Նոր ուսումնական տարվանից դասագրքերի մի մասը կլինեն երկու մասից, եւ պայուսակները կթեթեւանան

Նոր ուսումնական տարվանից որոշակիորեն կբեռնաթափվեն աշակերտների պայուսակները: Տասնյակ դասագրքեր տպագրությունից առաջ կբաժանվեն երկու մասի, որպեսզի երեխաներն անհրաժեշտություն չունենան ամեն անգամ տեղափոխել ամբողջ դասագիրքը: Այս փուլում խոսքը վերաբերում է այն դասագրքերին, որոնց գործածության ժամկետն արդեն լրացել է եւ անհրաժեշտ է դրանք վերահրատարակել:

«Այս տարի առաջին անգամ մոտավորապես 45 անուն դասագրքեր կկիսվեն երկու մասի՝ առաջին մաս եւ երկրորդ մաս: Առաջին կիսամյակում դասագրքի երկրորդ մասը երեխան կպահի տանը, իր հետ ծանր դպրոց չի տանի, դա ավարտելուց հետո նոր կանցնի երկրորդ մասին»,- «Հայկական ժամանակի» հետ զրույցում ասաց կրթության եւ գիտության նախարարության հանրակրթության վարչության պետ Աշոտ Արշակյանը:

Նա ընդգծեց, որ դա չի լինելու պարզապես մեխանիկական կիսում: «Բոլոր հրատարակիչների հետ հանդիպել ենք, հեղինակների հետ քննարկվել է, որովհետեւ դասագրքեր կան, որոնք իրենց վերջին մասում ունեին բառարաններ, հարցերի պատասխաններ, խնդիրների պատասխաններ: Եվ այդ կիսելը կատարվել է այնպես, որ դասապրոցեսի ընթացքում որեւէ խոչընդոտ չառաջանա: Ու հիմնականում կիսվել են այն դասագրքերը, որոնք հնարավոր են եղել, որովհետեւ հրատարակիչների հետ երբ որ հանդիպեցինք, իրենք հրատարակչական այսպիսի խնդիրներ առաջ քաշեցին, որ դասագրքերի էջերի քանակից կախված է նաեւ դասագրքի որակը, որովհետեւ ինչքան քիչ է էջերի քանակը, այնքան թելակարման, կազմի եւ այլնի հետ կապված խնդիրներ են լինում: Դրա համար բոլոր դասագրքերը հնարավոր չեն եղել կիսել»,- շարունակեց Աշոտ Արշակյանը:

Վերահրատարակվելուց հետո, ըստ նրա, երկու մասից են կազմված լինելու տարրական դպրոցի դասագրքերը, որոնք ձեռք է բերում կրթության եւ  գիտության նախարարությունը, ինչպես նաեւ մինչեւ 12-րդ դասարանի այն դասագրքերը, որոնք հրատարակում է դասագրքերի շրջանառու հիմնադրամը: Նոր սկզբունքով են տպագրվելու, օրինակ, 4-րդ դասարանի «Մայրենի լեզու», «Մաթեմակիա», «Անգլերեն», «Գերմաներեն» «Ես եւ շրջակա աշխարհը» առարկաների դասագրքերը, 3-րդ դասարանի «Ռուսաց լեզու», 2-րդ դասարանի «Ես եւ շրջակա աշխարհը», «Մաթեմատիկա», «Մայրենի լեզու» առարակների դասագրքերը եւ այլն: «Առաջիկայում քննարկենք նաեւ մյուս դասագրքերի կիսման հարցը»,- ասաց ԿԳՆ հանրակրթության վարչության պետ Աշոտ Արշակյանը:

Իսկ մինչ այդ նոր ուսումնական տարում դպրոցներում, փաստորեն, կլինեն թե կիսված եւ թե չկիսված դասագրքեր: Ինչպես վստահեցրեց Արշակյանը, նախարարությունը հոգ է տարել, որպեսզի բոլոր աշակերտներն ունենան նաեւ նոր սկզբունքով տպագրվածներից: «Բոլոր մարզպետարանների կրթության վարչության պետերին խորհրդակցության ժամանակ հորդորել ենք, որ դպրոցներում բաժանումը կատարեն այնպես, որ  բոլոր երեխաները հավասարապես ունենան ե՛ւ կիսված ե՛ւ չկիսված դասագրքեր, որպեսզի խտրականություն չլինի»,- ասաց նա:

Աշակերտների դպրոցական պայուսակների ծանրության հարցն, ինչպես հայտնի է, ծնողներին ու բժիշկ-մասնագետներին մտահոգում է արդեն վաղուց, նրանք շարունակ ահազանգում էին, որ դրա հետեւանքով երեխաների մոտ առաջանում են ողնաշարի ու կեցվածքի խնդիրներ: Առկա իրավիճակը պարբերաբար  հայտնվում էր նաեւ ոլորտի պատասխանատուների ուշադրության կենտրոնում, քննարկվել են լուծման տարբեր ուղիներ:

Ժամանակ առ ժամանակ տարբեր ծնողներ կշռում էին երեխաների՝ դասագրքերով ու գրենական պիտույքներով պայուսակը ու արձանագրում, որ դա երեխայի ուժից վեր բեռ է: Տարբեր առիթներով նշվել է, որ օրինակ 6-րդ դասարանի 12 տարեկան երեխայի դպրոցական պայուսակը կշռում է ավելի քան 5 կգ, 5-րդ դասարանի աշակերտի մի ծնող էլ մի առիթով հայտարարել էր, թե տղայի պայուսակը 7-8 կգ է եւ այլն: Որոշ ծնողներ փորձում են խնդիրը լուծել դասագրքերը երկուական օրինակով գնելու ճանապարհով, որպեսզի երեխան մեկը թողնի դպրոցում, մյուսը տանը: Բայց հասկանալի է, որ այդ տարբերակը քչերի գրպանին է հարմար: Որոշ դեպքերում էլ դասընկերն են փորձում իրար մեջ կիսել օրվա ընթացքում անհրաժեշտ դասագրքերը եւ այլն: Բայց այսուհետ, փաստորեն, դպրոցականների բեռը էականորեն կարող է կրճատվել՝ դասագրքերը երկհատոր դարձնելու ճանապարհով:

Այն, որ դպրոցականների գրքերն ու գրենական պիտույքները պետք է կշռեն շատ ավելի քիչ, քան կշռում են այսօր, սահմանվել է առողջպահության նախարարի 2017 թվականի մարտի 28-ի N12-Ն հրամանով: Այդ փաստաթղթի 78-րդ կետն ամրագրում է. «Սովորողների կողմից բերվող դասագրքերի եւ գրենական պիտույքների հավաքածուի քաշը չպետք է գերազանցի 1-ին, 2-րդ դասարանների սովորողների համար 1,5 կգ, 3-րդ, 4-րդ դասարանների սովորողների համար՝ 2 կգ, 5-6-րդ դասարանների սովորողների համար՝ 2,5 կգ, 7-8-րդ դասարանների սովորողների համար՝ 3,5 կգ, 9-12-րդ դասարանների սովորողների համար՝ 4 կգ»:

Տպել
5378 դիտում

Թշնամու զինտեխնիկայի ոչնչացումը (տեսանյութ)

Ժպիտներ Շուշիից. օրվա կադրը

Սենատոր Մենենդեսն Ադրբեջանին և Թուրքիային սպառազինության վաճառքը դադարեցնելու բանաձևեր է ներկայացրել

Կորոնավիրուսի նոր հակառեկորդ. 2474 դեպք 1 օրում. գրանցվել է 14 նոր մահ

Ադրբեջանցիները գրում են գնդապետ Շյուքյուր Համիդովի սպանվելու մասին. Razminfo

Զոհվել է ՀԱԿ անդամ, ԱԺ նախկին պատգամավոր Դավիթ Մաթեւոսյանը

Ադրբեջանի ագրեսիայի շարունակման դեպքում ԱՄՆ-ը պետք է ճանաչի Արցախի անկախությունը. Շերման

Մարտակերտի, Մարտունու շրջանի գյուղերի ուղղությամբ գիշերվանից կիրառվում են գրադ կայանք ու սմերչ

Ներկայումս տեղային նշանակության մարտեր են ընթանում ճակատային գծի բոլոր ուղղություններում. ՊԲ

Հայտնի է՝ որ ժամերին են սպասվում ԱՄՆ պետքարտուղարի հանդիպումները ՀՀ եւ Ադրբեջանի ԱԳ նախարարների հետ

Սոթք-Քարվաճառ ավտոճանապարհը, անվտանգության նկատառումներից ելնելով, դեռ փակ է

Մեկնարկել է ՀՀ ԱԳ նախարարի այցը ԱՄՆ. նա հանդիպել է ԱՄՆ պետքարտուղարի Եվրոպական և Եվրասիական հարցերով տեղակալի հետ

Կրակի տակ են հայտնվել Ասկերան եւ Մարտունի քաղաքները. նյութական վնասը մեծ է. Վահրամ Պողոսայն

Ադրբեջանի հարձակման, ռուսական ջանքերի, թուրքական միջամտության եւ խաղաղ կարգավորման մասին. Պուտինի անդրադարձը՝ ամբողջական

Կամավորագրումն իր մեջ սիմվոլիկա է պարունակում. Էջմիածնի քաղաքապետը որոշել է ղեկավարել կամավորների ջոկատը

Մեծ Մասրիկի հրետակոծության հետեւանքով վիրավորված բնակիչը հիվանդանացում մահացել է․ մարզպետ

Դիվերսիոն տարբեր խմբեր ներթափանցում են մեր ռազմաճակատային գոտու բնակավայրեր՝ հաճախ ընդամենը նկարվելու համար.Հովհաննիսյան

Զոհերի մասին ընդհանրացված թվեր են տրվել, չէր կարող կոնկրետ թվեր ասվել ՌԴ նախագահի կողմից, դա բացառվում է. Հովհաննիսյան

«Ես էլ հասա մեր արծիվ տղերքին». Վարդան Բադալյանը մեկնել է առաջնագիծ (լուսանկար)

Եթե ինչ-որ նեղ տեղերում տեսնում են Արաքս գետը, դա չի նշանակում լիարժեք վերահսկում են. Արծրուն Հովհաննիսյան