունավետ գործունեություն է իրականացրել՝ նպաստելով մաքսային բարեփոխումներին նպատակաուղղված բազմաթիվ հաջողված միջոցառումների իրականացմանը, որոնց արդյունքում էապես բարելավվել են մաքսային ընթացակարգերը՝ դառնալով արագ, արդյունավետ ու որակյալ: Ավարտել եմ ԵՊՀ իրավաբանական ֆակուլտետը՝ ստանալով իրավաբանի որակավորում, գերազանցությամբ ավարտել եմ նաեւ Ռուսաստանի մաքսային ակադեմիան՝ կատարելագործելով մաքսային ոլորտում գիտելիքներս ու փորձառությունս: Գերազանց եւ բարեխիղճ ծառայության համար ինձ շնորհվել է մաքսային ծառայության գնդապետի հատուկ կոչում, պարգեւատրվել եմ նաեւ հուշամեդալներով: Իմ գործունեությամբ հասարակության կողմից մշտապես ընկալվել եմ որպես պատշաճ վարքագիծ ունեցող, օրինապահ քաղաքացի»,- նշել է նա:

Վերջինս դատարանի միջոցով պահանջում է, որ Դանիել Իոաննիսյանը զրպարտություն համարվող հայտարարությունները հերքի հրապարակայնորեն՝ լրատվամիջոցների ներկայությամբ: Այնպես, ինչպես դրանք տարածել է: Նաեւ ակնկալում է 2 միլիոն դրամ ու խոստանում, որ գումարը կօգտագործվի բարեգործական նպատակներով:

«Բաբկեն Ղազարյան անունով մեկը ինձ դատի է տվել, ըստ էության, ասելով, որ թեեւ ինքը «Թոխմախի Բաբոն» է, բայց կիրթ, ինտելիգենտ տղա է, իսկ ես իրեն զրպարտել եմ (ասել եմ, որ քրեական հեղինակություն է): Բնականաբար, եթե հայցից չհրաժարվի, ոչ միայն հակընդդեմ հայց է ստանալու ԶԼՄ-ներով իմ մասին իր հայտարարության համար, այլեւ մի քանի այլ «հաճելի» անակնկալ: Թող ինձ դատի տված 30 տնօրեններից խորհուրդ հարցնի:)))) Բայց սյուռն այն է, որ այդ անձը պնդում է, որ ես նպատակադրումով եմ իրեն պախարակում:))) Երեւի նախանձում եմ, որ ինքը մականունով ու «քուչում հարգըված տղայա»»,- Բաբկեն Ղազարյանի հայտարարությանը ֆեյսբուքյան գրառմամբ արձագանքել է «Իրազեկ քաղաքացիների միավորում» հասարակական կազմակերպության ծրագրերի համակարգող Դանիել Իոաննիսյանը:

 ***

Բաբկեն Ղազարյանը, որը հայտարարում է, թե իր գործունեությամբ հասարակության կողմից մշտապես ընկալվել է որպես պատշաճ վարքագիծ ունեցող, օրինապահ քաղաքացի, ժամանակին մարդ էր ծեծում: Դեռ տարիներ առաջ հայտնի էր, որ նա Էրեբունու այժմ նախկին թաղապետ Մհեր Սեդրակյանի ընկերոջ որդին է, եւ «Հայկական ժամանակի» լրագրողը լավ է հիշում, թե Ղազարյանն ինչպես է 2008 թվականի նախագահական ընտրությունների օրը նույն Էրեբունու ընտրատեղամասերից մեկում հարձակվել իր վրա, բռնությամբ խլել ձայնագրիչն ու ֆոտոապարատը, երբ ՀԺ-ի լրագրողը ֆիքսել է տեղամասում ընթացող համատարած, ճչացող ընտրախախտումները: Այդ օրը Բաբկեն Ղազարյանը հարվածել էր նաեւ Աժ այն ժամանակվա պատգամավոր, «Ժառանգություն» խմբակցության անդամ Արմեն Մարտիրոսյանին, որը փորձել էր պաշտպանել լրագրողին: Լրագրողի նկատմամբ բռնության այս աղմկոտ միջադեպը տեղ գտավ միջազգային հեղինակավոր բոլոր կազմակերպությունների զեկույցներում, որից հետո իշխանությունները ստիպված էին քրեական գործ հարցուցել, որը սակայն, բնականաբար, կոծկեցին, կարճեցին: 

Դեռեւս մաքսային ծառայության աշխատակից չդարձած Բաբկեն Ղազարյանի բազկի ուժը թերեւս չեն մոռացել նաեւ 2008-ի քաղաքական զբոսանքների մասնակից այն քաղաքացիները, որոնք Հյուսիսային պողոտայում հուլիսի 2-ին հարձակման էին ենթարկվել մի խումբ անձանց կողմից, որոնց թվում է եղել Բաբկեն Ղազարյանը: Հիշեցնենք, որ Համաժողովրդական շարժման բազմաթիվ մասնակիցներ ու այդ ընտրություններում նախագահի թեկնածու առաջադրված Լեւոն Տեր-Պետրոսյանի համակիրներ Մարտի 1-ի արյունալի իրադարձոթյուններից ու արտակարգ դրության ավարտից հետո քաղաքական զբոսանքներ էին իրականացնում, ինչն ազդում էր իշխանությունների նյարդերի վրա:

««Ես ճանաչեցի Էրեբունիից մի քանիսին: Էրեբունիի թաղապետ Մհեր Սեդրակյանի թիկնապահներն էին»,- Հյուսիսային պողոտայում քաղաքացիների վրա հարձակումից հետո լրագրողներին ասում էր 77-ամյա տիկին Լուսինեն, ով նույնպես փորձել էր միջամտել, երբ տեսել էր, թե ինչպես են սադրիչները ծեծում մեկին: «Իմ աչքի առաջ մի մարդու գցեցին գետնին եւ հարվածում էին գլխին: Ես փորձեցի պաշտպանել, բայց էդ լակոտը ինձ վերցրեց եւ ինչքան ուժ ուներ, գետնին տվեց: Հիմա չեմ կարողանում շունչ քաշել: Բա սա երկի՞ր է»,- ասում էր նա: …«Մեկը Արեշի բնակիչ է, որը միշտ զբաղվել է ընտրակեղծիքներով` չակերտավոր թաղապետ Մհեր Սեդրակյանի` Թոխմախի Մհերի համար, մյուսն էլ Իսրայել Հակոբկոխյանի աշակերտն էր, ում ես ճանաչում եմ անձամբ»,- վկայում էր մեկ ուրիշը»,- կարդում ենք այդ օրերի մամուլում:

Ոստիկանները վերոնշյալ ծեծկռտուքին չէին միջամտել, թեպետ ամեն ինչ տեղի էր ունեցել նրանց աչքի առաջ: Բռնության հեղինակներն էլ պատասխանատվության չեն ենթարկվել: Ավելին, ոմանք հետո պաշտոններ են ստացել: 2012 թվականին էլ Բաբկեն Ղազարյանը համալրել է Հանրապետական կուսակցության շարքերը:  

Նկարում շրջանակի մեջ վերցված անձը Բաբկեն Ղազարյանն է՝ Հյուսիսային պողոտայում քաղաքացիների վրա հարձակման եւ նրանց նկատմամբ բռնություն կիրառելու ժամանակ: Այս նկարը եւ համապատասխան միջադեպի մասին տեղեկությունը հրապարակվել է ՀԺ-ի 2008 թվականի հուլիսի 3-ի համարում: Բաբկեն Ղազարյանը, բնականաբար, պատասխանատվության չի ենթարկվել, ավելին, նա կեղծված ընտրությունների ժամանակ եւ ընտրություններից հետո իշխանություններին մատուցած ծառայությունների դիմաց որպես պարգեւատրում ստացել է ՀՀ Պետեկամուտների կոմիտեի ավտոտրանսպորտային միջոցների մաքսային ձևակերպումների մասնագիտացված մաքսատան պետի պաշտոնը:

Տպել
23088 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում